ចំនួនមនុស្សស្លាប់ដោយសារជំងឺកូវីដ១៩នៅប្រទេសថៃ ២៤ម៉ោងចុងក្រោយ មានចំនួន៤៣នាក់ នេះបើតាមការចេញផ្សាយរបស់ទីភ្នាក់ងារសារព័ត៌មាន The Nation នាព្រឹកថ្ងៃទី១០ មិថុនា ២០២១នេះ។ ក្រៅពីស្លាប់ ក៏មានឆ្លងថ្មី ២៣១០នាក់ដែរ។ ក្រសួងសុខាភិបាលថៃបញ្ជាក់ដែរថា ក្នុងចំណោមឆ្លងថ្មីនេះ មាន១០២នាក់ ឆ្លងក្នុងពន្ធនគារ។ ក្រៅពីនេះ ក៏មានអ្នកជំងឺ៣០៣៥នាក់ជាសះស្បើយផងដែរ។ ថៃមានអ្នកកើតកូវីដ១៩ កើនដល់១៨៧៥៣៨នាក់ហើយ ស្លាប់១៣៧៥នាក់៕

គណៈកម្មាធិការជាតិរៀបចំការបោះឆ្នោត ដែលហៅកាត់ថា គ.ជ.ប ចេញប្រកាសសម្រេចលុបចោលការបោះឆ្នោតជ្រើសរើសក្រុមប្រឹក្សាឃុំសង្កាត់សាកល្បង នៅថ្ងៃទី២០ មិថុនាខាងមុខនេះ ក្រោយមានសំណើពីសម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ។

រដ្ឋបាលខេត្តកំពត បានជូនដំណឹងឲ្យដឹងថា ៖ ករណីវិជ្ជមានកូវីដ ១៩ ក្នុងខេត្តកំពត មានចំនួន ៤៩ ករណី នៅថ្ងៃទី០៩ ខែមិថុនា ឆ្នាំ ២០២១ ។

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា នៅល្ងាចថ្ងៃទី០៩ ខែមិថុនា ឆ្នាំ២០២១នេះ បានដាក់លិខិតផ្លូវការទៅគណៈកម្មាធិការជាតិរៀបចំការបោះឆ្នោត (គ.ជ.ប) ដោយស្នើឱ្យលុបចោលការបោះឆ្នោតជ្រើសរើសក្រុមប្រឹក្សាឃុំសង្កាត់សាកល្បងនៅថ្ងៃទី២០ មិថុនាខាងមុខនេះ។