ការព្យាយាមរបស់អាជ្ញាធរខណ្ឌក្នុងការអប់រំណែនាំទៅលើអ្នកបើកបររថយន្តតាក់ស៉ីកុំអោយបង្កភាពអណាធិបតេយ្យនៅលើកំណាត់ ផ្លូវជាតិលេខ១តំបន់គល់ស្ពានព្រះមុនីវង្សត្រើយខាងកើតទៅដល់ព្រំប្រទល់រវាងសង្កាត់វាលស្បូវនិងសង្កាត់និរោធ ខណ្ឌច្បារអំពៅ ហាក់ទទួលបានផលជាវិជ្ជមានតិចតួចណាស់  អ្នកបំពាននៅតែបំពាន  អ្នកអនុវត្តតាមការណែនាំនៅតែអនុវត្តមិនបង្កផលលំបាកដល់អាជ្ញាធរឡើយ។

ក្រសួងទេសចរណ៍ ក្រសួងធម្មការ និងសាសនា សមាគមទីភ្នាក់ងារទេសចរណ៍កម្ពុជា រួមជាមួយមន្ទីរ ស្ថាប័នពាក់ព័ន្ធ នឹងរៀបចំទីវត្តអារាមដែលមានភាពលេចធ្លោជាងគេ ពិសេសនៅតាម តំបន់គោលដៅទេសចរណ៍សំខាន់ៗ ឱ្យក្លាយទៅជាវត្តទេសចរណ៍ដ៏ទាក់ទាញ ដើម្បីចូលរួមលើកកម្ពស់សក្តានុពលទេសចរណ៍ឱ្យកាន់តែរីកចម្រើនឡើងថែមទៀត ពិសេសដើម្បីពង្រីកកិច្ចអភិរក្ស និងអភិវឌ្ឍន៍។

នៅថ្ងៃទី៣០ ខែសីហា ឆ្នាំ២០១៨ ខាងមុខនេះ ទីភ្នាក់ងារជាតិមុខរបរ និងការងារនៃក្រសួងការងារ និងបណ្តុះបណ្តាលវិជ្ជាជីវៈ NEA នឹងសហការជាមួយក្រុមហ៊ុនធំៗចំនួន១០ មានតម្រូវការបុគ្គលិកចំនួន១៥៩៤នាក់។  ក្រុមហ៊ុនទាំងនោះមានដូចជា  EZECOM ក្រុមហ៊ុន Wattanac Investment ក្រុមហ៊ុន Online ក្រុមហ៊ុន GFG ក្រុមហ៊ុន ASIA វេលុយ ក្រុមហ៊ុន CCE ក្រុមហ៊ុន Turbotech ក្រុមហ៊ុន Chipmong Group ក្រុមហ៊ុន ISI និងក្រុមហ៊ុន DDD។ វេទិកាការងារជ្រើសរើសបុគ្គលិកនោះ គ្រោងធ្វើឡើងចាប់ពីម៉ោង៨ព្រឹកដល់ម៉ោង៥ល្ងាច នៅទីភ្នាក់ងារជាតិមុខរបរ និងការងារ ស្ថិតនៅក្នុងក្រសួងការងារ និងបណ្តុះបណ្តាលវិជ្ជាជីវៈ។ សូមជម្រាបថា ក្នុងដំណើរប្រតិបត្តិការជួយស្វែងរកការងារធ្វើដល់ប្រជាពលរដ្ឋខ្មែរ ក្នុងឆមាសទី១ ឆ្នាំ២០១៨ NEA បានជួយស្វែងរកការងារធ្វើដល់ប្រជាពលរដ្ឋខ្មែរបានប្រមាណ៣,២៥១នាក់ ចុះឈ្មោះអ្នកស្វែងរកការងារធ្វើបានប្រមាណ៧,៥៩០នាក់ នឹងរៀបចំវេទិកាការងារបានចំនួន៤២ដង៕

 ភ្នំពេញ៖ រដ្ឋមន្ត្រីក្រសួងការបរទេស ឯកឧត្តម បា្រក់ សុខុន ប្រាប់ដល់នាយកប្រចាំតំបន់អាស៊ីប៉ាស៊ីហ្វិក នៃអភិវឌ្ឍន៍ សហប្រជាជាតិ (UNDP) ថា កម្ពុជា នឹងដាក់សេចក្តីព្រាងអភិវឌ្ឍប្រកបដោយចីរភាពនៅកិច្ចប្រជុំគណៈរដ្ឋ មន្ត្រី ដំបូងនៃរាជរដ្ឋាភិបាលនីតិកាលទី៦នៃរដ្ឋសភាជាតិ។ ការបញ្ជាក់ជំហរ បែបនេះ ធ្វើឡើង ក្នុងជំនួបពិភាក្សាជាមួយឯកឧត្តម ហ៊ៅ លៀនហ្សូ(Hao liang Xu) ឧបការីអគ្គលេខាធិការ អង្គការសហប្រជាជាតិ និង ជានាយកប្រចាំតំបន់ អាស៊ី-ប៉ាស៊ីហ្វិក នៃអភិវឌ្ឍន៏សហប្រជាជាតិ នៅទីស្តីការក្រសួងការបរទេស និង សហប្រតិបត្តិការណ៏អន្តរជាតិ នាព្រឹកថ្ងៃទី២២ ខែសីហា ឆ្នាំ២០១៨នេះ។ បើតាមឯកឧត្តម កេត សោផាន់ អ្នកនាំពាក្យ ក្រសួងការបរទេស ជំនួបនេះធ្វើឡើងដើម្បីពិភាក្សាការងារ ពង្រឹងកិច្ចសហប្រតិបត្តិការភាពជាដៃគូអភិវឌ្ឍន៏។