ភ្នំពេញ៖ សម័យប្រជុំរដ្ឋសភាជាលើកដំបូងនៅក្នុងនីតិកាលទី០៦  បានប្រព្រឹត្តទៅយ៉ាងរលូននៅព្រឹកថ្ងៃទី០៥ ខែកញ្ញា ឆ្នាំ២០១៨នេះ រីឯបញ្ហាសន្តិសុខ និងសណ្តាប់ធ្នាប់ត្រូវបានរៀបចំបានយ៉ាងល្អប្រសើរផងដែរទាំងនៅខាងក្នុង និងនៅខាងក្រៅបរិវេរដ្ធសភាជាតិ។ នេះបើតាមសេចក្តីរាយការណ៍ពីអ្នកសង្កេតការណ៍នៅរដ្ឋសភា។

បន្ទាយមានជ័យ : អាជ្ញាធរខេត្តបន្ទាយមានជ័យបានអគុណ និងកោតសរសើរពលរដ្ឋដែលគាំទ្រ និងចូលរួមអនុវត្តគម្រោងសាងសង់ពហុកីឡដ្ឋានខេត្ត ហើយស្របពេលដែលមន្ត្រីពាក់ព័ន្ធបន្តដោះស្រាយផលប៉ះពាល់ដីធ្លីជាមួយពលរដ្ឋដែលមានលំនៅឋាន សំណង់ ចម្ការ និងទីបញ្ចុះសពជាដើម។

ខេត្តពោធិ៍សាត់៖ នៅវេលាម៉ោង៩និង៣០នាទីព្រឹក ថ្ងៃទី៣ ខែកញ្ញា ឆ្នាំ២០១៨កន្លងទៅនេះ ត្រង់ចំណុចចម្ការមួយកន្លែង ស្ថិតក្នុងភូមិព្រៃតោ ឃុំតាលោ ស្រុកបាកាន ខេត្តពោធិ៍សាត់កម្លាំងប៉ុស្ដិ៍នគរបាលរដ្ឋបាលតាលោព័ទ្ធចាប់មុខសញ្ញាប្រើប្រាស់ដោយខុសច្បាប់នូវសារធាតុញៀន បានចំនួន០២នាក់ក្នុងនោះកម្លាំងដកហូតនូវឧបករណ៍ប្រើប្រាស់គ្រឿងញៀនបានមួយចំនួន ជាពិសេសជាងនេះទៀតនោះក៏បានរកឃើញគ្រាប់បែកដៃចំនួន៣គ្រាប់ថែមទៀតផង។ នគរបាលរដ្ឋបាលតាលោបានឲ្យដឹងថា ជនសង្ស័យត្រូវបានកម្លាំងឃាត់ខ្លួន ទី១ឈ្មោះ យឿន ពៅ ភេទប្រុស អាយុ២៦ឆ្នាំ បច្ចុប្បន្នរស់នៅភូមិព្រៃតោ ឃុំតាលោ ស្រុកបាកាន និងទី២ ឈ្មោះ ថាន់ តូ ភេទប្រុស អាយុ២៥ឆ្នាំ បច្ចុប្បន្ន រស់នៅភូមិស្ដុកខ្លា ឃុំរំលេច ស្រុកបាកាន ខេត្តពោធិ៍សាត់។ ក្នុងកិច្ចប្រតិបត្តិការខាងលើកម្លាំងបានចាប់ប្រមូលនូវវត្ថុតាងរួមមាន ឧបករណ៍សង្ស័យសម្រាប់ប្រើប្រាស់គ្រឿងញៀនមួយចំនួន ទូរសព្ទដៃ០១គ្រឿង ម៉ូតូម៉ាកហុងដាឌ្រីម សេ១២៥ សេរីឆ្នាំ២០១៤ ពណ៏ខ្មៅ ពាក់ស្លាកលេខ ពោធិ៍សាត់ 1D 6497 ចំនួន០១គ្រឿង។ ជាមួយគ្នានោះដែរ សមត្ថកិច្ចក៏បានឆែកឆេររកឃើញគ្រាប់បែកដៃចំនួន០៣គ្រាប់ថែមទៀត ជាប្រភេទគ្រាប់ធុនក្រឡាផ្លែទាបចំនួន១គ្រាប់ និង០២គ្រាប់ទៀតជាប្រភេទផ្លែថ្ងាន់។ បើតាមការបញ្ជាក់ពីស្រ្តីជាម្ដាយជនសង្ស័យឈ្មោះ យឿន ពៅ បានប្រាប់សមត្ថកិច្ចគ្រាប់បែកដៃទាំងនេះ…

ភ្នំពេញ៖ បុរស៣នាក់ បើករ៉ឺម៉កម៉ូតូឌុបគ្នាយ៉ាងលឿន ស្រាប់តែជ្រុលចង្កូតទៅបុកដើមឈើពេញទំហឹងបណ្ដាលឲ្យរបួសធ្ងន់២នាក់ ស្រាលម្នាក់។ ករណីគ្រោះថ្នាក់ចរាចរណ៍ខាងលើនេះបានកើតឡើងកាលពីវេលាម៉ោង២ និង៥០នាទីរំលងអាធ្រាតឈានចូលថ្ងៃទី៥ ខែកញ្ញា ឆ្នាំ២០១៨ ដែលនៅត្រង់ចំណុចស្តុបបំបែកជា៥ តាមបណ្ដោយផ្លូវ២៧១ ស្ថិតក្នុងសង្កាត់ទំនប់ទឹក ខណ្ឌចំការមន រាជធានីភ្នំពេញ។

ភ្នំពេញ៖ យុវជនម្នាក់ត្រូវបានរថយន្ដសាមុយដឹកយកទៅសង្គ្រោះនៅឯមន្ទីពេទ្យភ្លាមៗ កាលពីវេលាម៉ោង១២ និង៥០នាទីរំកងអាធ្រាត ឈានចូលថ្ងៃទី៥ ខែកញ្ញា ឆ្នាំ២០១៨ នៅចំណុចគល់ស្ពានអាកាលស្ទឹងមានជ័យ ស្ថិតក្នុងសង្កាត់ស្ទឹងមានជ័យ២ ខណ្ឌមានជ័យ ក្រោយពីជនរងគ្រោះជិះម៉ូតូទៅបុកក្បាលនាគពុះចែកទ្រូងផ្លូវយ៉ាងពេញទំហឹង និងអូសជាង១០ម៉ែត្រ។

ក្នុងជំនួបពិភាក្សាជាទ្វេភាគីរវាងឯកឧត្តមបណ្ឌិត ឃឹម ប៊ុនសុង អភិបាលនៃគណៈអភិបាលខេត្ត ជាមួយឯកឧត្តមបណ្ឌិត មៀ ស្លូម៉ូ អគ្គរដ្ឋទូតអ៊ីស្រាអែល ប្រចាំនៅព្រះរាជាណាចក្រកម្ពុជា នៅការិយាល័យផ្ទាល់របស់ឯកឧត្តមអភិបាលខេត្តសៀមរាប កាលពីរសៀលថ្ងៃទី ០៤ ខែ កញ្ញា ឆ្នាំ២០១៨នេះ។ ឯកឧត្តមបណ្ឌិត ឃឹម ប៊ុនសុង ក៏បានលើកអំពីស្ថានភាពភូមិសាស្ត្រ សន្តិសុខ នយោបាយ សេដ្ឋកិច្ច និងជីវភាពរស់នៅរបស់ប្រជាពលរដ្ឋខេត្តសៀមរាប ដោយបានពឹងផែ្អកទៅលើសក្តានុពលនៃវិស័យសេដ្ឋកិច្ច កសិកម្ម និងទេសចរណ៍។

ព្រះវិហារ៖ នាព្រឹកថ្ងៃទី០៤ ខែកញ្ញា ឆ្នាំ២០១៨ម្សិលមិញ នៅទីបញ្ជាការវរសេនាតូច៣៨៥ ឯកឧត្តម ឧត្តមសេនីយ៍ឯក ស្រី ឌឹក នាយរងសេនាធិការចម្រុះ មេបញ្ជាការកងពលធំអន្តរាគមន៍លេខ៣ បានអញ្ជើញជាអធិបតីប្រគល់លិខិតតែងតាំងផ្លាស់ប្តូរមុខងារ ជូនដល់យោធិនចំនួន១២រូប របស់ទីបញ្ជាការកងពលតូចអន្តរាគមន៍លេខ៨ អមដំណើរដោយឯកឧត្តមមេបញ្ជាការ មេបញ្ជាការរង ក្រោមកិច្ចទទួលស្វាគមន៍ពីសំណាក់ឯកឧត្តម ឧត្តមសេនីយ៍ទោ លី ស៊ុន មេបញ្ជាការកងពលតូចអន្តរាគមន៍លេខ៨។

ព្រះវិហារ៖ កាលពីព្រឹកថ្ងៃទី០៤ ខែកញ្ញា ឆ្នាំ២០១៨ម្សិលមិញ អភិបាលខេត្តព្រះវិហារ ឯកឧត្តម អ៊ុន ចាន់ដា បានដឹកនាំក្រុមការងារចុះប្រគល់ផ្ទះចំនួន២ខ្នង ជូនអតីតយុទ្ធជននៅភូមិស្រឡៅស្រង ឃុំរក្សា ស្រុករវៀង និង១ខ្នងទៀតនៅភូមិបរ ឃុំពុទ្រា ស្រុកជ័យសែន ខេត្តព្រះវិហារ ដែលមានទំហំទទឹង៦ម៉ែត្រ និងបណ្ដោយ៨ម៉ែត្រ។

ភ្នំពេញ​៖​លោក​ ចេង​ មុនីរ៉ា​ អភិបាលខណ្ឌ​ច្បារអំពៅ​ នៅ​រសៀល​ថ្ងៃ​ទី​៤​ ខែ​កញ្ញា​ នេះ​ ដឹកនាំ​មន្ត្រី​ក្រោម​ឱវាទ​ជិះ​ទូក​សួរសុខទុក្ខនិង​នាំយកអំណោយទៅចែកជូនបងប្អូនប្រជាពលរដ្ឋដែលរងគ្រោះដោយទឹកជំនន់​ចំនួន​១០៧គ្រួសារស្មើនឹង៨៥ខ្នងផ្ទះ​ ។ ពលរដ្ឋ​រងគ្រោះ​ដោយសារទឹក​ជំនន់​ គឺ​ រស់នៅ​​ភូមិជ្រោយអំពិល ភូមិជ្រោយអំពិល​១​ ភូមិយកបាត្រ​ ភូមិ​យកបាត្រ១​ សង្កាត់ក្បាលកោះ​ ។ មន្ត្រី​សាលា​ខណ្ឌ​ច្បារ​អំពៅ​ បញ្ជាក់​ថា​ ដោយមួយខ្នងផ្ទះទទួលបានមានអង្ករ​២៥គីឡូក្រាម​ ទឹកត្រី​១យួរ​ និងទឹកស៊ីអ៊ីវ​១យួរ ៕

កម្ពុជាគ្រោងនឹងបញ្ជូននិស្សិតខ្មែរជាង២០០នាក់ទៅកាន់ប្រទេសអ៊ីស្រាអែលដើម្បីធ្វើកម្មសិក្សាលើវិស័យបច្ចេក វិទ្យាកសិកម្ម។ កម្ពុជាដែលសម្បូរណ៍ដីដាំដំណាំកសិកម្ម បានបង្ហាញនូវបំណងចង់ធ្វើទំនើបនីយកម្មវិស័យកសិ កម្ម ដើម្បីការនាំកម្ពុជាក្លាយជាប្រទេសដែលមានប្រាក់ចំណូលមធ្យមកម្រិតខ្ពស់ក្នុងឆ្នាំ២០៣០។ លោករដ្ឋមន្ត្រី ក្រសួងកសិកម្មវេងសាខុន ក្នុងពេលចុះសំណេះសំណាលជាមួយនឹងនិស្សិតខ្មែរដែលត្រៀមចេញទៅអ៊ីស្រាអែល នោះ បានថ្លែងថាដើម្បីឈានទៅធ្វើទំនើបកម្មវិស័យកសិកម្ម គឺតម្រូវការបញ្ជួនធនធានកម្ពុជាដើម្បីក្រេបជញ្ជក់ នូវវិស័យបច្ចេកវិទ្យាកសិកម្មទាំងឡាយនោះ៕