(ភ្នំពេញ)៖ គេហទំព័ររបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ដែលមានឈ្មោះថា «Samdech Hun Sen, Cambodian Prime Minister» ត្រូវបានក្រុមជនអនាមិកលួចចូលទៅគ្រប់គ្រង (Hack) នៅប៉ុន្មាននាទីមុននេះ។ នេះបើតាមការបញ្ជាក់របស់ ឌួង ដារា អ្នកគ្រប់គ្រងទំព័រ Facebook របស់សម្តេចតេជោ ថ្លែងប្រាប់អង្គភាពព័ត៌មាន Fresh News នៅមុននេះបន្តិច។ ជាមួយនឹងការប្រកាសពីការលួចចូលទៅគ្រប់គ្រងរបស់ក្រុមជនអនាមិកនេះ លោក ឌួង ដារា ក៏បានច្រានចោលព័ត៌មានដែលបានបង្ហោះថា មានការបែងចែកអាសនៈទៅគណបក្សសម្ព័ន្ធដើម្បីប្រជាធិបតេយ្យ LDP និងគណបក្សហ៊្វុនស៊ិនប៉ិចផងដែរ៕

ភ្នំពេញ ៖ សមាគមអតីតកម្មសិក្សាការីកម្ពុជា – កូរ៉េ (CAMKAA) បានរៀបចំសិក្ខាសាលាស្តីអំពីការចែករំលែកចំណេះដឹង និងបទពិសោធន៍ស្តីពីទស្សនវិស័យកសិកម្មថ្មីៗ ផែនការអភិវឌ្ឍឧស្សាហកម្ម និងកម្មវិធីអាហារូបករណ៍របស់ទីភ្នាក់ងារសហប្រតិបត្តិការអន្តរជាតិកូរ៉េ (កយកា) ក្រោមវត្តមានឯកឧត្តម លី សាវុធ ប្រធានសមាគមអតីតកម្មសិក្សាការីកម្ពុជាជាតិកូរ៉េ និងលោក ចុង យុនហ្គីល ប្រធានតំណាងនៃការិយាល័យ (កយកា) ប្រចាំកម្ពុជា។ កម្មវិធីនេះប្រព្រឹត្តទៅនៅសណ្ឋាគារ HIMARWARI នាព្រឹកថ្ងៃទី១០ ខែសីហា ឆ្នាំ២០១៨ ក្រោមការឧបត្ថម្ភគាំទ្រពីទីភ្នាក់ងារសហប្រតិបត្តិការអន្តរជាតិកូរ៉េ (កយកា) ។

ប្រធានគណៈកម្មការកណ្ដាលរៀបចំការបោះឆ្នោតរុស្សី លោកស្រី ប៉ាមហ្វីមលូវា E.A Pamfilova បានផ្ញើសារលិខិតជូនប្រធានគណៈកម្មាធិការជាតិរៀបចំការបោះឆ្នោត លោក ស៊ិច ប៊ុនហុក ដោយបានសម្ដែងការអបអរសារទរ ចំពោះការបញ្ចប់ប្រកបជោគជ័យនៃការបោះឆ្នោតជ្រើសរើសតំណាងរាស្ត្រនីតិកាលទី៦ នៅកម្ពុជា។ លិខិតបានបន្តថា លោកស្រីសូមអរគុណចំពោះការផ្ដល់ឳកាសដល់គណៈប្រតិភូនៃគណៈកម្មការកណ្ដាលរៀបចំការបោះឆ្នោតនៃសហព័ន្ធរុស្សី ដើម្បីចូលរួមក្នុងកម្មវិធីអ្នកសង្កេតការណ៍អន្តរជាតិ ក្នុងអំឡុងការបោះឆ្នោតកន្លងទៅ។ លោកស្រី ប៉ាមហ្វីមលូវា E.A Pamfilova បានបន្តថា សមាជិកនៃគណៈប្រិតភូ បានកត់សម្គាល់យ៉ាងពិសេសនូវការរៀបចំកម្មវិធីដោយមន្ត្រីនៃគណៈកម្មាធិការជាតិរៀបចំការបោះឆ្នោតកម្ពុជា ដែលប្រកបទៅដោយប្រសិទ្ធភាព និងវិជ្ជាជីវៈក្នុងបរិយាកាសមួយទូលំទូលាយ និងសុឆន្ទៈចំពោះអ្នកសង្កេតការណ៍អន្តរជាតិ។  លោកស្រី បានបន្តថា អ្វីទាំងអស់នោះ បានអនុញ្ញាតឲ្យការសង្កេតការណ៍ ប្រព្រឹត្តទៅប្រកបដោយអព្យាក្រឹត្យ និងមិនលម្អៀង ទៅលើការបោះឆ្នោតមួយ ដែលគ្មាន អំពើហិង្សា និងគ្មានការគំរាមកំហែង ដែលអាចបង្កឲ្យមានការសង្ស័យចំពោះធម្មានុរូបភាព នៃការបោះឆ្នោត។ ការបោះឆ្នោតនេះ ត្រូវបានវាយតម្លៃថា បើកទូលាយ សេរី និងមានតម្លាភាព។ លោកស្រី បានថ្លែងថា លោកស្រីសង្ឃឹមថា ស្ថាប័នរៀបចំការបោះឆ្នោតនៃប្រទេសទាំង២ កម្ពុជា និងរុស្សី នឹងបន្តកិច្ចសហប្រតិបត្តិការប្រកបដោយផ្លែផ្កាបន្តទៀតនាពេលខាងមុខ៕ម.ន

មជ្ឈដ្ឋានទូទៅបានរិះគន់ចំៗទៅលើលោក ព្រុំ សំខាន់ អភិបាលខណ្ឌចំការមន និង លោកវរៈសេនីយ៍ យិន សាន ជាអធិការនគរបាលខណ្ឌចំការមន ថា កំពុងតែផ្គើននឹងបញ្ជារបស់សម្តេចក្រឡាហោម ស ខេង យ៉ាងពេញទំហឹងតែម្តង។ មិនតែប៉ុណ្ណោះ បានធ្វើឲ្យបងប្អូនប្រជាពលរដ្ធដែលកំពុងតែរស់នៅក្នុងខណ្ឌចំការមនទាំងមូល អស់ជំនឿទៅលើអាជ្ញាធរខណ្ឌទាំង២នាក់ខាងលើនេះ ដែលបានបណ្តែតបណ្តោយឲ្យក្រុមមេល្បែងហ្គេមបាញ់ត្រី បើកលេងល្បែងស៊ីសងយ៉ាងរំភើយ ដោយផ្ទុយទៅនឹងគោលនយោបាយភូមិ-សង្កាត់ មានសុវត្ថិភាពទាំង៩ចំណុច របស់ប្រមុខរាជរដ្ឋាភិបាលទៀតផង។

បន្ទាយមានជ័យ៖ មកទល់ថ្ងៃទី៩ ខែសីហាកន្លងមកនេះ ប្រជាកសិករ និងលោក រ័ត្ន ដាស៊ីណង់ អភិបាលស្រុកមង្គលបូរី បានឲ្យដឹងថា នៅស្រុកមង្គលបូរី ស្រូវផើម ស្រូវដាក់ម្សៅ និងស្រូវទុំបានរងការខូចខាតកើនដល់ជិត១,០០០ហិកតា ឯស្រូវរងផលប៉ះពាល់កើនដល់ជិត៣,០០០ហិកតា។ រីឯទឹកជំនន់ហៀរចេញពីស្ទឹងបវេល និងស្ទឹងមង្គលបូរីដែលហូរចុះឆ្លងកាត់ភូមិសាស្ត្រខេត្តបន្ទាយមានជ័យ និងតាមប្រព័ន្ធប្រឡាយធារាសាស្ត្រ នាផ្នែកខាងលើមិនទានស្រកស្រុតនៅឡើយ។ ប៉ុន្តែនៅផ្នែកខាងក្រោមវិញ ទឹកបានហៀរខ្ជាក់ចេញពីដងស្ទឹង និងប្រព័ន្ធប្រឡាយ។

ភ្នំពេញ៖ ក្រសួងពាណិជ្ជកម្មនារសៀលថ្ងៃទី០៩ ខែសីហា ឆ្នាំ២០១៨នេះ បានជូនដំណឹងដល់សាធារណជនឲ្យបានជ្រាបថា ក្នុងយុទ្ធសាស្រ្តជួយជំរុញ និងលើកកម្ពស់ផលិតផលក្នុងស្រុកឲ្យមានការទទួលស្គាល់ និងចូលរួមប្រើប្រាស់កាន់តែទូលំទូលាយនៅទូទាំងប្រទេស ក្រសួងពាណិជ្ជកម្ម នឹងរៀបចំពិព័រណ៍ពាណិជ្ជកម្មផលិតផលខ្មែរក្នុងឱកាស «យុទ្ធនាការទិញផលិតផលខ្មែរ» ឆ្នាំ២០១៨ នៅមជ្ឈមណ្ឌលពិព័រណ៍ និងសន្និបាតកោះពេជ្រ រាជធានីភ្នំពេញ ចាប់ពីថ្ងៃទី១៨-២១ ខែតុលា ឆ្នាំ២០១៨ខាងមុខនេះ។

ដោយទទួលបានការចាប់អារម្មណ៍ដ៏លើសលុបពីអ្នកធ្វើដំណើរ និងទេសចរអន្តរជាតិរាប់លាននាក់ នៅលើគេហទំព័ររបស់ទីភ្នាក់ងារប្រឹក្សាយោបល់លើការធ្វើដំណើរ (TripAdvisor) ប្រាសាទអង្គរវត្តរបស់កម្ពុជាបានទទួលចំណាត់ថ្នាក់លេខ១ ជាសំណង់ប្រវត្តិសាស្ត្រដ៏អស្ចារ្យបំផុតលើពិភពលោកសម្រាប់ឆ្នាំ២០១៨ ក្នុងចំណោមសំណង់បុរាណទាំង២៥ ដែលនេះជាការបញ្ជាក់ថា ពិភពលោកនៅតែសាទរចំពោះសំណង់អច្ឆរិយរបស់ខ្មែរ។

ក្នុងថ្ងៃបើកឆាកអត្តពលិកវ៉ូវីណាមកម្ពុជា ដណ្ដើមបានមេដាយ៩គ្រឿង ពីការប្រកួតកីឡាវ៉ូវីណាមជ្រើសរើសជើងឯកអាស៊ីអាគ្នេយ៍ លើកទី៥ ឆ្នាំ២០១៨ នៅប្រទេសមីយ៉ាន់ម៉ា បន្ទាប់ពិធីបើកជាផ្លូវការ នាថ្ងៃទី០៩ ខែសីហានេះ។

ពិធីបិទវគ្គហ្វឹកហ្វឺនបំប៉ននាយទាហានជំនាញការពារព្រំដែនជំនាន់ទី៥ ធ្វើឡើងនៅព្រឹកថ្ងៃ ទី៩សីហានេះ ក្រោមអធិបតីភាពអគ្គមេបញ្ជាការស្តីទី នៃកងយោធពលខេមរភូមិន្ទ នាយឧត្តមសេនីយ៍ សៅ សុខា។ ពិធីនេះ ធ្វើឡើងនៅមជ្ឈមណ្ឌលហ្វឹកហ្វឺនជំនាញការពារព្រំដែនអគ្គបញ្ជាការ នៅភូមិឧកញ៉ាប៉ាង ឃុំលង្វែក ស្រុកកំពង់ត្រឡាច ខេត្តកំពង់ឆ្នាំង។ នាយកមជ្ឈមណ្ឌលហ្វឹកហ្វឺនជំនាញការពារព្រំដែន ឧត្តមសេនីយ៍ទោ ចាន់ សារ៉ាន់ បានរាយការណ៍អំពីលទ្ធផលនៃវគ្គហ្វឹកហ្វឺនបំប៉ននាយទាហានជំនាញការពារព្រំដែនជំនាន់ទី៥ថា មជ្ឈមណ្ឌលបានចាប់ផ្តើមដំណើការហ្វឹកហ្វឺនបំប៉ននាយទាហានជំនាញការពារព្រំដែនជំនាន់ទី៥ ចាប់ពីថ្ងៃទី១១ខែឧសភា រហូតដល់ថ្ងៃទី៩ ខែសីហា ឆ្នាំ២០១៨ ទើបបញ្ចប់ ដែលមានសិក្ខាកាមចូលរៀនសូត្រចំនួន១៣០នាក់ ហើយរយ:ពេលហ្វឹកហ្វឺន៩១ថ្ងៃ លើខ្លឹមសារមេរៀនរួមមាន ប្រវត្តិសាស្ត្រប្រទេសកម្ពុជា ដែលទាក់ទងទៅនឹងព្រំដែន ច្បាប់និងបទដ្ឋាននានា ដែលពាក់ព័ន្ធកិច្ចការព្រំដែន មុខជំនាញការពារព្រំដែន មុខវិជ្ជាយោធា និងជំនាញពាក់ព័ន្ធ និងការងារអប់រំចិត្តសាស្ត្រ។ ក្រោយបញ្ចប់វគ្គសិក្ខាកាមទាំង១៣០នាក់ទទួលបាននិទ្ទេសល្អ ៥៦នាក់ និទ្ទេសល្អបង្គួរ ៦៧នាក់ និងនិទ្ទេសមធ្យម ០៧នាក់៕