-
ក្រសួងបរិស្ថានអនុវត្តវិធានការច្បាប់ឈានដល់បិទផ្នែកផលិតកម្មរោងចក្រចំនួន២នៅក្នុងខេត្តព្រះសីហនុ
(ព្រះសីហនុ)៖ ក្រសួងបរិស្ថានបានសម្រេចបិទផ្នែកផលិតកម្មរបស់ក្រុមហ៊ុន Kubon (Cambodia) Biotechnology Co., Ltd និងក្រុមហ៊ុន Cambodian Noble Taste Food Co., Ltd ដែលមិនបានអនុវត្តច្បាប់និងបន្តបញ្ចេញ សំណល់ រាវ ប៉ះពាល់ព្រែកកំពង់ស្មាច់ និងព្រែកផ្អាវ នៅក្នុងឃុំសាមគ្គី ឃុំទឹកល្អក់ និងឃុំទឹកថ្លា ក្នុងស្រុកព្រៃនប់ ខេត្តព្រះសីហនុ។ ក្រុមការងារក្រសួងបរិស្ថាន កាលពីថ្ងៃទី២៣ ខែមិថុនា ឆ្នាំ២០២៥ បានប្រគល់លិខិតស្តីពីការផ្អាកដំណើរការផលិតកម្មរបស់ក្រុមហ៊ុនទាំង២ រហូតដល់មានការកែតម្រូវតាមច្បាប់ និងគោលការណ៍ដែលមានជាធរមាន ជូនទៅម្ចាស់និងតំណាងក្រុមហ៊ុន ដោយមានការចូលរួមពីអភិបាលរងស្រុកព្រៃនប់ លោកមេឃុំ ទឹកល្អក់ លោក មេឃុំ ទឹកថ្លា លោកមេឃុំសាមគ្គី និងតំណាងប្រជាពលរដ្ឋរងផលប៉ះពាល់។ សូមបញ្ជាក់ថាក្រុមហ៊ុន Kubon (Cambodia) Biotechnology Co., Ltd និងក្រុមហ៊ុន Cambodian Noble Taste Food Co., Ltd ត្រូវផ្អាកដំណើការផលិតកម្មទាំងស្រុងជាបណ្តោះអាសន្ន រហូតដល់ទទួលបានការអនុញ្ញាតពីក្រសួងបរិស្ថាន…
-
សិក្ខាសាលាស្ដីពី “ការចូលរួមបញ្ចប់អេដស៍ និងចីរភាពកម្មវិធីអេដស៍ និងការទប់ស្កាត់ការចរាចរ ការ ជួញ ដូរការប្រើប្រាស់គ្រឿងញៀន ក្នុងវិស័យប្រៃសណីយ៍និងបច្ចេកវិទ្យាឌីជីថល”
(ខេត្តកំពង់ឆ្នាំង)៖ នៅថ្ងៃទី២៣ ខែមិថុនា ឆ្នាំ២០២៥ ឯកឧត្តម ខាយ ឃុនហេង រដ្ឋលេខាធិការក្រសួងប្រៃសណីយ៍និងទូរគមនាគមន៍ បានអញ្ជើញជាអធិបតីក្នុងសិក្ខាសាលាស្ដីពី “ការចូលរួមបញ្ចប់អេដស៍ និងចីរភាពកម្មវិធីអេដស៍ និងការទប់ស្កាត់ការចរាចរ ការជួញដូរការប្រើប្រាស់គ្រឿងញៀន ក្នុងវិស័យប្រៃសណីយ៍និងបច្ចេកវិទ្យាឌីជីថល” នៅសណ្ឋាគារ សុខ ថៃសាន្ដ ខេត្តកំពង់ឆ្នាំង។ ពិធីនេះមានការអញ្ជើញចូលរួមពី ឯកឧត្តមសាស្រ្តចារ្យ វេជ្ជបណ្ឌិត ហោ ប៊ុនឡេង អនុប្រធានអាជ្ញាធរជាតិប្រយុទ្ធនឹងជំងឺអេដស៍ ឯកឧត្តមឧត្តមសេនីយឯក ថោង សុគន្ធា អគ្គលេខាធិការរងនៃអគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿងញៀន លោក យ៉ង ភិរម្យ អភិបាលរងនៃគណៈអភិបាលខេត្តកំពង់ឆ្នាំង និងមន្រ្តីរាជការតំណាងមន្ទីរប្រៃសណីយ៍និងទូរគនាគមន៍ខេត្ត បណ្ដាសាខាប្រតិបត្តិករ ក្នុងវិស័យប្រៃសណីយ៍និងទូរគមនាគមន៍សរុបប្រមាណ ១២០រូប។ សិក្ខាសាលានេះរៀបចំក្នុងគោលបំណង ១). ដើម្បីកាត់បន្ថយ ឬទប់ស្កាត់នូវភាពអវិជ្ជមានដែលបានប៉ះពាល់ដល់ធនធានមនុស្ស ២). ផ្សព្វផ្សាយចំណេះដឹងការចរាចរគ្រឿងញៀន ដែលត្រូវបានលួចបង្កប់តាមបញ្ញើប្រៃសណីយ៍ ៣). ចែករំលែកបទពិសោធក្នុងការអនុវត្តវិធានការរដ្ឋបាលចំពោះអ្នកពាក់ព័ន្ធគ្រឿងញៀន និងបញ្ហាអេដស៍ ដើម្បីការពារខ្លួនក៏ដូចជាមានវិធានការទប់ស្កាត់ ការចរាចរ ការជួញដូរ ការប្រើប្រាស់គ្រឿងញៀន និងនាំគ្នាយល់អំពីលទ្ធផលនៃការខ្ជីខ្ជា ឬមើលស្រាលជំងឺអេដស៍។ ជាមួយគ្នានេះ ឯកឧត្តមរដ្ឋលេខាធិការ បានថ្លែងអំណរគុណយ៉ាងជ្រាលជ្រៅដល់វាគ្មិនដែលបានចំណាយពេលវេលា…
-
ឯកឧត្តមរដ្ឋមន្ត្រី ជា វ៉ាន់ដេត អនុញ្ញាតឱ្យនាយកផ្នែកកិច្ចការរដ្ឋាភិបាលទទួលបន្ទុកតំបន់អាស៊ាន របស់ក្រុមហ៊ុន Cisco ចូលជួបសម្តែងការគួរសម និងពិភាក្សាការងារ
(ភ្នំពេញ)៖ នៅរសៀលថ្ងៃទី២៤ ខែមិថុនា ឆ្នាំ២០២៥ ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណណីយ៍និងទូរគមនាគមន៍ បានអនុញ្ញាតឱ្យលោកស្រី Lilian Rogers នាយកផ្នែកកិច្ចការរដ្ឋាភិបាលទទួលបន្ទុកតំបន់អាស៊ាន របស់ក្រុមហ៊ុន Cisco ចូលជួបសម្តែងការគួរសម និងពិភាក្សាការងារ នៅទីស្តីការក្រសួងប្រៃសណីយ៍និងទូរគមនាគមន៍។ ក្នុងជំនួបនេះ ឯកឧត្តមរដ្ឋមន្រ្តី បានជម្រាបជូនលោកស្រី Rogers អំពីវឌ្ឍនភាពការងាររបស់ក្រសួង ការធ្វើបរិវត្តកម្មរដ្ឋាភិបាលឌីជីថល និងការបណ្តុះបណ្តាលធនធានមនុស្សផ្នែកឌីជីថល។ ជាមួយគ្នានេះដែរ ឯកឧត្តមរដ្ឋមន្រ្តី និងលោកស្រី Rogers ក៏បានពិភាក្សាកាងារពាក់ព័ន្ធនឹងសន្តិសុខសាយប័រក្នុងបរិបទនៃការរីកចម្រើនយ៉ាងឆាប់រហ័សនៃបច្ចេកវិទ្យាឌីជីថល៕ ដោយ៖ង៉ាន់ ទិត្យ
-
ច្រកទ្វារអន្តជាតិ និងច្រកតំបន់នានាក្នុងភូមិសាស្រ្តខេត្តបន្ទាយមានជ័យត្រូវបានបិទទាំងស្រុងដោយភាគីថៃ
បន្ទាយមានជ័យ៖ច្រកទ្វារអន្តរជាតិ និងច្រកតំបន់នានានៅតាមព្រំដែន កម្ពុជា-ថៃ ក្នុងភូមិសាស្រខេត្តបន្ទាយមានជ័យ ត្រូវបានបិទទាំងស្រុងដោយឯកតោពីភាគីថៃចាប់តាំងពីព្រឹកថ្ងៃទី២៤ ខែមិថុនា ឆ្នាំ២០២៥ ។ ច្រកទ្វារអន្តរជាតិ និងច្រកតំបន់ក្នុងភូមិសាស្រ្តខេត្តបន្ទាយមានជ័យ ជាប់ជាមួយប្រទេសថៃទាំងនេះរួមមាន ច្រកទ្វារព្រំដែនអន្តរជាតិប៉ោយប៉ែតទល់នឹងច្រកទ្វាខ្លងលឹក, ច្រកទ្វារអន្តរជាតិស្ទឹងបត់ទល់នឹងច្រកទ្វារណងអៀន ខេត្តស្រះកែវ ,ច្រកតំបន់បឹងត្រកួនទល់នឹងស្រុកតាបផ្យារ និងច្រកតំបន់ម៉ាឡៃ ទល់នឹងច្រកណងព្រឺ ។ នៅព្រឹកថ្ងៃទី២៤ ខែមិថុនានេះដែរ នៅតាមច្រកទ្វារអន្តរជាតិប៉ោយប៉ែតក៏មានវត្តមានឯកឧត្តម អ៊ុ រាត្រី អភិបាលខេត្តបន្ទាយមានជ័យនិងឯកឧត្តមបណ្ឌិត ប៉ាន់ខែម ប៊ុនថន ប្រធានក្រុមការងារចុះជួយក្រុងប៉ោយបែត ខេត្តបន្ទាយមានជ័យបានអញ្ជើញទៅពិនិត្យស្ថានភាពដោយផ្ទាល់ ។ឯកឧត្តម អ៊ុ រាត្រី បានបញ្ជាក់ថា ភាគីថៃបានប្រកាសកាលពីរសៀលម្សិលមិញថាគេនឹងបិទច្រកទ្វារព្រំដែននៅតាមបន្ទាត់ព្រំដែនកម្ពុជាថៃ ។សូមជម្រាបថា ទាក់ទងនឹងការច្រកព្រំដែនទាំងស្រុងនេះ ភាគីថៃនៅបានអនុញ្ញាតចំពោះសិស្សនិងអ្នកជំងឺធ្ងន់ធ្ងរ អាចចេញ ចូលបានជាធម្មតា៕ ដោយ៖ឃិន គន្ធា
-
កម្ពុជា គឺជាប្រទេសលេចធ្លោចូលរួមចំណែកប្រយុទ្ធប្រឆាំងនឹងវិបត្តិការប្រែប្រួលអាកាសធាតុ
(ភ្នំពេញ)៖ «កម្ពុជា គឺជាប្រទេសលេចធ្លោមួយ ក្នុងការចូលរួមចំណែកប្រយុទ្ធប្រឆាំងនឹងការប្រែប្រួលអាកាសធាតុ» នេះជាប្រសាសន៍លើកឡើងរបស់ឯកឧត្តម កែន សេរីរដ្ឋា អគ្គនាយកសហគមន៍មូលដ្ឋាន និងជាប្រធានលេខាធិការដ្ឋានកិច្ចការឥណទានកាបូននៃក្រសួងបរិស្ថាន ថ្លែងក្នុងឱកាសអញ្ជើញជាអធិបតីបើកសិក្ខាសាលាពិគ្រោះយោបល់ ស្តីពី ការរៀបចំសេចក្តីព្រាងឯកសារកម្មវិធីកាត់បន្ថយការបញ្ចេញឧស្ម័នផ្ទះកញ្ចក់កម្ពុជា ក្រោមកម្មវិធី SCALE (World Bank’s Scaling Climate Action for Lowering Emissions) នាព្រឹកថ្ងៃទី២៤ ខែមិថុនា ឆ្នាំ២០២៥ នៅសណ្ឋាគារ Angkor Phokeethra Sofitel ខេត្តសៀមរាប។ សិក្ខាសាលានេះ មានការចូលរួមពីតំណាងធនាគារ World Bank ក្រសួងកសិកម្ម រុក្ខាប្រមាញ់និងនេសាទ រដ្ឋបាលព្រៃឈើ រដ្ឋបាលជលផល មន្ទីរបរិស្ថានទាំង៤ (ព្រះវិហារ ស្ទឹងត្រែង កំពង់ធំ និងក្រចេះ) អង្គការដៃគូ និងតំណាងជនជាតិដើមភាគតិច។ ឯកឧត្តម កែន សេរីរដ្ឋា បានគូសបញ្ជាក់ឱ្យដឹងថា កម្ពុជា គឺជាប្រទេសលេចធ្លោមួយ ក្នុងចូលរួមចំណែក ប្រយុទ្ធប្រឆាំងនឹងវិបត្តិនៃការប្រែប្រួលអាកាសធាតុ តាមរយៈការអនុវត្តគម្រោងរេដបូក ដែលយើងបានរៀបចំអនុវត្តន៍ការងារនេះប្រកបដោយការតាំងចិត្តខ្ពស់របស់រាជរដ្ឋាភិបាលក្នុងការប្រយុទ្ធប្រឆាំងនឹងការប្រែប្រួលអាកាសធាតុ…
-
កម្ពុជា អូស្ត្រាលី ពិភាក្សាគ្នាលើការពង្រឹងកិច្ចសហប្រតិបត្តិការលើវិស័យសិទ្ធិមនុស្ស
(ភ្នំពេញ)៖ ឯកឧត្តមទេសរដ្ឋមន្ត្រី កែវ រ៉េមី ប្រធានគណៈកម្មាធិការសិទ្ធិមនុស្សកម្ពុជា បានជួបពិភាក្សាគ្នា ជាមួយឯកឧត្តម Derek Yip ឯកអគ្គរាជទូតអូស្ត្រាលីប្រចាំ កម្ពុជា ផ្តោតការពិភាក្សាលើការពង្រឹងកិច្ចសហប្រតិបត្តិការលើវិស័យសិទ្ធិមនុស្ស នាថ្ងៃទី២៣ ខែមិថុនា ឆ្នាំ២០២៥ ។ ឯកឧត្តមទេសរដ្ឋមន្ត្រី បានកោតសរសើរ រដ្ឋាភិបាលអូស្ត្រាលី ក្នុងការជួយប្រទេសកម្ពុជា លើគ្រប់វិស័យ ដែលអាចចាត់ទុកថា ជាប្រទេសដៃគូគំរូ ។ ឯកឧត្តមទេសរដ្ឋមន្ត្រី ក៏បានលើកឡើងពីស្ថានភាព និងនិន្នាការពិភពលោកនាពេលបច្ចុប្បន្ន បានងាកទៅរកការបង្កាត់ភ្លើងសង្គ្រាម បានប៉ះពាល់យ៉ាងធ្ងន់ធ្ងរដល់ការអនុវត្តសិទ្ធិមនុស្ស ដោយសូម្បីតែសិទ្ធិរស់រានមានជីវិតក៏មិនត្រូវបានធានានោះដែរ ។ ឯកឧត្តមឯកអគ្គរាជទូត បានកត់សម្គាល់ពីទំនាក់ទំនងយូរអង្វែង និងរឹងមាំរវាង ប្រទេសអូស្ត្រាលី និងប្រទេសកម្ពុជា និងបានបង្ហាញពីបំណងក្នុងការបន្តពង្រឹងកិច្ចសហប្រតិបត្តិការនេះ ឱ្យកាន់តែប្រសើរឡើងថែមទៀត ដោយបានលើកឡើងពីផែនការអភិវឌ្ឍន៍ភាពជាដៃគូអូស្ត្រាលី-កម្ពុជា ឆ្នាំ២០២៥-២០២៩ ក្នុងការជួយលើកកម្ពស់ជីវភាពប្រជាជនកម្ពុជា និងសេចក្តីព្រាងអនុស្សរណៈនៃ ការយោគយល់គ្នារវាងគណៈកម្មាធិការសិទ្ធិមនុស្សកម្ពុជា និងគណៈកម្មការសិទ្ធិមនុស្សអូស្ត្រាលី ។ ទន្ទឹមនឹងនេះ ឯកឧត្តមឯកអគ្គរាជទូត ក៏បានទទួលស្គាល់ពីការរីកចម្រើនផ្នែកសេដ្ឋកិច្ចរបស់ប្រទេសកម្ពុជា និងបានគូសបញ្ជាក់ពីការត្រៀមខ្លួនរួចជាស្រេច ចំពោះកិច្ចសហប្រតិបត្តិការរវាងប្រទេសទាំង២ កម្ពុជា-អូស្ត្រាលី ស្តីពី សិទ្ធិអ្នកស្រឡាញ់ភេទដូចគ្នា ជាមួយការលើកឡើងពីលម្អនៃសិទ្ធិពលរដ្ឋនិងនយោបាយ ក៏ដូចជាសេរីភាពនៃការបញ្ចេញមតិ…
-
លោកជំទាវ ពុំ ចន្ទីនី លើកទឹកចិត្តមន្រ្តី និងក្រុមការងារ ខិតខំប្រឹងប្រែង សម្រេច ឱ្យបានការពិនិត្យពាក់កណ្តាលទីយុទ្ធសាស្ត្រប្រកបដោយជោគជ័យ
(ភ្នំពេញ)៖ ក្នុងកិច្ចប្រជុំពិគ្រោះយោបល់ ស្តីពីការពិនិត្យពាក់កណ្តាលទីយុទ្ធសាស្ត្រ ២០២១-២០៣០ របស់ កាកបាទក្រហមកម្ពុជា នាថ្ងៃទី២៣ ខែមិថុនា ២០២៥ លោកជំទាវ ពុំ ចន្ទីនី អគ្គលេខាធិការកាកបាទក្រហមកម្ពុជា បានផ្តល់អនុសាសន៍ដល់មន្ត្រី និងក្រុមការងារអភិវឌ្ឍស្ថាប័នទាំងអស់ សូមបន្តខិតខំប្រឹងប្រែងអនុវត្តការងារទៅតាមជំហានៗ ក្នុងស្មារតីទទួលខុសត្រូវខ្ពស់ ដើម្បីសម្រេចបានការពិនិត្យពាក់កណ្តាលទីយុទ្ធសាស្ត្រប្រកបដោយជោគជ័យ ។ លោកជំទាវ ពុំ ចន្ទីនី មានប្រសាសន៍ថា កិច្ចប្រជុំនេះ គឺដើម្បីពិនិត្យមើល វឌ្ឍនភាព, សមិទ្ធផលសម្រេចបាន, បញ្ហាប្រឈមនានា ព្រមទាំងក្តាប់ឱ្យបានយ៉ាងស៊ីជម្រៅ នូវកិច្ចការគន្លឹះ និងមេរៀននានា ក្នុងរយៈពេលនៃការអនុវត្តឆ្នាំ ២០២១ មកដល់៥ខែ ដើមឆ្នាំ២០២៥ កន្លងមក ទុកជាមូលដ្ឋានគ្រឹះនៃការដាក់ចេញជាអនុសាសន៍ បន្តក្នុងឆ្នាំ ២០២៦-២០៣០ ខាងមុខនេះ ឱ្យបានសមស្របទៅនឹង សភាពការណ៍វិវត្តន៍ថ្មីៗ តម្រូវការថ្មី នៃនវានុវត្តមនុស្សធម៌ ព្រមទាំងបន្ស៊ីជាមួយនឹងអាទិភាពរបស់ជាតិ ពោលគឺយុទ្ធសាស្ត្របញ្ចកោណ របស់រាជរដ្ឋាភិបាល និងលើកកម្ពស់ផលទទួលបានជាលក្ខណៈយូរអង្វែង។ លោកជំទាវឱ្យដឹងទៀតថា ក្នុងរយៈពេល៥ឆ្នាំដំបូងនៃយុទ្ធសាស្ត្រនេះគឺពី ឆ្នាំ២០២១-២០២៥ កាកបាទក្រហមកម្ពុជា បានខិតខំប្រឹងប្រែងប្រមូលផ្តុំកម្លាំងមនុស្សធម៌ កៀរគររកមូលនិធិបំផុសកម្លាំងស្ម័គ្រចិត្ត ចូលរួមក្នុងការដោះស្រាយបញ្ហាប្រឈមថ្មីៗ…
-
មូលនិធិចែករំលែកសង្រ្គោះជីវិតសកលនៃសាធារណៈរដ្ឋកូរ៉េ គាំទ្រនិងចូលរួមចំណែក ជាមួយក្រសួងសុខាភិបាល កម្ពុជា
(ភ្នំពេញ)៖ មូលនិធិចែករំលែកសង្រ្គោះជីវិតសកលនៃសាធារណៈរដ្ឋកូរ៉េ គាំទ្រនិងចូលរួមចំណែក ជាមួយក្រសួងសុខាភិបាលកម្ពុជា ក្នុងការបណ្តុះបណ្តាលថ្នាក់ឯកទេសជំនាញ និងប្រព័ន្ធដឹកជញ្ជូនអ្នកជំងឺឱ្យកាន់តែមានភាពងាយស្រួល និងកាន់តែឆាប់រហ័ស។ មូលនិធិចែករំលែកសង្គ្រោះជីវិតសកលនេះ ក៏បានចូលរួម ផ្តល់ជាអំណោយមនុស្សធម៌តាមរយៈព្រឹទ្ធសភា កម្ពុជា រួមមានឱសថ ឧបករណ៍វេជ្ជសាស្ត្រ និងសម្ភារៈប្រើប្រាស់មួយចំនួនដើម្បីគាំទ្រផ្នែកសុខភាព ក្នុងពេលកន្លងមក។ នេះបើតាមការឱ្យដឹងពី លោក គីម ជុងណាម (Kim Jung-Nam) ប្រធានមូលនិធិចែករំលែកសង្រ្គោះជីវិតសកល នៃសាធារណរដ្ឋកូរ៉េ និងគណៈប្រតិភូ រួមដំណើរដោយ ឯកឧត្តម ឡាន់ ឆន លេខាធិការគណៈកម្មការអង្កេត បោសសម្អាត និងប្រឆាំងអំពើពុករលួយ នៃព្រឹទ្ធសភា (គណៈកម្មការទី១០) និងក្រុមការងារ ក្នុងឱកាសចូលជួបសម្តែងការគួរសម និងពិភាក្សាការងារជាមួយ ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល កាលពីថ្ងៃទី២៣ ខែមិថុនា ឆ្នាំ២០២៥ នៅទីស្តីការក្រសួង។ លោក គីម ជុងណាម បានថ្លែងអំណរគុណ ឯកឧត្តមសាស្ត្រាចារ្យរដ្ឋមន្ត្រី ចំពោះកិច្ចពិភាក្សាការពង្រឹង និងពង្រីកកិច្ចសហប្រតិបត្តិការ ជាមួយក្រសួងសុខាភិបាល ជាពិសេស ,ការគាំទ្រផ្តល់អាហារូបករណ៍សិក្សាបន្តថ្នាក់ឯកទេសជំនាញ ផ្នែកសល្យសាស្ត្រឆ្អឹង…
-
កម្ពុជា-សាធារណរដ្ឋប្រជាមានិតប្រជាធិបតេយ្យកូរ៉េ នឹងនៅតែបន្តរក្សាចំណងមិត្តភាពដ៏ជិតស្និទ្ធរវាងគ្នាតទៅមុខទៀត
(ភ្នំពេញ)៖ កម្ពុជា និងសាធារណរដ្ឋប្រជាមានិតប្រជាធិបតេយ្យកូរ៉េ នឹងបន្តរក្សាចំណងមិត្តភាពដ៏ជិតស្និទ្ធរវាងប្រទេសទាំងពីរ ដែលបានបង្កើតឡើងតាំងពី៦០ឆ្នាំមុន ដោយសម្តេចព្រះបរមរតនកោដ្ឋ និងឯកឧត្តម គីម អ៊ីល ស៊ុង ។ ការថ្លែងនេះ បានធ្វើឡើងដោយ ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ ក្នុងពេលដែលបានអនុញ្ញាតឱ្យឯកឧត្តម ចាង យ៉ុន ហ្គន់ (Jang Yun Gon) ឯកអគ្គរដ្ឋទូតសាធារណរដ្ឋប្រជាមានិតប្រជាធិបតេយ្យកូរ៉េ ប្រចាំនៅកម្ពុជា ចូលជួបសម្តែងការគួរសម និងជម្រាបលា ក្នុងឱកាសដែលឯកឧត្តម បញ្ចប់បេសកកម្មការទូត ។ ក្នុងជំនួបនៅថ្ងៃទី២៣ មិថុនា ឆ្នាំ២០២៥ នៅទីស្តីការក្រសួងនោះ ឯកឧត្តមឧបនាយករដ្ឋមន្ត្រី ប្រាក់ សុខុន បានកោតសរសើរចំពោះកិច្ចខិតខំប្រឹងប្រែងរបស់ ឯកឧត្តមឯកអគ្គរដ្ឋទូត ក្នុងការរក្សា និងពង្រឹងទំនាក់ទំនងមិត្តភាពជាប្រពៃណីរវាងប្រទេសទាំងពីរ។ ឯកឧត្តមឧបនាយករដ្ឋមន្រ្តី បានអបអរសាទរឯកឧត្តមឯកអគ្គរដ្ឋទូត ចំពោះការបញ្ចប់បេសកកម្មដោយជោគជ័យនៅកម្ពុជា និងបានថ្លែងអំណរគុណចំពោះការរួមចំណែករបស់ឯកឧត្តម ក្នុងការរក្សា និងពង្រឹងទំនាក់ទំនងមិត្តភាពជាប្រពៃណីរវាងប្រទេសទាំងពី ក្នុងអំឡុងពេលបំពេញបេសកកម្មរយៈពេល ៩ឆ្នាំ នៅកម្ពុជា ។ ជាការឆ្លើយតប ឯកឧត្តម…
-
អ្នកនាំពាក្យ៖ សូមភាគីថៃ ប្តឹងរឿងសំឡេងសន្ទនារវាងសម្តេចតេជោ និងនាយករដ្ឋមន្រ្តីថៃ ទៅតុលាការអន្តរជាតិផង
(ភ្នំពេញ)៖ អ្នកនាំពាក្យសម្ដេចតេជោ ហ៊ុន សែន ប្រធានព្រឹទ្ធសភា បានសូមឱ្យភាគីថៃ ប្តឹងរឿងសំឡេងសន្ទនារវាងសម្តេចតេជោ និងនាយករដ្ឋមន្រ្តីថៃ ទៅតុលាការអន្តរជាតិផង ។ តាមរយៈបណ្ដាញសង្គមនាយប់ថ្ងៃទី២៣ ខែមិថុនា ឆ្នាំ២០២៥ ឯកឧត្តម ជា ធីរិទ្ធ បានគូសបញ្ជាក់ថា ខ្ញុំសូមផ្តាំទៅ Somkid Chueakong អគ្គលេខាធិការរងនាយករដ្ឋមន្រ្តីថៃ ដែលប្តឹងសម្តេចតេជោ រឿងសំឡេងសន្ទនារវាងសម្តេចនិងនាយករដ្ឋមន្រ្តីថៃថា លោកឯងកំពុងលេងល្បែងកូនក្មេង បោកបញ្ចោតមតិសាធារណជនខ្លួន ដើម្បីការពារ និងបិទបាំងនូវភាពអាម៉ាស់ និងភាពទន់ខ្សោយរបស់នាយករដ្ឋមន្រ្តីលោកឯងតែប៉ុណ្ណោះ។ ឯកឧត្តមអ្នកនាំពាក្យ បានបន្យថា សូមអញ្ជើញលោកឯងប្តឹង ហើយបើចិត្តសឿង កុំអុងអាត់ប្តឹងត្រឹមតែនៅក្នុងប្រទេសថៃ ប្តឹងទៅតុលាការអន្តរជាតិទៀតផងទៅ! សូមអញ្ជើញ! តែខ្ញុំដឹងមាយាទរបស់ក្រុមលោកឯងមិនហ៊ានទេ ទៅតុលាការអន្តរជាតិអីនោះ ព្រោះក្រុមលោកឯងខ្លាចច្បាប់អន្តរជាតិណាស់ ម្យ៉ាងនៅញ័រមិនទាន់បាត់ផងរឿងកម្ពុជាប្តឹងទៅ ICJ នោះ។ ជាមួយគ្នា សូមផ្ទាំទៅ Temeeyaves មេបក្ស Seri Ruam Thai ផងថា អ្នកនយោយបាយធន់អន់លោកឯង កុំចង់តោងយកប្រជាប្រិយភាពរបស់សម្តេចតេជោ ដើម្បីទាក់ទាញការចាប់អារម្មណ៍អី ទៅមិនរួចទេ ព្រោះលោកឯងធ្វើនយោបាយប្រជាភិថុតិ ខ្លាំងបានតែរឿងប្រឌិតបោកប្រាស់ប៉ុណ្ណោះ…