កំពង់ធំ៖ ដើម្បីជួយសម្រួលដល់ការងាររៀបចំ និងគ្រប់គ្រងមណ្ឌលចត្តាឡីស័កនៅតាមមូលដ្ឋានខេត្តកំពង់ធំ ឯកឧត្តមបណ្ឌិត ថោង ខុន រដ្ឋមន្ត្រីក្រសួងទេសចរណ៍ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ធំ បាននាំយកថវិកាមួយចំនួនប្រគល់ជូនរដ្ឋបាលខេត្តកំពង់ធំ ក៏ដូចជារដ្ឋបាលស្រុកបារាយណ៍ និងស្រុកតាំងគោក ដើម្បីទុកសម្រាប់ប្រើប្រាស់ក្នុងការងារធ្វើចត្តាឡីស័ករបស់ប្រជាពលរដ្ឋ ក៏ដូចជាពលករដែលមកពីប្រទេសថៃ។ ការប្រគល់ទទួលថវិកាឧបត្ថម្ភនេះធ្វើឡើងនៅរសៀលថ្ងៃទី១១ ខែមីនា ឆ្នាំ២០២១ ដោយដំបូងឡើយ ឯកឧត្តមរដ្ឋមន្ត្រី ថោង ខុន រួមទាំងថ្នាក់ដឹកនាំ និងមន្ត្រីនៃក្រសួងទេសចរណ៍ បាននាំថវិកាប្រគល់ជូនលោក ហាក់ ម៉ុងហួត អភិបាលស្រុកតាំងគោក នៅមណ្ឌលចត្តាឡីស័កក្នុងវិទ្យាល័យ ហ៊ុន សែន ទ្រៀល។ បន្ទាប់មក គឺបានប្រគល់ជូនលោក អ៊ួង សារឿន អភិបាលស្រុកបារាយណ៍ នៅវិទ្យាល័យ ជា ស៉ីម កំពង់ថ្ម។ បន្ទាប់មកទៀត ឯកឧត្តមរដ្ឋមន្ត្រី ថោង ខុន រួមជាមួយថ្នាក់ដឹកនាំ និងមន្ត្រីនៃក្រសួងទេសចរណ៍ បានធ្វើដំណើរឆ្ពោះទៅទីរួមខេត្តកំពង់ធំ ដើម្បីប្រគល់ថវិកាជូនឯកឧត្តម សុខ លូ អភិបាលខេត្តកំពង់ធំ នៅវិទ្យាល័យ ហ៊ុន សែន កំពង់ធំ។ គួរបញ្ជាក់ថា…

ភ្នំពេញ៖ នៅយប់ថ្ងៃទី១១ ខែមីនា ឆ្នាំ២០២១ កម្លាំងគណៈបញ្ជាការឯកភាពខណ្ឌដូនពេញ ដឹកនាំដោយលោក សុខ ពេញវុធ ប្រធានគណៈបញ្ជាការឯកភាព បានចុះបិទអាជីវកម្មខារ៉ាអូខេមួយកន្លែង របស់ជនជាតិវៀតណាម ដែលលួចបើកដំណើរការមិនស្ដាប់តាមការណែនាំរបស់សាលារាជធានីភ្នំពេញ និងសេចក្ដីណែនាំរបស់ក្រសួងសុខាភិបាល ដើម្បីទប់ស្កាត់ការឆ្លងរីករាលដាលជំងឺកូវីដ-១៩ ក្នុងព្រឹត្តិការណ៍សហគមន៍២០កុម្ភៈ។ ទីតាំងខារ៉ាអូខេរបស់ជនជាតិវៀតណាម នៅខណ្ឌដូនពេញមួយនេះ អាជ្ញាធរធ្លាប់បានណែនាំម្ដងរួចមកហើយ ប៉ុន្ដែម្ចាស់ទីតាំងមិនស្ដាប់ និងអនុវត្តតាមនោះទេ ទើបកម្លាំងគណៈបញ្ជាការឯកភាពបានសម្រេចចុះបិទអាជីវកម្មនៅយប់នេះតែម្ដង។ សេចក្ដីរាយការណ៍បានអះអាងទៀតថា ក្នុងប្រតិបត្តិការនេះ កម្លាំងសមត្ថកិច្ចក៏បានឃាត់ខ្លួនមនុស្សមួយចំនួន ដែលពាក់ព័ន្ធនៅក្នុងទីតាំងខារ៉ាអូខេមួយនេះផងដែរ ដើម្បីយកទៅធ្វើការសួរនាំ និងអនុវត្តតាមនីតិវិធី។ នៅពីយប់ថ្ងៃទី១០ ខែមីនា ឆ្នាំ២០២១ម្សិលមិញ គណៈបញ្ជាការឯកភាពរាជធានីភ្នំពេញដឹកនាំដោយ លោក ឃួង ស្រេង បានចុះបង្ក្រាបទីតាំងលួចបើកខារ៉ាអូខេ ដែលផ្គើននឹងការណែនាំរបស់រាជរដ្ឋាភិបាល នៅ៣ទីតាំងរួចមកហើយ ដោយឃាត់ខ្លួនបុរសស្ត្រីបានចំនួន ៥៧នាក់ បញ្ជូនទៅកាន់ស្នងការនគរបាលរាជធានីភ្នំពេញ ដើម្បីចាត់ការបន្តទៅតាមនីតិវិធី។ មនុស្សប្រុសស្រីចំនួន៥៧នាក់នេះ ក្នុងនោះបានឃាត់ខ្លួននៅភោជនីយដ្ឋាន ANGEl លួចបើកខារ៉ាអូខេ ស្ថិតនៅតាមបណ្តោយផ្លូវលេខ២១១ ប្លុកបុរីកីឡា ក្នុងសង្កាត់វាលវង់ ខណ្ឌ៧មករា ចំនួន២២នាក់ ហើយក្នុងចំនួននេះមាន មេការ៣នាក់។ នៅភោជនីយដ្ឋាន អាត់ជួង ដែលស្ថិតនៅក្បែរស្តុបលូរប្រាំ…

ភ្នំពេញ នៅថ្ងៃទី១១ ខែមីនា ឆ្នាំ២០២១ ក្រសួងការបរទេស និងសហប្រតិបត្តិការអន្តរជាតិ បានណែនាំឱ្យអគ្គកុងស៊ុល និងកុងស៊ុលកិត្តិយស នៃព្រះរាជាណាចក្រកម្ពុជាប្រចាំបរទេសចាត់វិធានការបន្ថែមលើវិធានការរបស់ក្រសួងសុខាភិបាល ចំពោះជនបរទេសដែលស្នើសុំទិដ្ឋាការចូលប្រទេសកម្ពុជា។ សេចក្តីណែនាំរបស់ក្រសួងកាបរទេស បានសង្កត់ធ្ងន់លើចំណុចសំខាន់ៗមុនផ្តល់តិដ្ឋាការជូនជនបរទេសចូលមកកម្ពុជា ដូចខាងក្រោម៖១- ត្រូវមានលិខិតធានាឱ្យច្បាស់លាស់ពីក្រុមហ៊ុនឬសមភាគីរបស់ខ្លួននៅកម្ពុជា ឬលិខិតអញ្ជើញពីស្ថាប័នរដ្ឋណាមួយនៅកម្ពុជា។២- ត្រូវផ្តល់ព័ត៌មានឱ្យបានច្បាស់លាស់ អំពីអាសយដ្ឋាននៅកម្ពុជា ឬកន្លែងស្នាក់នៅក្នុងប្រទេសកម្ពុជា និងលេខទូរស័ព្ទទំនាក់ទំនងនៅកម្ពុជា។៣- ត្រូវបញ្ជាក់ឱ្យបានច្បាស់លាស់ពីគោលបំណងនៃការធ្វើដំណើរមកកម្ពុជា ដោយគួរភ្ជាប់ជាមួយកម្មវិធីការងារនៅកម្ពុជា។៤- ត្រូវគោរពវិធានការនានាដែលដាក់ចេញដោយក្រសួងសុខាភិបាលកម្ពុជា។សូមបញ្ជាក់ថា សេចក្តីណេនាំរបស់ក្រសួងការបរទេស រៀបចំឡើងដើម្បីជួយសម្រួលដល់អាជ្ញាធរមានសមត្ថកិច្ចក្នុងការស្រាវជ្រាវ និងស្វែងរកបុគ្គលដែលមានការពាក់ព័ន្ធ ក្នុងករណីដែលមានការចម្លងនៃជំងឺកូវីដ-១៩នៅកម្ពុជា និងចូលរួមទប់ស្កាត់ការរីករាលដាលនៃជំងឺកូវីដ-១៩ នៅកម្ពុជា៕

ក្នុងនាមប្រធានគណៈកម្មាការប្រយុទ្ធនឹងជំងឺកូវីដ១៩ ខេត្តបន្ទាយមានជ័យ ឯកឧត្ដម អ៊ុ រាត្រី អភិបាលខេត្ត អំពាវនាវដល់បងប្អូនប្រជាពលរដ្ឋ សូមបង្កើនការប្រុងប្រយ័ត្នចំពោះសុខភាពផ្ទាល់ខ្លួន ក៏ដូចជាក្រុមគ្រួសារ ដោយគោរពឱ្យបានខ្ជាប់ខ្ជួនវិធានការសុខាភិបាល ជាពិសេស អនុវត្ត ៣កុំ និង ៣ការពារ របស់សម្តេចដែលបានដាក់ចេញវិធានការបន្ទាន់ ត្រៀមទប់ស្កាត់តាមវិធានការសុខាភិបាល ក្នុងករណីមានភាពវិជ្ជមានទៅលើអ្នកបានប៉ះពាល់ដោយផ្ទាល់ជាមួយ អ្នកមានវិជ្ជមានកូវីដ១៩ម្នាក់ នៅទីតាំងមួយចំនួននៅក្រុងប៉ោយប៉ែត។           ការអំពាវនាវ និងដាក់វិធានការបន្ទាន់បែបនេះនៅក្រុងប៉ោយប៉ែតនា រសៀលថ្ងៃទី១១ ខែមីនា ឆ្នាំ២០២១ ខណះមានករណី សង្ស័យថា មានករណី ការឆ្លងវីរុសកូវិដ១៩ ពីនារីជនជាតិខ្មែរម្នាក់មកពីខេត្តសៀមរាប ព្រោះនាងមានទំនាក់ទំនងស្នេហាជាមួយនឹងបុរសជនជាតិចិនម្នាក់ ដែលបានឆ្លងមេរោគកូវីត១៩ ក្នុងព្រឹត្តិការណ៍សហគមន៍ថ្ងៃទី២០ កុម្ភៈ នៅកោះពេជ្រ រាជធានីភ្នំពេញ។ ហើយបុរសជនជាតិចិននោះបានរត់គេចពីមណ្ឌលចត្តាឡីស័ក ។      ឯកឧត្ដម អភិបាលខេត្ត រួមនឹងលោក ង៉ោ ម៉េងជ្រួន អភិបាលរងខេត្ត លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្ត លោក គាត ហ៊ុល អភិបាលក្រុងប៉ោយប៉ែត…