(ខេត្តបន្ទាយមាន)៖ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តបន្ទាយមានជ័យ បានកោតសរសើរ និងវាយតម្លៃខ្ពស់នូវកិច្ចខិតខំប្រឹងប្រែងរបស់ក្រុមការងារថ្នាក់ជាតិ ថ្នាក់ក្រោមជាតិ និងមន្រ្តីរាជការទាំងអស់ក្នុងស្មារតីទទួលខុសត្រូវខ្ពស់ និងលើកទឹកចិត្តបន្តសហការពន្លឿនការងារកែតម្រូវឯកសារអត្រានុកូលដ្ឋាន អត្តសញ្ញាណកម្ម សំដៅលើកកម្ពស់ការងារឱ្យកាន់តែមានភាពងាយស្រួល ឆាប់រហ័ស រិះរកវិធីសាស្ត្រដែលមានប្រសិទ្ធភាពដល់ទីតាំង និងផ្តល់ផលប្រយោជន៍ជូនប្រជាពលរដ្ឋ។ ឯកឧត្តមប្រធានក្រុមការងារ មានប្រសាសន៍ដូចនេះ ក្នុងឱកាសអញ្ជើញកិច្ចប្រជុំបូកសរុបសកម្មភាព និងលទ្ធផលការងារចុះមូលដ្ឋានរបស់ក្រុមការងាររាជរដ្ឋាភិបាលចុះមូលដ្ឋានខេត្តបន្ទាយមានជ័យ ប្រចាំឆមាសទី១ ឆ្នាំ២០២៥ និងទិសដៅអនុវត្តបន្ត នៅសាលាខេត្តបន្ទាយមានជ័យ កាលពីរសៀលថ្ងៃទី១៩ ខែកក្កដា ឆ្នាំ២០២៥ ។ ជាមួយគ្នានេះ ឯកឧត្តមប្រធានក្រុមការងារ បានផ្តល់អនុសាសន៍ណែនាំដល់អង្គពិធី បន្តកសាងសមិទ្ធផលបន្ថែមទៀតនូវវិស័យដទៃទៀតរួមមាន៖ សេដ្ឋកិច្ច សង្គម ការអបរំ សុខាភិបាល ពង្រឹងនូវការងារភូមិឃុំសុវត្ថិភាព លុបបំបាត់ក្មេងទំនើង និងការកសាងហេដ្ឋារចនាសម្ព័ន្ធនានា ដោយរៀបចំជាផែនការមេដោះស្រាយជាប្រយោជន៍សាធារណៈ យកចិត្តទុកដាក់ការទទួលសំណើនិងសំណូមពរ ឆ្លើយតបឱ្យចំគោលដៅ ទាន់ពេលវេលា វាយតម្លៃច្បាស់លាស់ ប្រកបដោយប្រសិទ្ធភាព និងប្រសិទ្ធផលខ្ពស់។ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តបន្ទាយមានជ័យ…

(ភ្នំពេញ)៖ «តោះ! យើងទៅច្រៀងចម្រៀងជាតិ ផ្តល់កម្លាំងចិត្តជូនវីរកងទ័ពជួរមុខ» ក្រោមប្រធានបទ«យើងខ្មែរ មោទនភាពជាតិខ្មែរ» ជាកម្មវិធីមួយដែលប្រព្រឹត្តទៅដោយមានពលរដ្ឋខ្មែរយ៉ាងច្រើនគគ្រឹកគគ្រេង បាននាំគ្នាមកចូលរួមច្រៀងចម្រៀងជាតិរួមគ្នា នៅល្ងាចថ្ងៃទី១៩ កក្កដា ២០២៥ នៅពហុកីឡដ្ឋានជាតិអូឡាំពិក នាកណ្តាលរាជធានីភ្នំពេញ ។ ការប្រារព្វពិធីនេះ បានអមជាមួយនឹងការប្រគួតបាល់ទាត់ផងដែរ ដើម្បីកៀរគរមូលនិធិគាំទ្រដល់វីរកងទ័ពជួរមុនកម្ពុជា ។ ចម្រៀងជាតិសំខាន់ៗ ដូចជាបទនគរាជ, បទ ពង្សាវតាខ្មែរ, បទ គន់ទៅមេឃ ដែលជាចម្រៀងច្រៀងថ្លែងពីឆន្ទៈ និងទឹកចិត្តកងទ័ព និងបទសុវណ្ណភូមិដីខ្មែរ នោះជាដើម ត្រូវអ្នករៀបចំកម្មវិធីតម្រូវឲ្យអ្នកចូលរួមទាំងអស់ បានច្រៀងរួមគ្នាជាសំលេងតែមួយ ដែលនាំឲ្យអ្នកចូលរួមបានទទួលនូវអារម្មណ៍រំជួលចិត្ត ក្នុងស្មារតីស្នេហាជាតិ និងមានមោទនភាពដែលកើតមកជាពូជសាសន៍ខ្មែរ នៅលើទឹកដីខ្មែរ ស្ថិតក្រោមដំបូលដ៏សុខសាន្ត នៃការដឹកនាំប្រកបដោយកិត្តិបណ្ឌិតរបស់សម្តេចតេជោ អតីតនាយករដ្ឋមន្រ្តី បន្តមកសម្តេចធិបតី នាយករដ្ឋមន្រ្តីបច្ចុប្បន្ន ក្នុងស្មារតីដាច់ខាតរក្សាបាននូវសុខសន្តិភាព និងភាពរីកចម្រើនជូនជាតិ និងប្រជាជនកម្ពុជា ។ ការរៀបចំឲ្យមានកម្មវិធីនេះ គឺក្នុងគោលបំណងដើម្បីបង្ហាញទឹកចិត្តគាំទ្រដល់វីរកងទ័ពជួរមុខ និងក៏ដើម្បីបង្ហាញអំពីស្មារតីសាមគ្គីភាពជាតិខ្មែរ ដោយមានប្រជាជនជាខឿនការពារជួរក្រោយ ដើម្បីជួយ និងគាំទ្រដល់កងទ័ពជួរមុខ ព្រមទាំងរំលេចនូវស្មារតីជាតិនិយមរបស់ប្រជាជនកម្ពុជាដែលស្ថិតស្ថេរនៅជាអមតៈ ។ ឯកឧត្តម ហ៊ុន ម៉ានី ដែលជាអ្នកដឹកនាំកម្មវិធី…

ភ្នំពេញ៖លើបណ្ដាញទំនាក់ទំនងសង្គមហ្វេសប៊ុកផ្លូវការនៅថ្ងៃទី១៩ ខែកក្កដា ឆ្នាំ២០២៥ ឯកឧត្តម ខៀវ កាញារីទ្ធ អតីតរដ្ឋមន្រ្តីក្រសួង​ព័ត៌មាន​លើកជាចម្ងល់បែបចំអកទៅកាន់ថៃ ។ចំណែកឯកឧត្តម ហេង រតនា ប្រតិភូរាជរដ្ឋាភិបាល ទទួលបន្ទុកជាអគ្គនាយកនៃមជ្ឈមណ្ឌល​សកម្មភាពកំចាត់មីនកម្ពុជា(CMAC) បន្ថែមថា ទិដ្ឋភាពច្បាប់នៃ​អនុសញ្ញាមីន​អន្តរជាតិនេះ​ត្រង់មាត្រាទី៥​ មានចែងច្បាស់ថា​ បូរណភាពទឹកដីអ្នកណាអ្នកនោះទទួលខុសត្រូវ​។ សំណេររបស់ឯកឧត្តម ខៀវ កាញារីទ្ធ មានខ្លឹមសារថា “ឆ្ងល់មែនទែន មិនមែនឆ្ងល់នយោបាយទេ ។ គ្រាន់តែពេលយប់​ងងឹត ទ័ពខ្មែរយើង​ចេញពីលេណដ្ឋានមិនប្រយ័ត្នក៏ត្រូវពួក sniper ថៃបាញ់សម្លាប់ ថែមពីនេះ ថៃទើបបង្អួតពី​ដ្រូនគ្រប់​បែប(ដ្រូនត្រួតពិនិត្យ ដ្រូនស៊ើបការណ៍ ដ្រូនប្រយុទ្ធ និងកម្ទេចមុខសញ្ញាសំខាន់ៗ )និងកងកម្លាំងខ្នាប់ដី ហេតុអីក៏​ចោទ​ខ្មែរលបទៅដាក់មីនបាន ? ដាក់មីនច្រើនគ្រាប់មានន័យថាត្រូវប្រើ​កម្លាំងលើសពី ២ នាក់ ម៉េចក៏មិនដឹង ? ម្យ៉ាងទៀត អ្នកណាក៏ដឹងដែរថា កន្លងមកកងបះបោរនៅភូមាមានអាវុធដែលទិញពីឈ្មួញថៃ ហេតុអីក៏ថៃ​ថាគ្មានមីនរុស្ស៊ី ?”។ ដោយឡែកនៅថ្ងៃសៅរ៍នេះ ឯកឧត្តម ហេង រតនា ឯកឧត្តម ហេង រតនា ប្រតិភូរាជរដ្ឋាភិបាល ទទួលបន្ទុកជាអគ្គនាយក​នៃមជ្ឈមណ្ឌលសកម្មភាព​កំចាត់មីនកម្ពុជា(CMAC)បានសរសេរនៅលើបណ្ដាញទំនាក់ទំនងសង្គមផ្លូវការរបស់លោកថា “ក្រោយមានទាហានសៀមជាន់គ្រាប់មីនដោយ​មានម្នាក់ដាច់ជើងម្ខាងនិងរបួសស្រាលចំនួន២នាក់(តាមរយៈសារព័ត៌មាន)​ចុះផ្សាយលាបពណ៌មួលបង្កាច់កម្ពុជា​…

ភ្នំពេញ៖សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះ​រាជា​ណាចក្រកម្ពុជាបានបញ្ជាក់គោល​ជំហរជាថ្មីម្តង​ទៀតថា កម្ពុជាប្រកាន់ខ្ជាប់​នូវដំណោះស្រាយដោយសន្តិវិធី ។ នេះបើតាមបណ្ដាញទំនាក់ទំនង​សង្គមហ្វេសប៊ុក​ផ្លូវការរបស់សម្ដេចនារាត្រីថ្ងៃទី១៩ ខែកក្កដា ឆ្នាំ២០២៥ ។ តាមរយៈសំណេរមានខ្លឹមសារដូច្នេះថា “សូមថ្លែងអំណរគុណដល់​បងប្អូនមហាគ្រួសារខ្មែរ ដែលបានជួបជុំគ្នាជាលើកទីពីរ បន្ទាប់កម្មវិធី Solidarity March កាលពីថ្ងៃទី១៨ ខែមិថុនា ឆ្នាំ២០២៥កន្លងទៅ ហើយនេះគឺជាសារលើកទឹកចិត្ត​ដ៏ធំធេង​ទៅដល់វីរកងទ័ពជួរមុខកម្ពុជា ដែលកំពុងឈរយ៉ាងរឹងមាំប្រកបដោយស្មារតីប្រុងប្រយ័ត្ន មោះមុត និងហានក្លា ក្នុង​គោលដៅការពារជាតិ អធិបតេយ្យភាព និងបូរណ​ភាព​ទឹកដី មិនឱ្យបាត់បង់សូម្បីមួយមីលីម៉ែត្រ”។ ក្នុងនាមរាជរដ្ឋាភិបាល សម្ដេចធិបតីនាយករដ្ឋមន្ត្រីបានបញ្ជាក់គោល​ជំហរជាថ្មីម្តងទៀតថា កម្ពុជាប្រកាន់ខ្ជាប់នូវ​ដំណោះ​ស្រាយដោយសន្តិវិធី តាមរយៈ​ ៖១.​ យន្តការបច្ចេកទេសទ្វេភាគី​ដោយគណៈកម្មការព្រំដែន​ចំរុះ​កម្ពុជា-ថៃ (JBC) និង​ ២) យន្តការច្បាប់អន្តរជាតិ​ រួមទាំងតុលាការ​យុត្តិធម៌អន្តរជាតិ (ICJ) លើសពីនេះ កម្ពុជា ក៏បានត្រៀមលក្ខណៈរួចជា​ស្រេចក្នុងការឆ្លើយតបដោយកងកម្លាំងប្រដាប់អាវុធ ក្នុងការករណីដែល​មាន​​ការរំលោភបំពានដោយគឃ្លើន​លើដែនអធិប​តេយ្យ​ភាពកម្ពុជា ដោយការប្រើប្រាស់កងកម្លាំងប្រដាប់អាវុធ។ ជាចុងក្រោយសម្ដេចធិបតី ហ៊ុន ម៉ាណែត សូមជូនពរដល់កងកម្លាំង​ប្រដាប់អាវុធជួរមុខកម្ពុជា ទាំងខ្សែត្រៀម និងខ្សែ​គាំទ្រ ដែលបានគោរព និងរក្សាយ៉ាងខ្ជាប់ខ្ជួននូវបទបញ្ជារបស់អគ្គបញ្ជាការ និងមេបញ្ជាការ​គ្រប់ជាន់ថ្នាក់ ហើយ​បងប្អូន​កងកម្លាំងប្រដាប់អាវុធ ក៏ត្រូវចងចាំជាក់ថា…

(ភ្នំពេញ)៖ «តស់! យើងទៅច្រៀងចម្រៀងជាតិ ផ្តល់កម្លាំងចិត្តជូនវីរកងទ័ពជួរមុខ» ជាកម្មវិធីរៀបចំឡើងនារសៀលថ្ងៃទី១៩ ខែកក្កដា ឆ្នាំ​២០២៥ នៅពហុកីឡដ្ឋានជាតិអូរឡាំពិក រាជធានីភ្នំពេញ ដោយមានសាធារណជនយ៉ាងច្រើនកុះករបានចូលរួមច្រៀងចម្រៀងជាតិរួមគ្នា។ ក្រោមទង់ជាតិនៃព្រះរាជាណាចក្រកម្ពុជា អ្នកចូលរួមទាំងអស់ បានបង្ហាញស្មារតីគ្រួសារខ្មែរ រួមជាតិ បានចូលរួមច្រៀងចម្រៀងជាតិរួមគ្នា ជាមួយអារម្មណ៍ស្មោះស្ម័គ្រ ពោរពេញដោយក្ដីស្រឡាញ់ចំពោះជាតិ និងមាតុភូមិកម្ពុជា។ ព្រឹត្តិការណ៍ បានបង្ហាញថែមទៀតពីកម្លាំងសាមគ្គីភាព គាំទ្រយ៉ាងជ្រាលជ្រៅ ជូនចំពោះការដឹកនាំរបស់រាជរដ្ឋាភិបាលកម្ពុជា ក្នុងកាប្តេជ្ញាការពារបូរណភាពដែនដី និងអធិបតេយ្យភាពជាតិ និងការគាំទ្រពេញទំហឹងដល់វីរកងទ័ពកម្ពុជាដែលកំពុងឈរជើងការពារយ៉ាងអង់អាចក្លាហាននៅតាមព្រំដែន ៕ ដោយ ៖ វណ្ណលុក

(ភ្នំពេញ)៖ ក្រុមការងារសម្របសម្រួល និងអ្នកចូលរួម បាន និងកំពុងដល់ទីតាំងពហុកីឡដ្ឋានជាតិអូឡាំពិកជាបន្តបន្ទាប់ ជាមួយទឹកមុខស្រស់ស្រាយ ស្វាហាប់ ត្រៀមខ្លួនរួចជាស្រេចសម្រាប់ព្រឹត្តិការណ៍ដ៏អស្ចារ្យដើម្បីបង្ហាញការគាំទ្រវីរកងទ័ពជួរមុខរបស់យើង។ “យើងខ្មែរ មោទនភាពជាតិខ្មែរ តស់! យើងទៅច្រៀងចម្រៀងជាតិផ្ដល់កម្លាំងចិត្តជូនកងទ័ពជួរមុខ” ។ ក្នុងស្មារតីស្នេហាជាតិ និងគាំទ្រដល់វីរភាពដ៏ក្លានហានការពារបូរណភាពទឹកដីរបស់បងៗកងទ័ពយើងដែលកំពុងឈរជើងនៅតាមបណោ្ដយព្រំដែន ៕ ដោយ ៖ វណ្ណលុក

(ភ្នំពេញ)៖ តាមរយៈបណ្ដាញសង្គមហ្វេសប៊ុកនារសៀលថ្ងៃទី១៩ ខែកក្កដា ឆ្នាំ២០២៥ សម្ដេចតេជោ ហ៊ុន សែន បានបង្ហាញការភ្ញាក់ផ្អើល ដែលមានប្រជាជនថៃ ជឿលើពាក្យសម្តីរបស់សម្ដេច ជាងពាក្យសម្តីរបស់ ថាក់ ស៊ីន ។ សម្តេចតេជោ បានបង្ហាញឃ្លីបវីដេអូ និងសរសេរសារខ្លីដូច្នេះថា ខ្ញុំបានតាមដានស្តាប់ការស្ទង់មតិប្រជាជនថៃ។ នៅពេលថ្មីៗនេះ តាមទូរទស្សន៍ថៃប៉ុស្តលេខ៧ ហើយលទ្ធផល បានបង្ហាញថា «២៨% ជឿ លើខ្ញុំ ហ៊ុន សែន» និង«៣% ជឿ ថាក់ស៊ីន»។ សម្ដេចថា លទ្ធផលនេះ ពិតជាធ្វើឱ្យខ្ញុំមានការភ្ញាក់ផ្អើលយ៉ាងខ្លាំងដែលមានប្រជាជនថៃ ជឿជាក់មកលើពាក្យសម្តីរបស់ ខ្ញុំ ជាងពាក្យសម្តី របស់ ថាក់ ស៊ីន ! ៕ ដោយ ៖ វណ្ណលុក

(ភ្នំពេញ)៖ ឯកឧត្ដម ហេង សួរ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ បានទទួលជួបពិភាក្សាការងារជាមួយ លោក Jean-Gabriel Duss នាយកប្រចាំតំបន់នៃកិច្ចសហប្រតិបត្តិការសម្រាប់តំបន់មេគង្គ នៃទីភ្នាក់ងារសហប្រតិបត្តិការអភិវឌ្ឍន៍ស្វីស (SDC) នារសៀលថ្ងៃទី១៨ ខែកក្កដា ឆ្នាំ២០២៥ នៅទីស្តីការក្រសួង ។ ឯកឧត្តម ហេង សួរ បានកោតសរសើរចំពោះ ទីភ្នាក់ងារសហប្រតិបត្តិការអភិវឌ្ឍន៍ស្វីស ដែលតែងតែជួយដល់កម្ពុជា ជាពិសេស លើគម្រោងបណ្ដុះបណ្ដាលជំនាញវិជ្ជាជីវៈ ១,៥លាននាក់ តាំងពីដំណាក់កាលទី១ ដំណាក់កាលទី២ និងបន្តអនុវត្តរួមគ្នាថែមទៀតសម្រាប់ដំណាក់កាលទី៣ ឆ្នាំ២០២៤-២០២៨ ។ ឯកឧត្ដមរដ្ឋមន្ត្រី បានសម្ដែងក្ដីរីករាយក្នុងការធ្វើការងាររួមគ្នាជាត្រីភាគីរវាងក្រសួងការងារ និងបណ្ដុះបណ្ដាលវិជ្ជាជីវៈ ទីភ្នាក់ងារសហប្រតិបត្តិការអភិវឌ្ឍន៍ស្វីស (SDC) និងអង្គការអន្តរជាតិខាងការងារ (ILO) ដើម្បីពង្រឹងការបណ្ដុះបណ្ដាលកម្លាំងពលកម្មជំនាញ សំដៅរួមចំណែកលើកកម្ពស់កំណើនសេដ្ឋកិច្ចកម្ពុជា កម្លាំងពលកម្មជំនាញចល័តក្នុងតំបន់ និងលើកស្ទួយជីវភាពរស់នៅរបស់ប្រជាពលរដ្ឋប្រកបដោយសេចក្តីថ្លៃថ្នូរ ។ លោក Jean-Gabriel Duss បញ្ជាក់នូវការប្តេជ្ញាចិត្តក្នុងការគាំទ្រក្រសួងការងារ និងបណ្តុះបណ្តាលវិជ្ជាជីវៈ ក្នុងការអនុវត្តគម្រោងដំណាក់កាលបន្ទាប់នៃកម្មវិធី TVET ១,៥លាននាក់ ស្របតាមយុទ្ធសាស្ត្របញ្ចកោណ-ដំណាក់កាលទី១ របស់រាជរដ្ឋាភិបាលកម្ពុជា នីតិកាលទី៧…

(ភ្នំពេញ)៖ សម្ដេចមហាបវរធិបតី ហ៊ុន ម៉ាណែត អនុប្រធានគណបក្សប្រជាជនកម្ពុជា បានអញ្ជើញដឹកនាំកិច្ចប្រជុំគណៈអចិន្ត្រៃយ៍យុវជនគណបក្សប្រជាជនកម្ពុជាថ្នាក់កណ្តាល នៅវិមាន៧មករា រាជធានីភ្នំពេញ នាព្រឹកថ្ងៃសៅរ៍ ទី១៩ ខែកក្កដា ឆ្នាំ២០២៥ ។ ដោយ ៖ វណ្ណលុក