ភ្នំពេញ៖ ជនសង្ស័យ២នាក់ បានធ្វើសកម្មភាពគាស់សោរទ្វារផ្ទះចូលលួចម៉ូតូមួយគ្រឿងនាំគ្នាជិះគេចខ្លួន វេលាម៉ោង២រំលងអាធ្រាត ឈានចូលថ្ងៃទី១៦ ខែកញ្ញា ឆ្នាំ២០១៨ នៅចំណុចផ្ទះ១៩៩ ភូមិតាងៅកណ្តាល សង្កាត់និរោធ ខណ្ឌច្បារអំពៅ លុះព្រឹកឡើងថ្ងៃដដែលសមត្ថកិច្ចក៏ឃាត់ខ្លួនបានម្នាក់ រីឯម្នាក់ទៀតកំពុងរត់គេចខ្លួន។ សមត្ថកិច្ចបានឲ្យដឹងថា ម្ចាស់ផ្ទះរងគ្រោះឈ្មោះ ជា សំណាង ភេទ ប្រុស អាយុ៤២ឆ្នាំ ជនជាតិវៀតណាម មុខរបរជាងឈើ ស្នាក់នៅផ្ទះកើតហេតុ។  ចំណែកជនសង្ស័យឃាត់ខ្លួនឈ្មោះង្វៀង យាំងទឹង ភេទប្រុស អាយុ២៥ឆ្នាំ ជនជាតិវៀតណាម មុខរបរមិនពិតប្រាកដ ស្នាក់នៅភូមិដើមចាន់ សង្កាត់ច្បារអំពៅ២ ខណ្ឌច្បារអំពៅ។ តាមប្រភពព័ត៌មានពីជនរងគ្រោះបានឲ្យដឹងថា មុនថ្ងៃកើតហេតុរូបគាត់បានទុកម៉ូតូម៉ាក Yamaha Exciter ពណ៌ខៀវ គ្មានស្លាកលេខ នៅក្នុងផ្ទះកើតហេតុ រួចចេញទៅធ្វើការនៅម្តុំអូរឌឹម ខណ្ឌពោធិ៍សែនជ័យ រហូតដល់ម៉ោង០២និង០០នាទី ឈានចូលថ្ងៃទី ១៦ ខែកញ្ញា ឆ្នាំ២០១៨ ស្រាប់តែមានជនសង្ស័យ២នាក់ ឈ្មោះង្វៀង យាំងទឹង និងឈ្មោះតាំង គូ បានធ្វើសកម្មភាពយកដង្កាប់ និងដែកទួរណឺវ៉ីសទៅគាស់សោរទ្វារផ្ទះចូល លួចយកម៉ូតូ…

ភ្នំពេញ៖ កម្មករកម្មការនី រោងចក្រកាត់ដេរ ជីម លី ប្រមាណ២៤០០នាក់កំពុងផ្ទុះការតវ៉ាបិទផ្លូវជាតិ៤ ក្រោយពីរោងចក្រផ្អាកដំណើរការ កម្មករទាមទាររកប្រាក់អត្ថប្រយោជន៍ ប្រាក់បំណាច់ឆ្នាំ គ្មានដំណោះស្រាយច្រើនថ្ងៃមកហើយ។ ការបិទផ្លូវជាតិ៤នេះ នៅវេលាម៉ោង៧និង៣០នាទីថ្ងៃទី១៧ ខែកញ្ញា ឆ្នាំ២០១៨ មុខបញ្ជាការដ្ឋានកងទ័ពជើងគោក ភូមិព្រៃបឹង សង្កាត់កន្ទោក ខណ្ឌពោធិសែនជ័យ ធ្វើឲ្យចរាចរណ៍ឆ្លងកាត់ ត្រូវបានកាត់ផ្តាច់ មិនអាចធ្វើដំណើរឆ្លងកាត់បាន។ សូមបញ្ជាក់ថា រោងចក្រកាត់ដេរ ជីម លី ដែលមានទីតាំងស្ថិតនៅក្នុងភូមិត្រពាំងទួល សង្កាត់កំបូល ខណ្ឌពោធិ៍សែនជ័យ  ក្រោយពីកម្មករទាមទារលុយបំណាច់ឆ្នាំ លុយអត្ថប្រយោជន៍ផ្សេងៗ ច្រើនថ្ងៃមកហើយ តែមិនទាន់បានសម្រេច។ បើតាមប្រភពពីកម្មករបានឲ្យដឹងថា នៅព្រឹកនេះដែរ ពួកគាត់នឹងនាំគ្នាដង្ហែក្បួនចូលមកក្រសួងការងារបន្តទៀត៕

តាកែវ៖ ក្រោយទទួលបានព័ត៌មានថា ការផលិតស្ករត្នោតក្លែងក្លាយ ដែលកែច្នៃចេញពីស្ករសនៅស្រុកបាទីខេត្តតាកែវ កកើតឡើងវិញដោយមិនក្លាចញញើតច្បាប់ និងការអប់រំណែនាំអស់ជាច្រើនលើកច្រើនសារបស់អាជ្ញាធរនោះ កម្លាំងសមត្ថកិច្ចជំនាញសាខាកាំកុងត្រូលខេត្តតាកែវ បានដាក់កម្លាំអសម្ងាត់ឃ្លាំមើលទីតាំងជាច្រើនដែលធ្លាប់ផលិតស្ករត្នោតក្លែងក្លាយនៅក្នុងស្រុកបាទី ហើយនៅរសៀលថ្ងៃទី១៦ ខែកញ្ញា ឆ្នាំ២០១៨នេះ ដោយមានការចូលរួមសម្របសម្រួលពីលោក ជីវ ចាន់តារា ព្រះរាជ្ញាអមសាលាតំបូងខេត្តតាកែវ រួមជាមួយនឹងលោក ប៉ោ លាងគង់ ប្រធានសាខាកាំកុងត្រូលខេត្ត មន្ទីរឧស្សហ៍កម្ម និងសិប្បកម្មខេត្ត រួមជាមួយនឹងអាជ្ញាធរស្រុក និងកងកម្លាំងប្រដាប់អាវុធទាំង ៣ប្រភេទ បានចុះឆ្មក់ចាប់ទីតាំងផលិតស្ករត្នោតក្លែងក្លាយចំនួន០២កន្លែង នៅក្នុងភូមិព្រៃខ្លា ឃុំកុមារាជា ស្រុកបាទី ខេត្តតាកែវ។

បន្ទាយមានជ័យ៖ នៅថ្ងៃទី១៦ ខែកញ្ញា ឆ្នាំ២០១៨ម្សិលមិញ កម្លាំងចម្រុះបានចុះបង្ក្រាបទល្មើសជលផលខាងលិចបឹងទន្លេសាប និងដុតបំផ្លាញសាច់អួនជាង៣,០០០ម៉ែត្រ បង្គោលឫស្សីជាង២,០០០ដើម និងលេងត្រីចម្រុះជិត២០០គីឡូក្រាម ស្ថិតក្នុងភូមិសាស្គ្រស្រុកមង្គលបូរីនិងស្រុកព្រៈនេត្រព្រៈខេត្តបន្ទាយមានជ័យ។ លោកវរសេនីយ៍ទោ ប៊ុន ណាំអៀង មេបញ្ជាការរទទួលការងារព័ត៌មាន និងសន្តិសុខ និងបង្ក្រាបបទល្មើសធនធាននៃកងរាជអាវុធហត្ថខេត្តបន្ទាយមានជ័យបានប្រាប់ថា ដោយមានការណែនាំពីនាយឧត្តមសេនីយ៍ សៅ សុខា អគ្គបញ្ជាការរងកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស និងទទួលបញ្ជាផ្ទាល់ពីលោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័ លោកបានដឹកនាកម្លាំងជំនាញកងរាជអាវុធហត្ថខេត្ត និងស្រុកមង្គលបូរីនិងស្រុកព្រះនេត្រព្រះចំនួន២៥នាក់ សហការជាមួយមន្ត្រីរដ្ឋបាលជលផលស្រុកមង្គលបូរី និងមន្ត្រីអាជ្ញាធរបឹងទន្លេសាបសរុបចំនួន៣០នាក់ បានចុះស្រាវជ្រាវកំណត់មុខសញ្ញា និងចុះប្រតិបត្តិការបង្ក្រាបបទល្មើសនេសាទមានបរចាប់ត្រីចំនួន៥ និងសាច់អួនជាង៣,០០០ម៉ែត្រ និងបង្គោលឫស្សីជាង២,០០០ដើម ព្រមទាំងបានលេងត្រីចម្រុះជិត២០០គីឡូក្រាមនៅចំណុចព្រៃបឹងសំបុកសត្វ និងបឹងអាត្រាំក្នុងភូមិសាស្គ្រស្រុកមង្គលបូរី និងស្រុកព្រះនេត្រព្រះខេត្តបន្ទាយមានជ័យ។ លោកបានបញ្ជាក់ថា ក្រោយពេលដែលបង្ក្រាបបទល្មើសនេសាទខុសច្បាប់ លោកបានធ្វើការណែនាំអប់រំម្ចាស់ដាក់ឧបករណ៍នេសាទល្មើសច្បាប់ចំនួន៥នាក់មាន ១.ឈ្មោះ ទុយ ទ្រី ភេទប្រុសអាយុ២២ឆ្នាំ ២.ឈ្មោះ ផុក ប៊ូ ភេទប្រុសអាយុ៣២ឆ្នាំ ៣.ឈ្មោះ យឹម ជុន ភេទប្រុស អាយុ៥៣ឆ្នាំ ៤.ឈ្មោះ សុខ…

ភ្នំពេញ៖ នៅព្រឹកថ្ងៃទី១៦ ខែកញ្ញា ឆ្នាំ២០១៨ លោក ហែម ដារិទ្ធិ ប្រធានកិត្តិយសអនុសាខា លោកស្រី អ៊ឹម ថាវី ប្រធានគណៈកម្មាធិការអនុសាខា នឹងក្រុមការងារអនុសាខាកាកបាទក្រហមខណ្ឌពោធិ៍សែនជ័យ ជាច្រើនរូបទៀត បានអញ្ជើញទៅសួរសុខទុក្ខ និងនាំយកអំណោយឧបត្តម្ភដល់គ្រួសារក្រីក្រ១គ្រួសារ ដែលកំពុងជួបបញ្ហាលំបាក ខ្វះខាតក្នុងជីវភាពប្រចាំថ្ងៃ នៅភូមិព្រៃជីសាក់ សង្កាត់ចោមចៅ៣ ខណ្ឌពោធិ៍សែនជ័យ។ អ្នកស្រី គិន រ៉េន អាយុ៦០ឆ្នាំ ជាស្រីមេម៉ាយ មានកូន៨នាក់ និងចៅ១០នាក់ ក្នុងបន្ទុក ហើយមានកូនខ្លះ មានជំងឺប្រចាំកាយផងនោះ កំពុងជួបបញ្ហាលំបាក់ជាខ្លាំង ដោយសារតែគ្រួសារមួយនេះ មានសមាជិកច្រើន តែជាមនុស្សតូចៗ មិនមានលទ្ធជួយគ្រងទ្រង់គ្រួសារបាន និងមិនមានអ្នកជំហររឹងមាំប្រចាំគ្រួសារនោះដែរ។

កំពង់ឆ្នាំង៖ នៅព្រឹកថ្ងៃទី១៦ ខែកញ្ញា ឆ្នាំ២០១៨ នេះ ឯកឧត្ដម ត្រាំ អ៊ីវតឹក អនុប្រធានក្រុមការងារចុះជួយខេត្តកំពង់ឆ្នាំង និងជាប្រធានក្រុមការងារថ្នាក់កណ្តាលចុះជួយស្រុកទឹកផុស និងស្រុកកំពង់លែង បានដឹកនាំក្រុមការងារជួបសំណេះសំណាល សាកសួរសុខទុក្ខ និងចែកអំណោយជូនគ្រួសាររងគ្រោះដោយទឹកជំនន់នៅឃុំផ្លូវទូកចំនួន៧៩០គ្រួសារ។ ក្នុងពិធីនោះដែរ ក៏មានការអញ្ជើញចូលរួមពីសំណាក់ឯកឧត្ដមក្រុមការងារថ្នាក់កណ្ដាល ថ្នាក់ខេត្ត ស្រុក មន្តី្ររាជការ កងកម្លាំងប្រដាប់អាវុធ ក្រុមប្រឹក្សាឃុំ មេភូមិ ប្រជាការពារ បងប្អូនប្រជាពលរដ្ឋយ៉ាងច្រើកុះករ។បន្ទាប់ពីសំណេះសំណាល នាំនូវការនឹករលឹកសួរសុខទុក្ខរបស់ថ្នាក់ដឹកនាំ និងផ្ដល់អនុសាសន៍ល្អៗរួចមក ឯកឧត្ដម និងក្រុមការងារ បានចែកអំណោយដោយផ្ទាល់ដល់ប្រជាពលរដ្ឋទាំង៧៩០គ្រួសារ ដោយមួយគ្រួសារទទួលបាន អង្ករ២៥គីឡូក្រាម ទឹកត្រី១យួ ទឹកស៊ីអ៊ីវ ១យួ និងថវិកា20 000៛។ ជាមួយគ្នានោះដែរ ឯកឧត្តមក៏បានឧបត្ថមដល់រដ្ឋបាលស្រុក 200 000៛ រដ្ឋបាលឃុំ 200 000៛ ប៉ុស្ដិរដ្ឋបាល50 000៛ អធិការដ្ឋាន 50 000៛ សឹករងស្រុក50 000៛ កងរាជអាវុធហត្ថស្រុក50 000៛ និងប្រជាការពារ300 000៛ ផងដែរ៕ម.ន…