ភ្នំពេញ៖ ក្រោយពេលបើកសវនាការលើបណ្តឹងសាទុក្ខ អង្គជំនុំជម្រះតុលាការកំពូលរំពឹងថានឹងប្រកាសសាលដីកាស្ថាពររបស់ខ្លួនលើសំណុំរឿង ០០២/០២ នៅត្រីមាសទី៤ ឆ្នាំ២០២២ខាងមុខនេះ។ ឯកឧត្តម នេត្រ ភក្ត្រា ប្រធានផ្នែកកិច្ចការសាធារណៈ និងជាមន្ត្រីនាំពាក្យនៃអង្គជំនុំជម្រះវិសាមញ្ញ ក្នុងតុលាការកម្ពុជា បានថ្លែងដូច្នេះនៅក្នុងសន្និសីទសារព័ត៌មានស្តីពីការបើកសវនាការលើបណ្តឹងសាទុក្ខក្នុងសំណុំរឿង០០២/០២ ប្រឆាំងនឹង ខៀវ សំផន អតីតប្រធានគណៈប្រធានរដ្ឋនៃរបបកម្ពុជាប្រជាធិបតេយ្យនៅថ្ងៃទី១២ ខែសីហា ឆ្នាំ២០២១នេះតាមប្រព័ន្ធហ្សូម។ ឯកឧត្តម នេត្រ ភក្ង្រា បានបញ្ជាក់ថា រយៈពេល៤ថ្ងៃនៃការបើកសវនាការលើបណ្តឹងសាទុក្ខក្នុងសំណុំរឿង០០២/០២ មានប្រធានបទសំខាន់ៗរួមមានទី១៖ ភាពត្រឹមត្រូវនៃកិច្ចដំណើរការនីតិវិធី ត្រូវចាប់ផ្តើមជាមួយទឡ្ហីករណ៍នៃបណ្តឹងសាទុក្ខរបស់ ខៀវ សំផន ពាក់ព័ន្ធនឹងសុពលភាពនៃសាលក្រមរបស់អង្គជំនុំជម្រះសាលាដំបូង និងរួមទាំងការពិចារណាជាទូទៅពាក់ព័ន្ធនឹងគោលការណ៍នីត្យានុកូលភាព, ទី២៖ យុត្តាធិការរួមបញ្ចូល ប្រធានបទតូចៗ ស្តីពីការបញ្ជូនសំណុំរឿង/វិសាលភាពនៃកិច្ចស៊ើបសួរតាមផ្លូវតុលាការ ភាពគ្រប់គ្រាន់នៃបទចោទក្នុងដីកាដំណោះស្រាយ យុត្តាធិការលើកម្មវត្ថុនៃរឿងក្តី អង្គហេតុដែលត្រូវបានដកចេញតាមរយៈកិច្ចដំណើរការបំបែកនីតិវិធី, ទី៣៖ បទឧក្រិដ្ឋ រួមបញ្ចូលប្រធានបទតូចៗស្តីពីច្បាប់ (និយមន័យ និងធាតុផ្សំ) ពាក់ព័ន្ធទៅនឹងបទឧក្រិដ្ឋដែល ខៀវ សំផន ត្រូវបានសម្រេចដាក់ ពិរុទ្ធ ព្រមទាំងបញ្ហានីត្យានុកូលភាពពាក់ព័ន្ធ និងទី៤៖ វគ្គបិទសវនាការរួមបញ្ចូលបទបង្ហាញសង្ខេប បដិសេធរបស់មេធាវីការពារក្តី ព្រមទាំងឱកាសសម្រាប់ ខៀវ សំផន…

​​ភ្នំពេញៈ​ ឯកឧត្តម ជិន ម៉ា​លីន រដ្ឋលេខាធិការ​ក្រសួងយុត្តិធម៌​ និង​ជា​ប្រធាន​លេខាធិការដ្ឋាន​អចិន្ត្រៃយ៍​នៃគណៈកម្មាធិការ​ដឹកនាំ​ការកែទម្រង់​ច្បាប់ និង​ប្រព័ន្ធយុត្តិធម៌ បាន​ដឹកនាំ​កិច្ចប្រជុំ​ជាមួយលោក Pradeep Wagle តំណាង​ប្រចាំ​ប្រទេស​នៃ​ការិយាល័យ​ឧ​ត្ត​ម​ស្នងការ​ទទួលបន្ទុក​សិទ្ធិមនុស្ស​នៅ​កម្ពុជា (OHCHR) ដើម្បី​ពិភាក្សា និង​ពិនិត្យ​លទ្ធភាព​កិច្ចសហប្រតិបត្តិការ​រ​វាង​ក្រសួងយុត្តិធម៌ និង OHCHR ក្នុង​វិស័យ​ច្បាប់​និង​តុលាការ តាម​ប្រព័ន្ធ​វីដេអូ Conference (Spype for business)​។ ​ប្រភព​ក្រសួងយុត្តិធម៌​បានឱ្យដឹងថា ​កិច្ចប្រជុំ​ដែល​បាន​ប្រ​ពឹ​ត្ត​ធ្វើ​កាលពី​ព្រឹក​ថ្ងៃទី​១២​ ខែសីហា​ ឆ្នាំ​២០២១​ បាន​ពិភាក្សា​លើ​កិច្ច សហប្រតិបត្តិការ​ចំនួន​បី​រួមមាន​៖១.ការរៀបចំ​ប្រព័ន្ធ​មូលដ្ឋាន​ទិន្នន័យ​រឿងក្តី​ព្រហ្មទណ្ឌ​នៅតាម​លា​សា​ដំបូង​រាជធានី​ខេត្ត និង​ការ​ផ្តល់ជំនួយ​បច្ចេកទេស​លើ​ការងារ​នេះ​,២.ការរៀបចំ​ផែនការ​នៃ​ការសិក្សា វាយតម្លៃ​ និង​ផ្សព្វផ្សាយ​បន្ថែម លើ​ការអនុវត្ត​គម្រោង​រូបមន្ត​នៃ​ការឃុំខ្លួនបណ្តោះអាសន្ន​នៅតាម​តុលាការ​ និង៣.កិច្ចសហការ​ក្នុងការ​រៀបចំ​គោលនយោបាយ​ និង​ផែនការ​យុទ្ធសាស្ត្រ​អភិវឌ្ឍ​ធនធានមនុស្ស​ និង​ពង្រឹងសមត្ថភាព​មន្ត្រី​ក្នុង​វិស័យ​យុត្តិធម៌​។​ ​ប្រភព​ដដែល​បន្តថា​កិច្ចប្រជុំ​នេះ​ក៏មាន​ការចូលរួម​ពី​ឯកឧត្តម ប៉ែន ពេជ្រ​សាលី​ អគ្គនាយក​នៃ​អគ្គនាយកដ្ឋាន​កិច្ចការ ព្រហ្មទណ្ឌ​ និងអយ្យការ លោក សៀង គង់ អគ្គនាយករង​នៃ​អគ្គនាយកដ្ឋាន​រដ្ឋបាល​តុលាការ​តំណាង​នាយកដ្ឋាន​ទំនាក់ទាក់​ទំនង​អន្តរជាតិ​ និង​ដៃគូ​អភិវឌ្ឍន៍​ និង​តំណាង​ប្រចាំ​ប្រទេស​នៃ​ការិយាល័យ​ឧ​ត្ត​ម​ស្នងការ​ទទួលបន្ទុក​សិទ្ធិមនុស្ស​នៅ​កម្ពុជា (OHCHR) និង​សហការី៕​ដោយៈជម្ពូនុទ