រាជរដ្ឋាភិបាល​កម្ពុជា​បាន​ប្រារព្ធ​ពិធី​អបអរសាទរ​ខួប​លើក​ទី​៣០ នៃ​ការចុះហត្ថលេខា​លើ​កិច្ចព្រមព្រៀង ស្តីពី​ដំណោះស្រាយ​នយោបាយ​រួម​នៃ​ជម្លោះ​កម្ពុជា ហៅ​កាត់​ថា «​កិច្ចព្រមព្រៀង​សន្តិភាព ទីក្រុង​ប៉ារីស​» នៅ​ព្រឹក​ថ្ងៃទី​២៣ ខែតុលា ឆ្នាំ​២០២១ នៅ​វិមាន​សន្តិភាព​។ តាងនាម​ឱ្យសម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និង​សហប្រតិបត្តិការ​អន្តរជាតិថ្លែង​សុន្ទរកថា​មួយ​ប្រកបដោយ​អត្ថន័យ​ខ្លឹមសារ

ឯកឧត្តម ហ៊ុន ម៉ា​នី ប្រធាន​សហភាព​សហព័ន្ធ​យុវជន​កម្ពុជា​បាន​រំលឹកថា​ផ្តើមចេញពី​ជំនួប​របស់​ឥស្សរជន សំខាន់​២ រូប នៅ Fère enTardenois​ក្នុង​ឆ្នាំ​១៩៨៧​បាន​ក្លាយជា​មូលដ្ឋាន​ដែល​នាំឱ្យមាន​កិច្ចព្រមព្រៀង​សន្តិភាព ទីក្រុង​ប៉ារីស ប្រទេស​បារាំង ក្នុង​ឆ្នាំ​១៩៨៧​។​

ថ្ងៃនេះ២៣ខែតុលាឆ្នាំ២០២១ដែលជាគម្រប់ខួប ៣០ឆ្នាំ នៃកិច្ចព្រមព្រៀងសន្តិភាពក្រុងប៉ារីស ២៣ តុលា។ ជាសច្ចធម៌ប្រវត្តិសាស្រ្តដែលពុំអាចបំភ្លៃបាននោះ គឺមុននឹងឈានមកដល់កិច្ចព្រមព្រៀងនាទីក្រុងប៉ារីស ២៣ តុលា គឺសម្តេចតេជោ ហ៊ុន សែន បានជួបពិភាក្សាដំបូងបំផុតជាមួយ អតីតព្រះមហាក្សត្រខ្មែរ សម្តេចព្រះ នរោត្តម សីហនុ នៅថ្ងៃទី០២ ខែធ្នូ ឆ្នាំ១៩៨៧ នៅ FERE-EN-TARDENOIS នៅប្រទេសបារាំង។