(ភ្នំពេញ)៖ កងទ័ពឈ្លានពានរបស់ថៃនៅថ្ងៃទី២៧ និង ២៨ ខែកក្កដា ឆ្នាំ២០២៥​បានក្រៅពីប្រើអាវុធធន់ធ្ងន់ យន្តហោះ គ្រាប់បែកចង្កោម ហើយនោះ នាពេលនេះ​បានចាប់ផ្តើមវាយប្រហារដោយប្រើគ្រាប់បែកផ្សែងពុលមកលើកងទ័ពកម្ពុជាថែមទៀត។ យោងតាមសេចក្តីរាយការណ៍របស់អ្នកនាំពាក្យក្រសួងការពារជាតិកម្ពុជា ស្តីពី​បច្ចុប្បន្ន​ភាព នៃការឈ្លានពានរបស់កងទ័ពថៃមកលើទឹកដីកម្ពុជា លោកជំទាវ​ឧត្តម​សេនីយ៍ឯក ម៉ាលី សុជាតាបានឱ្យដឹងនាព្រឹកថ្ងៃទី ២៨ ខែមករា ឆ្នាំ២០២៥នេះ​ឱ្យដឹងថា៖នាពេលនេះកងទ័ពឈ្លានពានថៃបានប្រើផ្សែងពុលមកលើកងទ័ពកម្ពុជា​យ៉ាងហោចណាស់២កន្លែងពោលគឺនៅតំបន់អានសេះ និងតំបន់ភ្នំខ្មោច។ ក្រសួ​​ងការពារជាតិកម្ពុជាបានចាត់ទុកថាការប្រើប្រាស់អាវុធធន់ធ្ងន់ យន្តហោះ គ្រាប់បែកចង្កោម និងចុងក្រោយនេះឈានដល់ការប្រើប្រាស់ផ្សែងពុល​ជាអំពើខុស​ច្បាប់ធ្ងន់ធ្ងរអន្តរជាតិ និងត្រូវបញ្ឈប់ជាបន្ទាន់ ។ បើតាមអ្នកនាំពាក្យក្រសួងការពារជាតិកម្ពុជាបានឱ្យដឹងដែរទាក់ទិនទៅនឹងសមរភូមិរយៈពេល៥ថ្ងៃមកនេះពីសំណាក់កងទ័ពថៃ ឈ្លានពានមកលើអធិបតេយ្យភាពកម្ពុជា​ដែលកំពុងបង្ហាញយ៉ាងច្បាស់ក្រឡែតអំពីការរំលោភបំពានលើធម្មនុញ្ញនៃអង្គការសហប្រជាជាតិ ធម្មនុញ្ញាអាស៊ាន និងគោលការណ៍គ្រឹះនៃច្បាប់អន្តរជាតិ។សកម្មភាព​ដែលគ្មានទំនួលខុសត្រូវ និង ខុសច្បាប់បែបនេះបានបង្កយ៉ាងធ្ងន់ធ្ងរដល់ សន្តិភាព ស្ថេរភាព ក្នុងតំបន់ នោះទេ ប៉ុន្តែថែមទាំងប៉ះពាល់ដល់មូលដ្ឋានគ្រឹះ​នៃសណ្តាប់ធ្នាប់​អន្តរជាតិទៀតផង។ ជាមួយគ្នានេះ អ្នកនាំពាក្យក្រសួងការពារជាតិកម្ពុជាបានថ្លែងប្រាប់អំពីសកម្មភាព​សមរ​ភូមិ ភូមិភាគទី ៤ដែលភាគីថៃបានបើកការបាញ់ប្រហារមកលើកម្ពុជា ពោល​គឺចាប់តាំងតែវេលាម៉ោង ២,០០នាទីរំលងអាធ្រាតុថ្ងៃទី២៧ ខែកក្កដា ឆ្នាំ២០២៥ ដោយបានចាប់ផ្តើមផ្លោងនៅវាលឥន្ទ្រី ។ សម្រាប់ម៉ោង១៣,០០កងទ័ពឈ្លានពានថៃចាប់ផ្តើមវាយប្រហារនៅតំបន់៥ មករា ចំ​កា​រចេក និងប្រាសាទព្រះវិហារ ។ វេលាម៉ោង ១៥,១៧នាទីយន្តហោះ​ថៃបាន​បាញ់​ផ្សែងពុលនៅអានសេះ។នៅវេលាម៉ោង ១៦,១២នាទីសភាពការណ៍នៅជប់គគីរ…

ភ្នំពេញ៖ តាមរយៈការឈ្លានពានយ៉ាងឃោរឃៅរបស់កងទ័ពថៃ និងការវាយប្រហារគ្នារយៈពេល៥ថ្ងៃមកនេះ មានពលករ ខ្មែរដែលធ្វើការនៅប្រទេសថៃ​យ៉ាងហោចណាស់ប្រមាណជិត ៤០ម៉ឺននាក់បាននាំគ្នាសម្រុកមកកាន់​ប្រទេស​កំណើតវិញ។នេះបើតាមការបញ្ជាក់របស់លោកជំទាវឧត្តមសេនីយ៍ឯក ម៉ាលី សុជាតា អនុរដ្ឋលេខាធិការ និងជាអ្នកនាំពាក្យ​ក្រសួង​ការពារជាតិនៅព្រឹកថ្ងៃទី ២៨ ខែកក្កដា ឆ្នាំ ២០២៥ ក្នុងសន្និសីទសារព័ត៌មានស្តីពីបច្ចុប្បន្នភាពនៃការ​ឈ្លានពាន​របស់​កងទ័ពថៃមកលើទឹកដីកម្ពុជា។ លោកជំទាវបានបញ្ជាក់ថា យោងតាមរបាយការណ៍របស់ក្រសួងការងារនិងបណ្តុះបណ្តាលវិជ្ជាជីវៈ ចាប់តាំងពីថ្ងៃទី២៤ ខែកក្កដា រហូតមកដល់ថ្ងៃទី២៧ ខែកក្កដា ពលករខ្មែរបានវិលត្រឡប់ពីប្រទេសថៃវិញមានចំនួនប្រមាណ ២០៣ ៧០៦ នាក់។ដោយឡែកកាលពីថ្ងៃម្សិលមិញមានពលរដ្ឋខ្មែរចំនួន ១២០ ៤៣៨ នាក់ដែលបានវិលចូលប្រទេសកម្ពុជាវិញ។ នៅថ្ងៃនេះ យើងរំពឹងថានឹងមានពលករវិលត្រឡប់ពីប្រទេសថៃមកកម្ពុជាប្រមាណជាង១៥ម៉ឺននាក់។ ដូច្នេះក្នុងរយៈពេល ៥ ថ្ងៃនេះពលករខ្មែរបានវិលត្រឡប់មកកាន់កម្ពុជាវិញប្រមាណជិត ៤០ ម៉ឺននាក់ ហើយចំនួននេះនឹងត្រូវកើនឡើង​បន្ថែមទៀត ប្រសិនបើការប្រយុទ្ធគ្នានៅតែបន្ត។ អ្នកនាំពាក្យដដែលបានលើកឡើងថា យើងក៏បានទទួលសេចក្តីរាយការណ៍ជាច្រើនពាក់ព័ន្ធនឹងការវាយដំ ធ្វើបាប គំរាម​កំហែង ពីសំណាក់ក្រុមជ្រុលនិយមជនជាតិថៃ មកលើប្រជាពលរដ្ឋស្លូតត្រង់ដែលជាពលករកម្ពុជា ។នេះជាទង្វើអ​មនុស្ស​ធម៌ ខុសច្បាប់និង មិនអាចអត់ឱនឱ្យបានសោះឡើយ។ ជាមួយនឹងទង្វើព្រៃផ្សៃរបស់ក្រុមជាតិនិយមថៃនេះដែរក្រសួងការពារជាតិកម្ពុជាបានធ្វើការអំពាវនាវដល់អាជ្ញាធរថៃចាត់វិធានការជាបន្ទាន់ដើម្បីការពារប្រជាពលរដ្ឋខ្មែរនៅទីនោះ ក៏ដូចជាចាប់ជនល្មើសឱ្យមកទទួលខុសត្រូវចំពោះមុខច្បាប់ ដែលជាអំពើឧក្រិដ្ឋរបស់ខ្លួនដោយផ្តល់នូវយុត្តិធម៌ និងតម្លាភាពជូនពលករកម្ពុជា។ ដោយឡែកកាលពីថ្ងៃទី២៧ ខែកក្កដា ក្រសួងការងារ និងបណ្ដុះបណ្ដាលវិជ្ជាជីវៈ បានចេញសេចក្តី​សូមអំពាវនាវដល់​បងប្អូនប្រជាពលរដ្ឋ…

(ភ្នំពេញ)៖ លោកជំទាវ ឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួងការពារជាតិកម្ពុជា បានអះអាងថា ថ្ងៃទី២៨ ខែកក្កដា ឆ្នាំ២០២៥នេះ ទាហានឈ្លានពានថៃ បានបាញ់គ្រាប់បែកផ្សែងពីលើយន្តហោះ មកលើដែនអធិបតេយ្យភាពរបស់កម្ពុជា នៅតំបន់អានសេះ និងកន្លែងផ្សេងៗទៀត ដោយមានការទម្លាក់គ្រាប់បែកចង្កោម បាញ់អាវុធធុនធ្ងន់ដូចជាភ្លៀងរលឹម មកដល់ទាហានកម្ពុជា និងប៉ុនប៉ងវាយកាន់កាប់វត្តកែវសិក្ខាគិរីស្វារៈ ប៉ុន្តែត្រូវបានបរាជ័យ។

ភ្នំពេញ ៖គណៈប្រតិភូនៃរដ្ឋបាលខណ្ឌច្បារអំពៅ ដឹកនាំដោយលោក ចេង មុនីរ៉ា អភិបាលនៃគណៈអភិបាលខណ្ឌ បានអញ្ជើញ គោរពវិញ្ញាណក្ខន្ធសព ឧត្ដមសេនីយឯក ដួង សំនៀង មេបញ្ជាការកងពលតូចអន្តរាគមន៍លេខ៧ កាលពី​ល្ងាចថ្ងៃទី២៧ ខែកក្កដា ឆ្នាំ២០២៥ បន្ទាប់ពីបានពលីជីវិតនៅលើសមរភូមិប្រយុទ្ធព្រះវិហារ កាលពីថ្ងៃទី២៦ ខែកក្កដា ឆ្នាំ២០២៥ ជន្មាយុ ៦៧ឆ្នាំ ។ មរណភាពរបស់ឯកឧត្តម ឧត្តមសេនីយ៍ឯក គឺជាការបាត់បង់នូវឧត្តមស្វាមី ឪពុក ឪពុកក្មេក និងជីតា ដែលប្រកប ដោយ​ព្រហ្មវិហារធម៌ជាទីគោរពស្រលាញ់បំផុតដែល ឧត្តមសេនីយ៍ទោ បានបូជាកម្លាំងកាយ កម្លាំងចិត្ត បញ្ញា ស្មារតី ក្នុងការ​ចិញ្ចឹមបីបាច់ថែរក្សា និងផ្តល់ដំបូន្មានល្អៗ ដល់កូន ក្មួយ និងចៅៗ ឱ្យក្លាយទៅជាធនធានមនុស្សដ៏មានតម្លៃ ប្រកបដោយ​គុណធម៌នៅក្នុងសង្គមជាតិ។ឯកឧត្តម ឧត្តមសេនីយ៍ឯក បានចូលរួមប្រយុទ្ធយ៉ាងអង់អាចក្លាហាន និងស្វិតស្វាញ​ប្រឆាំង​ជាមួយពួកចោរសៀមឈ្លានពាន ដែលបានបង្ហាញគំរូវីរភាពដែលយុវជន និងប្រជាពលរដ្ឋខ្មែរគ្រប់រូប ត្រូវចងចាំនូវ​គុណូបការៈដ៏ថ្លៃថ្លានេះ។ ឯកឧត្តមបានពលីកាលពីថ្ងៃទី២៦ ខែកក្កដា ឆ្នាំ២០២៥ ជន្មាយុ ៦៧ឆ្នាំ ៕ដោយ៖វណ្ណលុក

បាងកក ៖ កាសែត The Nation បានចុះផ្សាយនៅថ្ងៃទី២៧ ខែកក្កដាថា ក្នុងរយៈពេលបីថ្ងៃកន្លងមកនេះ ក្រុមហ៊ុន Nation Group បានទទួលរងការវាយប្រហារតាមប្រព័ន្ធអ៊ីនធឺណេតយ៉ាងធ្ងន់ធ្ងរ ដែលមានប្រភពចេញពីអ្នកប្រើប្រាស់នៅកម្ពុជា ដោយការវាយប្រហារបានផ្តោតជាពិសេសទៅលើកាសែត The Nation Thailand និង Thai News នៅលើទាំងគេហទំព័រ និងប្រព័ន្ធផ្សព្វផ្សាយសង្គម។ ការវាយប្រហារទាំងនេះ មានភាគច្រើននៅលើ Facebook និងការវាយប្រហារ DDoS នៅលើគេហទំព័រ។ យោងតាមការស្រង់ទិន្នន័យរបស់កាសែតថៃ The Nation, ការវាយប្រហារសរុបមានដល់ទៅ ២២៣លានដង ក្នុងរយៈពេលត្រឹមតែ ២៤ម៉ោងប៉ុណ្ណោះ។ over the past three days, Nation Group has come under severe cyberattack originating from Cambodian users, targeting particularly The Nation…

ភ្នំពេញ៖ សម្ដេចនាយករដ្ឋមន្ត្រី ហ៊ុន ម៉ាណែត នឹងដឹកនាំគណៈប្រតិភូកម្ពុជា ទៅចូលរួមកិច្ចប្រជុំពិសេសមួយនៅម៉ាឡេស៊ី ដែលជាម្ចាស់ផ្ទះនៅថ្ងៃស្អែក ដើម្បីសម្រេចឲ្យមានបទឈប់បាញ់គ្នាបន្ទាន់ ព្រោះអាមេរិក មានជួយរៀបចំ និងមានការចូលរួមពីចិន ។ តាមរយៈលើគណនីហ្វេសប៊ុកផ្លូវការនាយប់ថ្ងៃទី២៧កក្កដា ឆ្នាំ២០២៥ សម្ដេចធិបតី ហ៊ុន ម៉ាណែត បានសរសេរថា ថ្ងៃទី២៨ ខែកក្កដា ឆ្នាំ២០២៥ ស្អែកនេះ ខ្ញុំ នឹងដឹកនាំគណៈប្រតិភូកម្ពុជា ទៅចូលរួមកិច្ចប្រជុំពិសេសមួយនៅទីក្រុងកូឡាឡាំពួរ ដែលមានម៉ាឡេស៊ី ធ្វើជាម្ចាស់ផ្ទះ សហរដ្ឋអាមេរិក ជាសហអ្នករៀបចំ និងមានការចូលរួមពី តំណាងចិន។ គោលបំណងនៃកិច្ចប្រជុំនេះ គឺដើម្បីសម្រេចឲ្យមានបទ ឈប់បាញ់គ្នាបន្ទាន់ ដែលនាយករដ្ឋមន្ត្រីនៃប្រទេសទាំងពីរកម្ពុជានិងថៃ បានឯកភាពគ្នាតាមគំនិតផ្តួចផ្តើមរបស់ឯកឧត្តមប្រធានាធិបតី សហរដ្ឋអាមេរិក Donald Trump កាលពីយប់ម្សិលមិញ។ សម្ដេចធិបតី សូមអរគុណឯកឧត្តមនាយករដ្ឋមន្ត្រី Anwar Ibrahim ដែលបាន ផ្តួចផ្តើមគំនិតសម្របសម្រួលអោយមានកិច្ចប្រជុំនេះ ៕ I will lead Cambodian delegation to attend a…