កីឡាករហែលទឹកកម្ពុជា ឃឺន ពេជ្រមរកត បំបែកកំណត់ត្រាខ្លួនឯង ក្នុងវិញ្ញាសាហែលសេរីចម្ងាយ៥០ម៉ែត្រ ក្នុងព្រឹត្តិការណ៍កីឡាអូឡាំពិកក្រុងតូក្យូ (Tokyo 2020) ។ នៅក្នុង Heat 3 ឃឺន ពេជ្រមរកត សម្រេចបាន ២៩.៤២ វិនាទី ខណៈកំណត់ត្រាផ្ទាល់ខ្លួន ២៩.៩៩ វិនាទី នេះបើតាមការបញ្ជាក់របស់ ឯ ឧ វ៉ាត់ ចំរើន នាយបេសកម្មដឹកនាំអត្តពលិកចូលរួមព្រឹត្តការណ៍កីឡាអូឡាំពិក នាទីក្រុតូក្យូ ប្រទេសជប៉ុន ។ គួររម្លឹកថា កំណត់ត្រាចាស់របស់កីឡាការិនី ឃឺន ពេជ្រមរកត នៅអូឡាំពិក ទីក្រុងតូក្យូ ប្រទេសជប៉ុន លើវិញ្ញាសាហែលសេរីចម្ងាយ ៥០ម៉ែត្រ មិនអាចបំបែកកំណត់ត្រាចាស់ របស់កីឡាករ ហែម ថុនវិទីនី កាលពីឆ្នាំ២០១៦ នៅទីក្រុងរីយ៉ូ ប្រទេសប្រេស៊ីល គឺ ២៩:៣៧ វិនាទី ៕

កីឡាករហែលទឹកកម្ពុជា ហែម ប៉ុច បាន បំបែកកំណត់ត្រាខ្លួនឯងក្នុងវិញ្ញាសា ហែលសេរីចម្ងាយ ៥០ម៉ែត្រ ក្នុងព្រឹត្តិការណ៍កីឡាអូឡាំពិកក្រុងតូក្យូ (Tokyo 2020) ។ នៅក្នុង Heat 4 ហែម ប៉ុច សម្រេចបាន ក្នុង ២៤.៩១ វិនាទី ខណៈកំណត់ត្រាផ្ទាល់ខ្លួន ២៤.៩២ វិនាទី នេះប់តាមការបញ្ជាក់របស់ ឯ ឧ វ៉ាត់ ចំរើន នាយបេសកម្មដឹកនាំអត្តពលិកចូលរួមព្រឹត្តការណ៍កីឡាអូឡាំពិក នាទីក្រុតូក្យូ ប្រទេសជប៉ុន ។ គួររម្លឹកថា កំណត់ត្រាកីឡាករ ហែម ប៉ុច គឺជាកំណត់ត្រាដ៏ខ្ពស់បំផុត សម្រាប់កម្ពុជា ក្នុងព្រឹត្តិការណ៍កីឡាអូឡាំពិក លើវិញ្ញាសាហែលសេរីចម្ងាយ ៥០ម៉ែត្រ ខណៈកំណត់ត្រាចាស់របស់កីឡាករ ហែម គីរីកាលពីឆ្នាំ២០០០ គឺ២៦.៤១ វិនាទី និងកីឡាករ ហែម ថុនពន្លឺ ធ្វើបាន២៧.០៣វិនាទី ក្នុងឆ្នាំ២០០៨ ៕

Vitalina Batsarashkina របស់ ROC បានបន្ថែមមេដាយមាសទី២ ដល់ការដណ្តើមមេដាយទីក្រុងតូក្យូ ២០២០ របស់នាងបន្ទាប់ពីឈ្នះកាំភ្លើងខ្លីចម្ងាយ ២៥ ម៉ែត្ររបស់ស្ត្រី នៅឯទីលានបាញ់កាំភ្លើង Asaka ។ Vitalina Batsarashkina មកពីប្រទេសរុស្ស៊ី តែត្រូវបានគណកម្មការផ្តល់ឈ្មោះថា R O C បានក្លាយជាអ្នកបាញ់កាំភ្លើងស្ត្រីដំបូងគេ ដែលដណ្តើមបានមេដាយចំនួន៣ ក្នុងព្រឹត្តិការណ៍អូឡាំពិក បន្ទាប់ពីឈ្នះកាំភ្លើងខ្លីចម្ងាយ ២៥ ម៉ែត្ររបស់ស្ត្រី នៅទីក្រុងតូក្យូ ២០២០ ។ កីឡាការិនីវ័យ ២៤ ឆ្នាំរូបនេះ បានបន្ថែមថា បន្ទាប់ឈ្នះមេដាយមាស ក្នុងក្រុមចម្រុះកាំភ្លើងខ្លី និងកាំភ្លើងខ្លី ដែលមានខ្យល់ ១០ ម៉ែត្រ កាលពីដើមសប្តាហ៍នេះ ។ សូមបញ្ជាក់ថា មេដាយមាសរបស់កីឡាការិនី Vitalina Batsarashkina បានធ្វើអោយ ប្រទេសរុស្ស៊ី ដែលមានឈ្មោះ ROC ក្នុងការប្រកួតកីឡាអូឡាំពិក ទីក្រុងតូក្យូ ប្រទេសជប៉ុន ឆ្នាំ២០២១ ឈរលេខ៤ ដណ្តើមបានមេដាយសរុប៣១…