រាសីលោកអ្នកល្អទេ?

សម្តេចតេជោ ហ៊ុន សែន សម្តែងការហួសចិត្តចំពោះបុគ្គលម្នាក់ដែលបានវិភាគទាក់ទងនឹង​ទស្សនកិច្ចរបស់ ឯកឧត្តម ហ៊ុន ម៉ាណែត ទៅកាន់ប្រទេសវៀតណាម កាលពីពេលថ្មីៗនេះ ដោយរិះគន់ថា វៀតណាមទទួល លោក ហ៊ុន ម៉ាណែត ច្រើនលើសលុប និងថា ទស្សនកិច្ចនេះជាការទៅសុំយោបល់វៀតណាម។ ឆ្លើយតបទៅនឹងការចោទប្រកាន់លើឯកឧត្តម ហ៊ុន ម៉ាណែត ដែលបានទៅធ្វើទស្សកិច្ចនៅប្រទេសវៀតណាម ដែលថាទៅសុំការគាំទ្រពីវៀតណាម ដើម្បីធ្វើ ជាបេក្ខភាពជានាយករដ្ឋមន្ត្រី, សម្តេចតេជោ ហ៊ុន សែន បានថ្លែងបញ្ជាក់ថា សម្រាប់ប្រទេសកម្ពុជាមិនមានតម្រូវកាទៅសុំការគាំទ្រ ដើម្បីធ្វើជាបេក្ខភាពនាយករដ្ឋមន្ត្រីនៅកម្ពុជា ពីប្រទេសណាទាំងអស់ គឺត្រូវការតែមានការគាំទ្រពីគណបក្សប្រជាជនខ្លួនឯងតែប៉ុណ្ណោះ។ ការថ្លែងនេះធ្វើឡើងក្នុងឱកាសអញ្ជើញប្រគល់សញ្ញាបត្រ ជូននិស្សិតជយលាភីរបស់សាកលវិទ្យាល័យអាស៊ី-អឺរ៉ុប ចំនួន ៣,០៧៥នាក់ នៅព្រឹកថ្ងៃទី២៣ ខែសីហា ឆ្នាំ២០២២នេះ។

សម្តេចតេជោ ហ៊ុន សែន ថា បើគណបក្សផ្សេងក្រៅពីគណបក្សប្រជាជនកម្ពុជា ដឹងតែមានសង្រ្គាមតែម្តង ព្រោះថា ក្រុមជ្រុលនិយម ប្រើនយោបាយសង្គ្រាម ដូចជាត្រៀមរឹបអូសពីអ្នកមានជួយអ្នកក្រ ដើម្បីឡើងកាន់អំណាច។ ចំណុចនេះ បញ្ជាក់ថា បើអ្នកទាំងនោះចិត្តសឿងដាក់ចេញជាកម្មវិធីនយោបាយ ដើម្បីប្រកួតក្នុងការបោះឆ្នោតខាងមុខតែម្តងទៅ៕

សម្តេចតេជោ ហ៊ុន សែន មិនបានអប់រំកូនអោយធ្វើមេចោរទេ នេះជាសារបញ្ជាក់ បើ ហ៊ុន ម៉ាណែត មិនគ្រប់លក្ខខ័ណ្ឌទេ គឺមិនអនុញ្ញាតិអោយប្រទេសកម្ពុជាបំផ្លាញដោយដៃ កូនហ៊ុនសែនឡើយ ហើយបើគណបក្សប្រជាជនមិនពេញចិត្តហើយ ក៏មិនបានដែរ។