បន្ទាយមានជ័យ :  មន្ត្រីជាន់ខ្ពស់នគរបាលជាតិថ្លែងព្រមានថា  ការប្រព្រឹត្តកំហុសឆ្គងរបស់មន្ត្រីនគរបាលលើបងប្អូនប្រជាពលរដ្ឋ  បើហ៊ានតែបែកធ្លាយជាសាធារណ: ដូចជាតាមបណ្តាញសង្គម តាមសារព៍ត័មាន.. ថ្នាក់លើនឹងដាក់ពិន័យដល់មន្ត្រូីនគរបាលហើយ។ ដូច្នេះ សូមប្រុងប្រយ័ត្ន ។ឯកឧត្តម នាយឧត្តមសេនីយ៍​ប៉ែន វិបុល អគ្គស្នងការរងនគរបាលជាតិ និងជាប្រធាននាយកដ្ឋានបុគ្គលិកបានក្រើនរំលឹកជាថ្មីដល់កម្លាំងនគរបាលក្រោមបង្គាប់ដូច្នេះ  កាលពីថ្ងៃទី១៣ ខែមិថុនា ឆ្នាំ២០១៨ ក្នុងពិធីប្រកាសផ្ទេរភារកិច្ច តែងតាំងមុខតំណែង បំពាក់ឋានន្តរស័ក្តិ ជូនដល់មន្រ្តីនគរបាលជាតិនៃស្នងការដ្ឋាននគរបាលខេត្តបន្ទាយមានជ័យ។           លោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យបានស្វាគមន៍និងរាយការណ៍សង្ខេបខ្លីពីសភាពការណ៍និងលទ្ធផលការងារ ។          តមក នាយនគរបាលនាយកដ្ឋានបុគ្គលិកអោយដឹងថា: យោងតាមសេចក្តីសម្រេចរបស់ក្រសួងមហាផ្ទៃ បានប្រកាសផ្ទេរភារកិច្ច តែងតាំងមុខតំណែង បំពាក់ឋានន្តរស័ក្តិ ជូនដល់មន្រ្តីនគរបាលជាតិនៃស្នងការដ្ឋាននគរបាលខេត្តបន្ទាយមានជ័យ ប្រកាសមុខតំណែងនិងបំពាក់ឋានន្តរសក្តិជូនដល់មន្រ្តីនគរបាលជាតិនៃស្នងការដ្ឋាននគរបាលខេត្តបន្ទាយមានជ័យចំនួន ១៦១នាក់។            ក្នុងនោះប្រកាសមុខតំណែង៤១នាក់ រួមមាន : ថ្នាក់ស្នងការរង៤នាក់,នាយការិយាល័យ ៨នាក់,អធិការ១នាក់,អធិការរង៥នាក់,មេបញ្ជាការរងវរៈសេនាតូចការពារព្រំដែន៦នាក់និងបំពាក់ឋានន្ត្រសក្តិ ១២០នាក់ ថ្នាក់ឧត្តមសេនីយ៍ត្រី៣នាក់, វរសេនីយ៍ឯក៧នាក់,វរសេនីយ៍ត្រី៥៩នាក់,អនុសេនីយ៍ឯក៤៨នាក់។           ឯកឧត្ដម សួន បវរ អភិបាលខេត្តបន្ទាយមានជ័យបានកោតសរសើរដល់កម្លាំងនគរបាលខេត្តបន្ទាយមានជ័យ ដែលបានអនុវត្តកិច្ចការងារពង្រឹងសន្តិស រក្សាសុវត្ថិភាព ជូនប្រជាពលរដ្ឋបានល្អ។  ហើយបានចេញប្រតិបត្តិការបង្រ្កាបនូវអំពើ ឃាតកម្ម អំពើលួចឆក់…

កំពង់ធំ៖ សាច់ញាតិរបស់អតីតយុទ្ធជនពលី លោក ព្រំ ទុន ត្រូវជាឪពុកយុទ្ធជនពលីឈ្មោះ ទួន ម៉ៅ មាន ជីវភាពលំបាកខ្វះខាតត្រូវបានអាណិតអាសូពីសម្តេចតេជោ ហ៊ុន សែន ប្រធានសមាគមអតីតយុទ្ធជនកម្ពុជា ផ្តល់ផ្ទះថ្មីមួយខ្នង ដែលជាអំណោយខ្នងផ្ទះលើកទី៧៥ របស់ខេត្តកំពង់ធំ តាមរយះ ឯកឧត្តមនាយឧត្ដមសេនីយ៍គន់  គីម អគ្គមេបញ្ជាការរង នាយសេនាធិការចម្រុះនៃកងយោធពលខេមរភូមិន្ទ និងជាអគ្គលេខាធិការសមាគមអតីតយុទ្ធជនកម្ពុជា។ខ្នងផ្ទះលើកទី៧៥ ដែលជាអំណោយសម្តេចតេជោ ត្រូវបានសាងសង់ដោយ សមាគមអតីតយុទ្ធជនខេត្តកំពង់ធំ ដោយរួមសហការ ជាមួយប្រធានសមាគមស្រុក និងកម្លាំងប៉ូលិស ប៉េអ៊ឹម និងផ្នែកសឹករង ស្រុក ប្រាសាទសំបូរ  បានសាងសង់រួចជាស្ថាពរ និងបានប្រគល់ជូនគ្រួសារអតីតយុទ្ធជនពលី លោក ព្រំ ទុន រស់នៅភូមិឈើទាលជ្រុំ ឃុំគោល ស្រុកប្រាសាទសំបូរ ខេត្តកំពង់ធំ ។លោក ព្រំ ទុន អាយុ ៧១ ឆ្នាំ ជាឪពុក យុទ្ធជនពលី ព្រិន្ទបាលទោ ទួន ម៉ៅ ធ្លាប់បម្រើក្នុងជួរកងទ័ពនៅឆ្នាំ១៩៨៨ មានតួនាទី ជាមេបញ្ជាការរង.ខ១…

 លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្រ្តី រដ្ឋមន្រ្តីក្រសួងទំនាក់ទំនងជាមួយ រដ្ឋសភា ព្រឹទ្ធសភា និង អធិការកិច្ច បានអញ្ជើញអុជធូប និងបួងសួងសុំសេចក្តីសុខសម្រាប់ប្រទេស និងប្រជាជនកម្ពុជា នៅវត្តគុហាគង្គា ហៅវត្តព្រះអង្គគុហ៍  ស្ថិតក្នុងភូមិព្រែកសង្កែលិច ឃុំពាមកោះស្លា ស្រុកស្ទឹងត្រង់ ខេត្តកំពង់ចាម កាលព្រឹកថ្ងៃទី១២ មិថុនា ។          ក្នុងឱកាសនោះ លោកជំទាវកិត្តិសង្គហបណ្ឌិតមានប្រសាសន៍ថា៖ ព្រះពុទ្ធសាសនា ជាសាសនា របស់រដ្ឋ និងជាកម្លាំងដឹកនាំចរិយាធម៌សង្គមឲ្យមនុស្សគ្រប់រូបដើរតាមផ្លូវល្អ  មិនតែប៉ុណ្ណោះ ព្រះពុទ្ធ សាសនាក៏បានចូលរួមបំពេញកុសលទាំងឡាយ ដើម្បីជាគុណប្រយោជន៍ដល់ការថែរក្សា ការពារ សេចក្តីសុខសន្តិភាព ស្ថេរភាព សាមគ្គីភាព ក្តីសង្ឃឹម លើកស្ទួយការកសាងជាតិ ឆ្ពោះទៅរកសេចក្តី ថ្កុំថ្កើងរុងរឿង សម្បូរ សប្បាយថែមទៀតផង។ លោកជំទាវថា ប្រជាជនខ្មែរប្រមាណ ៩៥ភាគរយ គោរពព្រះពុទ្ធសាសនា ហើយចាត់ទុកវត្តអារាមមានតួនាទីយ៉ាងសំខាន់ក្នុងការចូលរួមអភិវឌ្ឍសង្គមជាតិ។ ទីវត្តអារាម មិនត្រឹមជាទីកន្លែងសម្រាប់គោរពបូជាតាមផ្លូវជំនឿសាសនាប៉ុណ្ណោះទេ ប៉ុន្តែថែមទាំងជា ថ្នាលបណ្តុះបណ្តាលចំណេះដឹង បញ្ញាញាណ តម្លៃសីលធម៌ និងស្មារតីរួមរស់សាមគ្គីគ្នាតាមផ្លូវពុទ្ធចក្រ និងអាណាចក្រថែមទៀតផង។ ជាមួយនេះដែរ…

សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ នៅរសៀលថ្ងៃទី១៣ ខែមិថុនា ឆ្នាំ២០១៨នេះ បានអនុញ្ញាតឲ្យលោកស្រី Ayda Unlu ឯកអគ្គរដ្ឋទូតតួកគី ដែលទើបតែងតាំងថ្មី ប្រចាំប្រទេសកម្ពុជា ចូលជួបសម្ដែងការគួរសម និងពិភាក្សាការងារ នៅទីស្ដីការក្រសួងមហាផ្ទៃ។ ថ្លែងក្នុងជំនួបនោះ លោកស្រី Ayda Unlu បានលើកឡើងថា វត្តមានរបស់លោកស្រីនៅប្រទេសកម្ពុជានេះ នឹងខិតខំប្រឹងប្រែងធ្វើយ៉ាងណា​ ដើម្បីពង្រឹង និងពង្រីកទំនាក់ទំនងរវាងកម្ពុជា-តួកគី ឲ្យកាន់តែច្រើនវិស័យបន្ថែមទៀត ដែលមានទាំងវិស័យនយោបាយ វិស័យសេដ្ឋកិច្ច និងទំនាក់ទំនងរវាងប្រជាជន។ បើតាមលោកស្រីឯកអគ្គរដ្ឋទូត រាជរដ្ឋាភិបាលតួកគី បានអញ្ជើញសម្ដេចតេជោ ហ៊ុន សែន នាយករដ្ឋមន្ដ្រី នៃកម្ពុជា ដើម្បីទៅបំពេញទស្សនកិច្ច និងចុះហត្ថលេខា លើកិច្ចព្រមព្រៀងចំនួន៨ តែត្រូវរង់ចាំការសម្រេចរបស់សម្ដេចតេជោ នាយករដ្ឋមន្ដ្រីជាមុនសិន ប៉ុន្ដែលោកស្រី​​មានបំណងស្នើបន្ថែម​នូវកិច្ចព្រមព្រៀងមួយទៀត គឺ​កិច្ចព្រមព្រៀង ស្ដីពីកិច្ចសហប្រតិបត្តិការលើវិស័យសន្ដិសុខ។ ជាមួយគ្នានេះ សម្ដេចក្រឡាហោម ស ខេង ក៏បានសម្ដែងនូវការរីករាយ ចំពោះការលើកឡើង​របស់លោកស្រីឯកអគ្គរដ្ឋទូត ដែលចង់បង្កើននូវកិច្ចសហប្រតិបត្តិការលើវិស័យចម្រុះជាច្រើន រួមទាំងវិស័យសន្ដិសុខ។ បើតាមសម្ដេចក្រឡាហោម ស…

ឯកឧត្តម ជាវ តាយ អភិបាល​នៃ​គណៈ​អភិបាល​ខេត្ត​កំពត បាន​អញ្ជើញ​​ចូល​រួម​ជា​គណៈ​អធិបតីក្នុង​ពិធី​បំពាក់​គ្រឿង​ឥស្សរិយយស​ការងារ​ដល់​បុគ្គលិក​អប់​រំ​ និង​ជូន​ប័ណ្ណ​សរសើរ​ដល់​មន្ដ្រី​ចូល​និវត្ដន៍​  ក្រោមអ​ធិបតីភាព​ ឯកឧត្ដម​បណ្ឌិត ហង់ ជួនណារ៉ុន រដ្ឋមន្ដ្រី​ក្រសួង​អប់រំ យុវជន និង​កីឡា​ ដោយ​មាន​ការ​អញ្ជើញ​ចូល​រួម​ពី​ ឯកឧត្តម​ លោកជំទាវ ក្រុម​ប្រឹក្សា​​ខេត្ដ​ គណៈ​អភិបាល​ខេត្ដ​​​ ប្រធានមន្ទីរ-អង្គភាពជុំវិញខេត្ត កងកម្លាំងទាំង៣ មន្ត្រីស្រុក-ឃុំ យុវជនកាយរិទ្ធិ កាកបាទក្រហម លោកគ្រូ អ្នកគ្រូ សិស្សានុសិស្ស និងប្រជាពលរដ្ឋ សរុបប្រមាណជាង​ អ្នកចូលរួមសរុប១១៤១នាក់ នៅពហុ​កីឡា​ដ្ឋាន​ខេត្ដ​កំពត​នាព្រឹកថ្ងៃ​ពុធ​ ១​កើត​ ខែ​ បឋមាសាឍ ឆ្នាំច សំរឹទ្ធិស័ក ព.ស២៥៦២ ត្រូវ​និង​ថ្ងៃទី ១៣​​ ខែ ឧសភា​​ ឆ្នាំ ២០១៨​​។ ឯកឧត្តម អភិបាលនៃគណៈអភិបាលខេត្ដ  ក៏បានសូមឲ្យបងប្អូនប្រជាពលរដ្ឋលោកគ្រូ អ្នកគ្រូ សិស្សនិស្សិត អញ្ជើញទៅបោះឆ្នោតជ្រើសតាំងតំណាងរាស្ត្រ នីតិកាលទី៦ នៅថ្ងៃអាទិត្យ ទី២៩ ខែកក្កដា ឆ្នាំ២០១៨ ខាងមុខឲ្យបានគ្រប់ៗគ្នា  និងសូមបោះឆ្នោតជូនគណបក្សណា…

ក្នុងសេចក្តីថ្លែងការណ៍ របស់ក្រសួងការបរទេសកម្ពុជា បានធ្វើការ ច្រានចោលយ៉ាងដាច់អហង្ការ មកលើកម្លាំងប្រដាប់អាវុធរបស់កម្ពុជាពីសំណាក់ ក្រសួងរតនាគារអាមេរិក កាលពីថ្ងៃទី១២ ខែមិថុនា ឆ្នាំ២០១៨ ។ ក្រសួងចាត់ទុកថា ចំណាត់ការនេះ ជាឯកតោភាគីរបស់អាមេរិក និង ជាទង្វើមានបង្កប់របៀបនយោបាយ និង មានការវិនិច្ឆ័យលំអៀង ។ សូមអានសេចក្តីថ្លែងការណ៍ របស់អ្នកនាំពាក្យ ក្រសួងការបរទេស និង សហប្រតិបត្តិការអន្តរជាតិ៖      

(កំពង់ចាម)៖ ថ្លែងចេញពីទឹកដីស្រុកកងមាស ខេត្តកំពង់ចាម ឧបនាយករដ្ឋមន្ត្រី ហោ ណាំហុង បានបញ្ជាក់ថា ការអំពាវនាវរបស់ទណ្ឌិត សម រង្ស៊ី មេចលនាសង្គ្រោះជាតិ ដែលមិនឱ្យប្រជាពលរដ្ឋទៅបោះឆ្នោត ជាអំពើក្បត់ប្រជា​ជន និងក្បត់ជាតិដ៏ធ្ងន់ធ្ងរ និងមិនអាចលើកលែងឱ្យបាន ព្រោះការបោះឆ្នោត វាជាសិទ្ធរបស់ប្រជាពលរដ្ឋ ក្នុងការជ្រើសរើសមេដឹកនាំ ដែលពួកគាត់ពេញចិត្ត មិនអាចមាននរណាប៉ះពាល់សិទ្ធិនេះ បាននោះទេ។ ឧបនាយករដ្ឋមន្ត្រី ហោ ណាំហុង បានថ្លែងបែបនេះ នៅព្រឹកថ្ងៃទី១៣ ខែមិថុនា ឆ្នាំ២០១៨នេះ ក្នុងឱកាសលោកបានអញ្ជើញចុះ ជួបសំណេះសំណាលជាមួយសមាជិក សមាជិកា គណបក្សប្រជាជនកម្ពុជា នៅឃុំពាមជីកង ស្រុកកងមាស ខេត្តកំពង់ចាម ចំនួន៦៥០០នាក់ ព្រមទាំងផ្តល់អំណោយជាផ្លូវបេតុងមួយខ្សែថ្មីទៀត ប្រវែង៣០៧ម៉ែត្រផងដែរ។ ឧបនាយករដ្ឋមន្ត្រី បានថ្លែងយ៉ាងដូច្នេះថា «សព្វថ្ងៃអតីតបក្សប្រឆាំងគេ អំពាវនាវកុំឱ្យទៅបោះឆ្នោត នេះជាអំពើក្បត់ប្រជា​ជន មូលហេតុដោយសារសិទ្ធិបោះឆ្នោត​ជា​សិទ្ធិរបស់ប្រជាជនម្នាក់ៗ ពុំអាចមាននរណាប៉ះពាល់បានទេ ជាសិទ្ធិរបស់ប្រជាជន ដើម្បីជ្រើសអ្នកដឹកនាំល្អ អ្នកដឹកនាំគិតអំពីការកសាងជាតិ អំពីសន្តិភាព។ ដូចនេះមិនឱ្យប្រជាជន ទៅបោះឆ្នោតមានន័យថាប្រឆាំង និង​ប្រជាជន ក្បត់ប្រជាជន ហើយសព្វថ្ងៃគេដើរឃោសនា នៅក្រៅប្រទេសចង់មកបោះឆ្នោត​វិញ​។…