ភ្នំពេញ៖ ឯកឧត្តម ប៉ាន សូរស័ក្ដិ រដ្ឋមន្ត្រីក្រសួងពាណិជ្ជកម្ម បានទទួលជួប​ពិភាក្សាជាមួយ​លោក ថាស៊ីឡូ ព្រីនសឺ (Tassilo Brinzer) ប្រធានថ្មីនៃសភាពាណិជ្ជកម្មអឺរ៉ុបប្រចាំនៅកម្ពុជា ដើម្បីពិភាក្សាការងារ និងពង្រឹកិច្ច​សហប្រតិបត្តិការជាមួយក្រសួងពាណិជ្ជកម្ម កាលពីព្រឹកថ្ងៃទី២២ ខែតុលា ឆ្នាំ២០២០ នេះ នៅទីស្តីការ​ក្រសួង ។ ឯកឧត្តម រដ្ឋមន្ត្រីក្រសួងពាណិជ្ជកម្ម បានបញ្ជាក់ជូននូវកិច្ចសហប្រតិបត្តិការដ៏ល្អរវាងក្រសួងពាណិជ្ជកម្ម និង​សភាពាណិជ្ជកម្មអឺរ៉ុបប្រចាំនៅកម្ពុជាកន្លងមក ក៏ដូចជាធ្វើបច្ចុប្បន្នភាពជូនអំពីការ​អនុម័តច្បាប់ថ្មីៗ ដូចជា ច្បាប់​ស្ដីពី​ពាណិជ្ជកម្ម​តាមប្រព័ន្ធអេឡិចត្រូនិក ច្បាប់ការពារអ្នកប្រើប្រាស់  និងការរៀបចំសេចក្ដីព្រាង​ច្បាប់ប្រកួត​ប្រជែង​ជាដើម។ លើសពីនេះ ឯកឧត្តម រដ្ឋមន្ត្រី ក៏បានបញ្ជាក់​បន្ថែម​ជូនដល់​ប្រតិភូនៃសភាពាណិជ្ជកម្មអឺរ៉ុប អំពីកិច្ចព្រមព្រៀង​ពាណិជ្ជកម្ម​សេរីដែលកម្ពុជាបានបញ្ចប់ជាមួយសាធារណរដ្ឋប្រជាមានិតចិន កិច្ចព្រមព្រៀងពាណិជ្ជកម្មសេរី ដែល​កម្ពុជា​កំពុងចរចាជាមួយសាធារណរដ្ឋកូរ៉េ និងការត្រៀមចរចាជាមួយប្រទេសជាដៃគូសំខាន់ៗដទៃទៀតជាដើម។  តាមរយៈ​កិច្ចប្រជុំនេះ  ឯកឧត្តម ប៉ាន សូរស័ក្តិ បានលើកទឹកចិត្តឲ្យប្រតិភូនៃសភាពាណិជ្ជកម្មអឺរ៉ុបប្រចាំនៅ​​កម្ពុជា ចូលរួមកម្មវិធី ឬព្រឹត្តិការណ៍ពិព័រណ៍ពាណិជ្ជកម្ម និងជំនួបពាណិជ្ជកម្មជាមួយអ្នកធុរកិច្ចកម្ពុជា  និង​បានស្នើឲ្យកិច្ច​សហប្រតិបត្តិការ​ពីសភាពាណិជ្ជកម្មអឺរ៉ុប ប្រចាំនៅកម្ពុជា ក្នុង​ការចូលរួមរៀបចំវេទិកាធុរៈកិច្ចនានា​នៅក្នុង​កិច្ចប្រជុំ​អាស៊ី-អឺរ៉ុប (ASEM) លើកទី១៣ នៅកម្ពុជា នាពេលខាងមុខផងដែរ។ លោក លោក ថាស៊ីឡូ ព្រីនសឺ…

លោក គង់ គឹមនី អភិបាលរងខេត្តក្រចេះ ព្រឹកថ្ងៃទី ២២ ខែតុលា ឆ្នាំ២០២០ បានដឹកនាំមន្ត្រី​ជំនាញ​នៃមន្ទីរពាក់ព័ន្ធ និងអាជ្ញាធរស្រុកសំបូរ ចុះធ្វើការត្រួតពិនិត្យជាក់ស្ដែងនៅទីតាំង​ដីក្រុម​ហ៊ុន​សម្បទាន​សេដ្ឋកិច្ច(CHPB) development  ដែលស្ថិតនៅក្នុងឃុំកំពងចាម ស្រុកសំបូរ ខេត្តក្រចេះ គណៈ​ក្រុមហ៊ុនមួយនេះត្រូវបានក្រុមជនអនាធិបតេយ្យធ្វើសកម្មភាពកាប់ទន្ទ្រាន នឹងសាងសង់​ផ្ទះនៅលើដីរបស់ក្រុមហ៊ុន នេះ ។ ការចុះពិនិត្យមើលទីតាំងដីសម្បទាន ខាងលើគឺធ្វើឡើងបន្ទាប់ពី ខាងភាគីក្រុមហ៊ុន​បានស្នើរដល់អាជ្ញាធរ​ខេត្តក្រចេះ និងក្រសួង មន្ទីរពាក់ពន្ធ័ ជួយទប់ស្កាត់ការកាប់រានដីព្រៃរបស់ក្រុមហ៊ុន ធ្វើជាកម្មសិទ្ឋ ពីសំណាក់ពលរដ្ឋចំណាកស្រុកជាច្រើនគ្រួសារ ដែលកំពុងនាំគ្នាកាប់រានដីព្រៃក្រុមហ៊ុន ធ្វើជាកម្មសិទ្ឋផ្តាល់ខ្លួនកាលពីពេលថ្មីៗកន្លងទៅនេះ ។ លោក ជា ចំរើន តំណាងក្រុមហ៊ុនដីសម្បទានសេដ្ឋកិច្ចមួយនេះ បានបញ្ជាក់ឲ្យដឹងថា ក្រុមហ៊ុន​សម្បទាន​សេដ្ឋកិច្ច  (CHPB) development មានផ្ទៃដីចំនួន១២១៩០ហិកតា  សម្រាប់វិនិ​យោគ​ដាំដំណាំ​កសិឧស្សាហកម្ម ដាំកៅស៊ូ ស្ថិតនៅក្នុងស្រុកព្រែកប្រសព្វ និងស្រុកសំបូរ ខេត្តក្រចេះ តែបច្ចុប្បន្ននេះ ដីព្រៃក្រុមហ៊ុនមួយផ្នែកធំ កំពុងរងការកាប់ទន្ទ្រានពីសំណាក់ពលរដ្ឋចំណាកស្រុក យកធ្វើជាកម្មសិទ្ឋ និងបានសាងសង់សំណង់អនាធិបតេយ្យ សង់ជាកូនផ្ទះតូចៗ ដាំដើមចែក លើដីក្រុមហ៊ុននោះទៀតផង។ លោកបន្តថា ក្រុមពលរដ្ឋចំណាកស្រុកជាច្រើនគ្រួសារ បាននាំគ្នា…

ថ្នាក់ដឹកនាំខេត្តស្ទឹងត្រែង នៅព្រឹកថ្ងៃទី២២ ខែតុលា ឆ្នាំ២០២០ បានដឹកក្រុមការងារ ចុះទៅសួរសុខទុក្ខ និងនាំយកនូវអំណោយរបស់សម្តេចតេជោ ហ៊ុន សែន នាយករដ្ឋមន្ត្រី និងសម្តេចកិត្ដិព្រឹទ្ធបណ្ឌិត ប៊ុន    រានី ហ៊ុនសែន ប្រធានកាកបាទក្រហមកម្ពុជា ជូនដល់ប្រជាពលរដ្ឋរងគ្រោះ ដោយជំនន់ទឹកភ្លៀង ចំនួន.៤១១ គ្រួសារ មកពីឃុំ ចំនួន ៣  រួមមាន៖ ឃុំកាំងចាម ឃុំអន្លង់ជ្រៃ និងឃុំស្រែឬស្សី  ស្ថិតក្នុងស្រុកថាឡាបរិវ៉ាត់ ខេត្តស្ទឹងត្រែង ។ ពិធីចែកអំណោយនេះប្រារព្ធធ្វើ នៅទីតំាងបរិវេណសាលាឃុំកាំងចាម ដោយមានប្រជាពលរដ្ឋដែលរងគ្រោះដោយ ជំនន់ទឹកភ្លៀង ចំនួន ១១៦ គ្រួសារ ។ និងទីតាំង១ទៀត ស្ថិតក្នុង បរិវេណអនុវិទ្យាល័យស្រែឬស្សី  ក្នុងឃុំស្រែឬស្សី មានចំនួន២៩៥ គ្រួសារ   ។ ឯកឧត្តម ម៉ុម សារឿន អភិបាលខេត្ត បានលើកឡើងថា.  អំណោយដែលបានផ្តល់ជូនប្រជាពលរដ្ឋ ដែលរងគ្រោះដោយសារជំនន់ទឹកភ្លៀង នាពេលនេះ ជាទឹកចិត្តដ៏ថ្លៃថ្លារបស់សម្តេចតេជោ ហ៊ុន សែន…

រដ្ឋមន្រ្តីក្រសួងកសិកម្ម ដឹកនាំកិច្ចប្រជុំសំខាន់ៗចំនួន៣ក្នុងក្របខ័ណ្ឌអាស៊ាន តាមប្រព័ន្ធវីដេអូ Conferenc ឯកឧត្តម វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ កាលពីថ្ងៃទី២១ ខែតុលា    ឆ្នាំ២០២០ បានដឹកនាំកិច្ចប្រជុំចំនួន៣ក្នុងក្របខ័ណ្ឌអាស៊ាន តាមប្រព័ន្ធវីដេអូ គឺ ១. កិច្ចប្រជុំលើកទី៤២ រដ្ឋមន្រ្តីកសិកម្ម និងព្រៃឈើអាស៊ាន ២. កិច្ចប្រជុំលើកទី២០ រដ្ឋមន្រ្តីកសិកម្ម និងព្រៃឈើអាស៊ាននិងប្រទេសបូក៣ (ចិន កូរ៉េ និងជប៉ុន) និង ៣. កិច្ចប្រជុំលើកទី៦  រដ្ឋមន្រ្តីកសិកម្ម និងព្រៃឈើអាស៊ាន ឥណ្ឌា។ ក្នុងកិច្ចប្រជុំដ៏មានសារៈសំខាន់នេះ រដ្ឋមន្រ្តីកសិកម្ម និងព្រៃឈើអាស៊ានលើកទី៤២ និងកិច្ចប្រជុំអមជាមួយផ្សេងទៀត ពិនិត្យ និងពិភាក្សាលើ៖ ១. ការផ្លាស់ប្តូរទិដ្ឋភាពទូទៅក្នុងការឆ្លើយតបទៅនឹងផលប៉ះពាល់ពីជម្ងឺកូវីដ ១៩ លើវិស័យចំណីអាហារ កសិកម្ម និងព្រៃឈើ និងពិភាក្សាលើលទ្ធភាពសម្រាប់កិច្ចសហប្រតិបត្តិការក្នុងការកាត់បន្ថយផលប៉ះពាល់នៃការរាតត្បាត និងជួយគាំទ្រគ្នាទៅវិញទៅមកនៅក្រោយពេលបញ្ចប់ការរាតត្បាត។ ២. របាយការណ៍វឌ្ឍនៈភាពនៃការអនុវត្តក្របខ័ណ្ឌគោលនយោបាយ ពាក់ព័ន្ធទៅនឹងកិច្ចសហប្រតិបត្តិការអាស៊ាន លើវិស័យចំណីអាហារ កសិកម្ម និងព្រៃឈើ ២០១៩-២០២០។ ៣.…