យោងតាមទិន្នន័យជំរឿនចុងក្រោយ ប្រជាជនចិនមានបុរសច្រើនជាងស្ត្រីចំនួន ៣៥លាននាក់។ ការចុះថយនៃចំនួនស្ត្រីនៅចិនបណ្តាលមកពីគោលនយោបាយកូនមួយក្នុងមួយគ្រួសារ និងទំនៀមទម្លាប់ដែលលើកតម្កើងកូនប្រុសជាងកូនស្រី។ បន្ទាប់ពីការអនុវត្តគោលនយោបាយកូនមួយក្នុងមួយគ្រួសារចាប់ពីឆ្នាំ ១៩៧៩មក គ្រួសារចិនភាគច្រើនព្យាយាមយកកូនប្រុសជាងកូនស្រី ព្រោះគេយល់ថាកូនប្រុសជាអ្នកស្នងត្រកូលគ្រួសារ។ គ្រួសារមួយចំនួនបានរំលូតទារកក្នុងផ្ទៃជាកូនស្រី ឬបោះបង់កូននោះចោលក្រោយពេលសម្រាលរួច។ ក្រៅពីចិន ជប៉ុន និងកូរ៉េខាងត្បូងក៏មានអត្រាកំណើតធ្លាក់ចុះយ៉ាងគំហុកក្នុងរយៈពេលប៉ុន្មានឆ្នាំចុងក្រោយនេះ ទោះបីជាមានការលើកទឹកចិត្តពីរដ្ឋាភិបាលសម្រាប់គូស្វាមីភរិយាដែលមានកូនច្រើនក៏ដោយ។ ប្រភព៖ SCMP

មនុស្សជាច្រើនត្រូវបានជម្លៀសដោយទូក។ មានភ្លើងឆេះព្រៃជាង ៤០០ករណីបានកើតឡើងត្រឹម ២៤ម៉ោងចុងក្រោយ។ កន្លែងដែលមានភ្លើងឆេះខ្លាំងបំផុតគឺនៅតំបន់ Evia នេះឯង។ ប្រភព៖ Reuters

ជួយគាំទ្រដោយទាក់ទងលេខ៖ ០៨៨ ៣៧៩ ៣៧៤២ 📷 សហគមន៍ការពារតំបន់ធម្មជាតិ អូង្លាវ

FBI បាន ធ្វើ ការ សម្ភាសន៍ សន្តិសុខ ស្ម័គ្រ ចិត្ត របស់ មន្រ្តី ទូត បាន ឱ្យ ដឹង ថា លោក Htut បាន ទាក់ទង ជាមួយ ឈ្មួញ លក់ អាវុធ នៅ ថៃ និង ព្រម ព្រៀងក្នុងការ ជួល មនុស្ស ឱ្យ ធ្វើ ទុក្ខ បុក ម្នេញ ដល់មន្រ្តី ទូត ដើម្បី ជា ការ បង្ខំ ឱ្យ ចុះ ចេញ ពី តំណែង ហើយបើមិនចុះនោះនឹងត្រូវសម្លាប់។ លោក Htut បាន ទម្លាយ កង់ រថយន្ត របស់ លោក…

ក្រុមឧទ្ទាមតាលីបង់បានធ្វើការដណ្ដើមកាន់កាប់ទីក្រុង Sheberghan របស់អាហ្វហ្គានីស្ថាន 🇦🇫 ក្នុងរយៈពេលតិចជាង២៤ ម៉ោង ដែលនេះជាការដួលរលំរដ្ឋធានីនៃខេត្តទី២ បន្ទាប់ពីរាជធានី Zaranj នៃខេត្ត Nimruz។ មន្ត្រីរដ្ឋាភិបាល និងកងយោធាបានភៀសខ្លួនទៅអាកាសយានដ្ឋាននៅជាយក្រុង ដើម្បីត្រៀមការពារខ្លួនពីការវាយប្រហារបន្ថែមទៀត។ ទីក្រុង Sherberghan គឺជាតំបន់យុទ្ធសាស្ដ្រសំខាន់ ព្រោះទីនេះជាមូលដ្ឋានកងជីវពលធំជាងគេនៅភាគខាងជើងអាហ្វហ្គានីស្ថាន ដែលដឹកនាំដោយមេកងជីវពលជនជាតិអ៊ូបេគីស្ថាន 🇺🇿 លោក Abdul Rashid Dostum ដែលជាសម្ព័ន្ធរបស់អាមេរិកក្នុងការបង្ក្រាបក្រុមតាលីបង់។ ការបែកបាក់ ឬដកថយកងជីវពលរបស់លោក Dostum នៅតំបន់នេះ អាចធ្វើឱ្យសាបរលាបនូវក្ដីសង្ឃឹមរបស់រដ្ឋាភិបាលកាប៊ុលក្នុងការប្រើប្រាស់កងជីវពលនានា ដើម្បីទប់ស្កាត់ការវាយលុករបស់ក្រុមតាលីបង់។ ស្ថានទូតអាមេរិកប្រចាំក្រុងកាប៊ុល បានចេញសេចក្ដីថ្លែងការណ៍មួយថ្កោលទោសការចូលកាន់កាប់ទីក្រុងទាំងនេះដោយតាលីបង់ ដោយលើកឡើងថាទង្វើនេះផ្ទុយពីការអះអាងរបស់ក្រុមឧទ្ទាមតាលីបង់ដែលថាគាំទ្រដំណោះស្រាយនយោបាយតាមរយៈការចរចា។ ប្រភព៖ Aljazeera

បាតុករប្រឆាំងរដ្ឋាភិបាលថៃច្រើនជាង ១ពាន់នាក់បានប៉ះទង្គិចគ្នាជាមួយប៉ូលិសនៅរាជធានីបាងកក កាលពីរសៀលថ្ងៃទី៧ សីហា ដោយសារការមិនសប្បាយចិត្តចំពោះការគ្រប់គ្រង និងឆ្លើយតបនឹងវិបត្តិជំងឺកូវីដ១៩ ដោយរដ្ឋាភិបាលលោក Prayuth ស្របពេលដែលករណីវិជ្ជមាននៃជំងឺកូវីដ១៩កើនដល់ ២ម៉ឺនករណីក្នុងមួយថ្ងៃ។ បាតុកម្មនេះធ្វើឡើងដោយក្រុមបាតុករ Redem ដែលមានឈ្មោះពេញថា Restart Democracy។ ក្រុមនេះបង្កើតដោយក្រុមយុវជនសេរី ដែលជាបណ្ដុំនៃក្រុមគាំទ្រលទ្ធិប្រជាធិបតេយ្យផ្សេងៗគ្នា។ ក្រុមបាតុករបានគប់គ្រាប់បែកខ្នាតតូច និងដុំថ្ម ខណៈក្រុមប៉ូលិសប្រើគ្រាប់ជ័រ និងឧស្ម័នបង្ហូរទឹកភ្នែក ដើម្បីបំបែកក្រុមបាតុករ នៅពេលហែរក្បួនមកកាន់វិមានរដ្ឋាភិបាល។ ប្រភព៖ Bangkok Post

អាមេរិកបញ្ជូនយន្តហោះទម្លាក់គ្រាប់បែក B-52 និងយន្តហោះបាញ់គ្រាប់ AC-130 Spectre ពីមូលដ្ឋានអាកាសនៅកាតាទៅអាហ្វហ្គានីស្ថានស្របពេលដែលក្រុមតាលីបង់ចេះតែបន្តកាន់កាប់ទឹកដីនៅទូទាំងប្រទេស ក្រោយកងកម្លាំងអន្តរជាតិដឹកនាំដោយអាមេរិកចាប់ផ្តើមដកថយកាលពីដើមខែឧសភា។ មន្ទីរបញ្ចកោណប៉ាន់ស្មានថាបច្ចុប្បន្នក្រុមនេះបានគ្រប់គ្រងពាក់កណ្តាលនៃស្រុកចំនួន ៤១៩ របស់អាហ្វហ្គានីស្ថាន។ យន្តហោះ B-52 Stratofortress គឺជាយន្តហោះទម្លាក់គ្រាប់បែកយុទ្ធសាស្ត ដែលត្រូវបានប្រើជាលើកដំបូងក្នុងអំឡុងពេលសង្គ្រាមត្រជាក់ និងដើរតួយ៉ាងសំខាន់ក្នុង ការផ្ដួលរំលំក្រុមតាលីបង់ពីអំណាចនៅចុងឆ្នាំ ២០០១។ អ្នកវិភាគផ្នែកសន្តិសុខ Mohammad Hassan បានប្រាប់សារព័ត៌មានអារ៉ាប់ថា៖ “ការលុបចោលជើងហោះហើរទៅកាន់ក្រុង Herat និងការចាប់ផ្តើមប្រើប្រាស់ B-52 មិនមែនជាសញ្ញាល្អនោះទេ”។ ការដាក់ពង្រាយយន្តហោះទម្លាក់គ្រាប់បែក និងបាញ់គ្រាប់របស់អាមេរិកចុងក្រោយនេះបង្ហាញថា កងកម្លាំងអាហ្វហ្កានីស្ថាននៅតែពឹងផ្អែកលើការគាំទ្ររបស់អាមេរិក បើទោះបីរដ្ឋាភិបាលធ្លាប់និយាយថា ខ្លួនអាចគ្រប់គ្រងប្រទេសមិនឱ្យក្រុមបះបោរងើបរួចក្ដី។ ប្រភព៖ Business Insider

៨ សីហា ២០២១