(ភ្នំពេញ)៖ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា អនុញ្ញាតជូនលោក យូស៊ីហ៊ីម៉ា កៃនុម៉ា (YOSHIHISA Kainuma) ប្រធាននាយកប្រតិបត្តិក្រុមហ៊ុន មីនេបៀមីត្សូមី Minebea Mitsumi Inc., របស់ប្រទេសជប៉ុន ចូលជួបសម្តែងការគួរសម និងពិភាក្សាការងារ នៅវិមានព្រឹទ្ធសភា រាជធានីភ្នំពេញ នាព្រឹកថ្ងៃទី២២ ខែកក្កដា ឆ្នាំ២០២៥ ។ សូមជម្រាបថា ក្រុមហ៊ុនមីនេបៀ ខេមបូឌា-Minebea Cambodia Co.Ltd គឺជាក្រុមហ៊ុនបុត្រសម្ព័ន្ធរបស់ក្រុមហ៊ុន Minebea Mitsumi របស់ជប៉ុន។ ក្រុមហ៊ុននេះ គឺជាក្រុមហ៊ុនអេឡិចត្រូនិក ផលិតម៉ូទ័រគ្រប់ប្រភេទ ដែលយកទៅផ្គត់ផ្គង់ ទីផ្សារអន្តរជាតិ និងបានបើកដំណើរការដំបូងនៅកម្ពុជា ក្នុងចន្លោះឆ្នាំ២០១០ ក្នុងតម្លៃវិនិយោគប្រមាណ ៣២លានដុល្លារ ខណៈបច្ចុប្បន្ន ក្រុមហ៊ុននេះ បានតម្លើងការវិនិយោគរបស់ខ្លួននៅកម្ពុជា ឡើងដល់ជាង ៦០០លានដុល្លារ និងមានកម្មករជាង ៦៦០០នាក់ ។ បន្ទាប់ពីទទួលបានជោគជ័យក្នុងការធ្វើអាជីវកម្មនៅក្នុងប្រទេសកម្ពុជា អស់រយៈពេលជាង ១ទសវត្សន៍កន្លងទៅនេះ ក្រុមហ៊ុនមីនេបៀមីត្សូមី…

(ភ្នំពេញ)៖ សម្ដេចនាយករដ្ឋមន្ត្រី ហ៊ុន ម៉ាណែត បានផ្ញើសារខ្លី ៥ចំណុច ដើម្បីរំលឹកទៅភាគីថៃ ក្រោយមួយរយៈនេះ ថៃ បានធ្វើការចោទប្រកាន់ដោយគ្មានមូលដ្ឋានមកលើកម្ពុជា ពាក់ព័ន្ធនឹងបញ្ហាមួយចំនួន ។ នេះបើតាមបណ្ដាញសង្គមរបស់សម្ដេចនាព្រឹកថ្ងៃទី២២ ខែកក្កដា ឆ្នាំ២០២៥ ។ សម្ដេចធិបតី ហ៊ុន ម៉ាណែត បានលើកឡើងនៅលើបណ្ដាញសង្គមដូច្នេះថា៖ មួយរយៈនេះ ខ្ញុំបានឃើញថ្នាក់ដឹកនាំនយោបាយ កងទ័ព និងបណ្ដាញសារព័ត៌មានថៃ បានធ្វើការចោទប្រកាន់ដោយគ្មានមូលដ្ឋានមកលើកម្ពុជាពាក់ព័ន្ធនឹងបញ្ហាមួយចំនួនដូចជាលូកដៃចូលនយោបាយផ្ទៃក្នុងថៃ ការដាក់មីន ព្រមទាំងបានធ្វើការគម្រាមដាក់ចេញនូវវិធានការជាឯកតោភាគីនៅក្នុងតំបន់ដែលមានវិវាទ រួមមានតំបន់មុំបី និងប្រាសាទតាមាន់ធំ ។ល។ សម្ដេចធិបតី បន្តថា ក្រសួងការបរទេស និងសហប្រតិបត្តិការអន្តរជាតិ ក្រសួងការពារជាតិ ក្រសួង ស្ថាប័នជំនាញពាក់ព័ន្ធរបស់កម្ពុជា បានធ្វើការឆ្លើយតបយ៉ាងសកម្មទៅលើការចោទប្រកាន់ទាំងនោះ ដើម្បីការពារភាពត្រឹមត្រូវរបស់កម្ពុជាជាបន្តបន្ទាប់រួចហើយ ក៏ដូចជាការត្រៀមដាក់ចេញនូវវិធានការចាំបាច់បន្ថែមទៀតក្នុងគោលដៅការពារឧត្តមប្រយោជន៍ជាតិខ្មែរ។ សម្ដេចនាយករដ្ឋមន្ត្រីបានគូសបញ្ជាក់ថា ខ្ញុំមិនមានការចាំបាច់ធ្វើការអត្ថាធិប្បាយអ្វីបន្ថែមច្រើននោះទេ ប៉ុន្តែខ្ញុំគ្រាន់តែចង់ផ្ញើសារខ្លីប៉ុន្មានចំណុចតែប៉ុណ្ណោះដើម្បីរំលឹកទៅភាគីថៃថា ÷ ១. តំបន់ឬទីកន្លែងដែលមានវិវាទ ឬមិនទាន់ដាច់ស្រេចថាស្ថិតក្នុងដែនអធិបតេយ្យភាពរបស់ប្រទេសណាមួយ គឺគ្មានភាគីណាមានសិទ្ធិធ្វើសកម្មភាពឬដាក់ចេញនូវវិធានការជាឯកតោភាគីនៅក្នុងតំបន់ឬទីកន្លែងនោះ។ រាល់វិធានការនានាដែលអាចអនុវត្តបាន ត្រូវមានការឯកភាពគ្នារវាងភាគីទាំងពីរជាមុនសិន។ ២. បន្ទាត់ក្រហមនៅតែជាបន្ទាត់ក្រហម មិនមានការប្រែប្រួលទេ។ សូមកុំបំពាន។ ៣.…

(ប៊ុលហ្គារី)៖ ឯកឧត្តមបណ្ឌិត ជា ច័ន្ទបូរីបូរណ៌ ឯកអគ្គរាជទូតនៃព្រះរាជាណាចក្រកម្ពុជា ប្រចាំសាធារណរដ្ឋប៊ុលហ្គារី បានស្នើការរៀបចំការតាំងពិព័រណ៍រូបថតអំពីប្រទេសកម្ពុជានៅសកលវិទ្យាល័យ Sofia ដើម្បីណែនាំវប្បធម៌ខ្មែរដល់និស្សិត ។ ឯកឧត្តមបណ្ឌិត បានលើកឡើងពីប្រវត្តិសាស្ត្រដ៏យូរលង់ និងសម្បូរបែបរបស់កម្ពុជា ដោយកត់សម្គាល់ថា ប្រទេសកម្ពុជាធ្លាប់ជាអាណាចក្រមួយ ហើយចាប់តាំងពីពេលនោះមកបានឆ្លងកាត់ទម្រង់អភិបាលកិច្ចផ្សេងៗ។ ឯកឧត្តមក៏បានចែករំលែកការឆ្លុះបញ្ចាំងផ្ទាល់ខ្លួនកាលនៅជានិស្សិតនៅប្រទេសប៊ុលហ្គារី ដោយផ្តល់នូវការយល់ដឹងអំពីគន្លងប្រវត្តិសាស្ត្ររបស់ប្រទេសកម្ពុជា ចាប់ពីសម័យអាណានិគមបារាំង តាមរយៈរបបខ្មែរក្រហម រហូតដល់ការងើបឡើងវិញ និងការរីកចម្រើនរបស់ប្រទេសចាប់តាំងពីទសវត្សរ៍ឆ្នាំ១៩៩០ ។ ឯកឧត្តមបណ្ឌិត ជា ច័ន្ទបូរីបូរណ៌ បានស្នើនេះ ក្នុងកិច្ចប្រជុំមួយ កាលពីថ្ងៃទី ២១ ខែកក្កដា ឆ្នាំ ២០២៥ រវាងលោកស្រីសាស្ត្រាចារ្យ Mira Markova ព្រឹទ្ធបុរសនៃមហាវិទ្យាល័យប្រវត្តិសាស្រ្តនៃសាកលវិទ្យាល័យ Sofia លោកស្រីសាស្ត្រាចារ្យបណ្ឌិត Milena Petkova ព្រឹទ្ធបុរសរងនៃមហាវិទ្យាល័យប្រវត្តិសាស្រ្ត និងលោកស្រីសាស្រ្តាចារ្យ Rumyana Marinova-Christidi ប្រធានផ្នែកសិក្សាជ្វីហ្វ ។ លោកស្រី សាស្ត្រាចារ្យ Markova ស្នើឱ្យបង្កើតកិច្ចព្រមព្រៀងមួយសម្រាប់ការផ្លាស់ប្តូរនិស្សិត និងព័ត៌មានសិក្សារវាងមហាវិទ្យាល័យប្រវត្តិសាស្រ្តនៃសាកលវិទ្យាល័យ Sofia និងសាកលវិទ្យាល័យភូមិន្ទភ្នំពេញ។ ជាមួយគ្នានោះលោកស្រីក៏បានស្នើឱ្យរៀបចំពិធីជប់លៀងវប្បធម៌ឧទ្ទិសដល់ទំនាក់ទំនងកម្ពុជា-ប៊ុលហ្គារី…

(សៀមរាប)៖ រដ្ឋមន្ត្រីក្រសួងព័ត៌មានកម្ពុជា បានស្នើសុំឱ្យប្រព័ន្ធព័ត៌មានរបស់ថៃ សូមឱ្យប្រកាន់នូវក្រមសីលធម៌ វិជ្ជាជីវៈសារព័ត៌មាន ឱ្យបានត្រឹមត្រូវ ហើយការផ្សព្វផ្សាយព័ត៌មាន ត្រូវប្រកាន់នូវសច្ចៈភាពនៃព័ត៌មាន ភាពត្រឹមត្រូវនៃព័ត៌មាន ហើយសូមកុំបញ្ចូលនូវនិន្នាការនយោបាយ នៅក្នុងអត្ថបទពព័ត៌មានរបស់ខ្លួន។ ឯកឧត្តម រដ្ឋមន្រ្តីគូសបញ្ជាក់ថា «មិនមែនបង្រៀនអ្នកសារព័ត៌មានរបស់ថៃ ទេ ក៏ប៉ុន្តែ អ្វីដែលយើងបានសង្កេតឃើញគឺការបំភ្លៃ បំភ្លើស ក្នុងការបំប៉ោងព័ត៌មាន មានច្រើន»។ ការស្នើសុំបែបនេះរបស់ ឯកឧត្តម នេត្រ ភក្រ្តា រដ្ឋមន្ត្រីក្រសួងព័ត៌មានកម្ពុជា បានធ្វើឡើងក្នុងឱកាសផ្តល់បទសម្ភាសន៍ដល់អ្នកសារព័ត៌មាន និងអន្តរជាតិ ជាច្រើនស្ថាប័ន បន្ទាប់ពីលោកបានបញ្ចប់ពិធីបើកសិក្ខាសាលាស្តីពីការពង្រឹងសមត្ថភាពឌីជីថល របស់យុជន និងក្មេងស្រី ក្នុងវិស័យ ITC Cambodia ឆ្នាំ២០២៥។ ជូនដល់យុវជន និងបណ្តាមន្ត្រីជំនាញផ្នែកព័ត៌មាន មកពីបណ្តាប្រទេសចំនួន៣៧ នៅលើទឹកដីសៀមរាប-អង្គរ កាលពីរសៀលថ្ងៃទី២១ ខែកក្កដា ឆ្នាំ២០២៥នេះ។ ឯកឧត្តម រដ្ឋមន្ត្រី នេត្រ ភក្ត្រា បានលើកឡើងបន្ថែថា៖អ្វីដែលយើងធ្វើការតាមដានកន្លងទៅលើបញ្ហាផ្សព្វផ្សាយប្រព័ន្ធ របស់ផ្សព្វផ្សាយថៃ គឺការបង្កើតនូវភាពមន្ទិល និងការប្រើប្រាស់ពាក្យពេចន៍ដែលជួនកាលអ្នកព័ត៌មាន បានបំប៉ោងខុសពីការពិត។ ជាមួយគ្នានេះដែរ ឯកឧត្តម រដ្ឋមន្ត្រី នេត្រ…

(សៀមរាប)៖ ឯកឧត្តម ឃុន សាវឿន រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានកោតសរសើរ និងវាយតម្លៃខ្ពស់ ចំពោះសមិទ្ធផលសម្រេចបានប្រចាំឆមាសទី១ឆ្នាំ២០២៥ វិស័យកសិកម្មក្នុងខេត្តសៀមរាប មានការរីកចម្រើនគួរឲ្យកត់សម្គាល់ ។ ទាំងនេះក៏ដោយសារការខិតខំជំនះរាល់ការលំបាក ឧបសគ្គនានា ពីសំណាក់ថ្នាក់ដឹកនាំ និងមន្រ្តីរាជការ ដោយមានការគាំពីរដ្ឋបាលខេត្ត និងកិច្ចសហការដ៏ល្អជាមួយអង្គភាពពាក់ព័ន្ធ អាជ្ញាធរមូលដ្ឋានគ្រប់លំដាប់ថ្នាក់ ព្រមទាំងការឧស្សាហ៍ព្យាយាមរបស់ប្រជាកសិករ ។ ឯកឧត្តម រដ្ឋលេខាធិការ ថ្លែងដូច្នេះក្នុងឱកាសដឹកនាំសិក្ឋាសាលាបូកសរុបលទ្ធផលការងារ ឆមាសទី១ និថដាក់ទិសដៅការងារឆមាសទី២ ឆ្នាំ២០២៥ របស់មន្ទីរកសិកម្ម រុក្ខាប្រមាញ់ និងនេសាទខេត្តសៀមរាប ។ ក្នុងឱកាសនេះ ឯកឧត្តម ឃុន សាវឿន បានដាក់ទិសដៅ ដើម្បីអនុវត្តបន្ត ដោយទី១ ត្រូវលើកកម្ពស់ការស្រាវជ្រាវ និងផ្សព្វផ្សាយកសិកម្មបន្ថែមទៀត ក្នុងទិសដៅបង្កើនបរិមាណ និងគុណភាពផលិតផលកសិកម្ម តាមរយៈការប្រើប្រាស់បច្ចេកវិទ្យា បច្ចេកទេស ក្នុងបរិការណ៍នៃការប្រែប្រួលអាកាសធាតុ ឆ្លើយតបទៅនឹងតម្រូវការទីផ្សារក្នុងស្រុក និងការនាំចេញ។ ទន្ទឹមនេះ ត្រូវរៀបចំយន្តការព័ត៌មាន ស្ថានភាពទីផ្សារ និងនិន្នាការតម្លៃ ពិសេសការតភ្ជាប់ការផលិតតាមកិច្ចសន្យា រវាងកសិករ និងពាណិជ្ជករ។…

(សៀមរាប)៖ តាមរយៈការដែលកម្ពុជាធ្វើជាម្ចាស់ផ្ទះរៀបចំសន្និសីទកំពូលស្តីពី ប្រព័ន្ធផ្សព្វផ្សាយអាស៊ីលើកទី២០ (20th Asia Media Summit) នៅលើទឹកដី​អង្គរលើកទី២ ដែលបានកំពុងប្រព្រឹត្តិឡើងចាប់ពីថ្ងៃទី២១ ដល់ថ្ងៃ ទី២៤ ខែកក្ដដា ឆ្នាំ២០២៥ នៅសណ្ឋាគារសុខា ក្នុងខេត្តសៀមរាបនេះរំពឹងថានឹងបានចែករំលែក​បទពិសោធន៍ និង ភាពជាក់ស្តែងនៃបច្ចុប្បន្នភាពផ្នែកបណ្តាញសារព័តមាន​អាស៊ីប៉ាស៊ី​ហ្វិក ហើយវានឹងជួយជំរុញផងដែរដល់ប្រព័ន្ធផ្សព្វផ្សាយកម្ពុជា​ឱ្យកាន់​តែរីកមច្រើនថែមទៀត។ បញ្ជាក់ប្រាប់បណ្តាញសារព័ត៌មាននាព្រឹកថ្ងៃទី ២១ ខែកក្កដា ឆ្នាំ ២០២៥នេះ ឯកឧត្តម កឹម គុណវឌ្ឍន៍ រដ្ឋលេខាធិការក្រសួងព័ត៌មានបានឱ្យដឹងថា៖នៅក្នុង​សន្និសីទ្ធកំពូលស្តីពី ប្រព័ន្ធផ្សព្វផ្សាយអាស៊ីលើកទី២០ នេះអ្នកសារព័ត៌មានកម្ពុជា​យើងនឹងបានទទួលនូវចំណេះដឹង ការចែករំលែកបទពិសោធន៍ ពីអ្នកជំនាញ​ឯក​ទេស​ក្នុងយុគសម័យបែបទំនើបពិភពលោក នៃប្រព័ន្ធផ្សព្វផ្សាយបញ្ញាសិប្បនិម្មិត (AI) និងប្រព័ន្ធផ្សព្វផ្សាយបែបឌីជីថលផងដែរ។ ទោះបីយ៉ាងណាប្រព័ន្ធផ្សព្វផ្សាយយុគសម័យថ្មីនេះយើងក៏នឹងប្រឈមបញ្ហាចោទឡើងដែរ ហេតុដូច្នេះទេ ក្រុមអ្នកជំនាញមកពីអន្តរជាតិទាំងនេះនឹងបាន​បង្ហាញពី​បញ្ហាប្រឈមនឹងការព្រួយបារម្ភរបស់គេ ពិសេសទៅលើបញ្ហាសីលធម៌ អំពីអត្តចរិក និ​ងអំពី របៀបនៃការផ្តល់ព័ត៌មាន។ក្នុងនេះនឹងផ្តោតទៅលើការផ្តល់​ព័ត៌មានដែល​ត្រឹ​ម​​ត្រូវ និងព្រមជាមួយនឹងការផ្តល់ព័ត៌មានដែលក្លែងក្លាយលាយ​ឡំជា​មួយផងដែរ​។ ឯកឧត្តម រដ្ឋលេខាធិការបានមានប្រសាសន៍ថា ”ដូច្នេះក្នុងផលប្រយោជន៍ដែល​យើង​ទទួលបានគឺយើងនឹងបានស្គាល់ យើងនឹងយល់ច្បាស់ ពីអ្វីដែលផ្លូវយើងត្រូវដើរ​ទៅ​មុខ​ក្នុងវិស័យព័ត៌មានឱ្យកាន់តែរីកចម្រើនបន្ថែមទៀត។ គួរបញ្ជាក់ថាបើតាម ឯកឧត្តម នេត្រ ភក្ត្រា រដ្ឋមន្រ្តី ក្រសួងព័ត៌មានបានថ្លែងបញ្ជាក់​ឱ្យ​ដឹងនាថ្មីៗនេះថា សន្និសីទកំពូលប្រព័ន្ធផ្សព្វផ្សាយអាស៊ីលើកទី២០ នេះ…