(ភ្នំពេញ)៖ ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន បានលើកឡើងថា វិស័យកំពង់ផែ នៅតែបន្តចាត់ទុកជាវិស័យអាទិភាព ដែលបាន និងកំពុងរួមចំណែកជំរុញកំណើនសេដ្ឋកិច្ចជាតិ ឱ្យឆ្ពោះទៅសម្រេចបាន ចក្ខុវិស័យកម្ពុជាឆ្នាំ២០៥០ ។ ឯកឧត្តម ប៉េង ពោធិ៍នា បានមានប្រសាសន៍ដូច្នេះក្នុងឱកាសអញ្ជើញជាអធិបតី បើកមហាសន្និបាតភាគហ៊ុនិក លើកទី១០ របស់កំពង់ផែស្វយ័តភ្នំពេញ នៅថ្ងៃទី៩ ខែឧសភា ឆ្នាំ២០២៥ ។ ឯកឧត្តមរដ្ឋមន្ត្រីក្រសួងសាធារណការ បានថ្លែងថា វិស័យកំពង់ផែ ត្រូវបានសម្តេចតេជោ ហ៊ុន សែន អតីតនាយករដ្ឋមន្ត្រី និងបច្ចុប្បន្នជាប្រធានព្រឹទ្ធសភាកម្ពុជា និង បន្តមកដល់រាជរដ្ឋាភិបាល អាណត្តិទី៧ ដែលដឹកនាំដោយ សម្តេចធិបតី ហ៊ុន ម៉ាណែត នាយករដ្ឋមន្ត្រី នៅតែបន្តចាត់ទុកជាវិស័យអាទិភាពមួយ ក្នុងចំណោមវិស័យអាទិភាពនានា ដែលបាន និងកំពុងរួមចំណែកទ្រទ្រង់ និងជំរុញកំណើនសេដ្ឋកិច្ចជាតិ ឱ្យឆ្ពោះទៅមុខ ដើម្បីឈានទៅសម្រេចបាន នូវចក្ខុវិស័យកម្ពុជាឆ្នាំ២០៥០ ជាប្រទេសមានចំណូលខ្ពស់ ។ ឯកឧត្តមរដ្ឋមន្ត្រី បានបន្ថែមថា បើពិនិត្យទៅលើស្ថានភាពភាគហ៊ុនរបស់កំពង់ផែស្វយ័តភ្នំពេញ ដែលបានរាយការណ៍កន្លងមក…

ភ្នំពេញ៖ អ្នកនាំពាក្យក្រសួងព័ត៌មានឯកឧត្តម ទេព អស្នារិទ្ធ បានធ្វើការជំរុញដល់ក្រុមមន្រ្តីពត៌មានត្រូវធ្វើសកម្មភាពឳ្យបានខ្លាំងក្លាថែមទៀតតាមរយៈធ្វើការផ្សព្វផ្សាយបញ្ជ្រាបអំពី«គ្រោះថ្នាក់នៃពត៌មានក្លែងក្លាយ»នៅតាមបណ្តាសាលារៀន សហគមន៍និងដល់មូលដ្ឋានរបស់បងប្អូនប្រជាពលរដ្ឋធ្វើយ៉ាងណាឳ្យបងប្អូនប្រជាពលរដ្ឋជាពិសេសយុវវ័យដើម្បីឳ្យមានការយល់ដឹងកាន់តែច្បាស់លាស់ពីគ្រោះថ្នាក់នៃពត៌មានក្លែងក្លាយ។   ថ្លែងនៅក្នុងឱកាសចូលរួមកិច្ចប្រជុំតម្រង់ទិសការងារព័ត៌មាននិងសាធារណមតិ និងការអនុវត្តយុទ្ធនាការ «និយាយថាទេចំពោះព័ត៌មានក្លែងក្លាយ» ដល់មន្រ្តីនៃមន្ទីរព័ត៌មានខេត្តតាកែវនៅថ្ងៃ សុក្រ ទី ១០ ខែឧសភា ឆ្នាំ ២០២៥ អ្នកនាំពាក្យក្រសួងពត៌មានឯកឧត្តម ទេព អស្នារិទ្ធ បានមានប្រសាសន៍ថា គិតត្រឹមត្រីមាសទី១ ឆ្នាំ២០២៥ ក្រសួងព័ត៌មាន តាមរយៈគណៈកម្មការប្រឆាំងព័ត៌មានក្លែងក្លាយរបស់ខ្លួន បានកត់ត្រា ព័ត៌មានក្លែងក្លាយ សរុបចំនួន ៨៨៤ករណី។ លោកបានបន្តថា ក្នុងឆ្នាំ២០២៤ ព័ត៌មានក្លែងក្លាយ មានការកើនឡើងរហូតដល់ ១៤ភាគរយ បើធៀបនឹងឆ្នាំ២០២៣។ការកើនឡើងនៃព័ត៌មានក្លែងក្លាយស្របពេលដែលការប្រើប្រាស់តាមបណ្ដាញសង្គម ហ្វេសប៊ុក ទីកតុក តេឡេក្រាម អ៊ីនស្តាក្រាមជាពិសេសការប្រើបច្ចេកវិទ្យាទំនើប និងបញ្ញាសិប្បនិម្មិត មានសន្ទុះកើនឡើងកាន់តែខ្លាំងឡើងនៅក្នុងប្រទេសកម្ពុជា។ ដូច្នេះដើម្បីទប់ស្កាត់ពត៌មានក្លែងក្លាយកុំឱ្យបង្កគ្រោះថ្នាក់ដល់ប្រជាពលរដ្ឋ ដល់សង្គម ជាពិសេសដល់យុវវ័យ ដែលកម្ពុជាយើងមានយុវវ័យចំនួនប្រមាណ ៦៦ភាគរយនៃចំនួនប្រជាជនសរុប យើងទាំងអស់គ្នាត្រូវចុះទៅផ្សព្វផ្សាយដោយផ្ទាល់ដល់សិស្សានុសិស្សតាមសាលារៀន តាមសហគមន៍និងនៅតាមភូមិឃុំបងប្អូនប្រជាពលរដ្ឋរស់នៅ។បើតាមឯកឧត្តម ទេព អស្នារិទ្ធ ដើម្បីបន្សាបព័ត៌មានក្លែងក្លាយ មន្រ្តីពាក់ព័ន្ធទាំងអស់ត្រូវធ្វើសកម្មភាពអោយបានខ្លាំងក្លាតាមរយៈលើកកម្ពស់ការផ្សព្វផ្សាយតែព័ត៌មានពិត មានក្រមសីលធម៌វិជ្ជាជីវៈ មានប្រភពព័ត៌មានច្បាស់លាស់ មានភាពត្រឹមត្រូវអាចទុកចិត្តបាន…

(ភ្នំពេញ)៖ ក្រសួងការពារជាតិ សូមច្រានចោល និងថ្កោលទោស ការចោទប្រកាន់ដោយគ្មានមូលដ្ឋានរបស់ ជនអគតិមួយចំនួន ដែលថាកម្ពុជាបានដកទ័ពចេញពីតំបន់ដែលខ្លួនកំពុងគ្រប់គ្រងក្នុងដែនអធិបតេយ្យរបស់ កម្ពុជា។ នេះគឺជាចេតនាដ៏អាក្រក់ មានគោលបំណងញុះញង់ បំបែកបំបាក់ផ្ទៃក្នុងជាតិ និងទំនាក់ទំនងល្អ ជាមួយប្រទេសជិតខាង។ នេះបើយោងតាមសេចក្តីជូនដំណឹងរបស់ក្រសួងការពារ ចេញនៅថ្ងៃទី៩ ខែឧសភា ឆ្នាំ២០២៥ ។ សេចក្តីជូនដំណឹងដដែល បានឱ្យដឹងថា ភាគីទាំងពីរ កម្ពុជា-ថៃ នៅតែរក្សាការឈរជើងជាសហភាគីនៅប្រាសាទតាមាន់ ដោយភាគីម្ខាងៗរក្សាកង កម្លាំងចំនួនប្រាំនាក់។ ភាគីទាំងពីរ ពុំបានលើកឡើងពីការដកកម្លាំងទ័ពចេញពីប្រាសាទតាមាន់ទេ ប៉ុន្តែបាន ប្តេជ្ញាបន្តការប្រាស្រ័យទាក់ទងគ្នាជាធម្មតា និងជូនដំណឹងគ្នាទៅវិញទៅមកឱ្យបានជាប់លាប់ជាប្រចាំ សំដៅ បង្ការរាល់ការប៉ះទង្គិច ឬការយល់ច្រលំណាមួយ ដែលអាចកើតឡើងជាយថាហេតុ៕ ដោយ ៖ ង៉ាន់ ទិត្យ

(ភ្នំពេញ)៖ រាជរដ្ឋាភិបាលកម្ពុជា យកចិត្តទុកដាក់គិតគូរគ្រប់គ្រង និងអភិរក្សតំបន់រមណីយដ្ឋានបេតិកភណ្ឌពិភពលោកអង្គរឱ្យមានរបៀបរៀបរយនិងព្យាយាមដោះស្រាយបញ្ចប់វិវាទទាំងស្រុងរវាងប្រជាជនដែលរស់នៅក្នុង ១១៤ ភូមិនៃតំបន់បេតិកភណ្ឌអង្គរ ជាមួយនឹងអាជ្ញាធរជាតិអប្សរា ។ ថ្លែងក្នុងកិច្ចប្រជុំពិគ្រោះយោបល់លើការរៀបចំលក្ខខណ្ឌនៃការប្រើប្រាស់ដី និងការគ្រប់គ្រងនៅរមណីយដ្ឋានបេតិកភណ្ឌពិភពលោកអង្គរ នារសៀលថ្ងៃទី៨ ខែឧសភា ឆ្នាំ២០២៥ នៅទីស្ដីការក្រសួង ឯកឧត្តមឧបនាយករដ្ឋមន្ត្រី សាយ សំអាល់ រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ បានលើកឡើងថា ស្របតាមការប្រែប្រួលនៃប្រជាសាស្ត្រ និងស្ថានភាពវិវត្តន៍នៃសង្គម សេដ្ឋកិច្ចកម្ពុជា និងស្ថានការណ៍វិវត្តន៍នៃនយោបាយ និងសេដ្ឋកិច្ចរបស់ពិភពលោកផងនោះ ធ្វើឱ្យចំនួនភ្ញៀវទេសចរណ៍ដែលមកទស្សនាកម្សាន្តប្រាសាទអង្គរវត្តមានការប្រែប្រួល ដូច្នេះទើបក្រុមការងារបានចាប់ផ្ដើមធ្វើការវាយតម្លៃឡើងវិញ ស្របតាមការកំណត់របស់រាជរដ្ឋាភិបាលកម្ពុជា ជាពិសេសសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី ក្នុងនីតិកាលទី៧ នេះ ដែលយើងចង់បានការគ្រប់គ្រងមួយមានភាពជាក់លាក់ ក្នុងតំបន់បេតិកភណ្ឌពិភពលោកអង្គរ ហើយក៏ត្រូវបញ្ចប់ទាំងស្រុងនូវវិវាទរវាងប្រជាជនដែលរស់នៅក្នុង ១១៤ ភូមិក្នុងតំបន់បេតិកភណ្ឌអង្គរជាមួយនឹងអាជ្ញាធរជាតិអប្សរាផងដែរ ។ ចំណែកឯការទទួលខុសត្រូវក៏ត្រូវកំណត់ឡើងវិញចំពោះរដ្ឋបាលមូលដ្ឋាន អាជ្ញាធរជាតិអប្សរា ហើយក្រសួងរៀបចំដែនដីនគរូបនីយកម្មនិងសំណង់ និងសហការីនៃក្រសួងវប្បធម៌ និងវិចិត្រសិល្បៈ គឺជាអ្នកទទួលខុសត្រូវចំពោះមុខរាជរដ្ឋាភិបាល និងប្រជាជនកម្ពុជានូវការរៀបចំលក្ខខណ្ឌនៃការប្រើប្រាស់ដី និងការគ្រប់គ្រងនៅរមណីយដ្ឋានបេតិកភណ្ឌអង្គរ ។ ឯកឧត្តមឧបនាយករដ្ឋមន្ត្រី បញ្ជាក់ថា ខឿនសេដ្ឋកិច្ចនៅខេត្តសៀមរាប គឺពឹងផ្អែកទៅលើទេសចរណ៍ ដូច្នេះតាមរយៈកិច្ចប្រជុំនេះ…

(ភ្នំពេេញ)៖ សម្ដេចធិបតី ហ៊ុន ម៉ាណែត បានលើកឡើងថា កម្ពុជា ជាប្រទេសដ៏ចំណាស់មួយ មានវប្បធម៌សម្បូរបែប ហើយគុណតម្លៃនៃវប្បធម៌ខ្មែរ ផ្អែកលើ​មូលដ្ឋានព្រះពុទ្ធសាសនា, ជាពិសេស វប្បធម៌កតញ្ញូ, មេត្តា, ករុណា និងអហិង្សា ជាគោលការណ៍​សំខាន់សម្រាប់រស់នៅក្នុងសង្គមជាមួយគ្នាឱ្យបានល្អប្រសើរ ទាំងក្នុងគ្រួសារ និងសង្គមជាតិ ។ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានថ្លែងដូច្នេះ ក្នុងពិធីសម្ពោធឆ្លងអគារអន្តេវាសិកដ្ឋាន “តេជោសន្តិភាព” និងសមិទ្ធផលនានា នៅពុទ្ធិកសាកលវិទ្យាល័យ ព្រះសីហនុមុនីរាជា ស្ថិតក្នុងបរិវេណវត្តស្វាយពពែ នាព្រឹកថ្ងៃសុក្រ ទី៩ ខែឧសភា ឆ្នាំ២០២៥ ។ សម្ដេចធិបតី មានប្រសាសន៍ថា ការអប់រំ មានឥទ្ធិពលវិជ្ជមានលើកំណើនសេដ្ឋកិច្ច តាមរយៈ យន្តការចំនួន៣ គឺ៖ ១/​ ការអប់រំបង្កើន​មូលធនមនុស្សនៅក្នុងកម្លាំងពលកម្មសរុបរបស់ជាតិ ដែលជាកត្តាចាំបាច់សម្រាប់បង្កើនផលិតភាព, ពលកម្ម និងជំរុញកំណើន ឆ្ពោះដល់កម្រិតថ្មីមួយកម្រិតទៀត, ២/ ការអប់រំបង្កើនសមត្ថភាពក្នុងការ​ធ្វើនវានុវត្តន៍ក្នុងសេដ្ឋកិច្ច ព្រមទាំងបង្កើនចំណេះដឹង សម្រាប់ចាប់យកបច្ចេកវិទ្យាថ្មីៗ និងអភិវឌ្ឍ​ផលិតផលថ្មី ដើម្បីជួយលើកកម្ពស់កំណើនសេដ្ឋកិច្ច និង៣/…

(​ភ្នំពេញ)៖ ​សម្តេចមហាបវរ​ធិ​បតី ហ៊ុន ម៉ា​ណែ​ត នាយក​រដ្ឋមន្ត្រី ​នៃព្រះរាជាណាចក្រ​កម្ពុជា បាន​គសបញ្ជាក់​ថា ​ប្រទេស​ជាតិ​មួយដែល​មានការ​អភិវឌ្ឍន៍​​លើ​គ្រប់​វិស័យ​ទៅ​បាន ដោយ​សារ​​មានការ​កសាង​មូលធន​មនុស្ស​ជា​មូលដ្ឋាន ។ ​ការ​ថ្លែង​របស់​សម្តេចធិ​បតីដូច្នេះ ​នៅ​ក្នុង​ឱកាស​ដែល​សម្តេច និង​លោក​ជំទាវបណ្ឌិត ពេ​ជ ចន្ទ​មុន្នី ហ៊ុន​ ម៉ា​ណែ​ត អញ្ជើញ​ជា​អធិបតី​ក្នុង​ពិធី​សម្ពោធ​អគារ​អន្តេវាសិកដ្ឋាន «​តេ​ជោ​សន្តិភាព​» និង​​សមិទ្ធផល​នានា​ក្នុង​វត្ត​ស្វាយ​ពពែ ស្ថិត​នៅ​សង្កាត់​ទន្លេបាសាក់ ខណ្ឌចំការមន រាជធានី​ភ្នំពេញ នា​ព្រឹក​ថ្ងៃ​ទី​០៩ ខែឧសភា ឆ្នាំ​២០២៥ ។ សម្តេច​ធិ​បតី ហ៊ុន ម៉ា​ណែ​ត បានថ្លែងដោយ​សុទិដ្ឋិនិយម​ថា ពុទ្ធិក​សាកលវិទ្យាល័យ​ព្រះ​សីហ​មុនី​រាជា ជា​គ្រឹះស្ថាន​អប់រំ​មួយ ដែល​បាន​រួមចំណែក ដល់​ការ​បំពេញបេសកកម្ម​បណ្តុះបណ្តាល​សមណ​និស្សិត និស្សិត ឱ្យ​ក្លាយជា​មូលធន​បញ្ញា ប្រកបដោយ​គុណភាព សមត្ថភាព ឧត្តមភាព​សីល្ប​ធម៌ និង​មនសិការ​វិជ្ជាជីវៈ ដើម្បី​ឆ្លើយ​តប​នឹង​តម្រូវការ​ទាំង​ក្នុង​ក្រប​ខណ្ឌ​ជាតិ​អន្តរជាតិ និង​ស្រប​តាម​គោលនយោបាយ​របស់​រាជរដ្ឋាភិបាល​នៅ​ក្នុង​ការ​ពង្រឹង​ធនធានមនុស្ស​ទាំង​គុណភាព និង​បរិមាណ ។ លើស​ពី​នេះ សម្តេច​ធិ​បតី ​ក៏​បាន​លើក​ឡើងដែរ​ថា​ តាម​ការ​សិក្សា​ស្រាវជ្រាវ ​ពី​សម័យ​កា​ល​មួយ​ទៅ​សម័យ​កា​ល​មួយ យើង​អាច​សន្និដ្ឋាន​ថា ប្រទេស​ជាតិ​មួយ ដែល​មានការ​អភិ​វ​ឌ្ឍ​ន៍​លើ​គ្រប់​វិស័យ​ទៅ​បាន​ ដោយសារ​មានការ​កសាង​មូលធន​មនុស្ស​ជា​មូល​ដ្ឋាន ។…

(ភ្នំពេញ)៖ ឯកឧត្តមឧបនាយករដ្ឋមន្ត្រី សាយ សំអាល់ រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ ក្នុងកិច្ចប្រជុំពិភាក្សាលើការប្រើប្រាស់ឥណទានពីក្រៅប្រទេស ដើម្បីស្ដារវិស័យអចលនទ្រព្យនៅកម្ពុជា ដែលបានធ្វើឡើងនៅទីស្ដីការក្រសួង នាថ្ងៃទី៨ ខែឧសភា ឆ្នាំ២០២៥ ក្នុងគោលបំណងដើម្បីជូនដំណឹងទាក់ទិននឹងអត្រាការប្រាក់ដែលធនាគារចិនបានផ្តល់ជូន ដែលនេះជាកិច្ចការដ៏ល្អមួយសម្រាប់ធនាគារ និងមីក្រូហិរញ្ញវត្ថុនៅក្នុងប្រទេសកម្ពុជា ។ ឯកឧត្តមឧបនាយករដ្ឋមន្ត្រី សាយ សំអាល់ បញ្ជាក់ឱ្យដឹងថា កិច្ចប្រជុំនាពេលនេះធ្វើឡើងក្នុងគោលបំណងដើម្បីជូនដំណឹងទាក់ទិននឹងអត្រាការប្រាក់ដែលធនាគារចិនបានផ្តល់ជូន ដែលនេះជាកិច្ចការដ៏ល្អមួយសម្រាប់ធនាគារ និងមីក្រូហិរញ្ញវត្ថុនៅក្នុងប្រទេសកម្ពុជា ។ ការជួបជុំគ្នានាពេលនេះក៏ដើម្បីជជែកពិភាក្សា និងស្នើសុំឱ្យមានការយោគយល់គ្នាទៅវិញទៅមក អំពីការសម្រួលលើឧស្សាហកម្មកម្ចីប្រាក់ដើម្បីទិញផ្ទះ ដែលកត្តានេះនឹងជួយសម្រួលលើផលប៉ះពាល់ដល់អាយុជីវិតប្រទេសជាតិនិងរាជរដ្ឋាភិបាលកម្ពុជា ។ បច្ចុប្បន្ន ក្រសួងរៀបចំដែនដី នគរូបនីយកម្ម និងសំណង់ បានដោះស្រាយវិវាទបុរីអស់ជាច្រើនករណី ដើម្បីឱ្យប្រជាពលរដ្ឋជាអតិថិជនរបស់បុរីមានទំនុកចិត្ត ចំពោះរាជរដ្ឋាភិបាលកម្ពុជាដែលខិតខំរិះរកដំណោះស្រាយសមស្របរវាងពួកគាត់និងម្ចាស់បុរី ។ ជាមួយនេះក្រសួងក៏បានជួយដោះស្រាយសម្របសម្រួលលើអត្រាការប្រាក់ ជាមួយបណ្ដាធនាគារ និងមីក្រូហិរញ្ញវត្ថុនានា ក្នុងកម្ចីទិញផ្ទះសម្រាប់ប្រជាពលរដ្ឋ ដើម្បីឱ្យពួកគាត់មានលទ្ធភាពទិញលំនៅឋានរស់នៅសមរម្យ និងជួយលើកស្ទួយការប្រើប្រាស់ប្រាក់រៀល និងរក្សាស្ថេរភាពប្រាក់រៀលផងដែរ ។ នៅក្នុងកិច្ចប្រជុំក្រុមការងារក្រសួងរៀបចំដែនដី នគរូបនីយកម្ម និងសំណង់ និងវិស័យឯកជន ដែលមានការចូលរួមរបស់ធនាគារជាតិ សមាគមអ្នកអភិវឌ្ឍន៍លំនៅឋាន សមាគមធនាគារនៅកម្ពុជា សមាគមមីក្រូហិរញ្ញវត្ថុ សមាគមអ្នកសាងសង់កម្ពុជា…

(ឌីលី)៖ នៅរសៀលម៉ោង ១៣ ម៉ោងនៅទីម័រឡេស្តេ ត្រូវនឹងម៉ោង ១ ម៉ោងនៅរាជធានីភ្នំពេញ ថ្ងៃទី០៩ ខែឧសភា ឆ្នាំ២០២៥ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា បានអញ្ជើញដឹកនាំគណៈប្រតិភូជាន់ខ្ពស់កម្ពុជា ធ្វើដំណើរចាកចេញពី អាកាសយានដ្ឋានអន្តរជាតិ នីកូឡៅ លូបាតូ រាជធានីឌីលី ដោយជើងយន្តហោះពិសេស និវត្តមកកាន់ព្រះរាជាណាចក្រកម្ពុជាវិញ បន្ទាប់ពីបានបំពេញទស្សនកិច្ចការងារនៅសាធារណរដ្ឋឥណ្ឌូណេស៊ី ពីថ្ងៃទី៥ ដល់ថ្ងៃទី៧ ខែឧសភា ឆ្នាំ២០២៥ និងបន្តបំពេញទស្សនកិច្ចផ្លូវការ នៅសាធារណរដ្ឋប្រជាធិបតេយ្យទីម័រឡេស្តេ ចាប់ពីថ្ងៃទី៧ ដល់ថ្ងៃទី៩ ខែឧសភា ឆ្នាំ២០២៥ ប្រកបដោយលទ្ធផលត្រចះត្រចង់ ៕ ដោយ ៖ វណ្ណលុក

(ភ្នំពេញ)៖ គិតរហូតមកដល់ពេលនេះប្រជាពលរដ្ឋមានអាយុ ១៨ឆ្នាំឡើង មានសរុបចំនួន ១១.២២៩.០៤៩នាក់ ក្នុងនោះស្ត្រី ចំនួនជាង៥ លាននាក់ ,ប្រជាពលរដ្ឋទើបគ្រប់អាយុ ១៨ឆ្នាំ មានចំនួន ជាង១សែន២ម៉ឺននាក់,ខណៈប្រជាពលរដ្ឋផ្លាស់ចូលថ្មីក្នុងឃុំ សង្កាត់ មានចំនួន ២៤.២៧៦នាក់ ប្រជាពលរដ្ឋដែលត្រូវចុះឈ្មោះបោះឆ្នោតថ្មី មានចំនួន ២២០.៥៥៣នាក់។នេះបើតាមការបញ្ជក់ពីសំណាក់ ឯកឧត្តម ហេង ស៊ីឡេង សមាជិក គណៈកម្មាធិការជាតិរៀបចំការបោះឆ្នោត(គ.ជ.ប)។ ថ្លែងក្នុងកិច្ចប្រជុំផ្សព្វផ្សាយជាមួយភាគីពាក់ព័ន្ធ ស្តីពីសភាពការណ៍ទូទៅជុំវិញ ដំណើរការនៃការពិនិត្យបញ្ជីឈ្មោះ និងការចុះឈ្មោះបោះឆ្នោតតាមឃុំ សង្កាត់ នាព្រឹកថ្ងៃទី ០៩ ខែ ឧសភា ឆ្នាំ ២០២៥នេះ ឯកឧត្តម ហេង ស៊ីឡេង ឱ្យដឹងថា៖សម្រាប់ចំនួនអ្នកត្រូវលុបឈ្មោះចេញពីបញ្ជីបោះឆ្នោត មានចំនួន ៥៥.៩០៤នាក់ចំនួនឈ្មោះក្នុងបញ្ជីបោះឆ្នោត ឆ្នាំ២០២៤ មានចំនួន ៩.៩៩២.៤២១នាក់។ដោយឡែកចំពោះការិយាល័យបោះឆ្នោត មានចំនួនសរុប២៤.២៣១ការិយាល័យ។ ឯកឧត្តមមានប្រសាសន៍ថា ក្នុងដំណើរការពិនិត្យបញ្ជីឈ្មោះ និងការចុះឈ្មោះបោះឆ្នោតតាមឃុំ សង្កាត់ ចាប់ពីថ្ងៃទី១ ដល់ ថ្ងៃទី៨ ខែឧសភា ឆ្នាំ២០២៥ នេះគឺមានប្រជាពលរដ្ឋចុះឈ្មោះបោះឆ្នោតថ្មី មានចំនួន…