អាមេរិក៖ នៅក្នុងសុន្ទរកថាមួយផ្សាយតាមកញ្ចក់ទូរទស្សន៍រដ្ឋរបស់អ៊ីរ៉ង់ នៅថ្ងៃអង្គារនេះ មេដឹកនាំកំពូលអ៊ីរ៉ង់ លោក អាយ៉ាតូលឡា អាលី ខាមេនី អះអាងថា លទ្ធផលបោះឆ្នោតប្រធានាធិបតីអាមេរិក នឹងមិនបង្កការរំខានដល់គោលនយោ បាយរបស់អ៊ីរ៉ង់ចំពោះសហរដ្ឋអាមេរិកនោះទេ នេះបើតាមសារព័ត៌មានរ៉យទ័រនៅ ថ្ងៃទី០៤ ខែវិច្ឆិកា ឆ្នាំ២០២០ ។ ស្របពេលជាមួយគ្នានោះដែរ កងកម្លាំងបដិវត្តន៍អ៊ីរ៉ង់ IRGC ក៏បានបញ្ជាក់ដែរថា ខ្លួនមិនមានការចាប់អារម្មណ៍ខ្លាំង ចំពោះនរណាឈ្នះ ឬក៏ចាញ់ក្នុងការបោះឆ្នោតប្រធានាធិបតីអាមេរិកនោះទេ ដោយសារតែគណបក្សអាមេរិកទាំងពីរគឺសាធារណរដ្ឋ និងប្រជាធិបតេយ្យ សុទ្ធតែមាននយោបាយគគ្លើន ចំពោះប្រទេសអ៊ីរ៉ង់ដូចៗគ្នា ។ យ៉ាងណាមិញ បើតាមការយល់ឃើញរបស់អ្នកជំនាញនយោបាយនោះ អ៊ីរ៉ង់ហាក់ដូចជាចង់ឱ្យលោក ចូ បៃដិន ជាប់ឆ្នោតជាប្រធានាធិបតីជាជាងលោក ដូណាល់ ត្រាំ ដ្បិតអ៊ីរ៉ង់សង្ឃឹមថា លោក បៃដិន នឹងអាចស្ដារកិច្ចព្រមព្រៀងនុយក្លេអ៊ែរអ៊ីរ៉ង់ឆ្នាំ២០១៥ឡើងវិញ ខណៈការដាក់ទណ្ឌកម្មលើអ៊ីរ៉ង់ គឺទំនងជាមិនមានការផ្លាស់ប្តូរឡើយ ៕

អាមេរិក៖ យោងតាមការចេញផ្សាយរបស់សារព័ត៌មាន Fox News នៅថ្ងៃទី០៤ ខែវិច្ឆិកា ឆ្នាំ២០២០បានឲ្យដឹងថា បេក្ខជនប្រធានាធិបតីតំណាងឲ្យគណបក្សប្រជាធិបតេយ្យលោក ចូ បៃដិន កំពុងបន្តនាំមុខបេក្ខជនប្រធានាធិបតីតំណាងអោយគណបក្សសាធារណរដ្ឋលោក ដូណាល់ ត្រាំ ក្នុងសំឡេងអ្នកបោះឆ្នោតតំណាង២២៧ ទល់នឹង ២០៤ ។ នេះបើតាមលទ្ធផលបោះឆ្នោតបឋមគិតត្រឹមម៉ោង១២:០៨នាទីថ្ងៃត្រង់ម៉ោងនៅកម្ពុជា ។សំឡេងនេះ ជាសំឡេងមួយដែលមិនឆ្ងាយគ្នាពេកប៉ុន្មាននោះទេ ព្រោះនៅសល់រដ្ឋជាច្រើនទៀតដែលមិនទាន់បានរាប់សន្លឹកឆ្នោត ។ ហេតុនេះសំឡេងអាចនឹងប្រែប្រួល ខណៈអ្នកដែលអាចឈ្នះបាន លុះត្រាតែទទួលបានសំឡេងអ្នកបោះឆ្នោតតំណាងចំនួន ២៧០ ៕

អាមេរិក៖ លោក Mitch McConnell ដែលជាប្រធានក្រុមសំឡេងភាគច្រើនរបស់បក្សសាធារណរដ្ឋ បន្តជាប់ឆ្នោតជាសមាជិកព្រឹទ្ធសភាជាថ្មីប្រចាំរដ្ឋ Kentucky សម្រាប់អាណត្តិទី៧ ខណៈលោក McConnell បានផ្ដួលគូប្រជែងមកពីបក្សប្រជាធិបតេយ្យ នេះបើតាមសារព័ត៌មានរ៉យទ័រនៅថ្ងៃទី០៤ ខែវិច្ឆិកា ឆ្នាំ២០២០ ។ លោក Mitch McConnell ដែលជាសម្ព័ន្ធមិត្តមួយរូបរបស់ប្រធានាធិបតីអាមេរិកលោក ដូណាល់ ត្រាំ ទទួលបាន១.១លានសំឡេង ឬ៥៨ភាគរយ ឈ្នះលោកស្រី Amy McGrath មកពីគណបក្សប្រជាធិបតេយ្យដែលទទួលបានត្រឹមតែ៧សែន៣ម៉ឺនសំឡេង ឬ៣៨ភាគរយ ។ លោក McConnell នឹងបន្តជាសមាជិកព្រឹទ្ធសភាប្រចាំរដ្ឋ Kentucky ដោយមានអាណត្តិរយៈពេល៦ឆ្នាំទៀត ។ លទ្ធផលបណ្តោះអាសន្នសម្រាប់ការបោះឆ្នោតព្រឹទ្ធសភាបង្ហាញថា បក្សប្រជាធិបតេយ្យទទួលបាន៤៣អាសនៈ ចំណែកបក្សសាធារណៈរដ្ឋទទួលបាន៣៨អាសនៈ ។ ចំណែកអាសនៈចំនួន២០ទៀតកំពុងតែបន្តរាប់សន្លឹកឆ្នោត ។ អាសនៈដែលដាក់ឲ្យប្រជែងក្នុងការបោះឆ្នោតលើកនេះមាន៣៥ក្នុងចំណោមអាសនៈសរុប១០០ ។ នៅឯសភាតំណាងវិញ សមាជិកទាំងអស់មានចំនួន៤៣៥រូប នឹងត្រូវធ្វើការបោះឆ្នោតសារជាថ្មី ។ សមាជិកសភាតំណាងមានអាណត្តិ២ឆ្នាំ ។ បើតាមលទ្ធផលបណ្ដោះអាសន្នដែលចេញផ្សាយដោយកាសែត New York Times នោះ បក្សសាធារណរដ្ឋបានអាសនៈ៨៤…

អាមេរិក៖ យោងតាមការចេញផ្សាយរបស់សារព័ត៌មាន Fox News នៅថ្ងៃទី០៤ ខែវិច្ឆិកា ឆ្នាំ២០២០បានអោយដឹងថា បេក្ខជនប្រធានាធិបតីតំណាងឲ្យគណបក្សប្រជាធិបតេយ្យលោក ចូ បៃដិន កំពុងបន្តនាំមុខបេក្ខជនប្រធានាធិបតីតំណាងឲ្យគណបក្សសាធារណរដ្ឋលោក ដូណាល់ ត្រាំ ក្នុងសំឡេងអ្នកបោះឆ្នោតតំណាង២២៣ ទល់នឹង ១៤៨ ។ នេះបើតាមលទ្ធផលបោះឆ្នោតបឋមគិតត្រឹមម៉ោង១១:៣៦នាទីព្រឹកនេះម៉ោងនៅកម្ពុជា ។សំឡេងនេះ ជាសំឡេងមួយដែលមិនឆ្ងាយគ្នាពេកប៉ុន្មាននោះទេ ព្រោះនៅសល់រដ្ឋជាច្រើនទៀតដែលមិនទាន់បានរាប់សន្លឹកឆ្នោត ។ ហេតុនេះសំឡេងអាចនឹងប្រែប្រួល ខណៈអ្នកដែលអាចឈ្នះបាន លុះត្រាតែទទួលបានសំឡេងអ្នកបោះឆ្នោតតំណាងចំនួន ២៧០ ៕

អាមេរិក៖ យោងតាមការចេញផ្សាយរបស់សារព័ត៌មាន Fox News នៅថ្ងៃទី០៤ ខែវិច្ឆិកា ឆ្នាំ២០២០បានឲ្យដឹងថា បេក្ខជនប្រធានាធិបតីតំណាងឲ្យគណបក្សប្រជាធិបតេយ្យលោក ចូ បៃដិន កំពុងបន្តនាំមុខបេក្ខជនប្រធានាធិបតីតំណាងឲ្យគណបក្សសាធារណរដ្ឋលោក ដូណាល់ ត្រាំ ក្នុងសំឡេងអ្នកបោះឆ្នោតតំណាង២០៧ ទល់នឹង ១៤៨ ។ នេះបើតាមលទ្ធផលបោះឆ្នោតបឋមគិតត្រឹមម៉ោង១១:១០នាទីព្រឹកនេះម៉ោងនៅកម្ពុជា ។ សំឡេងនេះ ជាសំឡេងមួយដែលមិនឆ្ងាយគ្នាពេកប៉ុន្មាននោះទេ ព្រោះនៅសល់រដ្ឋជាច្រើនទៀតដែលមិនទាន់បានរាប់សន្លឹកឆ្នោត ។ ហេតុនេះសំឡេងអាចនឹងប្រែប្រួល ខណៈអ្នកដែលអាចឈ្នះបាន លុះត្រាតែទទួលបានសំឡេងអ្នកបោះឆ្នោតតំណាងចំនួន ២៧០ ៕