ភ្នំពេញ​៖ តុលាការ​កំពូល​កម្ពុជា​បានសម្រេច​រំលាយ​គណបក្ស​នយោបាយ​ចំនួន​បី​ទៀត​ដែល​អសកម្ម​ក្នុង​ការធ្វើសកម្មភាព និង​មិន​បានធ្វើ​របាយការណ៍​អស់​រយៈពេល​ជាច្រើន​ឆ្នាំ​។​ការសម្រេច​របស់​តុលាការ​កំពូល​កាលពីពេល​ថ្មី​នេះ បន្ទាប់ពី​មាន​បណ្តឹង​ពី​ក្រសួងមហាផ្ទៃ​។​ ​យោងតាម​សាលដីកា​របស់​តុលាការ​កំពូល​ដែល​ត្រូវបាន​ផ្សព្វផ្សាយ​ដោយ​បណ្តាញសារព័ត៌មាន​បង្ហា​ញ​ថា គណបក្ស​ទាំងបី​នេះមាន​៖ គណបក្ស​ប្រជាធិបតេយ្យ​ខ្មែរ របស់លោក ហោ ម៉េង​ហ៊ាង ដែល​ត្រូវ​កាត់ទោស​រំលាយ​កាលពី​ថ្ងៃទី​១២ ខែកក្កដា ឆ្នាំ​២០២១, គណបក្ស​វ​ង្គ​ត ខេមរៈ មហានគរ របស់លោក ផាន់ ស៊ីណា ដែល​ត្រូវ​កាត់ទោស​រំលាយ​កាលពី​ថ្ងៃទី​១២ ខែកក្កដា ឆ្នាំ​២០២១ និង​គណបក្ស​សង្គម​ប្រជាធិបតេយ្យ​របស់ លោក ថោង សុវណ្ណារ៉ា ដែល​ត្រូវ​កាត់ទោស​រំលាយ​កាលពី​ថ្ងៃទី​១២ ខែកក្កដា ឆ្នាំ​២០២១​។​ ​យោងតាម​ប្រភព​បណ្តាញ​ព័ត៌មាន Fresh News​នៅ​ព្រឹក​ថ្ងៃទី​២៤​ខែកក្កដា​នេះ​នាយ​ឧ​ត្ត​ម​សេនីយ៍ ខៀវ សុភ័គ អ្នកនាំពាក្យ​ក្រសួងមហាផ្ទៃ បាន​បញ្ជាក់ថា ក្រសួងមហាផ្ទៃ​បានដាក់​ពាក្យ​ប្តឹងទៅ​តុលាការ​កំពូល បន្ទាប់ពី​គណបក្ស​ទាំងបី​ខាងលើនេះ ស្ងាត់​ដំណឹង និង​អសកម្ម​អស់​រយៈពេល​ច្រើន​ឆ្នាំ ហើយ​មិនអាច​ទាក់ទង​បាន​។​ ​គិត​ចាប់តាំងពី​ឆ្នាំ​២០១៧​មក រហូតមកដល់​ពេលនេះ គណបក្សនយោបាយ​បួន​ហើយ ត្រូវ​តុលាការ​កាត់ទោស​រំលាយ ដោយ​ការ​ល្មើសច្បាប់​ធ្ងន់ធ្ងរ និង​អសកម្ម​ភាព​។ ទោះជា​យ៉ាង​ក្តី រហូតមកដល់​ពេលនេះ​នៅក្នុង​ប្រទេស​កម្ពុជា មាន​គណបក្ស​ប្រមាណ​ជិត​៥០​ផ្សេងទៀត កំពុង​ធ្វើ​សកម្មភាព​។​ក្នុងនោះ​មាន​មួយចំនួន បានប្រកាស​រួចហើយ ក្នុងការ​ត្រៀមខ្លួន​ចូលរួម​ក្នុងការ​បោះឆ្នោត​ជ្រើសរើស​ក្រុមប្រឹក្សាឃុំ​សង្កាត់ ឆ្នាំ​២០២២ និង​ការបោះឆ្នោត​ជ្រើសតាំង​តំណាងរាស្ត្រ នៅ​ឆ្នាំ​២០២៣ ខាងមុខ​។​ ​ឯកឧត្តម ខៀវ សុភ័គ បានបញ្ជាក់​ទៀតថា ពេលនេះ​គណបក្ស​ថ្មី​ជាច្រើន​ទៀត​កំពុង​រៀបចំ​បង្កើតឡើង និង​បានដាក់​ពាក្យ​ទៅកាន់​ក្រសួងមហាផ្ទៃ​ជា​បន្តបន្ទាប់​ដែរ​៕​

ភ្នំពេញ៖ នៅព្រឹកថ្ងៃទី២៤ ខែកក្កដា ឆ្នាំ២០២១នេះ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានបដិសេធការស្នើសុំសិទ្ធិធ្វើនយោបាយឡើងវិញ របស់បុគ្គលចំនួន២រូប ដែលជាអតីតសមាជិកគណៈកម្មាធិការនាយក អតីតគណបក្សសង្រ្គោះជាតិ ដោយសារបុគ្គលទាំងពីររូបនេះ ពាក់ព័ន្ធបទល្មើសធ្ងន់ធ្ងរផ្សេងៗនាពេលកន្លងមក។ បុគ្គល២រូបដែលសម្តេចតេជោ ហ៊ុន សែន បដិសេធនោះមានរួមមាន៖ លោក ញឹម គឹមញ៉ុល និងលោក ជួង ជូងី។ សម្តេចតេជោ ហ៊ុន សែន បានផ្តល់កិច្ចសម្ភាសន៍ដល់លោក លឹម ជាវុត្ថា អគ្គនាយកបណ្តាញព័ត៌មាន Fresh News នាព្រឹកថ្ងៃទី២៤ ខែកក្កដា ឆ្នាំ២០២១ឱ្យដឹងថា ការបដិសេធផ្តល់នីតិសម្បទាឡើងវិញនេះ ដោយសារបុគ្គលទាំងពីររូបនេះនាពេលកន្លងមកស្ថិតនៅក្នុងរយៈពេលនៃការហាមឃាត់មិនឱ្យធ្វើសកម្មភាពនយោបាយ សម្រាប់រយៈពេល៥ឆ្នាំ បានប្រព្រឹត្តសកម្មភាពបំពានយ៉ាងធ្ងន់ធ្ងរទៅនឹងសាលដីការបស់តុលាការកំពូល ដែលនឹងត្រូវផ្តន្ទាទោសនៅពេលខាងមុខ។ ទី១៖ បុគ្គល ញឹម គឹមញ៉ុល បានធ្វើសកម្មភាពប៉ះពាល់ដល់សន្តិសុខជាតិ និងបង្កភាពចលាចលក្នុងសង្គម ដោយបានដឹកនាំបញ្ជាផ្ទាល់សកម្មជនរបស់ អតីតគណបក្សសង្រ្គោះជាតិនៅក្នុងប្រទេសថៃ និងបានបញ្ជាពីខាងក្រៅមកបណ្តាញរបស់ខ្លួន ដើម្បីកៀរគរកម្លាំងត្រៀមចូលផែនការវិលត្រលប់ចូលរបស់មេឧទ្ទាមទណ្ឌិត សម រង្ស៉ី នៅថ្ងៃទី០៩ ខែវិច្ឆិកា…

ភ្នំពេញៈ ឯកឧត្តម លុយ ដាវីត រដ្ឋលេខាធិការក្រសួងការបរទេសនិងសហប្រតិបត្តិការអន្តរជាតិ និងជាឧត្តមមន្តី្រកម្ពុជាទទួលបន្ទុកកិច្ចប្រជុំអាស៊ី-អឺរ៉ុប បានបញ្ជាក់នៅយប់ថ្ងៃទី២៣ ខែកក្កដានេះថា ដោយមានការគិតគូរពីសុវត្ថិភាពរបស់ថ្នាក់ដឹកនាំកិច្ចប្រជុំកំពូលអាស៊ី-អឺរ៉ុប លើកទី១៣ ក៏ដូចជាប្រជាជនកម្ពុជាទាំងអស់ ក្នុងអំឡុងពេលជំងឺរាតត្បាតកូវីដ-១៩ ជាពិសេសមានវីរុសបំលែងប្រភេទថ្មី កំពុងរីករាលដាលខ្លាំងនៅទូទាំងពិភពលោក កម្ពុជាបានសម្រេចចិត្តរៀបចំកិច្ចប្រជុំកំពូលនេះ តាមប្រព័ន្ធវីដេអូវិញ។ ទោះជាយ៉ាងនេះក្ដី កម្ពុជាក៏នៅតែជាប្រធានអង្គប្រជុំអាស៊ី-អឺរ៉ុប លើកទី១៣( ASEM13) ហើយសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នឹងដឹកនាំកិច្ចប្រជុំជាមួយដៃគូ ASEM ទាំង៥៣ប្រទេស/ស្ថាប័ន នៅថ្ងៃទី២៥-២៦ ខែវិច្ឆិកា ឆ្នាំ២០២១ខាងមុខនេះ។ ឯកឧត្តម លុយ ដាវីត បានបញ្ជាក់ថា ដំណើរការ ASEM គឺផ្អែកលើភាពមិនផ្លូវការ ភាពបត់បែន និងស្មារតីកុងសង់ស៊ីស។ ការធ្វើជាម្ចាស់ផ្ទះរបស់កម្ពុជា គឺជាការគាំទ្រជាឯកច្ឆ័ន្ទរបស់សមាជិកទាំង៥៣ប្រទេស/ស្ថាប័ន។ ក្រោមការធ្វើជាប្រធានអង្គប្រជុំរបស់កម្ពុជា ប្រទេសអាស៊ី-អឺរ៉ុបទាំងអស់ មានកិច្ចសហប្រតិបត្តិការកាន់តែជិតស្និទ្ធ និងមានភាពស្អិតរមួតមួយកម្រិតទៀត ជាពិសេសនៅក្នុងបរិបទនៃជំងឺរាតត្បាតកូវីដ-១៩ ដែលប្រទេសទាំងអស់នៅទូទាំងពិភពលោកកំពុងតែប្រយុទ្ធប្រឆាំងរួមគ្នា។ក្នុងន័យនេះ កាលពីឆ្នាំ២០២០ រដ្ឋមន្ត្រីការបរទេសអាស៊ី-អឺរ៉ុប ដែលតំណាងដោយរដ្ឋមន្ត្រីការបរទេសនៃកម្ពុជា និងប្រទេសសម្របសម្រួលទាំងបួន រួមមានសហភាពអឺរ៉ុប សិង្ហបុរី រស្ស៊ី និងអាល្លឺម៉ង់…

ភ្នំពេញៈ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអនុញ្ញាតឱ្យបង្កើត “គណបក្សកម្ពុជានិយម” ដែលមានលោក អូក អ៊ី ជាតំណាងស្ថាបនិក។ ប៉ុន្តែដើម្បីទទួលបានសុពលភាព និងអាចធ្វើសកម្មភាពបានដោយស្របដោយស្របច្បាប់ គណបក្សកម្ពុជានិយម ត្រូវរៀបចំបែបបទ និងបំពេញលក្ខខណ្ឌស្នើសុំចុះបញ្ជីនៅក្រសួងមហាផ្ទៃ។ ការអនុញ្ញាតឱ្យបង្កើតនេះ បានធ្វើឡើងបន្ទាប់ពីតំណាងស្ថាបនិកគណបក្សនេះ បានដាក់ពាក្យស្នើសុំបង្កើតគណបក្សទៅក្រសួងមហាផ្ទៃកាលពីថ្ងៃទី១៣ ខែកក្កដា ឆ្នាំ២០២១។ សម្តេចក្រឡាហោម ស ខេង នៅថ្ងៃទី២៣ ខែកក្កដា ឆ្នាំ២០២១ បានធ្វើលិខិតជម្រាបជូនលោក អូក អ៊ី ជាតំណាងស្ថាបនិកគណបក្សកម្ពុជានិយមបានឱ្យដឹងថា ផ្អែកតាមបញ្ញត្តិមាត្រា៩ នៃច្បាប់ស្តីពីគណបក្សនយោបាយ ក្រសួងមហាផ្ទៃសម្រេចអនុញ្ញាតឱ្យបង្កើត “គណបក្សកម្ពុជានិយម” ដែលសរសេរជាអក្សរកាត់ “ប.ក” ដោយមានអាសយដ្ឋាន នៃទីស្នាក់ការកណ្តាល ស្ថិតនៅបុរីពិភពថ្មីកួរស្រូវ៣ ផ្ទះលេខ៥២-៥៤ ផ្លូវបេតុង៩ម៉ែត្រ ភូមិកណ្តាល សង្កាត់រលួស ខណ្ឌដង្កោ រាជធានីភ្នំពេញ។ សម្តេចក្រឡាហោមបានបញ្ជាក់ថា ដើម្បីទទួលបានសុពលភាព និងអាចធ្វើសកម្មភាពបានដោយស្របច្បាប់ក្នុងឋានៈជានីតិបុគ្គល នៅក្នុងរយៈពេល១៨០ (មួយរយប៉ែតសិប)ថ្ងៃបន្ទាប់ពីបានបង្កើតរួចហើយ គណបក្សកម្ពុជានិយម ត្រូវរៀបចំបែបបទ និងបំពេញលក្ខខណ្ឌស្នើសុំចុះបញ្ជីនៅក្រសួងមហាផ្ទៃស្របតាមកថាខណ្ឌទី២…

ភ្នំពេញៈ គណៈកម្មាធិការជាតិរៀបចំការបោះឆ្នោត (គ.ជ.ប) បានឱ្យដឹងថា ការឃោសនាបោះឆ្នោតជ្រើសរើសក្រុមប្រឹក្សាក្រុងបូកគោ នៃខេត្តកំពត រយៈពេល៨ថ្ងៃ ចាប់ផ្តើមពីថ្ងៃទី១៦ ដល់ថ្ងៃទី២៣ ខែកក្កដា ឆ្នាំ២០២១ បានប្រព្រឹត្តទៅដោយសន្តិសុខ សណ្តាប់ធ្នាប់ និងសុវត្ថិភាពល្អ ដោយពុំមានបញ្ហាអ្វីកើតឡើងនោះទេ។ លោកបណ្ឌិត តែ ជិនណារិទ្ធ ប្រធានគណៈកម្មការរៀបចំការបោះឆ្នោតខេត្តកំពត ដែលបានចូលរួមឃ្លាំមើលសកម្មភាពឃោសនានៅថ្ងៃនេះ បានឱ្យដឹងថា ការឃោសនាបោះឆ្នោត ក្នុងរយៈពេល៨ថ្ងៃកន្លងមកនេះ បានប្រព្រឹត្តទៅប្រកបដោយសន្តិសុខ សណ្តាប់ធ្នាប់ និងសុវត្ថិភាពល្អ។ លោកបានបន្តថា អ្នកចូលរួមក្នុងយុទ្ធនាការឃោសនាបោះឆ្នោតទាំងអស់ បានអនុវត្ត និងគោរពតាមវិធានការបង្ការការឆ្លងរាលដាលនៃជំងឺកូវីដ-១៩ តាមសេចក្តីណែនាំរបស់ក្រសួងសុខាភិបាលបានយ៉ាងល្អ។ គណៈកម្មាធិការជាតិរៀបចំការបោះឆ្នោតបានឱ្យដឹងថា នៅថ្ងៃទី២៣ ខែកក្កដា ឆ្នាំ២០២១ គឺជាថ្ងៃចុងក្រោយនៃការឃោសនាបោះឆ្នោតជ្រើសរើសក្រុមប្រឹក្សាក្រុងបូកគោ នៃខេត្តកំពត មានគណបក្សនយោបាយ ចំនួន១ ក្នុងចំណោម គណបក្សនយោបាយទាំង៤ បានធ្វើសកម្មភាពឃោសនា គឺគណបក្សប្រជាជនកម្ពុជា មានការប្រមូលផ្តុំសមាជិក២០០នាក់ ក្នុងក្បួនបិទយុទ្ធនាការឃោសនាបោះឆ្នោត ដែលមានរថយន្តចំនួន ៨០គ្រឿង និងម៉ូតូចំនួន៣០គ្រឿង ហើយក៏មានការចាក់មេក្រូនៅតាមទីស្នាក់ការគណបក្សក្រុង សង្កាត់ និងតាមភូមិ។ ដោយឡែកគណបក្សចំនួន ៣ ផ្សេងទៀត ពុំមានសកម្មភាពឃោសនាទេ។…