ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានលើកឡើងថា  គោលនយោបាយរដ្ឋបាលទំនើប នឹងត្រូវបង្កើតឡើងនៅក្នុងរាជរដ្ឋាភិបាលអាណត្តិទី៦នេះ។ ការបង្កើតរដ្ឋបាលទំនើបនេះ ធ្វើឡើងបន្ទាប់ពីបានទទួលជោគជ័យនូវទំនើបកម្ម ការរៀបចំរចនាសម្ពន្ធ័ នាយកដ្ឋានគ្រប់គ្រងរបស់ក្រសួង នូវធនធាន ផែនការ និងថវិកា ដោយខ្លួនឯង តាមរយៈកិច្ចសហការពីដៃគូអភិវឌ្ឍន៍នានា នៅក្នុងអាណត្តិទី៥ កន្លងទៅនេះ។

ឯកឧត្តម ថង សាវុន ប្រធានគណៈកម្មាធិការសាខាកាកបាទក្រហមខេត្តរតនគិរី បានដឹកនាំក្រុមការងារចុះពិតស្ថានភាពជំនន់ទឹកភ្លៀងស្រុកវ៉ឺនសៃ ព្រមទាំងបាននាំយកអំណោយរបស់សាខាកាកបាទក្រហមខេត្តរតនគិរី ចែកជូនដល់ប្រជាពលរដ្ឋដែលរងផលប៉ះពាល់ចំនួន៦០គ្រួសារស្មើនឹង៣២៣នាក់ ក្នុងភូមិទៀមលើ ឃុំកាចូន ស្រុកវ៉ឺនសៃ។ ជួបជាមួយប្រជាពលរដ្ឋឯកឧត្តមលើកឡើងថា អាជ្ញាធរភូមិ ឃុំ ស្រុក ត្រូវយកចិត្តទុកដាក់ត្រៀមជួយអន្តរាគមន៍ជូនដល់ប្រជាពលរដ្ឋនៅពេលមានហេតុកាណ៍កើតឡើងដោយយថាហេតុ។ ឯកឧត្តមបានពបាននាំយកនូវប្រសាសន៍ផ្តាំផ្ញើសាកសួរសុខទុក្ខពីសំណាក់សម្តេចគតិព្រិទ្ធបណ្ឌិត ប៊ុន រ៉ានី ហ៊ុនសែនប្រធានកាកបាទក្រហមកម្ពុជា ដែលជានិច្ចកាលសម្តេចតែងតែគិតគូរសុខទុក្ខបងប្អូនប្រជាពលរដ្ឋដែលជួបនូវការលំបាក ជនងាយរងគ្រោះ ដោយមិនប្រកាន់រើសអើង វណ្ណ: ជាតិសាសន៍ និន្នាការនយោបាយអី្វឡើយ។ អំណោយដែលចែកជូនបងប្អូនប្រជាពលរដ្ឋនាពេលនេះមាន តង់ខៀវ មី និងត្រីខ។ដោយៈ គតិយុត្ត

គិតត្រឹមម៉ោង ១២:០០ នាទី ថ្ងៃទី ១៧ ខែសីហា ឆ្នាំ ២០១៨ នេះ ទឹកទន្លេមានកម្ពស់ ១០,៧១ ម ( កម្ពស់ប្រកាសឲ្យប្រុងប្រយ័ត្ន ១០,៧០ ម ) ។ ទឹកនឹងបន្តកើនឡើងបន្ថែមទៀត សូមបង្កើនការប្រុងប្រយ័ត្នខ្ពស់ ។

នៅព្រឹកថ្ងៃ១៧សីហានេះ សម្តេចតេជោ ហ៊ុន សែន នាយករដ្ឋមន្ត្រី បានទទួលជួបពិភាក្សាការងារជាមួយ ឯកអគ្គរដ្ឋទូតឡាវ ប្រចាំនៅកម្ពុជាដែលផុតអាណត្តិ លោក Prasith Sayasith ។ ក្នុងជំនួបនោះ លោក ឯកអគ្គរដ្ឋទូតឡាវ បានគោរពសម្តែងនូវការសោកស្តាយ ចំពោះអ្វីដែលបានកើតឡើង លើប្រជាជនកម្ពុជា ដែលជួបគ្រោះទឹកជំនន់ ដោយសារបាក់ទំនប់វារីអគ្គីសនី នៅប្រទេសឡាវ។ លោកក៍បានថ្លែងអំណរគុណដល់កម្ពុជា ដែលបានបរិច្ចាគប្រាក់ជំនួយដល់ឡាវ ពាក់ព័ន្ធនឹងគ្រោះមហន្តរាយថ្នាក់ជាតិ នៅឡាវ កន្លងមកនេះផងដែរ។ លោកក៏បានសម្តែងនូវការអបអរសាទរ ចំពោះលទ្ធផលបោះឆ្នោត នៅប្រទេសកម្ពុជា ហើយការបោះឆ្នោតនោះ លោកក៏បានធ្វើជាអ្នកសង្កេតការណ៍ផងដែរ ដោយបានសង្កេតឃើញថាការបោះឆ្នោតនោះ មានតម្លាភាព និងការរៀបចំល្អ។ លោកឯកអគ្គរដ្ឋទូត បានសម្តែងការអបអរសាទរ ជូនដល់រាជរដ្ឋាភិបាលកម្ពុជា ដោយក្តីគោរព។ លោកបានជម្រាបជូន សម្ដេចពីបេសកកម្មរបស់ លោក ក្នុងរយៈពេល ៤ឆ្នាំ២ខែ នៅកម្ពុជា ដោយលោកបានឃើញ នូវការអភិវឌ្ឃរបស់ប្រទេសកម្ពុជា យ៉ាងឆាប់រហ័សជាទីបំផុត ប្រជាជនមានជីវភាពរស់នៅយ៉ាងល្អ និងមានការរីកចម្រើន ហើយការអភិវឌ្ឍទៀតសោត គឺមានការលេចធ្លោរតែម្តង។ លោក ក៏បានជម្រាបជូន…

នៅព្រឹកថ្ងៃ១៧សីហានេះ សម្ដេចតេជោ ហ៊ុន សែន នាយករដ្ឋមន្ត្រីបានអនុញ្ញាតឲ្យ ឯកអគ្គរាជទូតចក្រភពអង់គ្លេសប្រចាំនៅកម្ពុជា លោកស្រី Tina Susan Redshaw ចូលជូបសម្ដែងការគួរសម និងពិភាក្សាការងារ នៅវិមានសន្ដិភាព រាជធានីភ្នំពេញ។ ជំនួយការផ្ទាល់របស់សម្តេចតេជោ ហ៊ុន សែន លោក អ៊ាង សុផល្លែត បានប្រាប់ក្រុមអ្នកព័ត៌មានថា ក្នុងជំនួបនោះឯកអគ្គរាជទូតអង់គ្លេស និងសម្តេចតេជោ ហ៊ុន សែន លើកឡើងតែបញ្ហាពង្រឹងទំនាក់ទំនង ពាណិជ្ជកម្ម និងវិស័យផ្សេងៗទៀត រវាងប្រទេសទាំងពីរមិនបាននិយាយដល់បញ្ហាអ្វីផ្សេង ក៏ដូចជារឿងបោះឆ្នោតនៅកម្ពុជានោះឡើយ។ លោក អ៊ាង សុផល្លែត ថ្ឡែងថា ក្នុងជំនួបនោះ លោកស្រី ឯកអគ្គរាជទូតអង់គ្លេស បាន ជម្រាបជូនសម្ដេចតេជោថា ក្នុងដំណើរបេសកកម្មការទូតរបស់លោកស្រី រយៈពេល៦សប្តាហ៍ នៅកម្ពុជា គឺលោកស្រីបានទទួលនូវការស្វាគមន៍យ៉ាងកក់កជាទីបំផុត។  លោកស្រីបានបន្តថា ក្នុងបេសកម្មបន្តទៀតនេះដែរ នៅកម្ពុជា លោកស្រីនឹងធ្វើអ្វី គ្រប់បែបយ៉ាង ដើម្បីពង្រឹងទំនាក់ទំនងទ្វេភាគីរវាងកម្ពុជា និងចក្រភពអង់គ្លេស។ ក្រៅពីការបង្ហាញនូវការប្តេជ្ញាចិត្តក្នុងការពង្រឹងទំនាក់ទំនងការទូតហើយនោះ ឯកអគ្គរាជទូតថ្មីរបស់អង់គ្លេស ក៏បានបង្ហាញពីវិស័យសំខាន់ៗ…

មកដល់ម៉ោង ១២:០០ នាទី ថ្ងៃទី ១៧ ខែសីហា ឆ្នាំ ២០១៨ នេះ ទឹកស្ទឹងសង្កែក្រុងបាត់ដំបង បានបន្តស្រកចុះមកនៅក្នុងកម្ពស់ ១៣,០០ ម (កម្រិតប្រកាសឲ្យប្រុងប្រយ័ត្ន ១៣,៧៥ ម) ។ ទឹកនឹងបន្តស្រកចុះ ហើយស្រកចុះកាន់តែលឿនជាងមុន ។

ភ្នំពេញ៖ ក្រុមហ៊ុនភេសជ្ជៈកម្ពុជា កូកា-កូឡា បានប្រកាសបើកការប្រកួតបាល់ទាត់ពានអាឃ្វ័ររៀស (Aquarius Cup)  លើកដំបូងនៅក្នុងព្រះរាជាណាចក្រកម្ពុជា។ កីឡាករចូលរួមការប្រកួតដណ្តើមពាននេះមានចំនួន៥៦ក្រុម មានអាយុចាប់ពី១៦ឆ្នាំឡើងទៅ ដែលមកពីទូទាំងប្រទេស ដើម្បីចូលរួមប្រកួតប្រជែងដណ្តើមយកពានរង្វាន់ដូចជា៖ ពានរង្វាន់ទីមួយ ទឹកប្រាក់សុទ្ធ៤,៥០០ដុល្លារ