ជម្រើសជាតិអត្តពលកម្ម កីឡាករ ប៉ែន សុខគង់ បានរៀបរាប់ពីស្ថានភាពហ្វឹកហាត់របស់ខ្លួនពីក្រុងតូក្យូ ប្រទេសជប៉ុន មុនចូលរួមប្រកួតជាផ្លូវការនាថ្ងទី៣១ ចុងខែកក្កដា ឆ្នាំ២០២១ខាងមុខនេះ។ គួរជម្រាបជូនថា កីឡាករ ប៉ែន សុខគង់ ជាជម្រើសជាតិអត្តពលកម្មតែម្នាក់គត់ ដែលទទួលបានសិទ្ធិអនុគ្រោះឬ Wild CARD ពីគណៈកម្មាធិការអូឡាំពិកអន្តរជាតិ I O C ឱ្យចូលរួមការប្រកួតអូឡាំពិករដូវក្តៅ នៅក្រងតូក្យូ នឹងប្រជែងវីញ្ញាសា រត់ល្បឿន ១០០ម៉ែត្រ ។ ក្រៅពីកីឡាករ ប៉ែន ​សុគង់ កម្ពុជាក៏ទទួលបានសិទ្ធអនុគ្រោះលើវិញ្ញាសាកីឡាហែលទឹកផងដែរ គឺកីឡាករ​ ហែម​ ប៉ុច និងកីឡាការិនី​ ឃឿន ពេជ្រមរកត ដោយប្រកួតលើវិញ្ញាសា ហែលសេរី ៥០ម៉ែត្រដូចគ្នា ៕

អ្នកប្រដាល់គុន្មខែ្មរល្អគ្រប់ស្នៀតម្ចាស់ខ្សែក្រវ៉ាត់គោជល់កំពូលជើងឯក នាគមាស ឃីម បូរ៉ា បានសន្លប់ធំក្រោមស្នៀតពិសេស អ្នកប្រដាល់មុខសេត អេលីត ចំរើន ក្នុងទឹកទី២ ធ្វើឲ្យអ្នកគាំទ្រគុនខ្មែរស្រឡាំងកាំង ដោយពុំនឹកស្មានដល់ ។ស្នៀតពិសេសធ្វើឲ្យ ឃីម បូរ៉ាសន្លប់ធំមិនគួឲ្យជឿនេះ ត្រូវបាន អេលីត ចំរើន ទម្លាយថា ស្នៀតពិសេសនេះ រៀនតាមអ្នកប្រដាល់សាំម៉ូរ៉ៃ ជប៉ុន ថេន ស៊ីន ដែលគេធ្លាប់មើល តាមរយៈយូធូប ។ សូមបញ្ជាក់ថា នេះជាការសន្លប់ធំលើកទី២ របស់នាគមាសបន្ទាយមានជ័យ ឃីម បូរ៉ា ក្នុងអាជីពប្រដាល់គុនខ្មែរ ដោយសន្លប់ធំលើកទី១ ក្នុងកម្មវិធីប្រកួតការពារខ្សែក្រវ៉ាត់គោជល់កំពូលជើងឯក ជាមួយកីឡាករ ម៉ឺន មេឃា ប៉ុន្តែត្រូវបានសហព័ន្ធកាត់សេចក្តីដោយផ្តល់ជ័យជំនះឲ្យ ឃីម បូរ៉ា ដោយសារតែកីឡាករ ម៉ឺន មេឃា ប្រកួតខុសលក្ខន្តិកៈ ចំណែកការសន្លប់ធំលើកទី២នេះ ក្នុងកម្មវិធីប្រកួតប្រដាល់គុនខ្មែរអលស្តារ ដោយការប្រើស្នៀតពិសេស អេលីត ចំរើន ក្នុងទឹកទី២ ៕