រដ្ឋបាលខេត្តព្រះសីហនុ នៅថ្ងៃទី២១ ខែមីនា ឆ្នំា២០២១ បានចេញលិខិតណែនាំដល់ម្ចាស់មន្ទីរពេទ្យឯកជន មន្ទីរពហុព្យាបាលឯកជនម្ចាស់គ្លីនិកឯកជន និងម្ចាស់បន្ទប់ព្យាបាលឯកជនទាំងអស់ ក្នុងខេត្ត ឲ្យកត់ត្រាអត្តសញ្ញាណអ្នកជំងឺរបស់ខ្លួន ឲ្យបានច្បាស់លាស់ បើសង្ស័យមានកូវីដ១៩ ត្រូវដាក់ឲ្យនៅដាច់ដោយឡែក រាយការណ៍ទៅមន្ទីរសុខាភិបាល។ ក្នុងលិខិតណែនាំរបស់រដ្ឋបាលខេត្តបានបញ្ជាក់ថា ក្នុងរយៈពេលនៃឆ្លងរាលដាលជំងឺកវីដ-១៩នៅខេត្តព្រះសីហនុជិត១ខែកន្លងមកនេះ មានអ្នកផ្ទុកវីរុសកូវីដ-១៩ ចំនួន២នាក់បានទៅពិគ្រោះ និងពិនិត្យព្យាបាលជំងឺនៅមន្ទីរពេទ្យឯកជន។ ដោយមានការសង្ស័យ ម្ចាស់មន្ទីរពេទ្យបានអនុញ្ញាតឱ្យអ្នកជំងឺចាកចេញទៅយកសំណាកដោយខ្លួនឯង ការធ្វើបែបនេះ ជាហេតុបណ្តាលឱ្យមានការឆ្លងជំងឺដ៏កាចសាហាវនេះ ដល់អ្នកដទៃផ្សេងទៀត។ ដូច្នេះដើម្បីចូលរួមបង្ការ ទប់ស្កាត់ការឆ្លងរីករាលដាលនៃជំងឺកូវីដ-១៩ និងឈានទៅផ្ដាច់ឬសគល់មេរោគ និងប្រភពចម្លងមេរោគឱ្យកាន់ តែមានប្រសិទ្ធភាពខ្ពស់ ក៏ដូចជាបង្ហាញឱ្យឃើញនូវការចូលរួមចំណែកទាំងអស់គ្នាក្នុងការប្រយុទ្ធនឹងជំងឺកូវីដ-១៩ រដ្ឋបាលខេត្តព្រះសីហនុ សូមណែនាំដល់ម្ចាស់មន្ទីរពេទ្យឯកជនទាំងអស់ អនុវត្តតាមការណែនាំដូចខាងក្រោម៖ * ត្រូវកត់ឈ្មោះ អាសយដ្ឋាន ឬទីកន្លែងស្នាក់នៅ និងលេខទូរសព្ទទំនាក់ទំនងរបស់ភ្ញៀវ ឬអ្នកជំងឺ ដែលមកពិគ្រោះយោបល់ ពិនិត្យព្យាបាលជំងឺឱ្យបានច្បាស់លាស់ តាមអត្តសញ្ញាណប័ណ្ណ ឬលិខ័តឆ្លងដែន * ត្រូវពិនិត្យ សាកសួរជាបឋមអំពីអាការៈជំងឺ ដែលពាក់ព័ន្ធបញ្ហាផ្លូវដង្ហើមជាមុន ហើយកត់ត្រាឱ្យបានច្បាស់លាស់ និងរក្សាទុក ដើម្បីពិនិត្យផ្ទៀងផ្ទាត់ទិន្នន័យនានា ក្រែងមានកំរណីពាក់ព័ន្ធនឹងជំងឺកូវីដ-១៩ * ក្នុងករណីមានការសង្ស័យ ពាក់ព័ន្ធនឹងជំងឺកូវីដ-១៩ ត្រូវរក្សាទុកភ្ញៀវ ឬអ្នកជំងឺនោះឱ្យនៅដាច់ដោយឡែកមួយកន្លែងក្នុងទីតាំងរបស់ខ្លួន…

គ្លីនិច៧៧៧ និងគ្លីនិកសុខភាព ស្ថិតនៅសង្កាត់ស្វាយដង្គំ និងបន្ទប់ពិគ្រោះជម្ងឺ២កន្លែងនៅក្នុងសង្កាត់គោកចក ក្រុងសៀមរាប ដែលមានការពាក់ព័ន្ធនឹងអ្នកជម្ងឺ ឈ្មោះ ម៉ាប់ វ៉ុន អាយុ៣៥ឆ្នាំ មានមុខរបរជាបើរថយន្តដឹកដីឲ្យក្រុមហ៊ុនចិនធ្វើផ្លូវ នៅស្រុកកណ្តាលស្ទឹង និងរយៈប្រហែល០២ខែក្រោយនេះ ធ្វើការជាអ្នកបើករថយន្តដឹកដីឲ្យក្រុមហ៊ុនចិន (ក្រុមហ៊ុនដដែល)  ធ្វើផ្លូវនៅភូមិដីឥដ្ឋ ស្រុកកៀនស្វាយ ខេត្តកណ្តាល  មានអាសយដ្ឋាន ភូមិគោកត្នោត សង្កាត់គោកចក ក្រុង ខេត្តសៀមរាប  ត្រូវបានបិទជាបណ្តោះអាសន្ន ។ តាមការបញ្ជាក់របស់ក្រុមគ្រូពេទ្យ ប្រយុទ្ធប្រឆាំងជម្ងឺកូវិដ១៩ខេត្ត  បានឲ្យដឹងនៅថ្ងៃទី២០ ខែមីនា ឆ្នាំ២០២១  ពីសាវតា អ្នកជម្ងឺឈ្មោះ ម៉ាប់ វ៉ុន  ក្រោយពេលដែលចូលសម្រាកព្យាបាលនៅមន្ទីរពេទ្យបង្អែកខេត្តសៀមរាប និងបានយកសំណាកពិនិត្យ នៅមន្ទីរពិសោធន៍មន្ទីរពេទ្យខេត្ត បានរកឃើញមានកូវិដ១៩  ។  ក្នុងការតាមដានសួរនាំពីអ្នកជម្ងឺ បានបញ្ជាក់ថា នៅថ្ងៃទី០៨ ខែមីនា បុរសរូបនេះបានធ្វើដំណើរពីក្រុងភ្នំពេញ  តាមរថយន្តក្រុមហ៊ុន ឡាវីតា នៅម៉ោង១៩ ដែលមានគ្នា០៤នាក់នឹងអ្នកបើកបរ ។ នៅថ្ងៃទី១៣ មីនា បរុសរូបនេះ មានអាការះរោគសញ្ញាឈឺក្បាលក្តៅខ្លួន បានទៅពិនិត្យឈាមនៅ ពេទ្យចាន់…

ដើមី្បអនុវត្តនូវបទបញ្ជារបស់ប្រមុខរាជរដ្ឋាភិបាលកម្ពុជា ក្រោមការដឹកនាំរបស់សម្តេចតេជោ ហ៊ុន សែន  បានយកចិត្តទុកដាក់ខ្ពស់ អំពីសុខភាពបឋមរបស់ប្រជាពលរដ្ឋ ក្នុងពេលដែលពិភពលោកបានជួបនូវវិបត្តិកូវិដ១៩ សំខាន់នោះក្នុងព្រឹត្តិការណ៍២០កុម្ភះ  ដែលបានធ្វើឲ្យមានការឆ្លងរាលដាលជាសហគមន៍ ។ នៅថ្ងៃទី២០ ខែមីនា ឆ្នាំ២០២១ ប្រតិភូមន្ត្រីសង្ឃខេត្ត ក្រុមការងារសាលាគណខេត្តសៀមរាប ដឹកនាំដោយ ស៊ុន ពិសិដ្ឋ ព្រះធម្មានុរ័ក្ខញាណ ព្រះសមុហ៍គណខេត្ត និងព្រះវិជ័យរង្សី ឡាច លាង ព្រះធម្មធរគណខេត្ត និង ព្រះថេរានុត្ថេរ បាននាំយកនូវ អាល់កុល ម៉ាស់ ទឹកបរិសុទ្ធ និង គ្រឿងបរិភោគជាភេសជ្ជះ មកប្រគល់ជូនដល់ក្រុមការងារចម្រុះពិនិត្យសុខភាពបឋម របស់បងប្អូនប្រជាពលរដ្ឋ ភ្ញៀវជាតិ អន្តរជាតិ    ធ្វើដំណើរតាមរថយន្ត ចូលមកកាន់ក្រុងសៀមរាប នៅព្រំប្រទល់រវាងខេត្ត សៀមរាប និងខេត្តកំពង់ធំ ក្រោមវត្តមានរបស់លោក ពៅ ប៊ុនធឿន ប្រធានគណៈបញ្ជាការឯកភាពរដ្ឋបាលស្រុកជីក្រែង ខេត្តសៀមរាប ។ ព្រះសមុហ៍គណខេត្ត និងព្រះវិជ័យរង្សី ឡាច លាង  មានសង្ឃដិកាថា  អំណោយដែលបានផ្តល់ជូននាថ្ងៃនេះ សម្រាប់ប្រើប្រាស់ទ្រទ្រង់ជីវភាពកងកម្លាំង បម្រើកិច្ចការការពារ…

ភ្នំពេញ៖ នាព្រឹកថ្ងៃទី២១ ខែមីនា ឆ្នាំ២០២១  ក្នុងមូលដ្ឋានខណ្ឌឫស្សីកែវ បានរកឃើញអ្នកមាន​វិជ្ជមានមេរោគកូវីដ១៩ ចំនួន ០១នាក់ ៖ ស្ត្រី អាយុ ៣១ ឆ្នាំ មានទីលំនៅបុរី  ប៉េង ហួត (ផ្លូវ៥៩៨) ផ្ទះលេខ៨០ ផ្លូវលេខP១៨ ក្រុមទី៤ ភូមិ៤ សង្កាត់ច្រាំងចំរេះទី១ ខណ្ឌប្ញស្សីកែវ រាជធានីភ្នំពេញ ។ដោយឡែក អ្នកពាក់ព័ន្ធជាមួយអ្នកជម្ងឺចំនួន០២នាក់ (បុរសជនជាតិម៉ាឡេស៊ី០១ នាក់ និងស្ត្រី ០១ នាក់) តម្រូវអោយធ្វើចត្តាឡីស័ក និងត្រៀមយកសំណាកជាបន្ត ហើយបច្ចុប្បន្នអ្នកជំងឺ ត្រូវបានបញ្ជូនទៅព្យាបាល នៅអតីតសណ្ឋាគារអ៊ីនធើខនទីណង់តាល់ (The Great Duke) ជាចុងក្រោយ អាជ្ញាធរ សម្រេចបិទទីតាំងខាងលើនេះជាបណ្ដោះអាសន្ន៕ សូមបញ្ជាកថា ក្រសួងសុខាភិបាល នៅព្រឹកថ្ងៃទី២១ ខែមីនា ឆ្នាំ២០២១នេះ បានចេញសេចក្តីប្រកាសព័ត៌មាន បញ្ជាក់ពីការបន្តរកឃើញអ្នកឆ្លងកូវីដ១៩ ថ្មីចំនួន៥៨នាក់ ក្នុងនោះករណីសហគមន៍ក្នុង «ព្រឹត្តិការណ៍២០កុម្ភៈ» ចំនួន៥៧នាក់ និង១ករណីទៀត គឺជាករណីនាំចូល…

លោក ថោង ខុន សម្រេចបានផ្លូវលំមួយខ្សែប្រវែង ១២គីឡូម៉ែត្រ តាមការសន្យាជាមួយពលរដ្ឋនៅភូមិគោកត្របែក ស្រុកតាំងគោក (កំពង់ធំ)៖ បន្ទាប់ពីសន្យាជាមួយប្រជាពលរដ្ឋនៅភូមិគោកត្របែក ឃុំស្រឡៅ ស្រុកតាំងគោក រួចមក លោក ថោង ខុន ប្រធានក្រុមការងារចុះជួយស្រុកបារាយណ៍ និងស្រុកតាំងគោក ខេត្តកំពង់ធំ ក៏បានកសាងផ្លូវលំមួយខ្សែប្រវែង ១២ គីឡូម៉ែត្រ ជូនប្រជាពលរដ្ឋខាងលើតាមការសន្យា ខណៈការកសាងផ្លូវលំដ៏សំខាន់មួយនេះជិតសម្រចបានទាំងស្រុងហើយ។ ជាក់ស្ដែង នាថ្ងៃទី២០ ខែមីនា ឆ្នាំ២០២១នេះ លោក ថោង ខុន បានដឹកនាំក្រុមការងារត្រួតពិនិត្យការងារនៅតាមការដ្ឋានកសាងផ្លូវខាងលើ និងបានពិគ្រោះជាមួយអាជ្ញាធរក្នុងការរៀបចំយន្តការថែទាំផ្លូវបន្តទៅទៀតផងដែរ។ សាវតានៃការឈានដល់ការកសាងផ្លូវនេះ គឺដំបូងឡើយ លោកបានសន្យាជាមួយប្រជាពលរដ្ឋនៅភូមិគោកត្របែក ឃុំស្រឡៅ ស្រុកតាំងគោក ថានឹងជួយកសាងផ្លូវលំមួយខ្សែភ្ជាប់ពីភូមិគោកត្របែកមកទំនប់ករះ ខណៈពីទំនប់ករះមកកាន់ផ្លូវជាតិលេខ៦ គឺមានផ្លូវលំតភ្ជាប់មួយខ្សែដែរ ដែលមានប្រវែង ១៣ គីឡូម៉ែត្រ។ ដូច្នេះបើសរុបប្រវែងផ្លូវទាំងពីរកំណាត់នេះ គឺមានប្រវែង ២៥ គីឡូម៉ែត្រ។ ភូមិគោកត្របែកនេះទៀតសោត គឺជាភូមិដាច់ស្រយាលមួយដែលនៅជិតបឹងទន្លេសាប ក្បែរព្រំប្រទល់ខេត្តកំពង់ធំ និងខេត្តកំពង់ឆ្នាំង។ ក្រោយមានការសន្យាជាមួយប្រជាពលរដ្ឋខាងលើរួចហើយ លោក ថោង ខុន…

តាកែវ៖ ថ្ងៃសៅរ៍ ទី២០ ខែមីនា ឆ្នាំ២០២១ ឯកឧត្ដម អ៊ូច ភា អភិបាល នៃគណៈអភិបាលខេត្តតាកែវ អមដំណើរជាមួយអាជ្ញាធរពាក់ព័ន្ធ បានអញ្ជើញចុះពិនិត្យ ស្ថានភាពទូទៅ ការធ្វើដំណើរ ចេញ ឬចូល របស់ពលរដ្ឋ និងកងកម្លាំងឈរជើងនៅព្រំប្រទល់ឃុំសន្លុង ស្រុកទ្រាំង និងភូមិសាស្រ្តស្រុកត្រាំកក់ ជាប់ព្រំប្រទល់ស្រុកអង្គរជ័យ ស្រុកឈូក ក្នុងគោលបំណងចូលរួមបង្ការ និងទប់ស្កាត់ការឆ្លងរីករាលដាលនៃជំងឺកូវីដ-១៩ កុំឱ្យបន្តកើតមានឡើងនៅក្នុងសហគមន៍របស់យើង។ មានប្រសាសន៍ណែនាំដល់កងកម្លាំងឈរជេីងប្រចាំការនៅព្រំប្រទល់នាឱកាសនោះដែរ ឯកឧត្តម អ៊ូច ភា អភិបាលខេត្ត បានថ្លែងថា ការចុះពិនិត្យនេះគឺក្នុងគោលបំណងបង្កើនការរឹតបន្តឹងលើការត្រួតពិនិត្យ និងការគ្រប់គ្រងទីតាំងក្នុងគោលដៅនិមួយៗធានាបាននូវប្រសិទ្ធភាពនៃការចូលរួមប្រយុទ្ធប្រឆាំងបង្ការទប់ស្កាត់ជាមួយរាជរដ្ឋាភិបាល និងអនុវត្តនូវវិធានការ និងសេចក្ដីណែនាំរបស់ក្រសួងសុខាភិបាល។ក្នុងឱកាសនេះ ឯកឧត្តម អភិបាលខេត្ត ក៍សូមសំដែងការកោតសរសើរ និងលើកទឹកចិត្តចំពោះ គណៈកម្មាការប្រយុទ្ធប្រឆាំងជំងឺកូវីដ-១៩ ខេត្ត និងស្រុក ព្រមទាំងមន្ត្រី និងកងកម្លាំង ជាពិសេសលោកគ្រូពេទ្យ ដែលជាកំលាំងជួរមុខ ក្នុងគោលដៅទាំងអស់ ដែលបានប្រឹងប្រែងអស់ពីកម្លាំងកាយចិត្តក្នុងបេសកកម្មនេះ។ ក្នុងឱកាសចុះត្រួតពិនិត្យនុះដែរ ឯកឧត្តមអភិបាលខេត្ត ក៏បានធ្វើការឧបត្ថម្ភនូវថវិកាមួយចំនួន ដល់អាជ្ញាធរ និងកងកម្លាំងឈរជើងប្រចាំការនៅតាមគោលដៅសំខាន់ៗ នីមួយៗផងដែរ ៕ដោយ…