ឯកឧត្តម ជាវ តាយ សមាជិកគណៈកម្មាធិការកណ្តាលគណបក្សប្រជាជនកម្ពុជា ប្រធានគណៈកម្មាធិការគណបក្សប្រជាជនកម្ពុជាខេត្ត និងជាអភិបាលនៃគណៈអភិបាលខេត្តកំពត បានអញ្ជើញសំណេះសំណាលជាមួយលោកគ្រូ អ្នកគ្រូ មកពីស្រុកកំពង់ត្រាច និងស្រុកបន្ទាយមាស ចំនួន ១៥៨៣នាក់ នៅព្រឹកថ្ងៃអាទិត្យ ៤រោច ខែបឋមាសាធ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី០១ ខែ កក្ដដា ឆ្នាំ២០១៨ ក្នុងទីស្នាក់ការគណបក្សប្រជាជនកម្ពុជាខេត្តកំពត។ ឯកឧត្ដមក៍មានប្រសាសន៍ផ្តាំផ្ញើដល់លោកគ្រូ អ្នកគ្រូ ទាំងអស់សូមផ្សព្វផ្សាយដល់បងប្អូនញាតិមិត្ត អញ្ជើញទៅបោះឆ្នោតជូនគណបក្សប្រជាជនកម្ពុជា ទាំងអស់គ្នានៅថ្ងៃទី២៩ ខែកក្កដា ឆ្នាំ២០១៨ ខាងមុខនេះ ដែលមានលំដាប់លេខរៀងទី២០ និងរូបសញ្ញាទេវតាបាចផ្កាជាសម្គាល់៕ ម.ន  

ឯកឧត្តមបណ្ឌិត ZHAO Yingmin អនុរដ្ឋមន្ត្រីនៃក្រសួងអេកូឡូស៊ី និងបរិស្ថាន នៃសាធារណរដ្ឋប្រជាមានិតចិន បានអញ្ជើញមកដល់ព្រះរាជាណាចក្រកម្ពុជាហើយ នៅវេលាម៉ោង១ រសៀលថ្ងៃទី០៣ ខែមិថុនា ឆ្នាំ២០១៨ ដើម្បីបំពេញទស្សនកិច្ចរយៈពេល៣ថ្ងៃ ចាប់ពីថ្ងៃទី៣ ដល់ថ្ងៃទី៥ ខែកក្កដា ឆ្នាំ២០១៨ ។ ក្នុងឱកាសនោះប្រតិភូជាន់ខ្ពស់ក្រសួងបរិស្ថាន ដឹកនាំដោយឯកឧត្តម អ៊ាង សុផល្លែត អនុរដ្ឋលេខាធិការក្រសួងបរិស្ថាន បានអញ្ជើញទទួលស្វាគមន៍យ៉ាងកក់ក្តៅ ចំពោះឯកឧត្តមបណ្ឌិត ZHAO Yingmin អនុរដ្ឋមន្ត្រីនៃក្រសួងអេកូឡូស៊ី និងបរិស្ថាន នៃសាធារណរដ្ឋប្រជាមានិតចិន ដោយផ្ទាល់នៅអាកាសយានដ្ឋានអន្តរជាតិភ្នំពេញ។ គូសបញ្ជាក់ថា ក្នុងដំណើរទស្សនកិច្ចនៅព្រះរាជាណាចក្រកម្ពុជា ឯកឧត្តមបណ្ឌិត  ZHAO Yingmin អនុរដ្ឋមន្ត្រីនៃក្រសួងអេកូឡូស៊ី និងបរិស្ថាន នៃសាធារណរដ្ឋប្រជាមានិតចិន មានកម្មវិធីជួបសម្តែងការគួសមជាមួយ ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន ដោយផ្តោតលើកិច្ចសហប្រតិបត្តិការលើវិស័យគ្រប់គ្រងបរិស្ថានរវាងប្រទេសទាំង២ កម្ពុជា-ចិន។ បន្ទាប់មក ឯកឧត្តម នឹងចូលរួមក្នុងពិធីចុះហត្ថលេខាលើអនុស្សារណៈយោគយល់គ្នាចំនួន០៣ ស្តីពី៖ ១.ការបង្កើតការិយាល័យរៀបចំបង្កើតមជ្ឈមណ្ឌលសហប្រតិបត្តិការបរិស្ថាន កម្ពុជា-ចិន ២.កិច្ចសហប្រតិបត្តិការអភិរក្សជីវៈចម្រុះ…

នៅល្ងាចថ្ងៃទី២កក្កដាម្សិលមិញ កម្លាំងជំនាញនៃមន្ទីរប្រឆាំងគ្រឿងញៀន(ក៦) បង្ក្រាបបានជនល្មើសជួញដូរគ្រឿងញៀនម្នាក់ និងរឹបអូសគ្រឿងញៀន ជាង១៦គីឡូក្រាម នៅផ្លូវក្បែរស្ថានទូតចិន ក្នុងសង្កាត់ទួលទំពូងទី២ ខណ្ឌចំការមន រាជធានីភ្នំពេញ។ ប្រតិបត្តិការនេះ ដឹកនាំដោយ លោកឧត្តមសេនីយ៍ត្រី ហម គន្ធី នាយករងមន្ទីរប្រឆាំងគ្រឿងញៀន ក្រោមបញ្ជាផ្ទាល់ពីអគ្គស្នងការរងនគរបាលជាតិ នាយឧត្តមសេនីយ៍ ម៉ក់ ជីតូ និងសម្របសម្រួល ដោយព្រះរាជអាជ្ញារងអមសាលាដំបូងរាជធានីភ្នំពេញ លោកសៀង សុខ។ សមត្ថកិច្ចបានឃាត់ខ្លួនជនសង្ស័យម្នាក់ ឈ្មោះ ម៉េង រតនា ហៅ ខ្វៃ ភេទ ប្រុស អាយុ ៤១ឆ្នាំ ជនជាតិខ្មែរ ជាមួយនឹងគ្រឿងញៀន សរុប១៦គីឡូក្រាម។ ក្នុងចំណោមគ្រឿងញៀនទាំងនោះ មានប្រភេទមេតំហ្វេតាមីន (ICE) ទម្ងន់១៥គីឡូក្រាម ៨១២ក្រាម ៦៩មីលីក្រាម និងហេរ៉ូអ៊ីន ៧០១ក្រាម៧៤មីលីក្រាម។ ក្រោយការឃាត់ខ្លួននេះ ជនសង្ស័យ និងវត្ថុតាងត្រូវបានសមត្ថកិច្ចបញ្ជូនមកមន្ទីរប្រឆាំងគ្រឿងញៀន ក្រសួងមហាផ្ទៃ និងរៀបចំឯកសារបញ្ជូនទៅតុលាការ។  នេះគឺជាការបង្ក្រាបគ្រឿងញៀនទ្រង់ទ្រាយធំលើកទី៣ហើយ ក្នុងរយៈពេល១សប្ដាហ៏ចុងក្រោយនេះ។ កាលពីថ្ងៃ២៦មិថុនា កម្លាំងនគរបាលអន្តោប្រវេសន៍ប៉ុស្តិ៍ត្រពាំងក្រៀល នៃអគ្គនាយកដ្ឋានអន្តោប្រវេសន៍ បានបង្ក្រាបការជួញដូរគ្រឿងញៀនលាក់នៅក្នុងរថយន្តក្រុងមួយ…

សិក្ខាសាលាបូកសរុបលទ្ធផលនៃការអនុវត្តកម្មវិធីជាតិកំណែទម្រង់រដ្ឋបាលសាធារណៈ ២០១៥-២០១៨  បានប្រារព្វបើកនៅព្រឹកថ្ងៃទី៣ ខែកក្កដា ឆ្នាំ២០១៨នេះ ក្រោមអធិបតីភាព ឯកឧត្តមកិត្តិបណ្ឌិត ពេជ្រ ប៊ុនធិន រដ្ឋមន្ត្រីក្រសួងមុខងារសាធារណៈ  និងជាប្រធានគណៈកម្មាធិការកែទម្រង់រដ្ឋបាលសាធារណៈ នាសណ្ឋាគារសុខាភ្នំពេញ។ ថ្លែងបើកសិក្ខាសាលាបូកសរុបលទ្ធផលនៃការអនុវត្តកម្មវិធីជាតិកំណែទម្រង់រដ្ឋបាលសាធារណៈ២០១៥-២០១៨ ឯកឧត្តមបានមានប្រសាសន៍ថា សិក្ខាសាលានាថ្ងៃនេះ គឺមានគោលបំណងដើម្បីបង្ហាញជូននូវលទ្ធផលនៃការអនុវត្ត​កម្មវិធីកំណែទម្រង់រដ្ឋបាលសាធារណៈ និងលទ្ធផលនៃការអនុវត្តការងារកែទម្រង់រដ្ឋបាលសាធារណៈតាមវិស័យសំខាន់ៗ មានដូចជា វិស័យអប់រំ វិស័យសុខាភិបាល និងរដ្ឋបាលថ្នាក់ក្រោមជាតិ ខេត្តបាត់ដំបង ព្រមជាមួយនឹងកិច្ចពិភាក្សាបញ្ហាប្រឈម ដំណោះស្រាយ សំណូមពរ និងចក្ខុវិស័យនៅក្នុងការអនុវត្តការងារកែទម្រង់រដ្ឋបាលសាធារណៈនាពេលខាងមុខ។ ឯកឧត្តមកិត្តិបណ្ឌិត បានបញ្ជាក់ថា ជាការពិតក្នុងរយៈពេលខ្លី តែយើងសម្រេចបានសមិទ្ធផលកំណែទម្រង់ជាច្រើនហួសពីការគិត ហើយជាពិសេស ភាពជោគជ័យលើការអនុវត្តការងារកែទម្រង់រដ្ឋបាលសាធារណៈ កើតចេញពីការចូលរួមរបស់តួអង្គពាក់ព័ន្ធ ដោយគោរពប្រតិបត្តិតាមគោលការណ៍ជាវិជ្ជមាន រួមមាន ការចង្អុលបង្ហាញរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងស្របតាមយុទ្ធសាស្ត្រចតុកោណដំណាក់កាលទី៣ ក្នុងការអនុវត្តកម្មវិធីជាតិ ការរៀបចំដាក់ចេញនូវកម្មវិធីជាតិមួយជាក់លាក់ ដែលមានភាពប្រាកដនិយម ជាក់ស្តែង និងសាមញ្ញ ដែលកើតចេញពីមន្ត្រីរាជការយើងទាំងអស់គ្នា ការចូលរួមគាំទ្រ និងការប្តេជ្ញាចិត្តខ្ពស់ពីគ្រប់ភាគីពាក់ព័ន្ធ ទាំងក្រសួង ស្ថាប័ន ទាំងថ្នាក់ជាតិ ថ្នាក់ក្រោមជាតិ និងដៃគូអភិវឌ្ឍន៍នានា រួមទាំង…

សៀមរាប៖ បើទោះជាស្ថិតក្នុងតម្លៃនៃលក្ខខណ្ឌណាក៏ដោយ សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាចក្រកម្ពុជា មិនអនុញ្ញាតិឲ្យមានចលនាបដិវត្តពណ៌ ញុះញង់បង្កសង្គ្រាម បំផ្លាញសន្តិភាព រាំងខ្ទប់ដល់ការអភិវឌ្ឍប្រទេសជាតិនោះឡើយ ឯកឧត្តមបណ្ឌិត ឃឹម ប៊ុនសុង សមាជិកគណៈកម្មាធិការកណ្តាល និង ជាប្រធានគណកម្មាធិការ នៃ គណបក្សប្រជាជនកម្ពុជាខេត្តសៀមរាប បានថ្លែងឡើងយ៉ាងដូច្នេះ នៅក្នុងពិធីជួបសំណេះសំណាលជាមួយ ប្រធាន អនុប្រធានក្រុមបក្ស និងសមាជិកសកម្ម របស់គណបក្សប្រជាជនកម្ពុជា ក្នុងសង្កាត់សាលាកំរើក ក្រុងសៀមរាប ដែល មានប្រមាណជាង ៥២០នាក់ កាលពីព្រឹកថ្ងៃអង្គារ​ ០៦រោច​ ខែបឋមាសាឍ​ ឆ្នាំច​ សំរឹទ្ធិស័ក​ ព.ស២៥៦២​ ត្រូវនឹងថ្ងៃទី០៣ ខែ កក្កដា ឆ្នាំ២០១៨ ។ ឯកឧត្តមបណ្ឌិតគូសបញ្ជាក់ថា អ្នកដឹកនាំបន្តវេនប្រពៃណីស្នេហាជាតិ របស់គណបក្សប្រជាជនកម្ពុជា គឺសម្តេចទាំង៣ នោះគឺការតស៊ូរំដោះប្រជាជាតិ មាតុភូមិកម្ពុជា ចេញពីរបបប្រល័យពូជសាសន៍ (នាថ្ងៃ៧មករា ១៩៧៩ ) និងបានបន្តដឹកនាំនាវាកម្ពុជា ឆ្លងកាត់របត់នយោបាយជាច្រើនដំណាក់កាល  ដើម្បីមានអ្វីៗទាំងអស់ក្នុងថ្ងៃនេះ ។  ឯកឧត្តមបណ្ឌិត…

នាយទាហាន ពលទាហាន នៃកងយោធពលខេមរភូមិន្ទ ក៏ដូចជាយុវជនជំនាន់ក្រោយគឺជា មនុស្សសំខាន់បំផុត និងជាកម្លាំងស្នូលក្នុងការការពារជាតិ បូរណភាពទឹកដី ក្នុងចូលរួមទប់ស្កាត់ ការវិលត្រឡប់មកវិញ នូវរបបប្រល័យពូជសាសន៍ ដែលប្រទេសជាច្រើននៅពិភពលោក មិនដែលកើតមានឡើង។ នេះគឺជាការលើកឡើងរបស់ ឯកឧត្តម នេត្រ ភក្ត្រា អ្នកនាំពាក្យ និងជាប្រធានកិច្ចការសារធារៈសាលាក្តីខ្មែរក្រហម ក្នុងឱកាសធ្វើបឋកថា ដល់និស្សិតនាយទាហានកងទ័ពជើងមកពីវិទ្យាស្ថានកងទ័ពជើងគោក កងយោធពលខេមរភូមិន្ទ នៃក្រសួងការពារជាតិ និងសិស្សានុសិស្សលោកគ្រួអ្នកគ្រូមកពីខេត្តកំពង់ចាមប្រមាណ៧០០នាក់ នៅសាលាក្តីខ្មែរ។  ឯកឧត្តម នេត្រ ភក្ត្រា មានប្រសាសន៍ថា របបកម្ពុជាប្រជាធិបតេយ្យ ឬរបបប្រល័យពូជសាសន៍ ប៉ុល ពត បានសម្លាប់មនុស្សប្រមាណជាងពីរលាននាក់ ដែលបណ្តាលឲ្យ មានការបែកបាក់ព្រាត់ប្រាស់ក្រុមគ្រួសារ សាច់ញាតិ បងប្អូន ហើយដើម្បីទប់ស្កាត់ការវិលត្រឡប់មកវិញនូវឧក្រិដ្ឋកម្ម សាហាវយង់ឃ្នងដូចក្នុង របបខ្មែរក្រហម យុវជនកម្ពុជាជំនាន់ក្រោយ ជាពិសេសនាយទាហានពលទាហាន ត្រូវតែសិក្សា និងស្វែងយល់ ចងចាំនូវប្រវត្តិសាស្ត្ររបស់ប្រទេសខ្លួនឱ្យបានច្បាស់លាស់។ ​​​ ឯកឧត្តម នេត្រ ភក្ត្រា  ក៏បានបញ្ជាក់ផងដែរ អំពីប្រវត្តិនៃការបង្កើតអង្គជំនុំជម្រះវិសាមញ្ញ ក្នុងតុលាការកម្ពុជា ដើម្បីជំនុំជម្រះក្តីលើឧក្រិដ្ឋកម្ម ដែលបានកើតឡើង នៅក្នុងរបបកម្ពុជាប្រជាធិបតេយ្យ…

 អាជ្ញធរខេត្តកណ្តាល បានចុះបិតផ្សាយជាសាធារណៈ នូវឯកសារ នៃការវិនិច្ឆ័យ ការចុះបញ្ជីដីធ្លីលក្ខណៈប្រព័ន្ធជាសាធារណៈ ជួនប្រជាពលរដ្ឋ ក្នុងភូមិអាចម៍កុក សង្កាត់កំពង់សំណាញ់ ក្រុងតាខ្មៅ ខេត្តកណ្តាលនាព្រឹកថ្ងៃទី៣ ខែ កក្កដា ឆ្នាំ២០១៨ ក្រោមអធិបតី លោក គង់ សោភ័ណ្ឌ អភិបាលរងខេត្តកណ្តាល។ ក្រុមការងារថ្នាក់ខេត្តដែលបានចុះទៅបិតផ្សាយជាសាធារណៈសំរាប់ភូមិអាចម៍កុកមានចំនួន១.០០៦ក្បាលដី លោក ព្រំ ឆាត អនុប្រធានមន្ទីររៀបចំ ដែនដី នគរូបនីយកម្ម សំណង់ និង សុរិយោដីខេត្ត បានថ្លែងថា ក្រុមការងាជំនាញក្រោយពីការវាស់វែងបញ្ជប់ បានធ្វើការប្រកាសបិទផ្សាយជាសាធារណៈ នូវឯកសារនៃការចុះបញ្ជីដីធ្លី មានប្រភេទដីលំនៅដ្ឋានកំណត់ព្រុំបាន ២២៥,១៥៧ ក្បាលដី វិនិច្ឆ័យបាន ២២៥,១៥៧ ក្បាលដី បញ្ចូលទិន្នន័យបាន ២២៥,១៥៧ក្បាលដី ដីស្រែចំការ និងដីផ្សេងៗទៀត ។ ក្នុងការបិទផ្សាយជាសាធារណះ នូវឯកសារនៃការវិនិច្ឆ័យ ការចុះបញ្ជីដីធ្លីលក្ខណះជាប្រព័ន្ធស្របតាមគោលនយោបាយរបស់រាជរដ្ឋាភិបាល ដើម្បីបញ្ជៀសការកើតមានទំនាស់ដីធ្លី នៅថ្ងៃទី៣ ខែកក្ដដា ឆ្នាំ២០១៨ ដល់ថ្ងៃទី១៨ ខែកក្ដដា ឆ្នាំ២០១៨…