(សៀមរាប)៖ លោកជំទាវបណ្ឌិត ពេជ ចន្ទមុនី្ន ហ៊ុនម៉ាណែត បានអញ្ជើញដឹកនាំក្រុមការងារ ចុះសួរសុខទុក្ខ និងពិនិត្យស្ថានភាពរស់នៅជាក់ស្តែងរបស់បងប្អូនប្រជាពលរដ្ឋ ដែលកំពុងភៀសសឹក ចំនួន ២.៤០០គ្រួសារស្មើនឹង ៨.៣៣៥នាក់ ដែលកំពុងប្រមូលផ្តុំនៅក្នុង មណ្ឌលសុវត្ថិភាពចំនួន ៣ទីតាំង ស្ថិតក្នុងខេត្តសៀមរាបរួមមាន ៖ មណ្ឌលសុវត្ថិភាពក្នុងបរិវេណ វត្តខ្នារតេជោ ភូមិខ្នារ ឃុំជន្លាស់ដៃ ស្រុកក្រឡាញ់ ចំនួន ១.០០០ គ្រួសារស្មើនឹង ៣.៨៦៨នាក់ មណ្ឌលសុវត្ថិភាពស្ថិតក្នុងបរិវេណវត្តចារឈូក ភូមិជូនស្វា ឃុំចារឈូក ស្រុកអង្គរជុំមានចំនួន ៤០០គ្រួសារស្មើនឹង ១.២៨៩នាក់ និងមណ្ឌលសុវត្ថិភាព ស្ថិតក្នុងបរិវេណ វត្តជ្រោយនាងបួន ភូមិជ្រោយនាងបួន ឃុំជ្រោយនាងបួន ស្រុកស្រីស្នំ ខេត្តសៀមរាប ចំនួន ១.០០០គ្រួសារ ស្មើនឹង ៣.១៧៨នាក់ ។ ក្នុងឱកាសនៃការអញ្ជើញជួបសួរសុខទុក្ខនៅថ្ងៃទី២៩ ខែកក្កដា ឆ្នាំ២០២៥ លោកជំទាវបណ្ឌិត បានសំណេះសំណាល និងបានផ្តល់ស្បៀងអារហារ និងរបស់របរប្រើប្រាសចាំបាច់ជាច្រើនជូន បងប្អូនប្រជាពលរដ្ឋភៀសសឹកទាំង ២.៤០០គ្រួសារនូវថ្នាំពេទ្យ តង់ មុង…

(ភ្នំពេញ)៖ ទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្តុះបណ្តាលវិជ្ជាជីវៈ សហការជាមួយអង្គការអន្តរជាតិខាងការងារ (ILO) បានរៀបចំវេទិកាការងារនៅខេត្តបាត់ដំបង នាថ្ងៃទី២៥ ខែកក្កដា ឆ្នាំ២០២៥ ដើម្បីចែករំលែកព័ត៌មានឱកាស ការងារ ឱកាសបណ្តុះបណ្តាល កម្មសិក្សា កម្មវិធីស្ម័គ្រចិត្ត និងអាហារូបករណ៍ដែលកំពុង មាននៅ ក្នុងវិស័យជាច្រើន រាប់ចាប់ពីវិស័យ ទេសចរណ៍ អាហារកែច្នៃ និងរថយន្ត។ យោងតាមជំរឿនទូទៅប្រជាជននៅកម្ពុជា ខេត្តបាត់ដំបងជាប់ចំណាត់ថ្នាក់ជាខេត្តដែលមានប្រជាជនច្រើនជាងគេលំដាប់ទី៥ សរុបចំនួន ៩៩៧.១៦៩ នាក់ ស្មើនឹង ៦.៤% នៃចំនួនប្រជាជនសរុប។ ខេត្តនេះក៏បង្ហាញពីអត្រាចូលរួមកម្លាំងពលកម្មដ៏រឹងមាំផងដែរ ដោយ ៧៦% នៃបុគ្គលដែលមានអាយុចាប់ពី ១៥ឆ្នាំឡើងទៅបានចូលរួមយ៉ាងសកម្មក្នុងកម្លាំងពលកម្ម។ លើសពីនេះ ខេត្តបាត់ដំបងមិនត្រឹមតែលេចធ្លោពាក់ព័ន្ធនឹងការមានសហគ្រាសជាច្រើន និងសក្តានុពលកម្លាំងពលកម្មចម្រុះប៉ុណ្ណោះទេ ប៉ុន្តែខេត្តនេះក៏មានតួនាទីសំខាន់ក្នុងការជួយរាជរដ្ឋាភិបាលក្នុងការផ្តល់ឱកាស ការងារ និងការធ្វើសមាហរណកម្មរបស់ពលករទេសន្តរប្រវេសន៍ដែលធ្វើមាតុភូមិនិវត្តន៍ប្រកបដោយប្រសិទ្ធភាពក្នុងទីផ្សារការងារក្នុងស្រុកផងដែរ។ វេទិកានេះបានផ្តល់ជាវេទិកាពិសេសមួយសម្រាប់អ្នកចូលរួមជាង ១.០០០ នាក់ រួមទាំងពលករទេសន្តរប្រវេសន៍ដែលធ្វើមាតុភូមិនិវត្តន៍ យុវជន និងយុវជនមានពិការភាពដើម្បីធ្វើអន្តរកម្មជាមួយក្រុមហ៊ុន និងស្ថាប័នល្បីៗ និងគ្រឹះស្ថានផ្តល់ការអប់រំ និងបណ្តុះបណ្តាល ស្តីពីទស្សនវិស័យការងារ និងគំនិតផ្តួចផ្តើមកសាងសមត្ថភាពដែលមាននៅលើទីផ្សារការងារ។ លោកស្រី ហង្ស…

(បន្ទាយមានជ័យ)៖ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តបន្ទាយមានជ័យ កាលពីទី២៨ ខែកក្កដា ឆ្នាំ២០២៥ បានអញ្ជើញបន្តសួរសុខទុក្ខ និងនាំយកស្បៀងជូនប្រជាពលរដ្ឋ និងក្រុមគ្រួសារកងទ័ព ប្រមាណ ៣២៩គ្រួសារ ដែលបានភៀសខ្លួនពីតំបន់សឹកខេត្តឧត្ដរមានជ័យ និងតំបន់ខេត្តបន្ទាយមានជ័យ មករកទីតាំងសុវត្ថិភាពក្នុងស្រុកព្រះនេត្រព្រះ ដែលរហូតមកដល់ពេលនេះបានកើនឡើងដល់ជាង ៩០០ គ្រួសារ។ តមក ឯកឧត្តម ឌិត ទីណា បានបន្តអញ្ជើញទទួលអំណោយសប្បុរសធម៌ ជាថវិកា ស្បៀង និងគ្រឿងបរិក្ខារប្រើប្រាស់ សរុបប្រមាណ ៣ម៉ឺនដុល្លារ សម្រាប់នាំយកជូនប្រជាពលរដ្ឋជម្លៀសពីតំបន់សឹកមកទីតាំងសុវត្ថិភាពនៅខេត្តបន្ទាយមានជ័យ។ ក្នុងនាមក្រុមការងាររាជរដ្ឋាភិបាលចុះមូលដ្ឋានខេត្តបន្ទាយមានជ័យ ឯកឧត្តមរដ្ឋមន្ត្រី សូមថ្លែងអំណរគុណដ៏ជ្រាលជ្រៅចំពោះ សមាគមខ្មែរ-ចិនខេត្តកណ្ដាល ក្រុមហ៊ុន ឈុន សុខអាន ក្រុមហ៊ុន តាំង ឌី គ្រុប និងក្រុមហ៊ុន លីណា អេហ្គ្រីខលឈ័រ សម្រាប់ទឹកចិត្តនាំយកអំណោយមកជួយគាំពារជនរួមជាតិក្នុងគ្រាលំបាក ៕ ប្រភព ៖ ក្រសួងកសិកម្ម

(ភ្នំពេញ)៖ សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានអញ្ជើញចូលរួម គោរពវិញ្ញាណក្ខន្ធសព ឧត្តមសេនីយ៍ឯក ដួង សំនៀង មេបញ្ជាការកងពលតូចអន្តរាគមន៍លេខ៧ កងពលធំអន្តរាគមន៍លេខ៣ នៅរាជធានីភ្នំពេញ ព្រឹកថ្ងៃទី២៩ ខែកក្កដា ឆ្នាំ២០២៥ បន្ទាប់ពី ឧត្តមសេនីយ៍ឯក ដួង សំនៀង បានពលីក្នុងជន្មាយុ៦៧ឆ្នាំ ក្នុងបុព្វហេតុការពារបូរណភាពទឹកដី កាលពីថ្ងៃសៅរ៍ទី២៦ ខែកក្កដា ឆ្នាំ២០២៥ នៅមូលដ្ឋានសមរភូមិមុខទិសប្រាសាទតាមាន់ធំ ខេត្តឧត្តរមានជ័យ ។ សម្តេចមហាបវរធិបតី នាយករដ្ឋមន្រ្តី បានចូលរួមរំលែកទុក្ខឥតឧបមា និងបានបង្ហាញ នូវការសោកស្តាយស្រណោះអាឡោះអាល័យ ជាមួយនឹងការដឹងគុណយ៉ាងជ្រាលជ្រៅ ជូនដល់លោកជំទាវ អ៊ុក ស៊ុនរ៉ានី ព្រមទាំងក្រុមគ្រួសារ ចំពោះការបាត់បង់ ឯកឧត្តមឧត្តមសេនីយ៍ឯក ដួង សំនៀង ដែលជាការបាត់បង់នូវស្វាមី ឪពុក ឪពុកក្មេក និងជីតា ដែលប្រកបដោយព្រហ្មវិហារធម៌ដ៏ថ្លៃថ្លា សង្គហធម៌គំរូមួយរូប ឥស្សរជនស្នេហាជាតិដ៏ឧត្ដុង្គឧត្តម នៃកងយោធពលខេមរភូមិន្ទ ពោរពេញដោយឆន្ទៈ មនសិការដ៏មោះមុត អង់អាចក្លាហាន រួមចំណែកយ៉ាងធំធេង ក្នុងការប្រយុទ្ធតស៊ូជាមួយខ្មាំងសៀម…

(ឧត្តរមានជ័យ)៖ មេបញ្ជាការភូមិភាគ៤ កម្ពុជា និងមេបញ្ជាការភូមិភាគទី២ ថៃ ឯកភាព យល់ព្រមឈប់បាញ់គ្នា ។ យោងតាមកិច្ចប្រជុំរវាងឧត្តមសេនីយ៍ឯក ពៅ ហេង មេបញ្ជាការយោធភូមិភាគទី៤ កម្ពុជា ជាមួយមេបញ្ជាការយោធភូមិភាគទី២ ថៃ នៅច្រកទ្វារអន្តរជាតិអូស្មាច់ ខេត្តឧត្តរមានជ័យ បានបញ្ចប់ហើយ នៅវេលាម៉ោងប្រមាណ ១១ព្រឹក ថ្ងៃទី២៩ ខែកក្កដា ឆ្នាំ២០២៥ ។ ចំពោះលទ្ធផលរួមមាន៖ ទី១៖ យល់ព្រមឈប់បាញ់គ្នា តាមកិច្ចព្រមព្រៀង ។ ទី២៖ បង្កើនកិច្ចទំនាក់ទំនងរវាងគ្នា ។ ទី៣៖ បើមានបញ្ហាត្រូវរួមគ្នាដោះស្រាយរវាងភូមិភាគ៤ និងភាគ២ ដោយម្ខាង ៤នាក់ ៕ ដោយ ៖ វណ្ណលុក

(ខេត្តបន្ទាយមានជ័យ)៖ មេភូមិភាគ ៥កម្ពុជា និងមេភូមិភាគទី១ ថៃ បានឯកភាពគ្នា គោរពកិច្ចព្រមព្រៀងបទឈប់បាញ់របស់ថ្នាក់ដឹកនាំ នៃប្រទេសទាំងពីរ ។ យោងតាមជំនួបរវាងឧត្តមសេនីយ៍ឯក ឯក សំអូន មេបញ្ជាការយោធភូមិភាគទី៥ របស់កម្ពុជា ជាមួយមេបញ្ជាការយោធភូមិភាគទី១ ថៃ នៅទ្វារអន្តរជាតិច្រកប៉ោយប៉ែត ខេត្តបន្ទាយមានជ័យ កាលពីវេលាម៉ោង ៩ព្រឹកថ្ងៃទី២៩ ខែកក្កដា បានបញ្ចប់ហើយ ។ ចំពោះលទ្ធផលរួមមាន៖ សន្យាឈប់បង្កើនទ័ព ជៀសវាងការប្រឈមមុខដាក់គ្នា, ភ្ជាប់ទំនាក់ទំនង និងផ្តល់ព័ត៌មានឱ្យគ្នាទៅវិញទៅមក ហើយប្រសិនបើមានបញ្ហាអ្វីផ្សេងធ្ងន់ធ្ងរ ត្រូវផ្តល់យោបល់ពីថ្នាក់លើជាដើម ៕ ដោយ ៖ វណ្ណលុក

ឧត្តរមានជ័យ៖ ក្រោយពីបើកកិច្ចប្រជុំអស់រយៈពេលប្រមាណជា ១ម៉ោង នៅថ្ងៃអង្គារ ទី ២៩ ខែកក្កដានេះ មេបញ្ជាការភូមិភាគ៤ កម្ពុជា និងមេបញ្ជាការភូមិភាគទី២ ថៃ បានឯកភាពឈប់បាញ់គ្នាតទៅទៀត។កិច្ចប្រជុំ រវាងឧត្តមសេនីយ៍ឯក ពៅ ហេង មេបញ្ជាការយោធភូមិភាគទី៤ កម្ពុជា ជាមួយមេបញ្ជាការយោធភូមិភាគទី២ ថៃ បានចាប់ផ្តើមនៅម៉ោងប្រមាណ ១០ព្រឹកនៅថ្ងៃនេះ នៅច្រកទ្វារអន្តរជាតិអូស្មាច់ ខេត្តឧត្តរមានជ័យ។ជាលទ្ធផល ភាគីទាំងពីរបានព្រមព្រៀងគ្នាលើបីចំណុច គឺ ទី១៖ យល់ព្រមឈប់បាញ់គ្នា តាមកិច្ចព្រមព្រៀង ។ ទី២៖ បង្កើនកិច្ចទំនាក់ទំនងរវាងគ្នា និងទី៣៖ បើមានបញ្ហាត្រូវរួមគ្នាដោះស្រាយរវាងភូមិភាគ៤ និងភាគ២ ដោយម្ខាង៤នាក់។ការព្រមព្រៀងឈប់ប្រយុទ្ធគ្នារវាងកងទ័ពប្រទេសទាំងពីរ ធ្វើឡើងមួយថ្ងៃ ក្រោយពីប្រមុខរដ្ឋាភិបាលកម្ពុជា សម្តេចនាយករដ្ឋមន្ត្រី ហ៊ុន ម៉ាណែត បានសម្រេចកិច្ចព្រមព្រៀងឈប់បាញ់បន្ទាន់មួយជាមួយសមភាគីថៃ នៅទីក្រុងគូឡាឡាំពួរ៕ ដោយ Sou Vanlok