ភ្នំពេញ៖ សមត្ថកិច្ច និងអាជ្ញាធរបានដាក់កម្លាំងប្រចាំការទាំងយប់ទាំងថ្ងៃ ដើម្បីស្ទាក់ចាប់អ្នកជិះបញ្ច្រាស់ផ្លូវនៅរង្វង់មូលវិមានឯករាជ្យ ដែលជាការរួមចំណែកមួយការពារសុវត្តិភាពជូនប្រជាពលរដ្ឋ និងកុំឲ្យមានអ្នកល្មើសច្បាប់នៅតែបន្តកើតមាន។ តែបើទោះបីជាសមត្ថកិច្ច និងអាជ្ញាធរដាក់កម្លាំងប្រចាំការស្ទាក់ចាប់ទាំងយប់ទាំងថ្ងៃក្តី ជាក់ស្តែងនៅយប់មិញថ្ងៃទី២៩ ខែសីហា ឆ្នាំ២០១៨ សមត្ថកិច្ចអនុវត្តន៍ច្បាប់ និងអាជ្ញាធរនៅតែបន្តឃាត់បានយានយន្តចំនួន៧គ្រឿង រួមបញ្ជូនទៅស្នងការដ្ឋាននគរបាលរាជធានីភ្នំពេញ ដើម្បីចាត់ការតាមនីតិវិធី។

រាជធានីភ្នំពេញ៖ សាកសពអតីតថៅកែសណ្ឋាគារ ឆាយ ហុង ដែលបានបើកម៉ូតូទឹកទើបនឹងទិញ រួចជិះលំហែកាយតាមដងទន្លេមេគង្គ រួចធ្លាក់ទឹកទន្លេលិចបាត់រយៈពេល៤យប់៥ថ្ងៃមកហើយនោះ ត្រូវបានសាច់ញាតិក្រុមគ្រួសាររកឃើញនៅម្តុំទីតាំងបាត់ខ្លួន នៅវេលាម៉ោង ៦៖៣០នាទីព្រឹក ថ្ងៃទី៣០ ខែសីហា ឆ្នាំ២០១៨ ដែលស្ថិតនៅតាមដងទន្លេមេគង្គ ភូមិល្វា សង្កាត់កោះដាច់ ខណ្ឌជ្រោយចង្វារ រាជធានីភ្នំពេញ។

ភ្នំពេញ ៖ សម្តេចវិបុលសេនាភក្តី សាយ ឈុំ ប្រធានព្រឹទ្ធសភា បានអនុញ្ញាតឲ្យឯកអគ្គរាជទូតវិសាមញ្ញ និងពេញសមត្ថភាពនៃព្រះរាជាណាចក្រកម្ពុជាទើបតែងតាំងថ្មីចំនួន៣រូប ចូលជួបសម្តែងការសម និងទទួលអនុសាសន៍ នៅមុនពេលអញ្ជើញទៅបំពេញបេសកកម្មការទូតប្រចាំសាធារណរដ្ឋហ្វីលីពីន ប្រទេសជប៉ុន និងប្រទេសបែលហ្សិក នាព្រឹកថ្ងៃទី៣០ ខែសីហា ឆ្នាំ២០១៨ នៅវិមានព្រឹទ្ធសភា។

ភ្នំពេញ៖ សាលាពិគ្រោះយោបល់ស្តីពីការបញ្រ្ជាបជីវសុវត្ថិភាពទៅក្នុងវិស័យពាក់ព័ន្ធ ដោយផ្តោតលើពិធីសារកាតាហ្សេណា ស្តីពីជីវសុវត្តិភាព និងពិធីសារបន្ថែម ណាហ្គូយ៉ា-កូឡាឡាំពួរ ស្តីពីការទទួលខុសត្រូវផ្នែកច្បាប់ និងសំណងការខូចខាត ដែលមានការចូលរួមជាអធិបតីយភាពឯកឧត្តម ទិន ពន្លក អគ្គលេខាធិការក្រុមប្រឹក្សាជាតិអភិវឌ្ឍន៌ដោយចីរភាព រួមទាំងតំណាងក្រសួង ស្ថាប័នពាក់ព័ន្ធ អង្គការដៃគូជាច្រើននាក់ទៀត នាព្រឹកថ្ងៃទី៣០ ខែសីហា ឆ្នាំ២០១៨។

ខេត្តឧត្តរមានជ័យៈ ក្រោយពីបិទផ្សាយបញ្ជីឈ្មោះក្បាលដីដែលត្រូវបានវាស់វែងជាលក្ខណៈប្រព័ន្ធរួចមក នៅថ្ងៃទី៣០ ខែសីហា ឆ្នាំ២០១៨នេះ មានការបែកធ្លាយមកថា ដីបឹងរមណីយដ្ឋានផ្ទះតាម៉ុក ត្រូវបានក្រុមអ្នកមានអំណាច បូករួមទាំងសាច់ញាតិចំនួន១២នាក់ ត្រូវបានលាតត្រដាង។ អ្នកដែលមានអំណាចទាំងអស់នេះ បាននាំគ្នាវាស់វែងចុះបញ្ជី ធ្វើបណ្ណកម្មសិទ្ធិ ជាលក្ខណៈប្រព័ន្ធ ចំនួន១២ក្បាលដីរួចជាស្រេច ស្ថិតនៅក្នុងភូមិអភិវឌ្ឍន៍ ឃុំអន្លង់វែង ស្រុកអន្លង់វែង ខេត្តឧត្ដរមានជ័យ។ រាយនាមឈ្មោះទាំង១២នាក់ នៅក្នុងតារាងក្បាលដីមាន៖ទី១) លឹម សុខតូ ប្រពន្ធឈ្មោះ វើង ផាន់ណា ជាអភិបាលរងខេត្តឧត្ដរមានជ័យដែលមានលេខរាងក្បាលដី៨៥៤ ទី២) គឹម គាវិន ប្រពន្ធឈ្មោះ ស៊ុន សោភណ័ ជាប្រធាន មន្ទីរៀបចំដែនដី និងសុរិយោដីខេត្តឧត្ដរមានជ័យទី៣) ស្ដើង វ៉ាន់ណេត ប្រពន្ធឈ្មោះ ឡេង គឹមសាន ជាប្រធានការិយាល័យភូមិបាលស្រុកអន្លង់វែង ដែលមានក្បាលដីលេខ៨៦៦ទី៤) ហោ សំអាត (ស្លាប់) ប្រពន្ធឈ្មោះ ណុប ស៊ីមុន្នី ត្រូវបានគេដឹងថាជាឪពុកម្ដាយ របស់លោក ហោរ ជិនវីរះយុទ្ធ ដែលមានលេខក្បាលដី៨៦១ទី៥) វង្ស័…

ខេត្តកំពង់ឆ្នាំង៖ នៅព្រឹកថ្ងៃព្រហស្បតិ៍ ៤រោចខែ ស្រាពណ៍ ឆ្នាំច សំរឹទិ្ធស័ក ព.ស ២៥៦២ ត្រូវនឹងថ្ងៃទី៣០ ខែសីហា ឆ្នាំ២០១៨  សាខាកាកបាទក្រហមកម្ពុជាខេត្តកំពង់ឆ្នាំង បានចែកអំណោយមនុស្សធម៌ជូនគ្រួសាររងគ្រោះដោយទឹកជំនន់ចំនួន ៥១គ្រួសារ គឺឃុំផ្លូវទូក ១១គ្រួសារ ឃុំប្រឡាយមាស ១០គ្រួសារ ឃុំសំរោងសែន៣០គ្រួសារ ក្នុងស្រុកកំពង់លែង ខេត្តកំពង់ឆ្នាំង ក្រោមអធិបតីភាព ឯកឧត្តម ឈួរ ច័ន្ទឌឿន ប្រធានកិត្តិយសសាខា ឯកឧត្តម ហ៊ី ណាត ប្រធានគណៈកម្មាធិការសាខា អមដំណើរជាមួយ ឯកឧត្តម លោកជំទាវ លោក លោកស្រី ប្រធានមន្ទីរអង្គភាពជុំវិញខេត្ត ក្នុងផែកំពង់ហៅ ស្រុកកំពង់លែង ខេត្តកំពង់ឆ្នាំង។