រូបថតដើមខែសីហា ២០២១ 📸-គឹម បញ្ញារ័តន៍

📷 La Mo

តុលាការបារាំង 🇫🇷 បានកាត់ទោសមនុស្សចំនួន ១១នាក់ ពីបទប៉ុនប៉ងវាយប្រហារនាង ដោយប្រើច្បាប់ Schiappa ឆ្នាំ២០១៨ ប្រឆាំងនឹងការគំរាមកំហែងតាមអ៉ីនធឺណិត និងការវាយឆ្មក់តាមប្រព័ន្ធឌីជីថល។ សំណុំរឿងនេះបង្កជាការដេញដោលជុំវិញសិទ្ធិសេរីភាពបញ្ចេញមតិនៅបារាំងមកទល់សព្វថ្ងៃ។ ខណៈប្រធានាធិបតីបារាំងលោក Emmanuel Macron បានលើកឡើងថា ពលរដ្ឋមានសិទ្ធិក្នុងការប្រមាថ រិះគន់ និងធ្វើគំនូរជីវចលអំពីសាសនា លោក Branco ដែលជាមេធាវីម្នាក់បាននិយាយថា សង្គមមួយដែលមិនគោរពជំនឿ និងសាសនា គឺស្ថិតនៅក្នុងគ្រោះថ្នាក់ពិតប្រាកដ។ លោកស្រី Imen Neffati អ្នកប្រវត្តិសាស្រ្តស្តីពីពូជសាសន៍ សាសនាអ៉ីស្លាម និងសេរីភាពសារព័ត៌មាននៅបារាំង និយាយថា ខណៈដែលសិទ្ធិក្នុងការរិះគន់សាសនាគួរតែត្រូវបានគោរព គោលការណ៍នេះជារឿយៗ ត្រូវបានគេប្រើដើម្បីបិទបាំងការប្រឆាំងនឹងសាសនាអ៉ីស្លាម។ សំណុំរឿងរបស់ Mila មិនមែនជាលើកទីមួយទេដែលការជំនុំជម្រះក្តីនៅប្រទេសបារាំង បង្កជាការជជែកវែកញែកអំពីសិទ្ធិក្នុងការប្រមាថមើលងាយសាសនា។ ក្នុងឆ្នាំ២០០៧ ទស្សនាវដ្ដី Charlie Hebdo ត្រូវបានវិហារអ៉ីស្លាមប៉ារីសប្ដឹងពីបទបោះពុម្ពរូបត្លុកដែលចាត់ទុកថាជាការមើលងាយ រួមទាំងរូបរបស់ព្យាការីមូហាម៉ាត់ ដែលមានគ្រាប់បែកនៅលើឆ្នួតក្បាលរបស់លោក។ ប្រភព៖ Al Jazeera

អាមេរិកកំពុងដាក់សម្ពាធលើប៉ាគីស្ថានឱ្យប្រើប្រាស់ឥទ្ធិពលរបស់ខ្លួនលើក្រុមតាលីបង់ ដើម្បីជំរុញឱ្យមានកិច្ចព្រមព្រៀងសន្តិភាព ខណៈពេលដែលការចរចារវាងក្រុមឧទ្ទាមនេះ និងរដ្ឋាភិបាលអាហ្វហ្គានីស្ថានកំពុងជាប់គាំង ហើយអំពើហិង្សាបានកើនឡើងយ៉ាងគំហុក។ ប៉ាគីស្ថានបញ្ជាក់យ៉ាងច្បាស់ថា ខ្លួនមិនចង់មានមូលដ្ឋានយោធាអាមេរិកនៅក្នុងប្រទេស បន្ទាប់ពីអាមេរិកបានដកកងទ័ពចេញពីអាហ្វហ្គានីស្ថាន បើទោះបីជាខ្លួនជាសម្ព័ន្ធមិត្តអាមេរិកក៏ដោយ។ ប្រភព៖ Reuters

១. ការស្ថាបនាស្ពានអាកាស និងផ្លូវក្រោមដីចោមចៅ ដែលចំណាយថវិកាសាងសង់ប្រមាណ ២២លានដុល្លារ សម្រេចបានប្រមាណជាង ៧៥% ហើយ – រស្មីកម្ពុជា ២. រយៈពេល ៥ខែ ដើមឆ្នាំ ២០២១ កម្ពុជា បាន នាំចូល ដែក ពី ប្រទេស វៀតណាម ចំនួន ៥៨៤តោន ធ្លាក់ចុះ ១.៥ % ធៀប នឹង រយៈពេល ដូចគ្នា ឆ្នាំ ២០២០ – ភ្នំពេញបុស្តិ៍ ៣. រយៈពេល ៧ខែ ឆ្នាំ២០២១ អាជ្ញាធរបានរកឃើញនិងដកហូតអាល់កុល ក្លែងក្លាយមានសារធាតុមេតាណុលប្រមាណជាង ៩៦តោន ដែលបានចរាចរនៅលើទីផ្សារ – ភ្នំពេញបុស្តិ៍ ៤. រដ្ឋាភិបាលស៊ូដង់ នឹងប្រគល់អតីតប្រធានាធិបតី Omar al-Bashir ដែលធ្លាក់ពីតំណែងក្នុងឆ្នាំ២០១៩ ទៅឱ្យតុលាការឧក្រិដ្ឋកម្មអន្តរជាតិ (ICC) រួមជាមួយមន្រ្តីផ្សេងទៀតជុំវិញជម្លោះនៅ Darfur…

ក្រសួងវប្បធម៌ចិនថា៖ “ខ្លួនគ្រោងហាមឃាត់ចម្រៀងពីកន្លែងខារ៉ាអូខេ ដែលផ្សព្វផ្សាយអត្ថន័យមិនល្អ, បទចម្រៀងដែលមានទំនុកច្រៀងបំផុសគំនិតអ្នកស្តាប់ឱ្យប្រើថ្នាំញៀន ល្បែងស៊ីសង និងសាសនា ឬខ្លឹមសារដែលបង្កគ្រោះថ្នាក់ដល់អធិបតេយ្យភាពរបស់ចិនជាដើម។ បុន្តែទីក្រុងប៉េកាំងកំពុងឈឺក្បាលនឹងការតវ៉ាប្រឆាំងនឹងបទល្មើសរំលោភផ្លូវភេទលើស្រ្តីដែលកំពុងកើនឡើងជាខ្លាំង។ ចលនា #MeToo កើតចេញពីការត្អូញត្អែរពីចំណោមកម្មករវ័យក្មេងជាច្រើនដែលបង្កជាបញ្ហាប្រឈមដ៏ស្មុគស្មាញចំពោះមេដឹកនាំសាជីវកម្ម និងនយោបាយក្រុងប៉េកាំង។ ប្រភព៖ Financial Time

📷-ស្នងការរាជធានី

ប៉ូលិសអាល្លឺម៉ង់ចាប់ខ្លួនបុរសជនជាតិអង់គ្លេសម្នាក់ដែលធ្វើការនៅស្ថានទូតអង់គ្លេសក្នុងទីក្រុង Berlin ដោយសង្ស័យថាបានបញ្ជូនឯកសារទៅឱ្យទីភ្នាក់ងារស៊ើបការណ៍សម្ងាត់រុស្ស៊ីជាថ្នូរនឹងសាច់ប្រាក់។ នេះបើតាម Reuters ថ្ងៃទី១១ សីហា។ កត្តាជំរុញឱ្យមានការលួចបញ្ជូនឯកសារនេះទំនងជាបញ្ហាលុយកាក់ ព្រោះក្នុងនាមជាបុគ្គលិកក្នុងស្រុក បុរសរូបនេះមិនមានលទ្ធភាពទទួលបានសម្ភារៈថ្លៃៗនោះទេ។ ចៅក្រមស៊ើបសួរបានអនុម័តដីកាចាប់ខ្លួនដោយសង្ស័យថាជាចារកម្មសម្ងាត់។ ជនជាប់ចោទនឹងត្រូវឃុំខ្លួន ដើម្បីបន្ដការស៊ើបអង្កេតដោយមានការចូលរួមពីភ្នាក់ងារស៊ើបការណ៍ MI5 របស់ចក្រភពអង់គ្លេស។ ប្រភព៖ Reuters