ក្រុមប្រឆាំងខ្មែរ និងបរទេសមួយចំនួន ត្រូវគេឃើញ បាននិងកំពុងធ្វើយុទ្ធនាការ បញ្ចុះបញ្ចូលអន្តរជាតិ ជាពិសេសសហរដ្ឋអាមេរិក និងអឺរ៉ុបឲ្យឈប់ទិញទំនិញពីកម្ពុជា ដើម្បីដាក់គម្រាបមកលើរដ្ឋាភិបាលកម្ពុជា។ ទំនិញដែលនាំចេញទៅកាន់សហរដ្ឋអាមេរិក និងអឺរ៉ុប ត្រូវគេឃើញថា ភាគច្រើនជាប្រភេទសម្លៀកបំពាក់ ស្បែកជើង អង្ករ និងកសិផល ដែលផលិតដោយកម្មករ និងកសិករខែ្មរ ហើយបើសិនជាប្រទេសទាំងនោះជឿតាម ក្រុមប្រឆាំងមែន នោះផលវិបាកនឹងធ្លាក់មកលើកម្មករ និងកសិករខ្មែរដែលជាអ្នកផលិត នោះជាមិនខាន។ យោងតាមសេចក្ដីជូនព័ត៌មានរបស់ក្រសួងការបរទេសនៅថ្ងៃ២៨មិថុនានេះ បានឲ្យដឹងថា តាមាករណែនាំរបស់សម្ដេចតេជោហ៊ុន សែន នាយករដ្ឋមន្ត្រី ក្រសួងការបរទេស បានចាត់ បញ្ជូនក្រុមបេសកកម្មពិសេសមួយ ទៅកាន់សហភាពអឺរ៉ុប ដើម្បីបញ្ចុះបញ្ចូលនិងទប់ស្កាត់វិធានការដកប្រព័ន្ធអនុគ្រោះពន្ធ“គ្រប់មុខទំនិញលើកលែងគ្រឿងសព្វាវុធ” (Everything But Arms-EBAs) ពីប្រទេសកម្ពុជា។ ក្រុមបេសកកម្មពិសេសនោះ ដឹកនាំដោយទីប្រឹក្សារាជរដ្ឋាភិបាលលោក សុក ស៊ីផាន់ណា ចាប់ពីថ្ងៃ១៨មិថុនា ដល់ថ្ងៃទី១វិច្ឆិកា ឆ្នាំ២០១៨។  សេចក្ដីជូនព័ត៌មានបានឲ្យដឹងទៀតថា ចាប់តាំងពីបេសកកម្មពិសេស បានទៅដល់រយៈពេល១០ថ្ងៃមកនេះ គឺបាន ទទួលបានការ ស្វាគមន៍របស់សហភាពអឺរ៉ុប។បេសកកម្មនោះ ត្រូវគេរាយការណ៍ថា មានគោលបំណងផ្ដល់នូវការបំភ្លឺជូនមន្ត្រីជាន់ខ្ពស់សំខាន់ៗរបស់គណៈកម្មការអឺរ៉ុប ប្រធានគណៈកម្មការកិច្ចការបរទេសរបស់សភាអឺរ៉ុប និងឥស្សរជនសំខាន់ៗផ្សេងទៀត។…

 សៀមរាប៖ ផ្លូវបេតុងមួយខ្សែនៅក្នុងភូមិបន្ទាយឈើត្រូវបានសម្ពោធដាក់ឲ្យប្រើប្រាស់ជាផ្លូវការ ប្រវៃង២ពាន់៧០០ម៉ែត្រ ឆ្លងកាត់ភូមិបន្ទាយឈើ និង ភូមិជ្រៃ សង្កាត់ទឹកវិល ក្រុងសៀមរាប ខេត្តសៀមរាប ដែលបានស្ថាបនាឡើងដោយកម្លាំងមហាសាមគ្គីរបស់ព្រះសង្ឃ និង ប្រជាពលរដ្ឋក្នុងភូមិ កាលពីព្រឹកថ្ងៃទី២៨ ខែមិថុនា ឆ្នាំ២០១៨នេះ ដោយមានការនិមន្តអញ្ជើញចូលរួមពីព្រះសង្ឃ ថ្នាក់ដឹកនាំមន្ទីរ អាជ្ញាធរមូលដ្ឋាន សិស្សានុសិស្ស និង ប្រជាពលរដ្ឋ សរុបចំនួន ៦៥០នាក់ បានចូលរួមផងដែរ។ សម្ធិផលទាំងនេះ គឺជាការរួមចំណែកយ៉ាងថ្លៃថ្លាដល់ការស្តារ និង អភិវឌ្ឍខេត្តសៀមរាប គឺផ្តើមចេញពីការអនុវត្តគោលនយោបាយ ឈ្នះឈ្នះ ប្រកបដោយសុខសន្តិភាព និងក្រោមការដឹកនាំដ៏ត្រឹមត្រូវ  របស់រាជរដ្ឋាភិបាលកម្ពុជា ដែលមានសម្តេចតេជោ ហ៊ុន សែន ជាប្រមុខដឹកនាំប្រកបដោយគតិបណ្ឌិត បាននាំមកនូវសុខសន្តិភាព ស្ថិរភាព និងការអភិវឌ្ឍលើគ្រប់វិស័យទូទាំងប្រទេស ។           មានប្រសាសនោះដែរ ឯកឧត្តមបណ្ឌិត ឃឹម ប៊ុនសុង  ក៏បានពាំនាំនូវការផ្តាំផ្ញើ សាកសួរសុខទុក្ខពីសំណាក់សម្តេចទាំងពីរ ចំពោះប្រជាពលរដ្ឋខេត្តសៀមរាប និង បានធ្វើការថ្លែងអំណរគុណយ៉ាងជ្រាលជ្រៅ នៃកម្លាំងមហាសាមគ្គីរបស់ព្រះសង្ឃ រួមទាំងប្រជាពលរដ្ឋក្នុងភូមិទាំងពីរ ដែលបានបរិច្ចាគថវិកា និងកម្លាំងពលំ…

ភ្នំពេញ ៖ អគ្គនាយកដ្ឋានគយនិងរដ្ឋាករកម្ពុជា បានរៀបចំបើកសិក្ខាសាលាលើកកម្ពស់ការយល់ដឹង ស្តីពីយន្តការសវនកម្មក្រោយពេលបញ្ចេញពីគយ (PCA) នៅសណ្ឋាគារភ្នំពេញ ដោយមានការចូលរួមពីតំណាងវិស័យឯកជននានាដូចជា សភាពាណិជ្ជកម្ម សមាគមរោងចក្រកាត់ដេរ សមាគមដឹកជញ្ជូន ធុរជនជាតិ និងអន្តរជាតិ ព្រមទាំងមន្រ្តីសវនករគយសរុបប្រមាណ ២០០នាក់ ថ្ងៃទី២៨ ខែមិថុនា ឆ្នាំ២០១៨ ។លោក នួន ច័ន្ទរិទ្ធ បានថ្លែងគូសបញ្ជាក់ពីវឌ្ឍនភាព និងទស្សនទាន នៃការអនុវត្តគោលនយោបាយ នៃកិច្ចសម្រួលពាណិជ្ជកម្មតាមរយៈ ការគ្រប់គ្រងហានិភ័យរបស់រាជរដ្ឋាភិបាលកម្ពុជា ដោយផ្អែកលើមូលដ្ឋានសំខាន់មួយចំនួន មានជាអាទិ៍ ការធ្វើស្វ័យប្រវត្តិកម្មគយ ការលើកទឹកចិត្តដល់ធុរជន ដែលមានអនុលោមភាពខ្ពស់ ការកាត់បន្ថយការយឺតយ៉ាវក្នុងការបំពេញបែបបទគយ និងការកាត់បន្ថយរបាំងពន្ធ និងមិនមែនពន្ធនានាឲ្យអស់លទ្ធភាព ។ លោកបានបញ្ជាក់ថា ការលើកកម្ពស់ការយល់ដឹងច្បាប់ និងបទប្បញ្ញត្តិជាធរមាន ក្នុងរដ្ឋបាលគយ និងសហគមន៍ធុរកិច្ចក្នុងក្របខណ្ឌ នៃការអនុវត្តកម្មវិធីយុទ្ធសាស្រ្តកំណែទម្រង់ និងទំនើបកម្មគយរយៈពេលមធ្យម ២០១៤-២០១៨ បានផ្ដល់ផ្លែផ្កាជាបន្តបន្ទាប់លើកិច្ចការគយ ដូចជា ការងារកំណត់តម្លៃគិតពន្ធគយ ការងារគ្រប់គ្រងហានិភ័យគយ និងការងារសវនកម្មក្រោយពេលបញ្ចេញទំនិញពីគយ ។ វឌ្ឍនភាពទាំងនេះ កំពុងក្លាយជាមូលដ្ឋានគ្រឹះក្នុងការចូលរួមចំណែកលើកកម្ពស់អនុលោមភាពច្បាប់ ជាពិសេសវប្បធម៌ពន្ធដារក្នុងសង្គមកម្ពុជា ដើម្បីធានាបរិស្ថានធុរកិច្ចសមធម៌មួយ ដែលជាផ្នែកមិនអាចខ្វះបានក្នុងការអនុវត្តកំណែទម្រង់ស៊ីជម្រៅ នៃយុទ្ធសាស្រ្តចតុកោណដំណាក់កាលទី៣…

ភ្នំពេញ ៖ ឯកឧត្តមរដ្ឋមន្រ្តី សាយ សំអាល់ នាព្រឹកថ្ងៃទី២៨ ខែមិថុនា ឆ្នាំ២០១៨ បានដឹកនាំមន្រ្តីក្រសួងបរិស្ថាន ចូលរួមត្បាញក្រមាជាងវែងគេនៅលើពិភពលោក ប្រវែងជាង១០០០ម៉ែត្រ នៅវាលព្រះមេរុ ដើម្បីឈានទៅ «បំបែកឯតទកគ្គកម្ម ក្រមាវែងជាងគេលើពិភពលោក» ។ព្រឹត្តិការណ៍ត្បាញក្រមាវែងជាងគេនៅលើពិភពលោក ប្រវែង១០០០ម៉ែត្រ ក្រោមប្រធានបទថា «ជឿថា ខ្ញុំធ្វើបាន ជឿថា យើងធ្វើបាន ជឿថា ខ្មែរធ្វើបាន» ដែលបង្កើតដោយយុវជនកម្ពុជា ដឹកនាំដោយសហភាពសហព័ន្ធកម្ពុជា ក្រោមចលនា «GOGO CAMBODIA» ពិតជាអស្ចារ្យមែន ។ក្រមាបានបង្ហាញពីអត្តសញ្ញាណជាតិខ្មែរ ជារបស់ប្រើប្រាស់សម្រាប់ប្រជាពលរដ្ឋខ្មែរគ្រប់និន្នាការ ឋានៈ សង្គម និងសាសនា ។ ប្រជាជនខ្មែរគ្រប់រូបសុទ្ធតែស្គាល់ និងប្រើប្រាស់ក្រមាក្នុងជីវភាពប្រចាំថ្ងៃ ហើយវាជារឿងរ៉ាវជីវិត និងប្រវត្តិសាស្ត្រនៃប្រជាជនខ្មែរ ដែលបានចារឹកជាប់នឹងសរសៃអំបោះនីមួយៗនៃក្រមា»។ប្រធានបច្ចេកទេស ព្រឹត្តិការណ៍ត្បាញក្រមាប្រវែងជាង១០០០ម៉ែត្រ ដើម្បីឈានទៅ «បំបែកឯតទកគ្គកម្ម ក្រមាវែងជាងគេលើពិភពលោក» បានអោយដឹងថា «មកទល់ពេលនេះ ក្រឡា ក្រហម លាយស ដ៏ស្រស់ស្អាតមួយនេះ មានប្រវែងរហូតដល់ទៅជា១១០០ ម៉ែត្រហើយ ។ ចំពោះការចូលរួមត្បាញនេះ…

 កិច្ចសហប្រតិបត្តិការស្រាវជ្រាវ រុករក ជីកលើក អដ្ឋិធាតុយុទ្ធជនពលីកងទ័ពស្ម័គ្រចិត្តវៀត ណាមក្នុងភូមិសាស្រ្តខេត្តកណ្តាល ក្នុងជំហានទី ១៧ រដូវប្រាំង ឆ្នាំ២០១៧-២០១៨សម្រេចលទ្ធផល បានចំនួន ៣៣អដ្ឋិធាតុក្នុងនោះ ជីកលើកនៅភូមិសាស្រ្តស្រុកខ្សាច់កណ្តាលបានចំនួន ១៨អដ្ឋិធាតុ ជីកលើកនៅក្នុងភូមិសាស្រ្តស្រុកកោះធំបានចំនួន ១២អដ្ឋិធាតុ ជីកលើកនៅភូមិសាស្ត្រស្រុកល្វាឯម បានចំនួន ៣អដ្ឋិធាតុ នេះជាកិច្ចលើកឡើងរបស់លោកវរៈសេនីយ៍ឯកនៃនិយមមេបញ្ជាការតំបន់ប្រ តិបត្តិការសឹករងខេត្តកណ្តាល ក្នុងពិធីផ្ទេរប្រគល់អដ្ឋិធាតុកងទ័ពស្ម័គ្រចិត្ត និងជំនាញការវៀតណាមជំហានទី១៧រដូវប្រាំងឆ្នាំ ២០១៧-២០១៨នៅថ្ងៃទី ២៨ ខែមិថុនា ឆ្នាំ ២០១៨ នៅតំបន់ប្រតិបត្តិការ សឹករងខេត្តកណ្តាល។លោកបានបន្តទៀតថាចំពោះលទ្ធផលនៃកិច្ចសហប្រតិបត្តិការស្រាវជ្រារ រុក រក ជិកលើកអដ្ឋិធាតុយុទ្ធជនពលីកងទ័ពស្ម័គ្រចិត្តវៀតណាម នៅក្នុងភូមិសាស្រ្តខេត្តកណ្តាល គិតពី ឆ្នាំ ២០០២ រហូតដល់ឆ្នាំ ២០១៨ (ពីជំហានទី ១ ដល់ជំហានទី ១៧)ទទួលបានលទ្ធផលសរុបចំនួន ១,១៤២អដ្ឋិធាតុ។ ឯកឧត្តមសេនីយ៍ត្រី ង្វៀន វ៉ាន់ងៀ ស្នងការរងស្នងការនយោបាយអនុប្រធានគណៈចង្អុលការ លេខ ១២៣៧ យោធភូមិភាគទី ៩ បញ្ជាក់ថាការអនុវត្តតាមកិច្ចព្រមព្រៀងលើកទី ១៦ ចុះហត្ថ លេខាថ្ងៃទី ០៦…

សមាជិកគណៈកម្មាធិការកណ្តាលគណបក្សប្រជាជនកម្ពុជា បានថ្លែងលើកឡើងថា នៅក្នុងអណត្តិថ្មីនេះ រាជរដ្ឋាភិបាលបានជម្រុញកំណែទម្រង់ជាច្រើន នៅលើសេវាសាធារណៈ  ជាពិសេសការអភិវឌ្ឍន៍លើគ្រប់វិស័យ បានធ្វើឲ្យ កម្ពុជាទទួលបានកំណើនសេដ្ឋកិច្ចយ៉ាងល្អ ។            ឯកឧត្តម ជាប ដាវុធ សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាប្រធានចលនាយុវជន ស្រុកខ្សាច់កណ្តាល ខេត្តកណ្តាល បានលើកឡើង នៅក្នុងពិធីជួបសំណេះសំណាលជាមួយប្រជាពលរដ្ឋ និងសមាជិក សមាជិការបក្សឃុំឧកញ៉ាតី ស្រុកខ្សាច់កណ្តាល ខេត្តកណ្តាល នៅថ្ងៃទី២៧ ខែមិថុនា ឆ្នាំ២០១៨ ថា  ពាក់ព័ន្ធនិងការកំណែ ទម្រង់នៅក្នុងអណត្តិថ្មីនេះ រាជរដ្ឋាភិបាលបានជម្រុញកំណែទម្រង់ស្ទើរគ្រប់វិស័យ ព្រមទាំងបានចូលរួមអភិវឌ្ឍនៅតាម មូលដ្ឋាន កើតឡើងជាហូរហែរដូចជា ផ្លូវ ស្ពាន សាលារៀន និងវត្តអារ៉ាមជាដើម ជាពិសេសជម្រុញអនុវត្តន៍គោលនយោ បាយជាច្រើនទៀត ធ្វើឲ្យកម្ពុជារក្សាបានកំណើនល្អ ក្នុងការបង្កើនដល់ចំណូលថវិការជាតិ ។   ឯកឧត្តម បានបន្តថា ជាក់ស្តែងនៅក្នុងពេលកន្លងមកនេះ ពាក់ព័ន្ធនឹងការផ្តល់សេវាសាធារណៈ គឺបានកាន់តែ ខិតមកជិតប្រជាពលរដ្ឋ និងទទួលទាន់ពេលវេលាទៅតាមតម្រូវការបច្ចុប្បន្ន ក្នុងនោះក្រៅពីការផ្តល់សេវាសាធារណៈ រាជរដ្ឋាភិបាលក៏បានគិតគូយ៉ាងខ្លាំង ដូចជាការតម្លើងប្រាក់បៀរវត្សរ៍ជូនដល់មន្រ្តីរាជការ កងកំលាំងប្រដាប់អាវុធ…

ភ្នំពេញ៖ ក្រុមប្រឹក្សាអភិវឌ្ឍន៍កម្ពុជា ហៅកាត់ថា CDC ចេញច្បាប់អនុញ្ញាតអោយ រោងចក្រថ្មីៗចំនួន២បន្ថែមទៀតបើកដំណើរការ នៅក្នុងប្រទេសកម្ពុជា ក្រោមទុន វិនិយោគសរុបប្រមាណ៦១.៥១លានដុល្លារអាមេរិក និងអាចបង្កើតការងារបាន ៧៦៧កន្លែង ។យោងតាមគេហទំព័រហ្វេសបុកផ្លូវការរបស់ក្រុមប្រឹក្សាអភិវឌ្ឍន៍កម្ពុជា បានចុះ ផ្សាយថា តបតាមសំណើសុំវិនិយោគរបស់ក្រុមហ៊ុនទំាងពីរខាងលើនេះ គណៈកម្មា ធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនប័ត្រ ចុះបញ្ជីជាស្ថាពរជូនដល់ក្រុមហ៊ុន ដូចខាងក្រោម៖ ១៖ គម្រោងបង្កើតកសិដ្ឋាន ចិញ្ចឹមសត្វ (ជ្រូក មាន់ ទា) និងរោងចក្រកែច្នៃសាច់របស់ក្រុមហ៊ុន GR FOOD (CAMBODIA) CO.,LTD. ដែលមានទីតាំងវិនិយោគស្ថិតនៅផ្លូវជាតិលេខ៥១ ភូមិ ត្រពាំងក្រសាំង ឃុំក្សេមក្សាន្ត ស្រុកឧដុង្គ ខេត្តកំពង់ស្ពឺ មានទុនវិនិយោគប្រមាណ ៣០.៤៤លានដុល្លារអាមេរិក និងអាចបង្កើតការងារបានចំនួន៦៦១កន្លែង និង២៖ គម្រោងបង្កើតរោងចក្រផលិតដែកគ្រប់ប្រភេទរបស់ក្រុមហ៊ុន HAI SHENG STEEL CO.,LTD. ដែលមានទីតាំងវិនិយោគស្ថិតនៅឃុំព្រះនិព្វាន ស្រុកគងពិសី ខេត្តកំពង់ ស្ពឺ មានទុនវិនិយោគប្រមាណ៣១.០៧លានដុល្លារអាមេរិក និងអាចបង្កើតការងារ បានចំនួន១០៦កន្លែង ៕ …

ភ្នំពេញ ៖ បុរសពីរនាក់រួមដំណើរដោយរថយន្តមួយគ្រឿង បានបើកបរលឿនពេក ជ្រុលទៅប៉ះឃឿនចញ្ចើមផ្លូវ ហើយក៏រេចង្កូតទៅបុករះម៉ូតូអូសអេតចាយ បង្គោលភ្លើង និងរថយន្តមួយគ្រឿងទៀតនៅចញ្ចើមផ្លូវ រងការខូចខាត សំណាងល្អមិនបង្កឲ្យមនុស្សរងរបួស ។         ហេតុការណ៍គ្រឿងថ្នាក់ចរាចរណ៍ខាងលើនេះ បានបង្កការភ្ញាក់ផ្អើលដល់ប្រជាបលរដ្ឋ និងសមត្ថកិច្ចនៅវេលាម៉ោង១២ និង១០នាទីរំលងអាធ្រាត ឈានចូលថ្ងៃទី២៨ ខែមិថុនា ឆ្នាំ២០១៨  នៅតាមបណ្ដោយផ្លូវព្រះសុីសុវត្តិ (ជួរផ្លូវមាត់ទន្លេ) ស្ថិតក្នុងសង្កាត់ផ្សារកណ្ដាល១ ខណ្ឌដូនពេញ រាជធានីភ្នំពេញ ។         យោងតាមប្រភពព័ត៌មានពីប្រជាបលរដ្ឋដែលនៅក្បែកន្លែងកើតហេតុបានឲ្យដឹងថា នៅពេលកើតហេតុនោះគឺ មានរថយន្តបង្កម៉ាក កាមរីបាឡែន  ពណ៌ទឹកប្រាក់ ពាក់ស្លាកលេខ ភ្នំពេញ 2AL-6989 ដែលធ្វើដំណើរដោយបុរសពីរនាក់រួមគ្នាក្នុងរថយន្ត ហើយបានបើកបរតាមបណ្ដោយផ្លូវព្រះសុីសុវត្តិ ទិសដៅពីត្បូងទៅជើង ក្នុងល្បឿនយ៉ាងលឿន ខណៈមកដល់ចំណុចកើតហេតុ ក៏ជ្រុលទៅបះនិងឃឿនចញ្ចើមផ្លូវ ធ្វើឲ្យរថយន្តរេចង្កូតទៅបុករះម៉ូតូអូសអេតចាយ បង្គោលភ្លើង និងរថយន្តមួយគ្រឿងទៀត ដែលនៅចញ្ចើមផ្លូវ បណ្ដាលឲ្យរងការខូចខាត (តែមិនធ្ងន់ធ្ងរ) និងមិនបង្កឲ្យមនុស្សរងរបួសនោះដែរ ។ ចំណែករថយន្តបង្កវិញបានបែកកង់ក្រោយ និងដាច់កាឡែងកង់មុខ រួមទាំងកាងមុខ រងការខូចខាតយ៉ាងដំណំ ។…