នៅខែមេសា ប្រធានាធិបតីអាមេរិកលោក Biden បានបញ្ជាឱ្យដកកងទ័ពអាមេរិកទាំងអស់ចេញពីអាហ្វហ្កានីស្ថានត្រឹមថ្ងៃទី១១ កញ្ញា ទោះបីមានការជំទាស់ពីបណ្ដាឧត្ដមសេនីយ៍ជាន់ខ្ពស់មួយចំនួនក៏ដោយ។ យោងតាមកាសែត New York Times រដ្ឋមន្ត្រីក្រសួងការពារជាតិអាមេរិកលោក Lloyd Austin និងប្រធានអគ្គសេនាធិការដ្ឋានចម្រុះនៃកងប្រដាប់អាវុធអាមេរិកលោកឧត្ដមសេនីយ៍ Mark A. Milley បានជួបប្រជុំសម្ងាត់ជាមួយមន្ត្រីសេតវិមាន និងទីភ្នាក់ងារចារកម្ម ដើម្បីរៀបចំផែនការនៃការដកទ័ព។ ក្នុងកិច្ចប្រជុំនេះ របាយការណ៍វាយតម្លៃមួយរបស់ភ្នាក់ងារចារកម្ម លើកឡើងថាកងយោធាអាហ្វហ្គានីស្ថានមានសមត្ថភាពទប់ទល់នឹងក្រុមតាលីបង់បានពី ១-២ឆ្នាំ ហើយតាលីបង់នឹងមិនអាចចូលកាន់កាប់ប្រទេសទាំងស្រុង។ គ្មាននរណាម្នាក់លើកឡើងថា តើអាមេរិកនឹងធ្វើអ្វី បើតាលីបង់កាន់កាប់បានអាកាសយានដ្ឋាននៃរដ្ឋធានីកាប៊ុលនោះ។ នៅពេលអាមេរិកបិទមូលដ្ឋានអាកាស Bagram លោក Biden ថាកងទ័ពអាហ្វហ្កានីស្ថានទទួលបានការបណ្ដុះបណ្ដាលល្អជាងបំពាក់ឧបករណ៍ល្អជាង និងមានសមត្ថភាពក្នុងការធ្វើសង្គ្រាមខ្ពស់ជាងតាលីបង់ ហើយលទ្ធភាពដែលក្រុមតាលីបង់ផ្ដួលរំលំអ្វីៗគ្រប់យ៉ាង និងចូលកាន់កាប់គឺមិនទំនងទេ។ មកដល់ខែសីហា កងទ័ពអាហ្វហ្កានីស្ថានបានដួលរលំ ហើយក្រុមតាលីបង់ចូលកាន់កាប់ក្រុងកាប៊ុលត្រឹមរយៈពេលតិចជាង២សប្ដាហ៍។ ព្រឹត្តិការណ៍នេះបង្ហាញពីការមើលស្រាលសត្រូវ និងការបរាជ័យជាបន្តបន្ទាប់របស់រដ្ឋបាលលោក Biden ប៉ុន្តែមន្ត្រីរដ្ឋបាលបៃដិនជឿជាក់ជានិច្ចថាពួកគេមានពេលវេលាគ្រប់គ្រាន់ សម្រាប់ការដកទ័ពចេញ និងការជម្លៀសជនស៊ីវិល ស្របពេលកងទ័ពអាហ្វហ្កានីស្ថានទប់ទល់នឹងក្រុមតាលីបង់។ ការមើលស្រាលសមត្ថភាពរបស់តាលីបង់ក្នុងការដណ្ដើមយកប្រទេសទាំងមូលបានលឿន បានប៉ះពាល់យ៉ាងខ្លាំងដល់ផែនការរបស់រដ្ឋបាលបៃដិន។ នៅពេលក្រុមតាលីបង់ចាប់ផ្ដើមចូលកាន់កាប់ទីរួមខេត្តជាច្រើនកំឡុងខែសីហា អាមេរិកក៏បានភ្ញាក់ខ្លួនថាក្រុងកាប៊ុលអាចនឹងធ្លាក់ក្នុងដៃរបស់តាលីបង់ទាំងស្រុង។ ប្រភព៖ New York Times

ប្រធានាធិបតីស្តាំនិយមរបស់ប្រេស៊ីលលោក Jair Bolsonaro ប្រឈមនឹងការធ្លាក់ចុះប្រជាប្រិយភាព និងរងការរិះគន់ចំពោះការអះអាងអំពីការលួចបន្លំសន្លឹកឆ្នោតដោយគ្មានមូលដ្ឋានច្បាស់លាស់។ នេះបើតាម Al Jazeera ថ្ងៃទី២៩ សីហា។ លោក Bolsonaro មានប្រសាសន៍ថា “ខ្ញុំមានជម្រើសបីសម្រាប់អនាគតរបស់ខ្ញុំគឺការចាប់ខ្លួន សេចក្តីស្លាប់ ឬការទទួលជ័យជម្នះនាអាណត្តិក្រោយ” ។ លោក Bolsonaro បានចោទសួរអំពីប្រព័ន្ធបោះឆ្នោតអេឡិចត្រូនិករបស់ប្រេស៊ីលទាំងដែលប្រធានតុលាការរៀបចំការបោះឆ្នោតហៅកាត់ថា TSE បាននិយាយថាគ្មានបញ្ហាជាមួយប្រព័ន្ធបោះឆ្នោតអេឡិចត្រូនិកឡើយ។ ក្រុមអ្នករិះគន់ បាននិយាយថាជាយុទ្ធនាការ ស្រដៀងអ្វីដែលលោក Donald Trump បានធ្វើ។ គោលបំណងនៃការចោទសួរពីភាពសុក្រឹត្យនៃការបោះឆ្នោតនេះគឺដើម្បីបង្កមន្ទិលសង្ស័យ និងភាពល្អក់កករនៅក្នុងការបោះឆ្នោតប្រធានាធិបតីឆ្នាំ ២០២២ ។ ប្រភព៖ Al Jazeera

ពេលវេលាជាក់ស្ដែងនៃការបង្កើតគណៈរដ្ឋមន្ត្រីថ្មីនេះនៅមិនទាន់ច្បាស់លាស់នៅឡើយ ខណៈមន្រ្តីមួយចំនួនត្រូវបានតែងតាំងរួចហើយ រួមមានក្រសួងសុខភាពសាធារណៈ ក្រសួងអប់រំ និងធនាគារកណ្តាល។ អាហ្វហ្កានីស្ថាន ជួបនូវការធ្លាក់ចុះរូបិយប័ណ្ណ និងការកើនឡើងនៃតម្លៃស្បៀងអាហារ ហើយធនាគារជាច្រើននៅបន្តបិទទ្វារ។ អង្គការសហប្រជាជាតិបានព្រមានអំពីមហន្តរាយមនុស្សធម៌ដ៏ធ្ងន់ធ្ងរ និងការបាត់បង់ជំនួយបរទេស។ ប្រភព៖ Reuters

ក្រុងកោះរ៉ុង ខេត្តព្រះសីហនុ📍