រដ្ឋបាលខេត្តបាត់ដំបង បានចេញសេចក្តីប្រកាសព័ត៌មាននិងជូនដំណឹង នៅរសៀលថ្ងៃទី០៦ខែមិថុនាឆ្នាំ២០២១នេះ ពីករណីរកឃើញ វិជ្ជមានជម្ងឺកូវីដ-19 ចំនួន១៥នាក់ថ្មីបន្ថែម។ ពាក់ព័ន្ធព្រឹត្តិការណ៍សហគមន៍២០កុម្ភៈចំនួន១២និងពលករវិលត្រឡប់ពីប្រទេសថៃ ចំនួន០៣នាក់។ព្រមទាំងព្យាបាលអ្នកជម្ងឺជាសះស្បើយចំនួន១២នាក់ផងដែរ ហើយត្រូវបានអនុញ្ញាតិឲ្យវិលត្រឡប់ទៅកាន់លំនៅដ្ឋានវិញ្ផហើយផងដែរ។       ដោយឡែកករណីអ្នកវិជ្ជមានកូវីដ-19ខាងលើនេះត្រូវបានបញ្ជូនឲ្យសម្រាកព្យាបាលជម្ងឺនៅមន្ទីរពេទ្យបង្អែកខេត្ត និង មន្ទីរពេទ្យបង្អែកស្រុកនានាផងដែរ។      សូមបញ្ជាក់ផងដែរថា៖ តាំងពីចាប់ផ្តើមករណីផ្ទុះជម្ងឺកូវីដ-19កន្លងមក ខេត្តបាត់ដំបង មានអ្នកជម្ងឺកូវីដ-19 សរុបចំនួន ៣៩៩នាក់ ក្នុងនោះបានព្យាបាលឲ្យជាសះស្បើយ ចំនួន១៤៥នាក់,ស្លាប់២ករណី និងបញ្ជូនឲ្យទៅព្យាបាលនៅខេត្តបន្ទាយមានជ័យ ចំនួន០២នាក់ និងអ្នកកំពុងសម្រាកព្យាបាលជម្ងឺនៅតាមមន្ទីរពេទ្យបង្អែកស្រុក និង ខេត្តសរុបចំនួន ២៥២នាក់។       ដោយឡែកពាក់ព័ន្ធនិងករណីរកឃើញវិជ្ជមានកូវីដ-19ខាងលើនេះ ត្រូវបានអាជ្ញាធរនៃរដ្ឋបាលខេត្តបាត់ដំបង ធ្វើការជូនដំណឹងនិងអំពាវនាវដល់អាជ្ញាធរមូលដ្ឋានត្រូវមានវិធានការសុខាភិបាលឲ្យបានម៉ឺងម៉ាត់ និង អ្នកពាក់ព័ន្ធជាមួយអ្នកជម្ងឺឲ្យចូលខ្លួនធ្វើតេស្តដើម្បីយកវត្ថុសំណាកត្រួតពិនិត្យមើលសុខភាពនិងត្រូវដាក់ខ្លួនឲ្យនៅដាច់ដោយឡែកដើម្បីតាមដានត្រួតពិនិត្យមើលសុខភាពក្នុងករណីសង្ស័យ ត្រូវរាយការណ៍ជូនអាជ្ញាធរ និង គ្រូពេទ្យជាបន្ទាន់ ដើម្បីយកអ្នកជម្ងឺទៅធ្វើការព្យាបាល៕

ភ្នំពេញ ៖ នៅព្រឹកថ្ងៃទី៧ ខែមិថុនា ឆ្នាំ២០២១នេះ ដោយមានការអនុញ្ញាតិពី ឯកឧត្តមឧត្តមសេនីយ៍ឯក អគ្គស្នងការរង និងជាស្នងការនគរបាលរាជធានីភ្នំពេញ លោកវរសេនីយ៍ឯក ហួរ ម៉េងវ៉ាង អធិការនគរបាលខណ្ឌសែនសុខ បានបើកកិច្ចប្រជុំប្រចាំខែឧសភា និងលើកទិសដៅអនុវត្តបន្តសម្រាប់ខែមិថុនា តាមប្រពន័្ឋZOOM ជូនដល់លោកអធិការរង លោកនាយប៉ុស្តិ៍ និងលោកនាយផ្នែកទាំងអស់ ឲ្យបន្តក្តាប់សភាពការណ៍បទលើ្មស លួច ឆក់ ប្លន់ និងបង្តើនឲ្យបានខ្ពស់លើការផ្តល់សេវាសាធារណៈជូនដល់ប្រជាពលរដ្ឋ។ ក្នុងកិច្ចប្រជុំនោះដែលោកអធិការនគរបាលខណ្ឌបានសង្កត់ធ្ងន់ថា ប៉ុស្តិ៍រដ្ឋបាលទាំងអស់ត្រូវបើកទ្វារ ២៤ម៉ោងលើ ២៤ម៉ោង ពិសេសធ្វើការផ្សព្វផ្សាយអោយបានជ្រួតជ្រាបដល់ប្រជាពលរដ្ឋឲ្យអនុវត្តតាមវិធានការរបស់ក្រសួងសុខាភិបាលអោយបានជាប់ជាប្រចាំ ក្នុងមូលដ្ឋានសង្កាត់ទាំង០៦ ៕ ដោយ ៖ តុង សីហា

ប្រជាពលរដ្ឋជាពិសេសអ្នកលក់ចាប់ហួយ ដែលបានទៅដេប៉ូ លក់ចាប់ហួយ តែ តិចឡុង អូឡាំពិក ត្រូ វប្រញាប់ធ្វើចត្តាឡីស័ក និងតាមដានសុខភាព។ អនុគណៈកម្មការស្រាវជ្រាវជំងឺកូវីដ-១៩ នៅថ្ងៃទី៧មិថុនាឆ្នាំ២០២១ បានជូនដំណឹងថា មានអ្នកជំងឺកូវីដ-១៩ បានទៅទិញទំនិញមួយចំនួននៅ ដេប៉ូ លក់ចាប់ហួយ តែ តិចឡុង (ម្តុំផ្សារអូឡាំពិច) ដែលមានទីតាំងស្ថិតនៅ ផ្ទះលេខ ៥០ ផ្លូវលេខ ៣១៨ សង្កាត់ទួលស្វាយព្រៃ២ ខណ្ឌបឹងកេងកង នៅថ្ងៃទី៤មិថុនាឆ្នាំ២០២១។ អនុគណៈកម្មការ បានឲ្យដឹងថា គិតត្រឹមថ្ងៃទី៦មិថុនា បុគ្គលិកធ្វើការនៅទីតាំងខាងលើនោះ មិនទាន់បានទៅយកសំណាកនៅឡើយទេ។ អនុគណៈកម្មការស្រាវជ្រាវជំងឺកូវីដ-១៩ បានអំពាវនាវដល់ប្រជាពលរដ្ឋ ដែលធ្លាប់បានទៅទីកន្លែង និងពេលវេលានោះ ត្រូវដាក់ខ្លួន ដាច់ដោយឡែក និងយកចិត្តទុកដាក់ តាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬបានទៅទីកន្លែងមានហានិភ័យនោះ។

ខេត្តកំពង់ឆ្នាំង ៖ កាលពីរសៀលថ្ងៃទី ០៦ ខែមិថុនាឆ្នាំ២០២១ម្សិលមិញ ស្រុកចំនួន ០២ ក្នុងខេត្តកំពង់ឆ្នាំង ដោយសារ ភ្លៀងលាយឡំនិងខ្យល់កន្ត្រាក់ បណ្តាលអោយរលំផ្ទះទាំងស្រុងចំនួន ១០ខ្នង និងរបើកដំបូលចំនួន ៤០ខ្នង ក្នុងនោះរួមមាន ៖ ស្រុកសាមគ្គីមានជ័យចំនួន ៣៤ខ្នង ដោយដួលរលំទាំងស្រុង ចំនួន ០៨ខ្នង និងរបើកដំបូលចំនួន ២៦ខ្នង និងស្រុកកំពង់លែងចំនួន ១៦ខ្នង ដួលរលំទាំងស្រុងចំនួន ០២ខ្នង និងរបើកដំបូលចំនួន ១៤ខ្នង ។ តែនៅក្នុងហេតុការគ្រោះធម្មជាតិខាងលើនេះមិនបណ្តាលអោយមនុស្សឬសត្វរងគ្រោះថ្នាក់នោះឡើយ ។ ពាក់ពន្ធនិងគ្រោះធម្មជាតិខាងលើនេះកន្លងមកនាយកប្រតិបត្តិសាខាកាកបាទក្រហមកម្ពុជាខេត្តធ្លាប់បានប្រាប់អោយដឹងថាពាក់ព័ន្ធនិងគ្រោះធម្មជាតិឬក៍គ្រោះមហន្តរាយផ្សេងៗខាងលោកនិងចុះនាំយកគ្រឿងសម្ភារះទៅប្រគល់ដោយផ្ទាល់ដៃតែម្តងដោយមិនទុកយូនោះឡើយនៅថ្ងៃស្អែកនេះ ៕ សុខ គឹមសៀន

ភ្នំពេញ ៖ នារីស្រស់ស្អាតម្នាក់សង្ស័យស្រវឹងស្រា បានបើករថយន្តស៊េរីទំនើបមួយគ្រឿងបោះពួយយ៉ាងលឿនបានជ្រុលទៅបុកបង្គោលភ្លើងពេញទំហឹងបណ្ដាលឲ្យដាច់ចេញពីគ្នា និងធ្វេីឲ្យរថយន្តបង្កខូចខាតយ៉ាងដំណំ សំណាងល្អមិនមានអ្នករបួស។ ហេតុការណ៍ នេះបានកើតឡើងកាលវេលាម៉ោង១ និង០០នាទីយប់រំលងអធ្រាត្រឈានចូលថ្ងៃច័ន្ទ ទី៧ ខែ មិថុនា ឆ្នាំ២០២១ ស្ថិត តាម បណ្ដោយ ផ្លូវ ៦១៤ សង្កាត់ បឹងកក់ ទី២ ខណ្ឌទួលគោក ។ យោងតាមប្រភពពីកន្លែងកើតហេតុបានឲ្យដឹងថា មុនពេលកើតហេតុគេឃើញនារីរូបស្រស់ម្នាក់សង្ស័យស្រវឹងស្រាបើករថយន្តស៊េរីទំនើបម៉ាកBMW ពណ៌ស ពាក់ស្លាកលេខភ្នំពេញ2BG -1123 ធ្វើដំណើរទិសដៅពីលិចទៅកើតបោះពួយយ៉ាងលឿនបានជ្រុលទៅបុកបង្គោលពេញទំហឹង បណ្ដាលឲ្យដាច់ជាពីររថយន្តផ្ទុះពោងខូចខាតផ្នែកខាងមុខស្ទើរទាំងស្រុង ក្រោយមកម្ចាស់រថយន្តបានបើកទ្វារចេញគេចខ្លូនពីកន្លែងកើតហេតុបាត់។ ក្រោយកើតហេតុ សមត្ថកិច្ចមូលដ្ឋានបានចុះមកចំណុចកើតហេតុបានទាក់ទងបន្តទៅសមត្ថកិច្ចជំនាញឲ្យមកធ្វេីការវាស់វែង ស្ទូចរថយន្តបង្កទៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ រងចាំឲ្យម្ចាស់រថយន្តចូលខ្លូនមកដោះស្រាយតាមច្បាប់ ៕ ដោយ ៖ ជីម ភារ៉ា

រដ្ឋបាលរាជធានីភ្នំពេញ នៅថ្ងៃទី៦ ខែមិថុនា ឆ្នាំ២០២១ បានជូនដំណឹងដល់ប្រជាពលរដ្ឋ ដែលមានអាយុចាប់ពី ១៨ ឆ្នាំឡើង ក្នុងខណ្ឌដូនពេញ ជ្រោយចង្វារ និងព្រែកព្នៅ នឹងទទួលបានការចាក់វ៉ាក់សាំងបង្ការជំងឺកូវីដ-១៩ ។ យោងតាមសេចក្តីជូនដំណឹងរបស់រដ្ឋបាលរាជធានីភ្នំពេញ ដំណើរការចាក់វ៉ាក់សាំងការពារជំងឺកូវីដ ១៩ ដូសទី១ នៅខណ្ឌទាំង ៣ ខាងលើនេះ នឹងចាប់ផ្ដើមពីថ្ងៃទី១០ ដល់ថ្ងៃទី២៣ ខែមិថុនា ឆ្នាំ២០២១ ខាងមុខនេះ។ ដោយឡែកសម្រាប់ ដូសទី២ នឹងចាប់ផ្ដើម នៅថ្ងៃទី២៥ ខែមិថុនា ដល់ថ្ងៃទី៨ ខែកក្កដា ឆ្នាំ២០២១។ ជាមួយគ្នានេះ រដ្ឋបាលរាជធានីភ្នំពេញ ក៏បានបង្ហាញទីតាំង និងលេខទូរស័ព្ទ អ្នកសម្របសម្រួល សម្រាប់ប្រជាពលរដ្ឋ ធ្វើការទំនាក់ទំនង ពាក់ព័ន្ធការចាក់វ៉ាក់សាំង នៅខណ្ឌដូនពេញ ខណ្ឌជ្រោយចង្វារ និងខណ្ឌព្រែកព្នៅ ដែលមានសរុប ១៤ ទីតាំង។ សូមបញ្ជាក់ថាការផ្តល់ជូនវ៉ាក់សាំងចាក់ជូនប្រជាពលរដ្ឋ គឺសំដៅបង្កើតឲ្យមានភាពស៊ាំនៅក្នុងសហគមន៍ទប់ទល់នឹងការឆ្លងរាលដាលជំងឺកូវីដ-១៩៕