សំណើសុំអនុម័តសេចក្តីព្រាងច្បាប់ ស្តីពីការអនុម័តយល់ព្រមលើការធានាទូទាត់របស់រាជរដ្ឋាភិ បាលនៃព្រះរាជាណាចក្រកម្ពុជាអោយក្រុមហ៊ុន ស្នេថេក ខូអិលធីឌី និងសំណើសុំអនុម័តសេចក្តីព្រាង ច្បាប់ស្តីពីការអនុម័តយល់ព្រមលើការធានាទូទាត់របស់រាជរដ្ឋាភិបាលនៃព្រះរាជាណាចក្រកម្ពុជា អោយ ក្រុមហ៊ុន ខេមបូឌា អុិនធើណេសិនណល អុីនវេសមែន ឌីវើឡុបមែន គ្រុប តុ្រូវបានគណៈកម្មាធិការ អចិន្ត្រៃយ៍រដ្ឋសភាលើកយកមកពិនិត្យ តាមរយៈកិច្ចប្រជុំក្រោមអធិបតីភាពសម្តេចអគ្គមហាពញាចក្រី ហេង សំរិន ប្រធានរដ្ឋសភា នាព្រឹកថ្ងៃទី១២ មិថុនា នេះ។  អគ្គលេខាធិការរដ្ឋសភា ឯកឧត្តម ឡេង ប៉េងឡុង មានប្រសាសន៍ប្រាប់អ្នកសារព័ត៍មាននៅ ក្រោយកិច្ចប្រជុំនេះថា សំណើសុំអនុម័តសេចក្តីព្រាងច្បាប់ទាំងពីរខាងលើត្រូវបានរាជរដ្ឋាភិបាលកម្ពុជាផ្ញើ ជូនរដ្ឋសភាកាលពីសប្តាហ៍មុន និងទុកជាការប្រញាប់ ដែលនាំអោយថ្ងៃនេះគណៈកម្មាធិការអចិន្ត្រៃរដ្ឋ សភាយកសេចក្តីព្រាងច្បាប់ទាំងពីរនេះមកប្រជុំដើម្បីពិនិត្យ និងអនុម័ត ដោយកិច្ចប្រជុំគណៈកម្មាធិការ អចិន្ត្រៃយ៍រដ្ឋសភានាពេលនេះបានសម្រេចបញ្ជូនសេចក្តីព្រាងច្បាប់នេះទៅជូនគណៈកម្មការទី២ និងទី៦ ធ្វើការពិនិត្យ សិក្សា និងស្រាវជ្រាវ រួចដាក់ជូនមករដ្ឋសភាវិញដើម្បីប្រជុំ និងអនុម័តនាពេលខាងមុខ។  បើតាមឯកឧត្តម ឈាង វុន សមាជិករដ្ឋសភាបានអោយដឹងថា  ក្រុមហ៊ុន ស្នេថេក ខូអិលធីឌី និង ក្រុមហ៊ុន ខេមបូឌា អុិនធើណេសិនណល…

អភិបាលរាជធានីភ្នំពេញ បើកកិច្ចប្រជុំជាមួយអភិបាលខណ្ឌ និងមន្ទីរពាក់ព័ន្ធ ដើម្បីពិភាក្សាពីបញ្ហាកសាងផ្លូវមួយខ្សែរដែលមានទទឹងប្រមាណ ៣០ម៉ែត្រ ដែលធ្វើការតភ្ជាប់ពីផ្លូវ ៦០ម៉ែត្រ ឆ្ពោះទៅកាន់ផ្លូវលេខ៣៧១ ក្នុងគោលដៅសម្រួល ប្រព័ន្ធចរាចរណ៍អោយមានលក្ខណៈល្អប្រសើរ ក៏ដូចជាការសម្រួលការកកស្ទះ នៅក្នុងតំបន់ច្រមុះជ្រូកក្បាលថ្នល់។ កិច្ចប្រជុំនេះ ត្រូវបានធ្វើឡើងក្រោមវត្តមានឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ រួមនិងមន្ទីរពាក់ព័ន្ធ នៅព្រឹកថ្ងៃទី ១២ ខែមិថុនា ឆ្នាំ២០១៨ ។តាមការអោយដឹងពីលោក ម៉េត មាសភក្តី មន្ត្រីអ្នកនាំពាក្យរដ្ឋបាលរាជធានីភ្នំពេញ បានអោយដឹងថា ៖ ចំពោះការកសាងផ្លូវមួយខ្សែរនេះ រដ្ឋបាលរាជធានីភ្នំពេញបានធ្វើឡើងដោយមានគោលបំណងចំនួន ២យ៉ាង គឺ ទី១ ដើម្បីអនុវត្តន៍ទៅតាមគម្រោងប្លង់មេ នៃតំបន់អភិវឌ្ឍន៍ជើងឯក និងទី២ គឺដើម្បីធ្វើការរៀបចំក្នុងការសម្រួលប្រព័ន្ធចរាចរ អោយមានលក្ខណៈល្អប្រសើរ ក៏ដូចជាការសម្រួលការកកស្ទះ នៅក្នុងតំបន់ច្រមុះជ្រូកក្បាលថ្នល់ ។ ក្នុងនោះផ្លូវមួយខ្សែរនេះ អាជ្ញាធររាជធានីភ្នំពេញគ្រោងនិងដាក់ឈ្មោះផ្លូវមួយខ្សែរនេះថា ជាផ្លូវអ្នកឧញ្ញ៉ាភក្តីសប្បុរសភោគាធិបតី ហ៊ុន នាង ។ តាមរយៈផ្លូវមួយខ្សែរនេះគឺពិតជាបានជួយសម្រួលដល់ការធ្វើដំណើររបស់ប្រជាពលរដ្ឋបានយ៉ាងប្រសើរ ដោយសារប្រជាពលរដ្ឋ អាចធ្វើដំណើរពីផ្លូវជាតិលេខ២ កាត់តាមផ្លូវ៦០ម៉ែត្រនេះ បានយ៉ាងងាយស្រួល ចំណេញពេល ក៏ដូចជាចំណេញថវិការ ដោយមិនចាំបាច់ធ្វើដំណើរឆ្លងកាត់តាមចំណុចច្រមុះជ្រូកក្បាលថ្នល់នោះឡើយ…

(ស្វាយរៀង)​៖​ លោកផឹងនិលប្រធានសាខាកាំកុងត្រូលខេត្តស្វាយរៀងសហការជាមួយមន្ទីរពាណិជ្ជកម្មខេត្ត នៅព្រឹកថ្ងៃទី១២ខែមិថុនាឆ្នាំ២០១៨នេះបានដឹកនាំមន្ត្រីរបស់ខ្លួនចុះពិនិត្យទំនិញនៅទីតាំងផ្សារដូនសនិងពិនិត្យចំណីអាហារក្នុងបរិវេណសាលារៀនវិទ្យាល័យដូនសឃុំដូនសស្រុកស្វាយជ្រំ រកឃើញទំនិញខូចគុណភាពជាង៣០០គីឡូក្រាមនិងដំណាប់ចាហ៊ួយដែលមុខទំនិញហាមឃាត់បាន២០កេះយកទៅដុតកម្ទេចចោល។ លោក ផឹង និល បានថ្លែងថា ដោយមានការណែនាំពីលោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម និងលោក ម៉ក់ ពេជ្ជរិទ្ធ ប្រតិភូរាជរដ្ឋាភិបាល ទទួលបន្ទុកជាអគ្គនាយកកាំកុងត្រូល ក្នុងនោះកាំកុងត្រូលខេត្តស្វាយរៀង តែងតែចុះពិនិត្យមុខទំនិញបានជាច្រើនលើក ហើយការចុះពិនិត្យមុខទំនិញនៅថ្ងៃនេះ ក្នុងគោលបំណងធានាបានសុវត្ថិភាពម្ហូបអាហារ ព្រោះវាមានសារសំខាន់ចាំបាច់ណាស់ក្នុងសង្គម និងជីវភាពប្រចាំថ្ងៃ។ ប្រធានសាខាកាំកុងត្រូលរូបនេះ បានបន្តទៀតថា ការទទួលខុសត្រូវលើសុវត្ថិភាពម្ហូបអាហារ គឺជាការទទួលខុសត្រូវរួមគ្នា ទាំងស្ថាប័នជំនាញ ទាំងអ្នកនាំចូល អ្នកផលិត អ្នកចែកចាយ និងអ្នកទាំងអស់គ្នាជាអ្នកប្រើប្រាស់ផងដែរ ព្រោះសុខភាព គឺជាកត្តាចំបង នៃភាពរស់រាននៃជីវិត។លោកបានបញ្ជាក់ថា មន្ត្រីជំនាញ​បានធ្វើការពិនិត្យមុខទំនិញជាច្រើនមុខ ក្នុងទីតាំងផ្សារដូនសរនាពេលនេះ បានរកឃើញទំនិញខូចគុណភាពបានជាង៣០០គីឡូក្រាមជាពិសេសបានដកហូតចាហ៊ួយដំណាប់ដូងចំនួន២០កេះជាមុខទំនិញហាមឃាត់ដែលធ្វើអោយប៉ះពាល់យ៉ាងធ្ងន់ធ្ងរដល់សុខភាពខណះដែលបរិភោគទៅប៉ះពាល់ដល់ប្រដាប់រំលាយអាហារ ព្រោះវាជាប្រភេទចាហ៊ួយដែលរឹងដូចកៅស៊ូនាំចូលពីក្រៅប្រទេសតាមច្រករបៀងហើយកំលាំងជំនាញរបស់យើងបានដកហូតយកទៅកម្ទេចចោលផងដែ។ ចំណែកអ្នកលក់​ក៏បានយល់ព្រមបញ្ឈប់ការដាក់លក់ទំ​និញដែលខូចគុណភាព ហួសការបរិច្ឆេទប្រើប្រាស់ ព្រោះពួកគេទាំងអស់នោះ​បានយល់ដឹង នូវផលប៉ះ​ពាល់ដល់​សុខភាពនៅពេលដែលប្រើប្រាស់ទំ​និញដែលខូចគុណភាព។ ជាមួយគ្នានោះ លោក ផឹង និល បានអំពាវដល់ប្រជាពលរដ្ឋក៏ដូចជាសិស្សានុសិស្សទាំងអស់ នៅខេត្តស្វាយរៀង សូមមានការប្រុងប្រយ័ត្នចំពោះការបរិភោគចំណីអាហារ ត្រូវពិនិត្យមើល​ស្លាកសញ្ញាកាលបរិច្ឆេទ​ឲ្យបានច្បាស់លាស់ មុន​ទិញយកទៅបរិភោគ ដើម្បីចូលរួមលើកកម្ពស់សុខុមាលភាពទាំងអស់គ្នា ហើយមន្ត្រីកាំកុងត្រូល នឹងបន្តចុះ​ពិនិត្យទំនិញនៅតាមផ្សារនានា…

មណ្ឌលគិរីៈបុរសជាកសិករម្នាក់​ បានរងរបួសបាក់ដៃម្ខាងនិងរាងកាយ​ ដោយសារតែសប់កង់គោយន្តកន្ត្រៃខុសបច្ចេកទេស។ ករណីខាងលើបានកើតឡើងនៅម៉ោងប្រមាណ៦និង៤៥នាទីព្រឹកថ្ងៃទី១២ខែមិថុនាឆ្នាំ២០១៨ចំណុចភូមិចក់ចារ​ ឃុំស្រែឈូក ស្រុកកែវសីមា​ ខេត្តមណ្ឌលគិរី។ អធិការនគរបាលស្រុកកែវសីមាលោកស៊ុន​ ប៊ុនធឿន​ បានអោយដឹងថាជនរងគ្រោះឈ្មោះពៅ​ ចាង​ អាយុ២៨ឆ្នាំជាកសិករ​ បានរងរបួសបាក់ដៃឆ្វេងនិងរាងកាយធ្ងន់ធ្ងរកំពុងសម្រាកព្យាបាលនៅមន្ទីរពេទ្យបង្អែកស្រុកស្នួលខេត្តក្រចេះ។ លោកអធិការបញ្ជាក់ថា​ ជនរងគ្រោះបានរងគ្រោះពេលកំពុងសប់កង់គោយន្តកន្ត្រៃ​ រួចផ្ទុះង់ខាងស្តាំដាច់ចេញពីតួតែម្តង៕

នៅវេលាម៉ោង៨ព្រឹកថ្ងៃទី១២ខែមិថុនាឆ្នាំ២០១៨កម្លាំងព្រហ្មទណ្ឌខណ្ឌដង្កោបញ្ជួជនសង្ស័យ៥នាក់ទៅតុលាការ. ពីរបទដោយសារការគាស់ទំលុះទំលាយ (គាស់ចំរឹងបង្អួចចូលលួចយកទ្រព្យ សម្បត្តិ និងគ្រឿងអលង្ការ) ជនរងគ្រោះមានឈ្មោះ ឌិន ឡាំ ភេទប្រុស អាយុ៣៣ឆ្នាំ ជនជាតិខ្មែរ មុខរបរលក់គ្រឿងសំណង់ មានទីលំនៅផ្ទះ លេខD9 ផ្លូវលំ ស្ថិតនៅភូមិតាឡី សង្កាត់ដង្កោ ខណ្ឌដង្កោ ។ជនសង្ស័យដែលសមត្ថកិច្ចបញ្ជួនទៅតុលាការមានឈ្មោះទី០១ឈ្មោះ សាន ជាតក់ ហៅ តក់ ភេទប្រុស អាយុ២០ឆ្នាំ មុខរបរមិនពិតប្រាកដ ។ ទី០២ ឈ្មោះ បូ សុខហួន ភេទប្រុស អាយុ២៣ឆ្នាំ មុខរបរមិនពិតប្រាកដ ។ ទី០៣ ឈ្មោះ យុន បញ្ញា ភេទប្រុស អាយុ ២៣ឆ្នាំ មុខរបរមិនពិតប្រាកដ ។ ទី០៤ ឈ្មោះ ឌូ រតនា ហៅ ហុយ ភេទប្រុស អាយុ២៣ឆ្នាំមុខរបរមិនពិតប្រាកដ និង ទី០៥ ឈ្មោះ…

នៅខេត្តមណ្ឌលគិរី ក្រសួងបរិស្ថាន បានរៀបចំវេទិកាស្ដីពី ការការពារ និងអភិរក្សធនធានធម្មជាតិ ក្រោមប្រធានបទ «សម្ព័ន្ធសហភាពសហគមន៍អភិរក្សធនធានធម្មជាតិ»  នាថ្ងៃអង្គារ ១៤រោច ខែជេស្ឋ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១២ ខែមិថុនា ឆ្នាំ២០១៨ ក្រោមអធិបតីភាព ឯកឧត្តម សូ ខនប្ញទ្ធីគុណ អនុរដ្ឋលេខាធិការ តំណាង ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន និងមានការចូលរួមពីតំណាងអាជ្ញាធរមូលដ្ឋាន តំណាងសហគមន៍តំបន់ការពារធម្មជាតិមកពីទូទាំងប្រទេស អង្គការក្រៅរដ្ឋាភិបាល ចូលរួមជាច្រើននាក់។ ឯកឧត្តម ញ៉ន សិទ្ធ អភិបាលរង នៃគណៈអភិបាលខេត្តមណ្ឌលគិរីបានឱ្យដឹងថាការចងបណ្តាញនេះជាផ្នែកមួយដើម្បីឆ្លើយតបទៅនឹងគោលដៅជាយុទ្ធសាស្ត្ររបស់រាជរដ្ឋាភិបាលកម្ពុជា ក្នុងការទប់ស្កាត់បទល្មើសព្រៃឈើ ព្រមទាំងពង្រឹងតួនាទីរបស់សហគមន៍មូលដ្ឋានក្នុងការចងគ្នាជាបណ្តាញចូលរួមការពារធនធានធម្មជាតិ និងបង្កើនផលប្រយោជន៍របស់សហគមន៍មូលដ្ឋាន។  ក្នុងឱ្យកាសនេះ ឯកឧត្តម សូ ខនប្ញទ្ធីគុណ អនុរដ្ឋលេខាធិការក្រសួងបរិស្ថានបានលើកឡើងថា នៅតាមតំបន់ការពារធម្មជាតិទាំងនោះ ជាទូទៅមានសហគមន៍មូលដ្ឋានដែលរស់នៅ និងអាស្រ័យផលពីធនធានធម្មជាតិដែលមាននៅក្នុងតំបន់ទាំងនោះ ហើយក៏បានចូលរួមតាមលទ្ធភាព និងសមត្ថភាពដែលខ្លួនមានក្នុងការគ្រប់គ្រង និងប្រើប្រាស់ធនធានធម្មជាតិទាំងនោះឱ្យមាននិរន្តរភាព សម្រាប់មនុស្សជំនាន់បច្ចុប្បន្ន និង ជំនាន់ក្រោយៗ។ ឯកឧត្ត មបន្ថែមថា…

ការសន្យានោះ ធ្វើឡើងដោយរដ្ឋមន្ត្រីក្រសួងការពារប្រទេសឥណ្ឌាលោកស្រី Nimala Sitharaman Honble Raksha Mantri ក្នុងពេលអនុញ្ញាតឲ្យចូលជូបពិភាក្សាការងារជាមយយ សម្ដេចតេជោ ហ៊ុន សែន នាយករដ្ឋមន្ត្រី នៅល្ងាចថ្ងៃ១១មិថុនាម្សិលមិញ នាវិមានសន្ដិភាព រាជធានីភ្នំពេញ។ ក្នុងជំនួបនោះ លោកស្រី Nimala បានគោរពថ្លែងអំណរគុណសម្តេចតេជោ នាយករដ្ឋមន្ត្រី ដែលសម្តេចតេជោ បានអញ្ជើញទៅទស្សនកិច្ចនៅ ប្រទេសឥណ្ឌាកន្លងមក ដែលបានចុះហត្ថលេខាលើកិច្ចព្រមព្រៀងមួយចំនួនក្នុងនោះ ក៏មានការពាក់ព័ន្ធនឹងវិស័យ ឯកជនផងដែរដែលបានធ្វើឲ្យអ្នកវិនិយោទុនឥណ្ឌាមានចំណាប់អារម្មណ៍ជាខ្លាំងមកលើព្រះរាជាណាចក្រកម្ពុជា។ ជាមួយគ្នានោះដែរ លោកស្រី Nimala បានមានប្រសាសន៍ជម្រាប សម្តេចតេជោថា តាមរយៈទស្សនកិច្ចនោះគឺបានពង្រឹង និងពង្រីកនូវទំនាក់ទំនងរវាងកម្ពុជា និងឥណ្ឌាកាន់តែល្អខ្លាំងឡើង។ នៅក្នុងដំណើរទស្សនកិច្ចរបស់ លោកស្រី Nimala មកកាន់កម្ពុជានាពេលនេះគឺដើម្បីពិនិត្យ និងជំរុញនូវអ្វីដែលប្រមុខដឹកនាំបានចុះហត្ថលេខា រួចហើយនោះឲ្យទទួលបានផ្លែផ្កា។ លោកស្រី Nimala ក៏បានមានប្រសាសន៍ផងដែរថា ដំណើរទស្សនកិច្ចនេះគឺដើម្បីពង្រឹងនិងពង្រីកនូ វទំនាក់ទំនងរវាងប្រទេស ទាំងពីរឲ្យកាន់ តែរីកចម្រើនខ្លាំងឡើងថែមទៀត ។ លោកស្រីរដ្ឋមន្រ្តីក៏បានជម្រាបជូន សម្តេចតេជោ ផងដែរនូវការផ្តល់ជំនួយដល់កម្ពុជាលើវិស័យដោះមីន ក្នុងនោះឥណ្ឌានឹងផ្តល់នូវឆ្កែហិតមីន មួយចំនួនដល់កម្ពុជា និងស្នើសុំឲ្យកម្ពុជារួមគ្នាឲ្យ បានជិតស្និតក្នុងកិច្ចសហប្រតិបត្តិការ…

ភ្នំពេញ ៖ នៅព្រឹកថ្ងៃទី១២ ខែមិថុនា ឆ្នាំ២០១៨នេះ រដ្ឋសភា បានបើកកិច្ចប្រជុំគណៈកម្មាធិការអចិន្រ្តៃយ៍របស់ខ្លួន នៅវិមានរដ្ឋសភា ដើម្បីពិនិត្យមើលរបៀបវារៈមួយចំនួន សម្រាប់ដាក់បញ្ចូលក្នុងកិច្ចប្រជុំពេញអង្គ ដែលធ្វើឡើង នាពេលខាងមុខនេះ។កិច្ចប្រជុំគណៈកម្មាធិការអចិន្រ្តៃនៃរដ្ឋសភា នៅព្រឹកនេះ បានធ្វើឡើង ក្រោមអធិបតីភាព សម្តេច ហេង សំរិន ប្រធានរដ្ឋសភា។ របៀបវារៈដែលត្រូវលើកមកពិភាក្សាក្នុងកិច្ចប្រជុំមាន ៖ទី១៖ ការពិភាក្សាសុំអនុម័ត សេចក្តីព្រាងច្បាប់ស្តីពីការអនុម័ត យល់ព្រមលេីការធានាទូទាត់របស់ រាជរដ្ឋាភិបាលកម្ពុជាឱ្យក្រុមហ៊ុន ស្នេថេកខូអិលធីឌី។ទី២៖ ការិនិត្យសំណើសុំអនុម័ត សេចក្តីព្រាងច្បាប់ ស្តីពីការអនុម័តយល់ព្រម លេីការធានាទូទាត់ របស់រាជរដ្ឋាភិបាលនៃកម្ពុជាឱ្យក្រុមហ៊ុន ខេមបូឌា អ៊ិនណេស្យូណល អ៊ិនវេស្តមែន ឌីវើឡុបមែនគ្រុប ៕