តាកែវ៖ស្នងការនគរបាលខេត្តតាកែវបានដាក់បទបញ្ជាដល់អធិការស្រុក ក្រុងទាំង១០ ឱ្យត្រួតពិនិត្យនិងបង្រ្កាប​បទល្មើសបទល្មើសឆបោកតាមប្រព័ន្ធបច្ចេកវិទ្យា​( online scams) និងអនុវត្តឱ្យបានត្រឹមត្រូវតាមនីតិវិធី។ ឧត្តមសេនីយ៍ទោ ម៉ែន លី ថ្លែងបែប​នេះក្នុងឱកាស​អញ្ជើញជាអធិបតីភាពក្នុងកិច្ចប្រជុំ”បូកសរុបសភាពការណ៍​ប្រចាំ​ឆមាសទី១ និងលើកទិសដៅការងារឆមាសទី២ ឆ្នាំ២០២៥ របស់ស្នងការដ្ឋាននគរ​បាលខេត្តតាកែវ​កាលពីរសៀលថ្ងៃចន្ទទី២១ ខែកក្កដា ។ បទបញ្ជានេះត្រូវបានដាក់ទៅកាន់ លោក លោកស្រី ឧត្តមសេនីយ៍ វរសេនីយ៍ ស្នងការរង លោកនាយ នាយរង​ការិយាល័យជំនាញទាំង៣២ លោកមេបញ្ជាការ មេបញ្ជាការរង នៃវរសេនាតូចនគរបាល​ការពារព្រំដែន​គោក​លេខ៦០៣ លោកអធិការ អធិការរងទទួលការងារ(សេនាធិការ, អត្តសញ្ញាណប័ណ្ណ, ព្រហ្មទណ្ឌ, សន្តិសុខ, សណ្ដាប់ធ្នាប់ និងគ្រឿងញៀន) នៃអធិការដ្ឋាននគរបាលក្រុង-ស្រុកទាំង១០ លោកនាយប៉ុស្តិ៍នគរបាលច្រក​ទ្វារទ្វេភាគីកំពង់ក្រសាំង លោកនាយប៉ុស្តិ៍នគរ​បាល​ការពារព្រំដែនគោកទាំង១១ លោកនាយប៉ុស្តិ៍នគរបាល​រដ្ឋបាល​ឃុំ-សង្កាត់ទាំង១០០ និងមន្ត្រីដែលពាក់ព័ន្ធ។ ឧត្តមសេនីយ៍ទោ ម៉ែន លី ក៏បានណែនាំ ដល់អធិការក្រុងស្រុក ទាំង១០ ត្រូវធ្វើយ៉ាង​ណាស្រាវជ្រាវ ទប់ស្កាត់ និងបង្រ្កាបឱ្យបាន ចំពោះក្រុមជនខិលខូច ដែលលួចបើក ល្បែងស៊ីសងខុសច្បាប់ ជាពិសេសបទល្មើស​ឆបោកនៅ​តាមអនឡាញ៕ដោយ៖សាំង សារ៉ាវី

(សៀមរាប)៖ តាមរយៈការដឹកនាំពីសំណាក់ សម្តេចតេជោ ហ៊ុនសែន អតីតនាយករដ្ឋមន្រ្តីកម្ពុជា និងបច្ចុប្បន្នជាប្រធានព្រឹទ្ធសភាកម្ពុជា បានធ្វើឱ្យប្រទេសកម្ពុជាបោះជំហានយ៉ាងសំខាន់ក្នុងការលើកកម្ពស់សេរីភាពសារព័ត៌មាន និងក៏ដូចជាការកសាងសមត្ថភាពវិជ្ជាជីវៈសារព័ត៌មាននៅកម្ពុជា។ គួរបញ្ជាក់ថា ការថ្លែងរបស់រដ្ឋមន្រ្តីក្រសួងព័ត៌មានបែបនេះធ្វើឡើងក្នុងពិធីបើកសន្និសីទកំពូលស្តីពី ប្រព័ន្ធផ្សព្វផ្សាយអាស៊ីលើកទី២០ (20th Asia Media Summit) នាសណ្ឋានគារ សុខា សៀមរាប ខេត្តសៀមរាបនាថ្ងៃទី ២២ ខែកក្កដា ឆ្នាំ ២០២៥ ។ ឯកឧត្តម នេត្រ ភក្រ្តា រដ្ឋមន្រ្តីក្រសួងព័ត៌មាន បានឱ្យដឹងថាប្រមុខដឹកនាំកម្ពុជាបានមានទស្សនវិស័យដោយចាត់ទុក ប្រព័ន្ធផ្សព្វផ្សាយមិនគ្រាន់តែជាឧបករណ៍នៃការទំនាក់ទំនងប៉ុណ្ណោះទេ ប៉ុន្តែជាឧបករណ៍នៃការកសាងសន្តិភាព ការអប់រំសាធារណៈ និងភាពធន់នឹងលទ្ធិប្រជាធិបតេយ្យផងដែរ។ ជាមួយគ្នានេះ រដ្ឋមន្រ្តីក្រសួងព័ត៌មានបានថ្លែងបញ្ជាក់ដែរថា ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីកម្ពុជាក៏បានកំពុងអនុវត្តទស្សនវិស័យនេះ ប្រកបដោយភាពស្វាហាប់ជាថ្មី។ រាជរដ្ឋាភិបាលកម្ពុជាកំពុងជំរុញកំណែទម្រង់ជាយុទ្ធសាស្ត្រ ផ្តោតលើការផ្លាស់ប្តូរ ឌីជីថល សុចរិតភាពវិជ្ជាជីវៈ និងសីលធម៌ប្រព័ន្ធផ្សព្វផ្សាយ។ នាឱកាសក្នុងការបើកពិធីសន្និសីទកំពូលស្តីពី ប្រព័ន្ធផ្សព្វផ្សាយអាស៊ីលើកទី២០នៅកម្ពុជានេះ ឯកឧត្តម នេត្រ ភក្រ្តា បានមានប្រសាសន៍ថាក្នុងកិច្ចប្រជុំកំពូលប្រព័ន្ធផ្សព្វផ្សាយនេះដែរ វាគឺជាចលនាមួយ វេទិកាមួយ និងវាក៏ជាសញ្ញាមួយ…

(សៀមរាប)៖ កម្ពុជាស្នើឱ្យមានការចាប់ផ្តើមការពិភាក្សាលើធម្មនុញ្ញក្នុងតំបន់រួមគ្នាមួយ សម្រាប់ក្រមសីលធម៌លើបញ្ញាសិប្បនិម្មិត(AI) ក្នុងវិស័យសារព័ត៌មាន ដែលគាំទ្រដល់តម្លាភាព យុត្តិធម៌ និងការគោរពសេចក្តីថ្លៃថ្នូររបស់មនុស្ស។ សំណើរបស់ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន បានធ្វើឡើងនៅថ្ងៃទី២២ ខែកក្កដា ឆ្នាំ២០២៥ ក្នុងពិធីបើកកិច្ចប្រជុំកំពូលប្រព័ន្ធផ្សព្វផ្សាយអាស៊ី លើកទី២០ ដែលកម្ពុជាធ្វើជាម្ចាស់ផ្ទះនៅលើទឹកដីអង្គរ ខេត្តសៀមរាប។ ឯកឧត្តម នេត្រ ភក្ត្រា ក្នុងនាមរាជរដ្ឋាភិបាលកម្ពុជា បានបង្ហាញការជឿជាក់លើវិធីសាស្រ្តដោយផ្តោតលើការបណ្តុះបណ្តាលធនធានមនុស្សចំពោះការឆ្លើយតបទៅនឹង AI ដែលជាការការពារការងារ ពង្រីកការពិត និងលើកកម្ពស់គណនេយ្យភាព។ ឯកឧត្តមរដ្ឋមន្ត្រី បានថ្លែងថា «AI មានសក្តានុពលក្នុងការធ្វើបដិវត្តន៍ពីរបៀបដែលយើងបង្កើត ចែកចាយ និងប្រើប្រាស់មាតិកា។ វានាំមកនូវប្រសិទ្ធភាព និងភាពច្នៃប្រឌិតដ៏ធំសម្បើម។ ប៉ុន្តែវាក៏ណែនាំការគំរាមកំហែងថ្មីៗផងដែរ ដូចជា ឧបាយកលក្លែងក្លាយ ភាពលំអៀងនៃទិន្នន័យ និងព័ត៌មានមិនពិតដោយស្វ័យប្រវត្តិ»។ សូមបញ្ជាក់ថា នៅក្នុងកិច្ចប្រជុំកំពូលប្រព័ន្ធផ្សព្វផ្សាយអាស៊ី លើកទី២០នេះ ក៏មានកិច្ចពិភាក្សាលើសារៈសំខាន់ និងបញ្ហាប្រឈមសម្រាប់ AI នៅក្នុងវិស័យសារព័ត៌មានផងដែរ(AI in Media: Opportunities and Challenges) និងGenerative Al…

(សៀមរាប)៖ មន្រ្តីជាន់ខ្ពស់ក្រសួងព័ត៌មានបានលើកឡើងថា សិក្ខាសាលាស្តីពីការពង្រឹងសមត្ថភាពឌីជីថលរបស់យុវជន និងក្មេងស្រី ក្នុងទិវា ICT Cambodia ឆ្នាំ២០២៥ ជាព្រឹត្តិការណ៍មិនត្រឹមតែផ្តល់ជំនាញប៉ុណ្ណោះទេ វាបានបណ្តុះភាពក្លាហាន ផ្តល់សិទ្ធិអំណាចដល់សំឡេងដែលជារឿយៗមិនឮ ហើយជំរុញកិច្ចសហការដែលនឹងបន្លឺឡើងចេញពីបន្ទប់នេះ។ ថាមពល និងការប្តេជ្ញាចិត្តពីសិស្សានុសិស្ស អ្នកអប់រំ និងដៃគូ គឺជាសញ្ញាមួយដ៏ធំជាងនេះទៅទៀត អនាគតដែលយុវជនកម្ពុជាគ្រប់រូបមានឱកាសក្នុងការរៀបចំ ដឹកនាំ និងរីកចម្រើនក្នុងយុគសម័យឌីជីថលប្រកបរិយាប្ន័ន ។ ក្នុងឱកាសថ្លែងការណ៍ ឯកឧត្តម ថុង គន្ធយុឡេង ទីប្រឹក្សា និងជានាយករងខុទ្ទកាល័យរដ្ឋមន្ត្រីក្រសួងព័ត៌មាន បានថ្លែងថាបិទសិក្ខាសាលាស្តីពីការពង្រឹងសមត្ថភាពឌីជីថលរបស់យុវជន និងក្មេងស្រី ក្នុងទិវា ICT Cambodia ឆ្នាំ២០២៥ នាថ្ងៃទី២១ ខែកក្កដា ឆ្នាំ២០២៥។ មន្រ្តីជាន់ខ្ពស់ក្រសួងព័ត៌មានរូបនេះគូសបញ្ជាក់បន្ថែមថា សិក្ខាសាលាស្តីពីការពង្រឹងប្រព័ន្ធឌីជីថលរបស់យុវជន និងក្មេងស្រីក្នុងទិវា ICT Cambodia ឆ្នាំ២០២៥» យើងសូមរម្លឹកថា ការបំប្លែងឌីជីថល មិនមែនគ្រាន់តែនិយាយអំពីបច្ចេកវិទ្យានោះទេ តែគឺនិយាយអំពីមនុស្ស និងអំពីគំនិតយុវជនក្នុងការដោះសោទ្វារថ្មី ជាពិសេសក្មេងស្រី និងយុវនារីដែលហ៊ានស្រមៃខ្លួនឯង មិនត្រឹមតែអ្នកប្រើប្រាស់បច្ចេកវិទ្យាប៉ុណ្ណោះទេ ប៉ុន្តែ គឺជាអ្នកបង្កើត អ្នកដឹកនាំ និងអ្នកច្នៃប្រឌិតនៅក្នុងពិភពឌីជីថល ។…

(ភ្នំពេញ)៖ ក្នុងឱកាសដែលសម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភាកម្ពុជា បានអនុញ្ញាតចូលជួបសម្តែងការគួរសម នៅវិមានព្រឹទ្ធសភា នាព្រឹកថ្ងៃទី២២ ខែកក្កដា ឆ្នាំ២០២៥ លោក Fahd Al-Dosaro ប្រធានផ្នែកទំនាក់ទំនងក្រុមហ៊ុន AMH ដែលជាវិនិយោគិនមកពីប្រទេសកាតា បានបង្ហាញការចាប់អារម្មណ៍វិនិយោគនៅកម្ពុជា ដោយសារមើលឃើញពីកត្តាសុខសន្ដិភាព សុវត្ថិភាព និងសន្ដិសុខល្អ ។ ឯកឧត្តម ជា ធីរិទ្ធ អ្នកនាំពាក្យព្រឹទ្ធសភា បានឱ្យដឹងនៅក្រោយជំនួបនេះថា ក្នុងជំនួបនោះ សម្ដេចតេជោ បានសម្ដែងនូវការស្វាគមន៍ និងរីករាយចំពោះគណៈប្រតិភូក្រុមហ៊ុនវិនិយោគនៃប្រទេសកាតា AI Mansour Holding (AMH) និងក្រុមហ៊ុន LCH Investment Group Co., Ltd. ដែលបានអញ្ជើញមកទស្សនកិច្ចនៅកម្ពុជា ហើយសម្ដេចតេជោ ក៏បានអរគុណដែលក្រុមហ៊ុនបានចាប់អារម្មណ៍ស្វែងរកឱកាសវិនិយោគនៅក្នុងប្រទេសកម្ពុជា។ សម្ដេចតេជោ បានរម្លឹកថា កន្លងទៅសម្ដេចបានអញ្ជើញទៅបំពេញទស្សនកិច្ចនៅកាតា ក៏ធ្លាប់បានអំពាវនាវដល់អ្នកវិនិយោគនៅប្រទេសកាតាអញ្ជើញមកចាប់យកឱកាសវិនិយោគនៅកម្ពុជាផងដែរ។ ក្នុងឱកាសនោះ លោកអគ្គនាយកក្រុមហ៊ុន AMH បានអរគុណចំពោះសម្ដេចតេជោ ដែលបានអនុញ្ញាតឱ្យរូបលោក និងសហការីបានជួបសម្ដែងការគួរសម និងស្ដាប់នូវមតិយោបល់របស់សម្ដេចតេជោបន្ថែមទៀត ដើម្បីស្វែងរកឱកាវិនិយោគនៅកម្ពុជា។…

(ភ្នំពេញ)៖ ក្រោយវិនិយោគនៅកម្ពុជា រយៈពេល ១៤ឆ្នាំមកនេះ ក្រុមហ៊ុន មីនេបៀ បានរីកចម្រើនជាបន្តបន្ទាប់ ហើយនៅចុង ខែធ្នូ ឆ្នាំ២០២៥ខាងមុខនេះ ក្រុមហ៊ុន នឹងដំណលការរោងចក្រថ្មីនៅខេត្តពោធិ៍សាត់ ដែលនឹងផ្ដល់ឱកាសការងារបន្ថែមទៀតដល់ពលរដ្ឋនៅទីនោះ ។ លោក យូស៊ីហ៊ីម៉ា កៃនុម៉ា ប្រធាននាយកប្រតិបត្តិក្រុមហ៊ុន មីនេបៀមីត្សូមី របស់ប្រទេសជប៉ុន លើកឡើងដូច្នេះ ក្នុងឱកាសសម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភាកម្ពុជា អនុញ្ញាតឱ្យចូលជួបសម្តែងការគួរសម និងពិភាក្សាការងារ នៅវិមានព្រឹទ្ធសភា រាជធានីភ្នំពេញ នាព្រឹកថ្ងៃទី២២ ខែកក្កដា ឆ្នាំ២០២៥ ។ ឯកឧត្តម ជា ធីរិទ្ធ អ្នកនាំពាក្យព្រឹទ្ធសភា បានឱ្យដឹងនៅក្រោយជំនួបថា ជាកិច្ចចាប់ផ្ដើម សម្ដេចតេជោ បានសម្ដែងនូវក្ដីរីករាយ និងស្ថាគមន៍ចំពោះ លោកនាយកប្រតិបត្តិក្រុមហ៊ុន មីនេបៀ ជាថ្មីម្ដងទៀតក្រោយពីខានជួបអស់រយៈពេល ១០ឆ្នាំ ហើយសម្ដេចតេជោ បានអរគុណដែលក្រុមហ៊ុន មីនេបៀ បានជ្រើសរើសយកការវិនិយោគនៅក្នុងប្រទេសកម្ពុជា និងបន្តការរីកចម្រើនមកដល់សព្វថ្ងៃនេះ ។ លោក យ៉ូស៊ីហ៊ីសា កៃនូម៉ា…

(ភ្នំពេញ)៖ សម្តេចកិត្តិសង្គហបណ្ឌិត ម៉ែន សំអន ប្រធានសមាគមមិត្តភាពកម្ពុជា-វៀតណាម បានទទួលជួបជាមួយប្រតិភូសមាគមអតីតនិស្សិតកម្ពុជាមកពីប្រទេសវៀតណាម ដែលដឹកនាំដោយ លោក អ៊ុច លាង ប្រធានសមាគម ចូលជួបសម្តែងការគួរសម នៅរាជធានីភ្នំពេញ នាព្រឹកថ្ងៃទី២២ ខែកក្កដា ឆ្នាំ២០២៥ ។ លោក អ៊ុច លាង ប្រធានសមាគមអតីតនិស្សិតកម្ពុជាមកពីប្រទេសវៀតណាម បានលើកឡើងពីវឌ្ឍនភាពការងាររបស់សមាគម ជូនសម្តេចបានជ្រាបជារបាយការណ៍ និងបានបញ្ជាក់អំពីតួនាទីរបស់សមាគម គឺជាស្ពានភ្ជាប់ទំនាក់ទំនងរវាង ប្រជាជន កម្ពុជានិងប្រជាជនវៀតណាម ជាពិសេស ក្នុងវិស័យ ពាណិជ្ជកម្ម វិនិយោគ អប់រំ ទេសរណ៍ សេដ្ឋកិច្ច សុខាភិបាល ជាដើម។ សមាគមបានបន្តដាក់ចេញទិសដៅ អនុវត្តការងារឆ្នាំ២០២៥ ដើម្បីបន្តអភិវឌ្ឍន៍សមាគមឱ្យកាន់ តែមានភាពរឹងមាំបន្ថែមទៀត ឱ្យស្របទៅតាមលក្ខន្តិកៈ និងបទបញ្ជាផ្ទៃក្នុងរបស់ខ្លួន ក៏ដូចជាបទប្បញ្ញត្តិ និងច្បាប់ដែលប្រទេសកម្ពុជាមានធរមាន សំដៅកសាងធនធានមនុស្សរបស់ប្រទេសជាតិ ប្រកបដោយគុណភាព និងមោទនភាពជាតិ។ កន្លងមកសមាគមបានលើកទឹកចិត្តឱ្យ អតីតនិស្សិតសិក្សានៅប្រទេសវៀតណាម បន្តចូលរួមជាមួយសមាគមឲ្យបានគ្រប់ៗគ្នា ដើម្បីបង្ហាញពីស្មារតីសាមគ្គីភាព មិត្តភាពខ្ពស់ សំដៅជួយជ្រោមជ្រែងគ្នាទៅវិញទៅមក ជួយសម្របសម្រួល និងដោះស្រាយបញ្ហាប្រឈមនានា…

(សៀមរាប)៖ ព្រះរាជាណាចក្រកម្ពុជា បានទទួលធ្វើជាម្ចាស់ផ្ទះរៀបចំសន្និសីទកំពូលប្រព័ន្ធផ្សព្វផ្សាយអាស៊ីលើកទី២០ (20th Asia Media Summit -AMS) ជាលើកទី២ នៅលើទឹកដីអង្គរ ខេត្តសៀមរាប ។ សន្និសីទនេះ ធ្វើឡើង ចាប់ថ្ងៃទី២១ ដល់ទី២៤ ខែកក្កដា ឆ្នាំ២០២៥ នៅក្រោមប្រធានបទ «អបអរសាទរពីរទសវត្សរ៍នៃឧត្តមភាព និងលើសពីនេះ» ក្រោមអធិបតីភាពឯកឧត្តម នេត្រ ភក្ដ្រា រដ្ឋមន្ដ្រីក្រសួងព័ត៌មាន ដែលមានអ្នកសារព័ត៌មានចូលរួមមកពីប្រទេសជាសមាជិកចំនួន ២៦ប្រទេស នៅទូទាំងពិភពលោក និងដៃគូកិច្ចសហប្រតិបត្តិការ ព្រមទាំងអង្គការអន្តរជាតិដែលចូលរួមជាមួយប្រព័ន្ធផ្សព្វផ្សាយ។ ថ្លែងនៅមុនកិច្ចប្រជុំកំពូលប្រព័ន្ធផ្សព្វផ្សាយអាស៊ី លើកទី២០ និងកិច្ចប្រជុំពាក់ព័ន្ធ The 20th AMS 2025 ដែលរៀបចំឡើងជាលើកទី២ នៅកម្ពុជា, ឯកឧត្តម រដ្ឋមន្រ្តី នេត្រ ភក្ដ្រា បានលើកឡើងថា ប្រធានសំខាន់គឺបញ្ញាសិប្បនិម្មិត (AI) ព័ត៌មានក្លែងក្លាយ ក្របខណ្ឌកិច្ចសហប្រតិបត្ដិការការទូត និងបច្ចេកវិទ្យាក្នុងការទំនាក់ទំនង។ ឯកឧត្តម រដ្ឋមន្ត្រីក្រសួងព័ត៌មាន បានថ្លែងថា៖ «យើងផ្ដោតលើប្រធានបទសំខាន់ៗ ទី១៖ ពាក់ព័ន្ធបញ្ហាបញ្ញាសិប្បនិម្មិត…

(រតនគិរី)៖ ឯកឧត្តមឧបនាយករដ្ឋមន្ត្រី សាយ សំអាល់ រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ មានប្រសាសន៍លើកឡើងថា ប្រជាពលរដ្ឋ នឹងមានជីវភាពកាន់តែល្អប្រសើរ តាមរយៈគោលនយោបាយរបស់រាជរដ្ឋាភិបាល ដែលជំរុញឱ្យក្រសួងរៀបចំដែនដី នគរូបនីយកម្ម និងសំណង់ ត្រូវប្រើប្រាស់ធនធានអចលនទ្រព្យដែលប្រជាពលរដ្ឋទទួលបាន ដើម្បីប្រែក្លាយជាឧត្តមប្រយោជន៍សម្រាប់ប្រជាពលរដ្ឋ ។នេះជាប្រសាសន៍លើកឡើងក្នុងពិធីប្រកាសចែកវិញ្ញាបនបត្រសម្គាល់ម្ចាស់អចលនវត្ថុ និងមោឃភាពបណ្ណសម្គាល់សិទ្ធកាន់កាប់ប្រើប្រាស់ដីធ្លី (បណ្ណស្លាបមាន់) ឬបណ្ណសម្គាល់សិទ្ធកាន់កាប់អចលនវត្ថុ ជូនបងប្អូនពលរដ្ឋ ស្ថិតនៅភូមិត្រុំ ឃុំឡាមិញ ភូមិយ៉ាសម ភូមិស៊ើង ភូមិចែត ភូមិគ្លិ ភូមិយ៉ែម និងភូមិស្មាច់ ឃុំស៊ើង ស្រុកបរកែវ ខេត្តរតនគីរី នាថ្ងៃទី២១ ខែកក្កដា ឆ្នាំ២០២៥ ។ ឯកឧត្តមឧបនាយករដ្ឋមន្ត្រី សាយ សំអាល់ បានបញ្ជាក់ថា ការវាស់វែងដីធ្លីបង្ហើយ គឺជាកិច្ចការសំខាន់សម្រាប់កម្ពុជា ហើយជំហានបន្ទាប់ ក្រសួងរៀបចំដែនដី នគរូបនីយកម្ម និងសំណង់ ត្រូវមានភារកិច្ចយកធនធានអចលនទ្រព្យដែលប្រជាពលរដ្ឋទទួលបាននេះ ដើម្បីប្រែក្លាយជីវភាពប្រជាពលរដ្ឋឱ្យប្រសើរឡើង និងប្រើប្រាស់ធនធាននេះ ដើម្បីជាឧត្តមប្រយោជន៍សម្រាប់ពួកគាត់បន្ថែមទៀត ។ ឯកឧត្តមឧបនាយករដ្ឋមន្ត្រី សាយ សំអាល់ បានចូលរួមអបអរសាទរចំពោះលទ្ធផលដែលសម្រេចបាននាពេលនេះ…