📸 Online

១. ក្រសួងកសិកម្ម ស្នើឱ្យអង្គការស្បៀង និងកសិកម្មនៃសហប្រជាជាតិប្រចាំកម្ពុជា (FAO) ពិនិត្យលទ្ធភាពឧបត្ថម្ភថ្នាំការពារជំងឺដុំពកលើស្បែកគោ-ក្របី ដែលកំពុងរីករាលដាលនៅកម្ពុជា ពិសេសខេត្តជាប់ព្រំដែនថៃ – ថ្មីៗ ២. រយៈពេល៧ខែ ទំហំពាណិជ្ជកម្មកម្ពុជាទៅកាន់ទីផ្សារអន្តរជាតិតាមរយៈតំបន់សេដ្ឋកិច្ចពិសេសព្រះសីហនុ សម្រេចបានទំហំជាង ១ពាន់លានដុល្លារ កើនជិត ៤៥% ធៀបនឹងរយៈពេលដូចគ្នាឆ្នាំ២០២០ – AMS Economy ៣. ក្រសួងកសិកម្ម អំពាវនាវដល់អ្នកនាំចេញមៀន ប៉ៃលិនឱ្យបង្វែរពីថៃទៅកាន់វៀតណាម ដើម្បីដោះស្រាយទីផ្សារមៀន ដែលជាប់គាំងដោយការបិទព្រំដែនរវាងកម្ពុជា-ថៃ – ភ្នំពេញបុស្តិ៍ ៤. ក្រោយក្រុមតាលីបង់វាយដណ្ដើមបានទីក្រុងធំៗ២ទៀតនៅអាហ្វហ្គានីស្ថាន អាមេរិក និងចក្រភពអង់គ្លេស សម្រេចជម្លៀសបុគ្គលិកស្ថានទូតរបស់ខ្លួន ហើយបញ្ជូនកងទ័ព ដើម្បីការពារការជម្លៀសនេះ ហើយអាមេរិកក៏ទទូចឱ្យប្រជាជនខ្លួនប្រញាប់រៀបបង្វិចចេញពីប្រទេសនេះផងដែរ – AFP ៥. ទីក្រុងចំនួន ៥ នៅខេត្តហ៊ូប៉ី ភាគកណ្តាលប្រទេសចិនបានប្រកាសសញ្ញាព្រមានពណ៌ក្រហម ក្រោយភ្លៀងធ្លាក់យ៉ាងខ្លាំង បណ្តាលឱ្យដាច់ចរន្តអគ្គិសនី បំផ្លាញផ្ទះសម្បែង និងបង្ខំឱ្យមានការជម្លៀសមនុស្សជិត ៦.០០០ នាក់ – CNA

ផ្លែដែលយើងកំពុងបេះ និងទទួលទានគឺកើតចេញពីការលះបង់ ការខំប្រឹងដាំ និងការពារដើមឈើជាង ៤ទសវត្សរ៍ហើយ ជាពិសេសក្រោមម្លប់នៃសន្តិភាពជាង ២០ឆ្នាំចុងក្រោយនេះ។ យុវជនជំនាន់ក្រោយត្រូវរួមគ្នាគិត និងទទួលរែកទំនួលខុសត្រូវសម្រាប់ប្រទេសជាតិ និងប្រជាជន ដោយម្ខាងត្រូវធ្វើយ៉ាងណាដើម្បីការពារសមិទ្ធផលជាផ្លែផ្កាដែលយើងមានស្រាប់ ខំប្រឹងវិនិយោគដាំដុះទាំងគំនិតវិជ្ជមាន ចូលរួមទាំងសកម្មភាព ព្រោះអ្វីដែលយើងបានដាំរួមគ្នាថ្ងៃនេះនឹងផ្តល់ទាំងម្លប់ និងផ្លែផ្កាសម្រាប់កូន និងចៅយើងទៅអនាគតបន្តបន្ទាប់ទៀត ដូចអ្វីដែលសម្តេចវិបុលបញ្ញា សុខ អាន ធ្លាប់មានប្រសាសន៍ថា “យុវជនជាអ្នកការពារ និងកសាងបច្ចុប្បន្នភាពសម្រាប់អ្នកជំនាន់ក្រោយ”។ អានខ្លឹមសារលម្អិត

វារីអគ្គិសនី គឺជាថាមពលកកើតឡើងវិញ និងមានផលប៉ះពាល់តិចដល់បរិស្ថាន ហើយបានជួយជំរុញសេដ្ឋកិច្ចជាតិ ដែលជាមូលដ្ឋានដ៏រឹងមាំ សម្រាប់ដំណើរការប្រជាធិបតេយ្យ និងសិទ្ធិមនុស្ស។ បច្ចុប្បន្ន កម្ពុជាមានតម្រូវការអគ្គិសនីខ្ពស់ជាងពេលណាៗទាំងអស់។ គ្មានអគ្គិសនី ស្មើនឹងគ្មានការងារនិងផលិតកម្ម ហើយវាស្មើនឹងគ្មានការអភិវឌ្ឍ។ អគ្គិសនី បង្កើតការងារជូនពលរដ្ឋ និងលើកស្ទួយជីវភាពប្រជាជនតាមរយៈការកាត់បន្ថយចំណាយនៃការប្រើប្រាស់។ មានជីវភាពរស់នៅសមរម្យ ទើបប្រជាជនអាចអនុវត្តសិទ្ធិសេរីភាពរបស់ខ្លួនបាន។ ប្រសិនបើអ្នកពិតជាចង់ជួយកម្ពុជាពិតមែន អ្នកគួរតែជួយគិត និងផ្តល់ការចូលរួមជាវិជ្ជមានលើការសាងសង់ទំនប់វារីអគ្គីសនី ដើម្បីបំពេញតម្រូវការផ្គត់ផ្គង់នៅក្នុងប្រទេស និងបន្ថយការចំណាយថវិកាទិញអគ្គិសនីពីបរទេស។ សូមអង្គការទាំងឡាយឈប់យករឿងសិទ្ធិមនុស្សជាលេសដើម្បីលូកដៃចូលការសម្រេចលើជោគវាសនារបស់កម្ពុជាទៀតទៅ។ ✍🏽-វិស្វករអណ្តូងប្រេង

ជំនាញលើអាកប្បកិរិយា ទំនាក់ទំនងសង្គម និងមនោសញ្ចេតនា គឺជាអ្វីដែលមនុស្សមិនអាចខ្វះបាន។