ភ្នំពេញ៖  នៅថ្ងៃទី៣ ខែកញ្ញា ឆ្នាំ២០១៨នេះ លោក លាង សំណាត់ ចៅក្រមស៊ើបសួរនៃសាលាដំបូងរាជធានីភ្នំពេញបានចេញដីកាបង្គាប់ឲ្យលោក គឹម សុខ ចូលខ្លួនទៅតុលាការនៅថ្ងៃទី១៤ ខែកញ្ញា ឆ្នាំ២០១៨នេះ ពីបទ «បរិហាកេរ្តិ៍ជាសាធារណៈ និងញុះញង់ឲ្យប្រព្រឹត្តបទឧក្រិដ្ឋជាអាទិ៍»។

ភ្នំពេញ៖ ក្រុមប្រឹក្សាអភិវឌ្ឍន៍កម្ពុជា (CDC) បានចុះផ្សាយថា ខ្លួនទើបបានអនុម័តគ្រោងវិនិយោគថ្មីៗចំនួន២ទៀត ដែលសរុបទុនវិនិយោគរហូតដល់១១លានដុល្លារអាម៉េរិក ព្រមទាំងបានបង្កើតការងារថ្មីជូនប្រជាពលរដ្ឋជាង១ពាន់កន្លែង។ ក្រុមប្រឹក្សាអភិវឌ្ឍន៍កម្ពុជា បានចុះផ្សាយលើទំព័រ Facebook ផ្លូវការរបស់ខ្លួនថា តាមសំណើសុំវិនិយោគរបស់ក្រុមហ៊ុន គណៈកម្មាធិការតំបន់សេដ្ឋកិច្ចពិសេសកម្ពុជា នៃក្រុមប្រឹក្សាអភិវឌ្ឍន៍កម្ពុជា បានសម្រេចចេញ «វិញ្ញាបនប័ត្រចុះបញ្ជីជាស្ថាពរ» ជូនដល់ក្រុមហ៊ុនដូចខាងក្រោម៖ ១៖ ក្រុមហ៊ុន SAISITE PACKAGING (CAMBODIA) CO.,LTD គម្រោងបង្កើតរោងចក្រផលិតកេសកាតុង មានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេសក្រុងព្រះសីហនុ ខេត្តព្រះសីហនុ មានទុនវិនិយោគចំនួន១លានដុល្លារអាម៉េរិក និងអាចបង្កើតការងារបានចំនួន២៣កន្លែង។ ២៖ ក្រុមហ៊ុន TGH (CAMBODIA) INDUSTRIAL CO.,LTD គម្រោងបង្កើតរោងចក្រផលិតគ្រឿងសង្ហារឹម ឧបករណ៍ដឹកជញ្ជូន និងឧបករណ៍ប្រើប្រាស់ធ្វើអំពីលោហៈធាតុ មានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេសក្រុងព្រះសីហនុ ខេត្តព្រះសីហនុ មានទុនវិនិយោគចំនួន១០លានដុល្លារអាម៉េរិក និងអាចបង្កើតការងារបានចំនួន ១,០៧៨កន្លែង៕

ស្ពានទន្លេសេកុងសែនជ័យ ឆ្លងកាត់ទន្លេសេកុងនៅត្រង់ចំនុចបង្គោលព្រំដែនលេខ០៧៨ ស្ថិតក្នុងភូមិសាស្រ្តឃុំសន្តិភាព ស្រុកសៀមប៉ាង ខេត្តស្ទឹងត្រែង ដែលសាងសង់ឡើងដោយកងវិស្វកម្មអគ្គបញ្ជាការ ក្រសួងការពារជាតិ ទើបនឹងរួចរាល់ ដោយមិនទាន់បានសម្ពោធដាក់ឲ្យប្រើប្រាស់ជាផ្លូវការផងនោះ ត្រូវបានបាក់ក្បាលស្ពានត្រើយខាងកើតទន្លេ ដោយសារស្រុតគ្រឹះសរសរស្ពានផ្នែកខាងចុង។ ហេតុការបាក់ស្ពាននេះ បានកើតឡើង កាលពីវេលាម៉ោង៣ រសៀល ក្នុងថ្ងៃទី០១ សីហាកន្លងទៅនេះ។

ភ្នំពេញ៖ ធនាគារស្ថាបនាប្រកាសចាប់ដៃគូសហការជាមួយក្រុមហ៊ុន ផាយផេ ដើម្បីផ្តល់ជូនអតិថិជននូវសេវាផ្ទេរប្រាក់ងាយស្រួលរវាងគណនីធនាគារស្ថាបនា និងគណនី ផាយផេ  តាមរយៈកម្មវិធីក្នុងទូរសព្ទដៃរបស់ធនាគារស្ថាបនា និងក្រុមហ៊ុន ផាយផេ។ ភាពជាដៃគូនេះទៀតសោត នឹងអនុញ្ញាតឱ្យអតិថិជនរបស់ធនាគារស្ថាបនាទទួលបានអត្ថប្រយោជន៍យ៉ាងពេញលេញពីក្រុមហ៊ុន ផាយផេ ខណៈអ្នកប្រើប្រាស់កម្មវិធី ផាយផេ អាចផ្ទេរប្រាក់ ទៅគណនីធនាគារស្ថាបនាណាមួយក៏បាននៅទូទាំងប្រទេស។

ភ្នំពេញ៖ ប្រជាពលរដ្ឋដែលមានទីលំនៅ ដី ក្នុងសង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ មានការរអ៊ូរទាំអំពីមន្រ្តីជំនាញមន្ទីរដែនដីរូបនីយកម្ម និងសំណង់ រាជធានីភ្នំពេញ ដែលចុះអនុវត្តន៍វាស់វែងជូនប្រជាពលរដ្ឋ ក្នុងសង្កាត់ត្រពាំងក្រសាំង ខណ្ឌពោធិសែនជ័យ មិនបានវាស់ទៅតាមក្បាលដី ដែលនៅតាមលំដាប់លំដោយ ហាក់បីដូចជរើសអើង អ្នកមាន អ្នកក្រ ម្តងធ្វើភូមិនេះ ម្តងធ្វើភូមិនោះ តែសម្រាប់អ្នកមាន អ្នកសូកសៀតលុយ២០០ដុល្លារ នោះច្បាស់ជាក្រុមមន្រ្តីទាំងនោះ ចុះវាស់ឲ្យភ្លាម។

ព្រឹកថ្ងៃទី០៣ ខែកញ្ញា ឆ្នាំ២០១៨នេះ ឯកឧត្តមបណ្ឌិត ប៊ុត គឹមស៊ាន  អភិបាលខេត្តស្តីទីខេត្តបាត់ដំបង បានអនុញ្ញាតផ្តល់កិច្ចជំនួបពិភាក្សាការងារជាមួយគណៈប្រតិភូការិយាល័យកុងស៊ុលប្រចាំខេត្តសៀមរាប នៃស្ថានទូតចិនប្រចាំកម្ពុជា ដែលដឹកនាំដោយលោក លឺ  ជី ជៀ(LIU ZHIJIE) សហការី ដើម្បីពិភាក្សាការងារមួយចំនួន ជាពិសេសផ្តោតសំខាន់លើកពង្រឹទំនាក់ទំនង និងមិត្តភាព និងកិច្ចសហការល្អរវាងការិយាល័យកុងស៊ុលចិន និងរដ្ឋបាលខេត្តបាត់ដំបង។