(ភ្នំពេញ)៖ មន្រ្តីជាន់ខ្ពស់ក្រសួងប្រៃសណីយ៍ បានលើកឡើងថា នៅពិភពលោក សេដ្ឋកិច្ចក្រៅប្រព័ន្ធបានចូលរួមចំណែកបង្កើតការងារជាង ៧០ភាគរយនៃទំហំការងារសរុបនិងចូលរួមចំណែក ៣២ភាគរយនៃទំហំការងារសរុបរបស់ប្រទេសកំពុងអភិវឌ្ឍន៍ ចំណែកឯប្រទេសអភិវឌ្ឍន៍ហើយ ក៏មានសេដ្ឋកិច្ចក្រៅប្រព័ន្ធគ្របដណ្តប់ខ្ទង់ប្រមាណជា២០ភាគរយ ដែលបានចូលរួមនៅក្នុងGDPប្រមាណ ១៦នៃការងារសរុប ។ ប្រទេសរីកចម្រើនមួយចំនួន អ្នកសេដ្ឋកិច្ចក្រៅប្រព័ន្ធបានចូលរួមសមារហណកម្មនៅក្នុងសេដ្ឋកិច្ចក្នុប្រព័ន្ធ ដោយស្វ័យប្រវត្តិ ដោយសារការរីកចំរើន អាជីពការងារ ត្រូវបានពង្រឹងសមត្ថភាព ។ នេះជាប្រសាសន៍លើកឡើងរបស់ ឯកឧត្តម សូ វិសុទ្ធី រដ្ឋលេខាធិការក្រសួងប្រៃសណីយ៍ និងទូរគមនាគមន៍ នាព្រឹកថ្ងៃទី ១៧ ខែតុលា ឆ្នាំ២០២៥នេះ នៅក្នុងឱកាសបើកសិក្ខាសាលាផ្សព្វផ្សាយការយល់ដឹង ស្ដីពីការអភិវឌ្ឍសេដ្ឋកិច្ចក្រៅប្រព័ន្ធក្នុងវិស័យប្រៃសណីយ៍ ទូរគមនាគមន៍ និងបច្ចេកវិទ្យាគមនាគមន៍និងព័ត៌មាន។ ឯកឧត្តម បញ្ជាក់បន្ថែមថា អ្នកសេដ្ឋកិច្ចប្រព័ន្ធនេះផងដែរក៏បានជួបនូវបញ្ហាប្រឈមមួយចំនួនផងដែរក្នុងនោះការធ្វើការរកស៊ី រកមួយថ្ងៃរស់មួយថ្ងៃ ស្របពេលដែលពិភពលោក ក៏ដូចជាកម្ពុជា ធ្លាប់បានជួបជាមួយនិងវិបត្តិនៃជំងឺកូវីដែ១៩ ជាដើម។ ជាមួយនិងបញ្ហាប្រឈមនានាដែលអាចកើតឡើងចំពោះអ្នកសេដ្ឋកិច្ចក្រៅប្រព័ន្ធនេះដែរ ឯកឧត្តម សូ វិសុទ្ធី បានជំរុញឱ្យអ្នកប្រកបរបរក្រៅប្រព័ន្ធ ពិសេសផ្តោតលើ វិស័យប្រៃសណីយ៍ ទូរគមនាគមន៍ និងបច្ចេកវិទ្យាគមនាគមន៍និងព័ត៌មាន ដែលពុំទាន់បានចុះឈ្មោះចូលក្នុង ថ្នាលឌីជីថលសម្រាប់ការអភិវឌ្ឍសេដ្ឋកិច្ចក្រៅប្រព័ន្ធ CamIE ត្រូវចុះឈ្មោះ ដើម្បីទទួលបានអត្ថប្រយោជន៍នានាដែលរាជរដ្ឋាភិបាលមានការផ្ដល់ជូន។…

(ភ្នំពេញ)៖ ក្រសួងបរិស្ថាននៅថ្ងៃទី១៧ ខែតុលា ឆ្នាំ២០២៥នេះបានបញ្ជាក់ពីការចាត់វិធានការច្បាប់ចំពោះសិប្បកម្មផលិតគ្រឿងសង្ហារឹមរបស់បុរី ប៉េង ហួត ដែលមានទីតាំងនៅសង្កាត់និរោធ ខណ្ឌច្បារអំពៅ រាជធានីភ្នំពេញ។ បើយោងតាមក្រសួងបរិស្ថានដែលបញ្ជាក់ប្រាប់ដល់ អ្នកឧកញ៉ាម្ចាស់បុរីប៉េងហួត(បឹងស្នោរ)ឱ្យដឹងថា សិប្បកម្មមួយកន្លែងនេះបានដំណើរការអាជីវកម្មដោយកាត់ម៉ាប និងជ្រៀកភ្លី នៅទីតាំងខាងក្រៅអគារធ្វើឱ្យមានសំឡេង និងលម្អង តូចៗហើរទៅបរិយាកាស អាចបង្កឱ្យប៉ះពាល់ដល់សុខភាពប្រជាពលរដ្ឋក្បែរខាង។ ក្រសួងបានលើកឡើងថា សិប្បកម្ម ពុំមានកិច្ចសន្យា ការពារបរិស្ថាន ពុំមានលិខិតអនុញ្ញាតបញ្ចេញសំណល់ និងការទុកដាក់សំណល់នៅទីវាលក្នុងទីតាំងបុរី ដោយមិនបានដឹកជញ្ជូនយកចោលនៅទីលានទុកដាក់សំណល់ ដែលសកម្មភាពនេះល្មើសនឹងមាត្រា ១៧៣ មាត្រា ៦៦៨ នៃក្រមបរិស្ថាន និង ធនធានធម្មជាតិ ។ ក្រសួងបរិស្ថានបានបញ្ជាក់ប្រាប់ដល់ អ្នកឧកញ៉ា សិប្បកម្មផលិត គ្រឿងសង្ហារិមរបស់បុរី ប៉េង ហួត (បឹងស្នោរ) មានទីតាំងនៅសង្កាត់និរោធ ខណ្ឌច្បារអំពៅ រាជធានីភ្នំពេញដែរថា សិប្បកម្មនេះបានដំណើរការអាជីវកម្មដោយកាត់ម៉ាប និងជ្រៀកភ្លឺ នៅទីតាំងខាងក្រៅអគារធ្វើឱ្យមានសំឡេង និងលម្អងតូចៗហើរទៅបរិយាកាស អាចបង្កឱ្យប៉ះពាល់ដល់សុខភាពប្រជាពលរដ្ឋក្បែរខាង។ សិប្បកម្ម ពុំមានកិច្ចសន្យា ការពារបរិស្ថាន ពុំមានលិខិតអនុញ្ញាតបញ្ចេញសំណល់ និងការទុកដាក់សំណល់នៅទីវាលក្នុងទីតាំងបុរី ដោយមិនបានដឹកជញ្ជូនយកចោលនៅទីលានទុកដាក់សំណល់ ដែលសកម្មភាពនេះល្មើសនឹងមាត្រា១៧៣ មាត្រា៦៦៨…

(ភ្នំពេញ)៖ អ្នកនាំពាក្យរាជរដ្ឋាភិបាលកម្ពុជា នៅថ្ងៃទី ១៧ ខែតុលា ឆ្នាំ២០២៥នេះ បានចេញសេចក្តីថ្លែងការណ៍មួយដោយបញ្ជាក់ថា៖ កាលពីថ្ងៃទី១៥ ខែតុលា ឆ្នាំ២០២៥ បណ្តាញសារព័ត៌មានថៃមួយចំនួនបានចេញផ្សាយ ដោយស្រង់សម្តីមន្ត្រីយោធាថៃ ដែលអះអាងថា «កន្លែងដែលទាហានថៃបានជាន់ គឺជាទឹកដីរបស់ថៃ»។ ការអះអាងបែបនេះ សំដៅលើដីនៅ ភូមិព្រៃចាន់ និងភូមិជោគជ័យ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ដែលពួកគេបានដាក់របងលួសបន្លា កាលពីថ្ងៃទី១៣ ខែសីហា ឆ្នាំ២០២៥ ដោយបានឈូសឆាយ និងរាវមីននៅទីនោះជាឯកតោភាគី។ អ្នកនាំពាក្យរាជរដ្ឋាភិបាលកម្ពុជា បានបញ្ជាក់ថា ព្រំដែនកម្ពុជា និង ថៃគឺជាព្រំដែនអន្តរជាតិរវាងរដ្ឋ និង រដ្ឋ ដែលត្រូវបានកំណត់ដោយអនុសញ្ញាឆ្នាំ១៩០៤ និង សន្ធិសញ្ញាឆ្នាំ១៩០៧ ព្រមទាំងផែនទីខ្នាត ១/២០០ ០០០ និង មានបង្គោលព្រំដែនចំនួន ៧៤បង្គោល ដែលត្រូវបានបោះកាលពីជាង ១០០ឆ្នាំមុន។ ខ្សែព្រំដែននេះមានតម្លៃផ្លូវច្បាប់ រឹងមាំដែលត្រូវបានការពារដោយធម្មនុញ្ញអង្គការសហប្រជាជាតិ និងច្បាប់អន្តរជាតិ ដែលមិនអាចត្រូវបានកែប្រែ ជាឯកតោភាគីដោយភាគីណាមួយបានឡើយ ។ ជាមួយគ្នានេះអ្នកនាំពាក្យរាជរដ្ឋាភិបាលកម្ពុជា បានគូសបញ្ជាក់ដែរថា គណៈកម្មការចម្រុះព្រំដែន…

(ភ្នំពេញ)៖ សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា បានអញ្ជើញដឹកនាំកិច្ចប្រជុំរដ្ឋសភាជាវិសាមញ្ញនីតិកាលទី៧ នៅព្រឹក ថ្ងៃសុក្រទី១៧ ខែតុលា ឆ្នាំ២០២៥ ដើម្បីពិភាក្សានិងអនុម័តសេចក្តីព្រាងច្បាប់ចំនួន ៥ រួមមាន៖ ១-សេចក្តីព្រាងច្បាប់ ស្តីពីការអនុម័តយល់ព្រមលើកិច្ចព្រមព្រៀង ស្តីពីក្របខ័ណ្ឌបទប្បញ្ញត្តិសុវត្ថិភាពម្ហូបអាហារអាស៊ាន។ ២-សេចក្តីព្រាងច្បាប់ ស្តីពីការអនុម័តយល់ព្រមលើពិធីសារធ្វើវិសោធនកម្មកិច្ចព្រមព្រៀងអាស៊ានស្តីពី បម្លាស់ទីរូបវន្តបុគ្គល។ ៣-សេចក្តីព្រាងច្បាប់ ស្តីពីការអនុម័តយល់ព្រមលើពិធីសារទីមួយ ធ្វើវិសោធនកម្មកិច្ចព្រមព្រៀងពាណិ ជ្ជកម្មសេរីអាស៊ាន-ហុងកុង នៃសាធារណរដ្ឋប្រជាមានិតចិន។ ៤-សេចក្តីព្រាងច្បាប់ស្តីពីការអនុម័តយល់ព្រមលើពិធីសារទីពីរ ធ្វើវិសោធនកម្មកិច្ចព្រមព្រៀងពាណិជ្ជកម្មសេរីអាស៊ាន-អូស្រ្តាលី-នូវែលសេឡង់។ ៥-សេចក្តីព្រាងច្បាប់ ស្តីពីការអនុម័តយល់ព្រមលើអនុសញ្ញាស្តីពីការបង្កើតអង្គការអន្តរជាតិសម្រាប់សន្ធានកម្ម ។ សេចក្តីព្រាងច្បាប់ទាំង៥នេះ មានសារៈសំខាន់ក្នុងវិស័យសេដ្ឋកិច្ច ពាណិជ្ជកម្ម បច្ចេកវិទ្យា សុវត្ថិភាពចំណីអាហារ យុត្តិធម៌ ទាំងក្នុងប្រកខណ្ឌព្រះរាជាណាចក្រកម្ពុជា តំបន់អាស៊ាន និង ពិភពលោក។ -សេចក្តីព្រាងច្បាប់ ស្តីពីការអនុម័តយល់ព្រមលើកិច្ចព្រមព្រៀង ស្តីពី ក្របខ័ណ្ឌបទប្បញ្ញត្តិសុវត្ថិភាពម្ហូបអាហារអាស៊ាន មានគោលបំណងធានាការពារសុខភាពអ្នកប្រើប្រាស់ សម្រួលការធ្វើពាណិជ្ជកម្ម ធ្វើឱ្យមានលំហូរម្ហូបអាហារមានសុវត្ថិភាពដោយសេរីនៅក្នុងរដ្ឋសមាជិក ពង្រឹងសមត្ថភាពសហគ្រាសធុនតូចនិងមធ្យមរបស់កម្ពុជា ជាដើម។ -សេចក្តីព្រាងច្បាប់ ស្តីពីការអនុម័តយល់ព្រមលើពិធីសារធ្វើវិសោធនកម្មកិច្ចព្រមព្រៀង អាស៊ានស្តីពីបម្លាស់ទីរូបវន្តបុគ្គល ដើម្បីសម្រួលដល់បម្លាស់ទីនិងលំហូរនៃបុគ្គលជំនាញនិងអ្នកចូលមកទស្សនកិច្ច ក្នុងគោលបំណងធ្វើពាណិជ្ជកម្ម ក្នុងចំណោមប្រទេសសមាជិកអាស៊ាន ដែលជាផ្នែកសំខាន់មួយរបស់ផែនការលម្អិតសហគមន៍សេដ្ឋកិច្ចអាស៊ានឆ្នាំ២០២៥…