(ប៊ុលហ្គារី)៖ ប្រទេសទាំងពីរ បង្ហាញក្តីប្រាថ្នាចង់បង្កើតសភាពាណិជ្ជកម្មកម្ពុជា-ប៊ុលហ្គារី ទោះបីទំនាក់ទំនងធុរៈកិច្ចបច្ចុប្បន្នរវាងគ្នាមានតិចតួចក្តី ប៉ុន្តែការនាំចូល និងនាំចេញវាមានសក្តានុពលសំខាន់សម្រាប់ការអភិវឌ្ឍន៍សេដ្ឋកិច្ច ។ ការបញ្ជាក់នេះបានធ្វើឡើងនៅស្ថានទូតកម្ពុជាប្រចាំទីក្រុង Sofia ក្នុងជំនួបរវាង ឯកឧត្តមបណ្ឌិត ជា ច័ន្ទបូរីបូរណ៌ ឯកអគ្គរាជទូត កម្ពុជា ប្រចាំសាធារណរដ្ឋប៊ុលហ្គារី និងលោក Maxim Behar ប្រធានក្រុមប្រឹក្សាភិបាលនៃសាកលវិទ្យាល័យសេដ្ឋកិច្ចជាតិ និងពិភពលោក (UNWE) នាថ្ងៃទី ២៣ ខែកក្កដា ឆ្នាំ ២០២៥ ។ ភាគីទាំងពីរក៏បានពិភាក្សាលើប្រធានបទជាច្រើន ទាំងលើការអភិវឌ្ឍន៍ទំនាក់ទំនងទ្វេភាគី វិស័យ ពាណិជ្ជកម្ម ការអប់រំ និងទេសចរណ៍ ។ ឯកឧត្តមបណ្ឌិត ជា ច័ន្ទបូរីបូរណ៌ និង លោក Maxim Behar បានព្រមព្រៀងគ្នាថា ប្រទេសប៊ុលហ្គារីអាចធ្វើជាច្រកទ្វាររបស់កម្ពុជាទៅកាន់អឺរ៉ុប និងសហភាពអឺរ៉ុប ខណៈដែលកម្ពុជាអាចដើរតួជាស្ពានរបស់ប៊ុលហ្គារីទៅកាន់អាស៊ី និង តំបន់អាស៊ាន។ លោក Maxim Behar ចាត់ទុកទំនាក់ទំនងនេះ ជាការកសាងស្ពានរវាងប៊ុលហ្គារី និងកម្ពុជា និងបង្ហាញគោលបំណងរបស់លោកក្នុងដំណើរទស្សនកិច្ចនៅកម្ពុជា…

(ភ្នំពេញ)៖ ថ្នាក់ដឹកនាំក្រសួងរៀបចំដែនដី នគរូបនីយកម្ម និងសំណង់ បានកំពុងឈានទៅគ្រប់គ្រង សំណង់ ការដ្ឋាន គ្រឿងបង្គុំសំណង់ និងលិខិតបទដ្ឋានពាក់ព័ន្ធក្នុងវិស័យ ។ ការគ្រប់គ្រងទិន្នន័យដោយប្រព័ន្ធព័ត៌មានវិទ្យានេះ នឹងធ្វើឱ្យក្រសួងរៀបចំដែនដី នគរូបនីយកម្ម និងសំណង់ និងរដ្ឋបាលថ្នាក់ក្រោមជាតិ អាចក្តាប់បានជាក់លាក់នូវទិន្នន័យរួម ។ ថ្លែងក្នុងសិក្ខាសាលាបណ្ដុះបណ្ដាលស្ដីពីការប្រើប្រាស់កម្មវិធីគ្រប់គ្រងទិន្នន័យសំណង់តាមប្រព័ន្ធព័ត៌មានវិទ្យា ដល់មន្ត្រីជំនាញនៃមន្ទីររៀបចំដែនដី នគរូបនីយកម្មសំណង់និងសុរិយោដីរាជធានី ខេត្ត នាព្រឹកថ្ងៃទី២៤ ខែកក្កដា ឆ្នាំ២០២៥ នៅទីស្ដីការក្រសួង ឯកឧត្តមឧបនាយករដ្ឋមន្ត្រី សាយ សំអាល់ រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ បានបញ្ជាក់ថា នេះគឺជាការបើកសមរភូមិថ្មីមួយទៀតចំពោះកិច្ចការរៀបចំរបៀបរបបការងារថ្មីនិងការផ្លាស់ប្ដូរផ្នត់គំនិតថ្មីក្នុងការអនុវត្តការងារស្ដីពីការប្រើប្រាស់កម្មវិធីគ្រប់គ្រងទិន្នន័យសំណង់តាមប្រព័ន្ធព័ត៌មានវិទ្យា ។ ឯកឧត្តមឧបនាយករដ្ឋមន្ត្រី បានលើកឡើងអំពីយុទ្ធសាស្ត្របញ្ចកោណដំណាក់កាលទី១ ដែលសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីបានយកធ្វើជាចន្លុះបំភ្លឺផ្លូវ សម្រាប់រៀបចំប្រទេសជាតិអោយមានសណ្តាប់ធ្នាប់របៀបរៀបរយ ហើយអ្វីដែលក្រសួងបានធ្វើនេះក៏ដើម្បីឆ្លើយតបទៅនឹងយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាលផងដែរ ។ ឯកឧត្តមឧបនាយករដ្ឋមន្ត្រី បានបញ្ជាក់ថា ប្រព័ន្ធគ្រប់គ្រងទិន្នន័យសំណង់, លិខិតអនុញ្ញាតសាងសង់, លិខិតបើកបិទការដ្ឋាន,វិញ្ញាបនបត្រប្រើប្រាស់សំណង់, គឺអាចស្នើសុំមកដោយផ្ទាល់នៅក្រសួងរៀបចំដែនដី នគរូបនីយកម្ម និងសំណង់ ឬអាចស្នើសុំតាមរយៈប្រព័ន្ធអេឡិកត្រូនិកបាន ។…

(ព្រះវិហារ)៖ ឯកឧត្តម ម៉ម ប៊ុននាង ប្រធានគណៈកម្មការអង្កេត បោសសម្អាត និងប្រឆាំងអំពើពុករលួយនៃព្រឹទ្ធសភា (គណៈកម្មការទី១០) កោតសរសើរ និងវាយតម្លៃខ្ពស់ចំពោះប្រសិទ្ធភាពការងារ របស់អាជ្ញាធរមូលដ្ឋានខេត្តព្រះវិហារគ្រប់លំដាប់ថ្នាក់ទាំងអស់ ក្នុងការអនុវត្តច្បាប់កាន់តែមានប្រសិទ្ធភាព ប្រជាពលរដ្ឋរស់នៅប្រកបដោយភាពសុខសាន្ត ស្របតាមកម្មវិធីនយោបាយ និងយុទ្ធសាស្ត្របញ្ចកោណរបស់រាជរដ្ឋាភិបាល នីតិកាលទី៧ នៃរដ្ឋសភា ។ ការលើកឡើងរបស់ ឯកឧត្តម ម៉ម ប៊ុននាង ក្នុងឱកាសដឹកនាំគណប្រតិភូ គណៈកម្មការទី១០ ព្រឹទ្ធសភា អញ្ជើញចុះជួបពិភាក្សាការងារជាមួយអាជ្ញាធរខេត្តឧត្តរមានជ័យ ដើម្បីឈ្វេងយល់អំពីវិស័យជាសមត្ថកិច្ចរបស់ខ្លួន នាថ្ងៃទី២៣ ខែកក្កដា ឆ្នាំ២០២៥ ។ ឯកឧត្តមប្រធានគណៈប្រតិភូ បានបន្តជម្រាប​ជូនអង្គប្រជុំអំពីសមិទ្ធផលនានារបស់ព្រឹទ្ធ​សភា នីតិកាលទី៥ ក្រោមការដឹកនាំប្រកបដោយគតិបណ្ឌិតរបស់សម្តេចតេជោប្រធានព្រឹទ្ធសភា តាមរយៈការអនុវត្តការងារជាអាទិភាពចម្បងចំនួនពីរគឺ ៖.ការលើកកម្ពស់ការទូតសភា និង.ការចុះជួបប្រាស្រ័​យឱ្យកាន់តែជិតស្និទ្ធជាមួយក្រុមប្រឹក្សាឃុំ សង្កាត់ និងប្រជាពលរដ្ឋនៅតាមមូលដ្ឋាន ព្រមជាមួយការអនុវត្តមុខងារស្នូលទាំងបី គឺមុខងារនីតិកម្ម មុខងារតាមដានការអនុវត្តច្បាប់ និងមុខងារតំណាង ។ លោក ស៊ឹម វុទ្ធា អភិបាលរងខេត្តឧត្តរមានជ័យ បានធ្វើសេចក្តីរាយការណ៍អំពីលក្ខណៈភូមិសាស្ត្រ ប្រជាសាស្ត្រ ហេដ្ឋារចនាសម្ព័ន្ធ សក្តានុពលផ្នែកកសិកម្ម ឧស្សាហកម្ម សម្បទានសេដ្ឋកិច្ច…

(ភ្នំពេញ)៖ រាជរដ្ឋាភិបាលកម្ពុជា តាមរយៈក្រសួងការបទេសកម្ពុជា ប្រកាសថ្កោលទោស យ៉ាងម៉ឺងម៉ាត់បំផុត ចំពោះទង្វើគ្មានការគិតគូរ និងអរិភាពនេះ របស់ប្រទេសថៃ ឈ្លានពានចូលទឹកដីកម្ពុជា ដោយបាញ់ប្រហារមកលើកម្ពុជា ជាចេតនាគិតទុកមុន ឈ្លានពានយ៉ាងគឃ្លើន រំលោភច្បាប់អន្តរជាតិ ។ ក្រសួងការបរទេស និងសហប្រតិបត្តិការអន្តរជាតិ នៃព្រះរាជាណាចក្រកម្ពុជា បានឱ្យដឹងថា ចាប់តាំងពីព្រឹកថ្ងៃទី២៤ ខែកក្កដា ឆ្នាំ២០២៥ កងកម្លាំងប្រដាប់អាវុធថៃ បានបើកការវាយប្រហារ ដោយគ្មានមូលហេតុ គិតទុកជាមុន និងដោយចេតនា មកលើទីតាំងឈរជើងរបស់កម្ពុជា នៅតាមតំបន់ព្រំដែន រួមទាំង ប្រាសាទតាមាន់ធំ ប្រាសាទតាក្របី និងមុំបី ក្នុងខេត្តព្រះវិហារ និងខេត្តឧត្តរមានជ័យ។ ទង្វើឈ្លានពាននេះ គឺជាការរំលោភបំពានយ៉ាងគឃ្លីន និង ធ្ងន់ធ្ងរលើច្បាប់អន្តរជាតិ រួមទាំងគោលការណ៍ជាមូលដ្ឋាន ដែលមានចែងក្នុងធម្មនុញ្ញ អង្គការសហប្រជាជាតិ និងធម្មនុញ្ញអាស៊ាន ដែលហាមឃាត់ការគំរាមកំហែង ឬការប្រើប្រាស់កម្លាំងប្រឆាំងនឹងបូរណភាពទឹកដី និងឯករាជ្យភាពនយោបាយរបស់រដ្ឋណាមួយ។ រាជរដ្ឋាភិបាលកម្ពុជា ថ្កោលទោសយ៉ាងម៉ឺងម៉ាត់បំផុត ចំពោះទង្វើគ្មានការគិតគូរ និងអរិភាពនេះរបស់ប្រទេសថៃ។ ការឈ្លានពានខាងយោធាដោយ គ្មានមូលហេតុបែបនេះ មិនត្រឹមតែបង្កគ្រោះថ្នាក់ដល់សន្តិភាព និងស្ថិរភាពនៅតាមព្រំដែនរួមរបស់យើងប៉ុណ្ណោះទេ ប៉ុន្តែថែមទាំងបង្ហាញពីការមិនយកចិត្តទុកដាក់ចំពោះបទដ្ឋានក្នុងតំបន់ និងកាតព្វកិច្ចផ្លូវច្បាប់អន្តរជាតិផងដែរ…