រដ្ឋលេខាធិការក្រសួងពាណិជ្ជកម្ម លោក ឱក ប៊ុង បានអះអាងថា ការនាំចេញរបស់កម្ពុជា នៅក្រោមប្រព័ន្ធអនុគ្រោះពន្ធ សម្រាប់ឆមាសទី១ នៃឆ្នាំ២០១៨ មានតម្លៃ៦ពាន់២២៩លានដុល្លារអាម៉េរិក គឺបានកើនឡើងជាង១៥% បើធៀបនឹងរយៈពេលដូចគ្នា នៅក្នុងឆ្នាំ២០១៧ ដែលមានទឹកប្រាក់ត្រឹមតែ៥ពាន់៣៨៦លានដុល្លារអាម៉េរិកប៉ុណ្ណោះ។ លោកបានគូសបញ្ជាក់ថា សហភាពអឺរ៉ុប អាម៉េរិក កាណាដា ជប៉ុន ចិន និងអាស៊ាន គឺជាទីផ្សារដែលស្រូបយកផលិតផលកម្ពុជា រួមមាន សម្លៀកបំពាក់ ស្បែកជើង កាបូប ជ័រកៅស៊ូ អង្ករ ដំឡូងមី និងផលិតផលកសិកម្មផ្សេងៗទៀត។ 

ភ្នំពេញ៖ ក្នុងកិច្ចប្រជុំបញ្ជាការឯកភាពរដ្ឋបាលរាជធានីភ្នំពេញ កាលពីថ្ងៃទី១៤ ខែសីហា ឆ្នាំ២០១៨ ឯកឧត្តម ឃួង ស្រេង អភិបាលរាជធានីភ្នំពេញ បានកោតសរសើរដល់កងកម្លាំងគ្រប់លំដាប់ថ្នាក់ ដែលការពារសន្តិសុខសណ្ដាប់ធ្នាប់សុវត្ថិភាពក្នុងដំណើរការនៃយុទ្ធនាការឃោសនារកសំឡេងឆ្នោត ថ្ងៃបោះឆ្នោត និងក្រោយការបោះឆ្នោត។ ក្នុងនោះរដ្ឋបាលរាជធានីភ្នំពេញបានបង្ហាញមោទកភាពដែលកងកម្លាំងសមត្ថកិច្ច រួមមានកងនគរបាលនៃស្នងការដ្ឋាននគរបាលរាជធានី កងរាជអាវុធហត្ថរាជធានីភ្នំពេញ និងកងកម្លាំងនៃកងពលតូចលេខ៧០ បានរួមគ្នា ជាមួយអាជ្ញាធរដែនដីខណ្ឌទាំង១២ ខិតខំប្រឹងប្រែងរក្សាសន្តិសុខសណ្តាប់ធ្នាប់ ក្នុងរាជធានីភ្នំពេញ បានល្អប្រសើរជូនប្រជាពលរដ្ឋ។ ក្រោយកិច្ចប្រជុំលោក ម៉េត មាសភក្ដី អ្នកនាំពាក្យរដ្ឋបាលរាជធានីភ្នំពេញ បានប្រាប់ក្រុមអ្នកសារព័ត៌មានថា លោកអភិបាលរាជធានីភ្នំពេញ បានបញ្ជាក់ថា សន្តិសុខគឺជាសេចក្តីត្រូវការរួមរបស់ប្រជាពលរដ្ឋគ្រប់រូប មិនអាចខ្វះបាន អ្នកណាសុទ្ធតែត្រូវការសន្តិសុខទាំងអស់។  ជាមួយគ្នានេះដែរ ឯកឧត្តមអភិបាលរាជធានីភ្នំពេញ បានជំរុញឱ្យអាជ្ញាធរខណ្ឌទាំង១២ នៅរាជធានីភ្នំពេញ បន្តពង្រឹងការងារសន្តិសុខសណ្តាប់ធ្នាប់ ២៤ម៉ោងលើ២៤ម៉ោង មិនមែនតែការបោះឆ្នោតនោះទេ ក្រោយបោះឆ្នោតក៏នៅបន្តរក្សាការងារនេះ ជូនប្រជាពលរដ្ឋឱ្យបានល្អជាប្រចាំ។ ចំពោះពាក់ព័ន្ធនឹងបញ្ហាការងាររៀបចំសណ្ដាប់ធ្នាប់សាធារណៈ ក្នុងរាជធានីភ្នំពេញ ឯកឧត្តមអភិបាលរាជធានី ក៏បានឱ្យបន្តយកចិត្តទុកដាក់ រៀបចំសណ្ដាប់ធ្នាប់ផ្លូវទាំង១១ខ្សែឱ្យម៉ឹងមាត់បន្ថែមទៀត ដាក់កងកម្លាំង និងរថយន្តស្ទូចប្រចាំការដើម្បីស្ទូចរថយន្តណាដែលចតអាណាធិបតេយ្យនៅតាមដងផ្លូវទាំង១១ខ្សែនេះ៕

ភ្នំពេញ៖ ធនាគារជាតិនៃកម្ពុជាបានបង្ហាញនៅក្នុងសន្និបាតបូកសរុបការងារប្រចាំឆមាសទី១ និងលើកទិសដៅបន្តរបស់ខ្លួនបានឱ្យដឹងថា គ្រឹះស្ថានឥណទានជនបទប្រមាណ៥០ ដែលមិនអាចគោរពតាមច្បាប់ និងបទប្បញ្ញត្តិដែលមានជាធរមានរបស់ធនាគារជាតិនៃកម្ពុជា ត្រូវបានបិទ។ក្នុងនោះមានគ្រឹះស្ថានមួយចំនួនបានបញ្ឈប់ដំណើរការដោយខ្លួនឯង និងគ្រឹះស្ថានផ្សេងទៀតត្រូវបានបញ្ឈប់ដោយធនាគារជាតិនៃកម្ពុជា។

ភ្នំពេញ៖ កាលព្រឹកថ្ងៃទី១៤ ខែសីហា ឆ្នាំ២០១៨កន្លងទៅនេះ ឯកឧត្ដម សាយ សំអាល់ រដ្ឋមន្ត្រីក្រសួងបរិស្ថានបានអនុញ្ញាតឱ្យឯកឧត្ដម Sudirnan Haseng ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋឥណ្ឌូនេស៊ីប្រចាំព្រះរាជាណាចក្រកម្ពុជា ចូលជួបសម្ដែងការគួរសម និងពិភាក្សាការងារពាក់ព័ន្ធនឹងកិច្ចសហប្រតិបត្តិការលើវិស័យបរិស្ថាន ការគ្រប់គ្រងធនធានធម្មជាតិ និងការអភិវឌ្ឍដោយចីរភាព។

នៅព្រឹកថ្ងៃពុធ ៤កើត ខែស្រាពណ៍ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី១៥ ខែសីហា ឆ្នាំ២០១៨ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញចុះជួបសំណេះសំណាលជាមួយកម្មករ កម្មការិនីចំនួន ១៥,៣៦៨នាក់ មកពីរោងចក្រ សហគ្រាស ចំនួន១៧ នៅភូមិអន្លង់ក្ងាន សង្កាត់ឃ្មួញ ខណ្ឌសែនសុខ។

ភ្នំពេញ ៖ ជនសង្ស័យម្នាក់ បានធ្វើសកម្មភាពគាស់សោទ្វារផ្ទះ ចូលលួចលុយ ទ្រព្យសម្បត្តិ បានហើយ ប៉ុន្តែត្រូវសាច់ញាតិម្ចាស់ផ្ទះ មកទាន់ក៏បានចាប់ខ្លួន រួចប្រគល់ឲ្យសមត្ថកិច្ច។ ហេតុការណ៍នេះ កើតឡើងកាលពីវេលាម៉ោង៩និង៣៥នាទីព្រឹក ថ្ងៃទី១៤ ខែសីហា ឆ្នាំ២០១៨ ស្ថិតនៅផ្ទះលេខ២២២ សហគមន៍៤ បុរីសន្តិភាព២ ភូមិតំណាក់ត្រយឹង សង្កាត់ចោមចៅ២ ខណ្ឌពោធិសែនជ័យ ។ ជនសង្ស័យឈ្មោះ នួន ខ្លឹម ភេទប្រុស អាយុ២៤ឆ្នាំ មុខរបរមិនពិតប្រាកដ ស្នាក់នៅតាមការដ្ឋានសំណង់ មានស្រុកកំណើត ខេត្តស្វាយរៀង។ ចំណែកម្ចាស់ផ្ទះ ឈ្មោះ ថេង វ៉ាន់នុត ភេទប្រុស អាយុ៣២ឆ្នាំ មុខរបរកម្មករ ស្នាក់នៅផ្ទះកើតហេតុ មានស្រុកកំណើត ភូមិឈើទាន ឃុំព្រែកទទឹង ស្រុកស៊ីធរកណ្តាល ខេត្តព្រៃវែង។ សម្ភារ លុយកាក់ដែលជនសង្ស័យចូលលួចបាន មានលុយជាង១ពាន់ដុល្លា លុយខ្មែរជាង១០ម៉ឺនរៀល ទូរសព្ទដៃ១គ្រឿង។ តាមសម្តីជនរងគ្រោះ បានឲ្យដឹងថា ពេលដែលខ្លួនកំពុងធ្វើការងារក្បែរនោះដែរ ជនសង្ស័យខាងលើ…