(បន្ទាយមានជ័យ)៖ ឯកឧត្តម អ៊ុ រាត្រី បានដាក់ចេញនូវបទបញ្ជាយ៉ាងម៉ឺងម៉ាត់ដល់គ្រប់កងកម្លាំងដែលឈរជើងនៅតាមបណ្តោយព្រំដែន អាជ្ញាធរក្រុង-ស្រុក ជាប់ព្រំដែន បន្តរួមគ្នាទប់ស្កាត់នូវបទល្មេីសផ្សេងៗ មិនអនុញ្ញាតឱ្យមានការយកទំនិញពីថៃចូលកម្ពុជា ឡេីយ បេីមានត្រូវតែពួតដៃក្នុងការធ្វើការបង្ក្រាបឱ្យបាន បេីទោះបីស្ថានភាពនៅព្រំដែនមិនទាន់ស្រាលក៏ដោយ។ ជាពិសេសសមត្ថកិច្ច និងអាជ្ញាធរតាមច្រកព្រំដែននីមួយៗ ត្រូវបន្តប្រចាំការរង់ចាំទទួលបានបងប្អូនពលករដែលត្រលប់មកពីប្រទេសថៃ ចូលមកកម្ពុជា។ ការដាក់ចេញនូវវិធានការយ៉ាងម៉ឺងម៉ាត់នេះធ្វេីឡេីងខណៈដែល ឯកឧត្តម អភិបាលខេត្ត ដឹកនាំកិច្ចប្រជុំ ជាមួយ ក្រុមការងារ កងកម្លាំងឈរជេីងតាមខ្សែបន្ទាត់ព្រំដែនកម្ពុជា-ថៃ ក្នុងភូមិសាស្ត្រខេត្តបន្ទាយមានជ័យ ។ កិច្ចប្រជុំនេះក៏មាន ការចូលរួមពីមេបញ្ជាការកងកម្លាំងប្រដាប់អាវុធទាំង ៣ប្រភេទ អភិបាលក្រុង-ស្រុក ជាប់ព្រំដែនកម្ពុជា-ថៃ ដែលធ្វេីឡេីងនៅសាលប្រជុំ ក សាលាខេត្តបន្ទាយមានជ័យ នារសៀលថ្ងៃទី០៨ ខែកក្កដា ឆ្នាំ២០២៥។ ស្របពេលដែលបញ្ហាព្រំដែននៅតែតានតឹង ឯកឧត្តម អ៊ុ រាត្រី បានជំរុញទៅដល់កងកម្លាំងគ្រប់កងអង្គភាពដែលឈរជើងតាមបន្ទាត់ព្រំដែន អាជ្ញាធរ មូលដ្ឋាន ត្រូវយកចិត្តទុកដាក់ពិនិត្យទៅតាមបន្ទាត់ព្រំដែន មិនអនុញ្ញាតឱ្យមានការលួចឆ្លងដែន ក៏ដូចជាសកម្មភាពផ្សេងៗ ដែលជាបទល្មើសតាមព្រំដែន បេីសិនជាមានការរកឃេីញថាមានបទល្មេីសនៅតាមព្រំដែនត្រូវធ្វេីការបង្ក្រាបឱ្យបានដោយគ្មានលេីកលែងឡេីយ។ ឯកឧត្ដម អភិបាលខេត្ត ក៏បានអំពាវនាវ ឱ្យបងប្អូនប្រជាពលរដ្ឋដែលមានបំណងចង់វិលត្រឡប់មកកម្ពុជាវិញ សូមធ្វើដំណើរតាមច្រកផ្លូវការ ដើម្បីងាយស្រួលក្រុមការងារ ទទួលរង់ចាំទទួល។…

(កំពង់ធំ)៖ នៅព្រឹកថ្ងៃទី៨ ខែកក្កដា ឆ្នាំ២០២៥ រដ្ឋបាលខេត្តកំពង់ធំ បានរៀបចំពិធីអបអរសាទរខួបលើកទី៨ នៃការដាក់បញ្ចូលប្រាសាទសំបូរព្រៃគុក ក្នុងបញ្ជីបេតិកភណ្ឌពិភពលោក (៨ កក្កដា ២០១៧ ~ ៨ កក្កដា ២០២៥) នៅក្នុងតំបន់រមណីយដ្ឋានប្រវត្តិសាស្ត្រ អតីតរាជធានីឦសានបុរៈ ស្ថិតក្នុងស្រុកប្រាសាទសំបូរ ខេត្តកំពង់ធំ ។ ពិធីនេះបានអញ្ជើញដឹកនាំដោយ ឯកឧត្តម នួន ផារ័ត្ន អភិបាលខេត្តកំពង់ធំ និងឯកឧត្តម ហាប់ ទូច រដ្ឋលេខាធិការប្រចាំការក្រសួងវប្បធម៌ និងវិចិត្រសិល្បៈ ព្រមទាំងមានការចូលរួមពីមន្ត្រីរាជការ និងប្រជាពលរដ្ឋក្នុងមូលដ្ឋានយ៉ាងសកម្ម។ ឯកឧត្តម នួន ផារ័ត្ន បញ្ជាក់ថា ប្រាសាទសំបូរព្រៃគុក គឺជាមរតកវប្បធម៌ដ៏មានតម្លៃ ដែលតំណាងឲ្យអតីតរាជធានីខ្មែរ សម័យចេនឡា ក្នុងឈ្មោះដើមថា «ឦសានបុរៈ»។ ប្រាសាទនេះត្រូវបានកសាងឡើងចាប់ពីចុងសតវត្សរ៍ទី៦ ដល់សតវត្សរ៍ទី៨ ក្នុងរជ្ជកាលស្តេចឥសានវរ្ម័ន ហើយមានក្រុមប្រាសាទសំខាន់ចំនួន ៣ រួមមាន៖ ប្រាសាទសំបូរ (ខាងជើង), ប្រាសាទកណ្តាល (ប្រាសាទតោ) និងប្រាសាទខាងត្បូង (ប្រាសាទយាយព័ន្ធ ឬនាគព័ន្ធ)។…

(សៀមរាប)៖ មន្ត្រីទើបទទួលបានមុខតំណែងថ្មី ត្រូវខិតខំបំពេញតួនាទីភារកិច្ចរបស់ខ្លួនដោយការទទួលខុសត្រូវខ្ពស់ ប្រកបដោយភាពស្មោះត្រង់ និងតស៊ូព្យាយាមលើកស្ទួយការងាររដ្ឋបាលឲ្យកាន់តែប្រសើរឡើង។ ត្រូវបង្កើនសាមគ្គីភាពក្នុងអង្គភាព ឈ្វេងយល់អំពីតួនាទី និងការបែងចែកការងារឱ្យមានតម្លាភាព និងប្រសិទ្ធភាព ។ ពិសេសត្រូវបន្តពង្រឹងការងារសន្តិសុខ សណ្ដាប់ធ្នាប់សាធារណៈ និងការជៀសវាងអំពើអសន្តិសុខផ្សេងៗ ដោយអនុវត្តគោលនយោបាយ “ភូមិឃុំសង្កាត់មានសុវត្ថិភាព”។ នេះគឺជាការលើកឡើងរបស់ លោក អ៊ឹង គឹមលាង អភិបាលរងខេត្តសៀមរាប ក្នុងពិធីប្រកាសចូលកាន់មុខតំណែងជាផ្លូវការសម្រាប់មន្រ្តីនៃរដ្ឋបាលស្រុកអង្គរធំ កាលពីថ្ងៃទី០៨ ខែកក្កដា ឆ្នាំ២០២៥នេះ ។ សូមបញ្ជាក់ថា លោក កែ វីរិទ្ធ មានឋានន្តរសក្តិនាយក្រុមការថ្នាក់លេខ៦ ត្រូវបានតែងតាំងជាអភិបាលរងស្រុកអង្គរធំ និង លោក ស៊ូរ សេដ្ឋាន មានឋានន្តរសក្តិក្រមការដើមខ្សែថ្នាក់លេខ៣ ត្រូវបានតែងតាំងជានាយករដ្ឋបាលសាលាស្រុកអង្គរធំ ។ លោកអភិបាលរងខេត្ត ក៏បានណែនាំឲ្យមន្រ្តីដែលទើបត្រូវបានតែងតាំងថ្មី ត្រូវអនុវត្តការងារដោយឧស្សាហ៍ព្យាយាម និងស្មោះត្រង់ ដើម្បីធានាថាការងាររដ្ឋបាលស្រុកអាចបំពេញបានយ៉ាងរលូន ស្របតាមច្បាប់ និងគោលនយោបាយរបស់រាជរដ្ឋាភិបាល។ ពិសេសត្រូវដាក់ចិត្តស្មោះលើសេវាកម្មសាធារណៈ ក្នុងការឆ្លើយតបតាមតម្រូវការរបស់ប្រជាពលរដ្ឋ និងអភិវឌ្ឍស្រុកឱ្យមានការរីកចម្រើនយ៉ាងច្បាស់លាស់ ៕ ដោយ ៖ ប៊ុន រដ្ឋា

(ភ្នំពេញ)៖ ក្រសួងការងារ និងបណ្ដុះបណ្ដាលវិជ្ជាជីវៈ និងអង្គការជួយកម្ពុជា (Agir pour le CAMBODGE) នារសៀលថ្ងៃទី៩ ខែកក្កដា ឆ្នាំ២០២៥ បានចុះកិច្ចព្រមព្រៀងស្ដីពី សាលាសណ្ឋាគារ សាលាបាយ បណ្ដុះបណ្ដាលជំនាញវិជ្ជាជីវៈបដិសណ្ឋារកិច្ច ដើម្បីផ្តល់ការបណ្តុះបណ្តាលជំនាញបដិសណ្ឋារកិច្ចដោយឥតគិតថ្លៃ ដល់យុវជន/យុវនារីកម្ពុជា ដែលមានជីវភាពខ្វះខាត។ ពិធីចុះហត្ថលេខាលើកិច្ចព្រមព្រៀងនេះ រៀបចំឡើងនៅទីស្ដីការក្រសួង ក្រោមអធិបតីភាពដ៏ខ្ពង់ខ្ពស់ ឯកឧត្តម ហេង សួរ រដ្ឋមន្រ្តីក្រសួងការងារ និងបណ្ដុះបណ្ដាលវិជ្ជាជីវៈ និងលោក Jérôme l’Hour នាយកប្រចាំប្រទេសកម្ពុជា នៃអង្គការជួយកម្ពុជា (Agir pour le CAMBODGE) ក្នុងគោលដៅរៀបចំឯកសារបណ្តុះបណ្តាល និងកម្មវិធីសិក្សាផ្លូវការទៅលើវិស័យបដិសណ្ឋារកិច្ចក្នុងប្រទេសកម្ពុជា ដោយសហការជាមួយនឹងស្ថាប័នជាតិនានា ព្រមទាំងបង្កើតរចនាសម្ព័ន្ធគ្រប់គ្រងអង្គការ និងពង្រឹងការកសាងសមត្ថភាពដល់បុគ្គលិក។ ឯកឧត្តមរដ្ឋមន្រ្តី ហេង សួរ បានវាយតម្លៃខ្ពស់ចំពោះគម្រោង សាលាសណ្ឋាគារ សាលាបាយ បណ្ដុះបណ្ដាលជំនាញវិជ្ជាជីវៈបដិសណ្ឋារកិច្ច ដែលជាផ្នែកមួយដ៏សំខាន់ក្នុងការពង្រីកពង្រឹងគុណភាព ការអប់រំបណ្តុះបណ្តាលបច្ចេកទេសនិងវិជ្ជាជីវៈទាក់ទងនឹងវិស័យសណ្ឋាគារ និងបដិសណ្ឋារកិច្ចនៅក្នុងប្រទេសកម្ពុជា។ ក្នុងន័យនេះ ឯកឧត្តមរដ្ឋមន្រ្តីបានបញ្ជាក់ថា៖«តាមរយៈកិច្ចព្រមព្រៀងនេះ ខ្ញុំគិតថា យើងមានកិច្ចសហការគ្នាយ៉ាងជិតស្និទ្ធ ដើម្បីចែករំលែកចំណេះដឹង…

(ភ្នំពេញ)៖ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ បានគូសបញ្ជាក់ថា ប្រជាពលរដ្ឋខ្មែរពិតជាបានឃើញទង្វើ និងសកម្មភាពនានា ដែល​ទាហានឈុតខ្មៅរបស់ថៃ បានប៉ុនប៉ងបង្កហេតុដោយយករូបបដិមាព្រះមក​តម្កល់នៅតំបន់បន្ទាត់ព្រំដែន ដែលកំពុងតែមានជម្លោះ។ សកម្មភាពនេះ និងទង្វើរដ៏គឃ្លើនផ្សេងៗទៀតនាពេលថ្មីៗនេះ បានរំលឹកបន្ថែម​ដល់ប្រជាពលរដ្ឋខ្មែរគ្រប់រូប ដែលជាផ្នែកមួយនៃខឿនការពារជាតិប្រជាជនថា គ្រប់កាលៈទេសៈទាំងអស់ ហានិភ័យតែងមានជាប្រចាំ។ ប្រទេសជិតខាងនេះ តែងប្រឹងបង្ហាញពីភាពត្រឹមត្រូវរបស់ខ្លួន ប៉ុន្តែសកម្មភាពជាក់ស្តែង ប្រាសចាក​ទាំងស្រុងពីការអះអាងរបស់ពួកគេ។ កាយវិការ និងទង្វើទាំងនេះ មិនបានបង្ហាញ​ពីចេតនាណាមួយក្នុងការបន្ធូរបន្ថយស្ថានការណ៍នោះទេ ផ្ទុយទៅវិញបែរជា​ទង្វើ​បង្កើន​នូវកម្តៅ ដែលពួកគេចង់ឆ្លៀតឱកាស។ ទង្វើ និងសកម្មភាពរបស់គេ ជាការរំលឹកនូវជំហររបស់កម្ពុជាក្នុងការដោះ​ស្រាយ​បញ្ហាទាំងអស់ដោយសន្តិវិធី ដូចដែលសម្តេចតេជោ និងសម្តេចធិបតី តែងតែបាន​លើកឡើងជាប្រចាំ និងជាបន្តបន្ទាប់។ ក្នុងនោះ ការបោះបង្គោល​ព្រំដែនជាមួយ​ភាគីថៃត្រូវប្រើប្រាស់គ្រប់មធ្យោបាយទាំងអស់ឈរលើមូលដ្ឋាននៃអនុស្សរណៈឆ្នាំ២០០០ និងដោយឡែក លើកលែងតែតំបន់ប្រាសាទតាមាន់ធំ តាមាន់តូច ប្រាសាទតា​ក្របី និងតំបន់មុំបី ដែលត្រូវការចូលរួមដោះស្រាយដោយសន្តិវិធីតាមរយៈភាគីទី៣ ពោលគឺតុលាការយុត្តិធម៌អន្តរជាតិឡាអេ (ICJ)។ ហេតុនេះ ក្នុងនាមជាប្រជាពលរដ្ឋខ្មែរគ្រប់ៗរូប និងក្នុងនាមជាខឿនការពារ​ជាតិ​ប្រជាជន ពេលនេះ ម៉ោងនេះ យើងត្រូវចងចាំថាហានិភ័យ ការគំរាមកំហែង ការប្រមាថ ការប៉ុនប៉ងធ្វើសកម្មភាពឈ្លានពានការរំលោភបំពានមកលើបូរណភាព​ទឹកដីរបស់កម្ពុជាពីសំណាក់ប្រទេសជិតខាង តែងតែកើតមានជាប្រចាំ។ ពិសេស…