ភ្នំពេញ៖ ជនសង្ស័យម្នាក់ប្រើល្បិចខ្ចីទូរសព្ទយកមកចុចបំភ្លឺ ដើម្បីបើកភ្លើងបែរជាមិនព្រមប្រគល់ឲ្យម្ចាស់គេវិញ ក៏ម្ចាស់ទូរសព្ទប្តឹងឲ្យសមត្ថកិច្ចចាប់ខ្លួន កាលពីវេលាម៉ោង២០និង៣០នាទី ថ្ងៃទី៦ ខែធ្នូ ឆ្នាំ២០១៨ នៅចំណុចរោងទុកចោលផ្លូវ១០៥១ ភូមិវិមានទ្រង់ សង្កាត់ក្រាំងធ្នង់ ខណ្ឌសែនសុខ។ ជនសង្ស័យមានឈ្មោះ យិន ដា ភេទប្រុស អាយុ៣៣ឆ្នាំ មុខរបរមិនពិតប្រាកដ ស្នាក់នៅរោងទុកចោល ផ្លូវ១០៥១ ភូមិវិមានទ្រង់ សង្កាត់ក្រាំងធ្នង់ ខណ្ឌសែនសុខ (មានសារធាតុញៀន)។ ចំណែកជនរងគ្រោះឈ្មោះ ប្រាក់ ម៉ាញ ភេទប្រុស អាយុ២៤ឆ្នាំ មុខរបររត់កង់បីឥណ្ឌា ស្នាក់នៅ ភូមិត្នោតជុំ សង្កាត់បឹងទំពន់ ខណ្ឌមានជ័យ។ សម្ភារដែលដកហូតបានមាន ទូរសព្ទដៃ១គ្រឿង ម៉ាកOPPO  ហើយសម្ថកិច្ចបានប្រគល់ឲ្យជនរងគ្រោះវិញ។ ប្រភពពីជនរងគ្រោះបានឲ្យដឹងថា នៅមុនពេលកើតហេតុ ជនរងគ្រោះបានដឹកជនសង្ស័យចេញពីម្តុំមន្ទីរពេទ្យលោកសង្ឃ ដោយធ្វើដំណើរមកដល់ចំណុចកើតហេតុខាងលើ ជនសង្ស័យបានខ្ចីទូរសព្ទពីជនរងគ្រោះទៅបំភ្លឺមើលបើកភ្លើង ក្រោយខ្ចីទូរសព្ទពីជនរងគ្រោះបានហើយ ជនសង្ស័យបានពួនក្នុងរោងមិនព្រមប្រគល់ទូរសព្ទដៃឲ្យជនរងគ្រោះវិញ ដោយឃើញបាត់យូរជនរងគ្រោះបានស្រែកហៅជនសង្ស័យ តែមិនឆ្លើយតប។ ភ្លាមនោះកម្លាំងល្បាតយើងបានធ្វើការល្បាតដល់ចំណុចកើតហេតុ ជនរងគ្រោះបានរាយការណ៍ប្រាប់ពីដំណើររឿងហេតុខាងលើប្រាប់ ពេលនោះសមត្ថិកិច្ចបានធ្វើការឃាត់ខ្លួនជនសង្ស័យរួមទាំងវត្ថុតាងយកមកធ្វើការសាកសួរនៅប៉ុស្តិ៍រដ្ឋបាលក្រាំងធ្នង់តែម្តង។ បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ…

ភ្នំពេញ៖ នគរប៉ុស្តិ៍រដ្ឋបាលសង្កាត់ក្រាំងធ្នង់ ឃាត់ខ្លួនជនសង្ស័យម្នាក់ក្នុងចំណោមបក្ខពួក២នាក់ ករណីប៉ុនប៉ងលួចម៉ូតូមិនបានសម្រេច កាលពីវេលាម៉ោង០៣និង៣០នាទី ថ្ងៃទី៦ ខែធ្នូ ឆ្នាំ២០១៨ នៅចំណុចផ្ទះគ្មានលេខ ផ្លូវបេតុង ភូមិវិមានទ្រង់ សង្កាត់ក្រាំងធ្នង់ ខណ្ឌសែនសុខ។ នគរបាលប៉ុស្តិ៍ក្រាំងធ្នង់បានឲ្យដឹងថា ជនសង្ស័យដែលឃាត់ខ្លួនបានមានឈ្មោះ ជា ធី ភេទប្រុស អាយុ៤១ឆ្នាំ មុខរបររើសអេតចាយ ស្នាក់នៅភូមិអណ្តូង៣ សង្កាត់គោករកា ខណ្ឌព្រែកព្នៅ (មានសារធាតុញៀន)។ ចំណែកបក្ខពួកម្នាក់ទៀតឈ្មោះ អូន រត់គេចខ្លួន។ រីឯជនរងគ្រោះឈ្មោះ អ៊ី ហៀងហុង ភេទប្រុស អាយុ៣៥ឆ្នាំ មុខរបរយោធា ស្នាក់នៅផ្ទះគ្មានលេខ ផ្លូវបេតុង ភូមិវិមានទ្រង់ សង្កាត់ក្រាំងធ្នង់ ខណ្ឌសែនសុខ។ សម្ភារបន្សល់ទុកមាន រ៉ឺម៉ក និងម៉ូតូអេតចាយ១គ្រឿង ពណ៌ក្រហមពាក់ស្លាកលេខ ភ្នំពេញ1F-4651 របស់ជនសង្ស័យសង្ស័យ។ ប្រភពពីជនរងគ្រោះបានឲ្យដឹងថា  មុនពេលកើតហេតុ ខ្លួនកំពុងដេកក្នុងផ្ទះ ស្រាប់តែឮសំឡេងគាស់ទ្វារផ្ទះផ្នែកខាងក្រោយ ភ្លាមនោះជនរងគ្រោះបានក្រោកទៅមើលឃើញជនសង្ស័យ២នាក់ រួចក៏ស្រែកថាចោរៗ ពេលនោះក៏មានអ្នកនៅជិតខាងបានចេញមកមើល និងនាំគ្នាដេញចាប់បានជនសង្ស័យឈ្មោះ ជា…

ខេត្តឧត្តរមានជ័យ៖ ដោយមានការយកចិត្តទុកដាក់ពីប្រមុខរាជរដ្ឋាភិបាល សម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នៅព្រឹកថ្ងៃទី៧ ខែធ្នូ ឆ្នាំ២០១៨នេះ ឯកឧត្តម ប៉ែន កុសល អភិបាលនៃគណៈអភិបាលខេត្តឧត្តរមានជយ័ ឯកឧត្តម យឹម ធិន ប្រធានក្រុមប្រឹក្សាខេត្ត តំណាងដ៏ខ្ពង់ខ្ពស់របស់សម្ដេច បានអញ្ចើញជួបសំណេះសំណាលជាមួយនឹងប្រជាពលរដ្ឋចំនួន៧០០គ្រួសារ នៅស្រុកបន្ទាយអំពិល ខេត្តឧត្តរមានជ័យ។ អំណោយដ៏ថ្លៃថ្លារបស់សម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលបានផ្តល់ជូនសង្គ្រោះបន្ទាន់ដល់គ្រួសារក្រីក្រចំនួនចំនួន៧០០គ្រួសារ នាពេលនោះ ដោយក្នុងមួយគ្រួសារៗទទួលបាន អង្ករ២៥គីឡូក្រាម ក្រមា១ ប៊ីចេង១កញ្ចប់ មី១កេស ម៉ុង១ និងភួយ១ផងដែរ។ ពលរដ្ឋទាំង៧០០គ្រួសារ ដែលបានទទួលអំណោយដ៏ថ្លៃថ្លារបស់សម្ដេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានមានការត្រេកអរសប្បាយរីករាយ និងដឹងគុណទៅដល់សម្ដេចតេជោ ហ៊ុន…

កាលពីព្រឹកថ្ងៃទី៧ ខែធ្នូ ឆ្នាំ២០១៨នេះ មានការប្រទាញប្រទង់គ្នារវាងម្ចាស់ដីតូប និងគណៈកម្មការចម្រុះក្រុងសៀមរាប ក្នុងការអនុវត្តសេចក្តីណែនាំរបស់ខេត្ត ក្នុងការរុះរើសំណង់តូបលក់ដូរនៅលើដីចំណីផ្លូវចំនួន២កន្លែង ស្ថិតនៅតាមផ្លូវវាងក្រុង ក្នុងភូមិកក្រាញ់ សង្កាត់សៀមរាប ក្រុង-ខេត្តសៀមរាប ដែលមានម្ចាស់ឈ្មោះ វ៉េង ហ៊ាង ដោយយោងតាមពាក្យបណ្តឹងរបស់ឈ្មោះ អ៊ុន ប៊ុនធី មានទីលំនៅភូមិជាមួយគ្នា ដើមី្បសុំរុះរើសំណង់ទាំងពីរចេញពី ដីចំណីផ្លូវ ដែលនៅមុខដីរបស់ខ្លួន។ ក្នុងការចុះអនុវត្តរុះរើសំណង់តូបទាំងពីរនេះ ក្រោមកិច្ចដឹកនាំរបស់លោក នួន ពុទ្ធារ៉ា អភិបាលនៃគណៈអភិបាលក្រុងសៀមរាប រួមទាំងមេធាវីចុងបណ្តឹងចូលរួមផងដែរ។ ដោយយោងតាមការសន្និដ្ឋានរបស់សាលាដំបូងខេត្តសៀមរាប ក្នុងការចេញសាលក្រម ដោយបានបញ្ជាក់ ទៅលើការលើកបណ្តឹងរឿងរដ្ឋប្បវេណីលេខ៥៣៥ ចុះថ្ងៃទី១៩ ធ្នូឆ្នាំ២០១៣ ចោល ដោយសាលក្រមដោយមិនឆ្លងកាត់ការទាញហេតុផលផ្ទាល់មាត់ ដោយខ្វះលក្ខខណ្ឌបណ្តឹង ស្របតាមមាត្រា៣២ និងស្របតាមមាត្រា៨១ នៃក្រមនីតិវិធីរដ្ឋប្បវេណី នៅក្នុងសេចក្តីសម្រេចបញ្ចប់ ដោយលើកចោលនូវបណ្តឹងរឿងរដ្ឋប្បវេណីលេខ៥៣៥ ចុះថ្ងៃទី១៩ ធ្នូឆ្នាំ២០១៣ នៃសាលក្រមលេខ១៣(ណ) ចុះថ្ងៃទី២០ ខែឧសភា ឆ្នាំ២០១៤។ ក្នុងសកម្មភាពប្រតិបត្តិការរុះរើនោះដែរ មានលេចចេញនូវភាពជំទាស់ពីម្ចាស់ដីតូបជាមួយកម្លាំងចុះប្រតិបត្តិការក្នុងការរុះរើ ដោយមានការប្រមាថនូវពាក្យសំដីធ្ងន់ៗនឹងគ្នា។ តែក្នុងនោះដែរ…

ភ្នំពេញ៖ ឯកឧត្តមកិត្តិសេដ្ឋាបណ្ឌិត ចម ប្រសិទ្ធ ទេសរដ្ឋមន្ត្រី រដ្ឋមន្ត្រីក្រសួងឧស្សាហកម្ម និងសិប្បកម្ម បានគូសបញ្ជាក់ថា ការបង្កើតនូវផលិតផលមានគុណភាព ដែលជាស្នាដៃពិតរបស់ខ្លួន គឺជំរុញឱ្យវិស័យឧស្សាហកម្ម និងសេដ្ឋកិច្ចជាតិកាន់តែប្រសើរឡើង។ នេះជាប្រសាសន៍លើកឡើងក្នុងពេលដែលឯកឧត្តមអញ្ជើញជាអធិបតីក្នុងពិធីបើកម្ពោធជាផ្លូវការរោងចក្រផលិតក្បឿង និងទុយោ នាព្រឹកថ្ងៃទី៧ ខែធ្នូ ឆ្នាំ២០១៨ តាមបណ្តោយផ្លូវជាតិលេខ២ ស្ថិតក្នុងសង្កាត់រលួស ខណ្ឌដង្កោ។ រោងចក្រក្បឿង និងទុយោ ជីបម៉ុង អ៊ីនដាស្ទ្រីស៍ ត្រូវបានសាងសង់លើផ្ទៃដីជាង១១ហិកតា ដែលមានទីតាំងស្ថិតនៅក្នុងខណ្ឌដង្កោ រាជធានីភ្នំពេញ។ រោងចក្រនីមួយៗត្រូវបានបំពាក់ដោយបច្ចេកវិទ្យាចុងក្រោយមកពីប្រទេសអ៊ីតាលី និងប្រើប្រាស់វត្ថុធាតុដើមដ៏ល្អឥតខ្ចោះ ដែលមានលទ្ធភាពផលិតក្បឿង និងទុយោដែលមានគុណភាពខ្ពស់ សម្រាប់ផ្គត់ផ្គង់ទីផ្សារសំណង់ក្នុងប្រទេសកម្ពុជា។ ថ្លែងក្នុងកម្មវិធីសម្ពោធ លោកឧកញ៉ា លាង ឃុន ប្រធានក្រុមអគ្គនាយកក្រុមហ៊ុន ជីបម៉ុង បានឲ្យដឹងថា «ខ្ញុំសង្ឃឹមថា ការវិនិយោគក្នុងវិស័យឧស្សាហកម្មទ្រង់ទ្រាយធំរបស់វិនិយោគិនក្នុងស្រុកក៏ជាការចូលរួមចំណែកមួយជ្រុងតូចក្នុងការលើកមុខមាត់ប្រទេសក្នុងវិស័យឧស្សាហកម្ម តាមរយៈការបោះជំហានពីប្រទេសកសិកម្មទៅជាប្រទេសឧស្សាហកម្ម កាត់បន្ថយការនាំចូលសម្ភារសំណង់ពីបរទេស និងជួយបង្កើនសេដ្ឋកិច្ចជាតិ»។ គ្រឿងចក្ររបស់រោងចក្រក្បឿង មានលទ្ធភាពផលិតក្បឿងបាន១៤០សន្លឹកក្នុងមួយនាទី ខណៈរោងចក្រទុយោមានលទ្ធភាពផលិតទុយោបាន៥០០តោនក្នុងមួយខែ។ ក្រៅពីរោងចក្រផលិតក្បឿង និងទុយោ…