នៅក្នុងឱកាសដែលលោក Xi Jinping ប្រធានរដ្ឋចិននឹងអញ្ជើញមកបំពេញទស្សនកិច្ចផ្លូវរដ្ឋនៅប្រទេសកម្ពុជា កម្មវិធី “ប្រយោគ​បុរាណ​ចិន​ដែល​លោក Xi Jinping ចូលចិត្ត​​” (ភាសាខ្មែរ) ដែលផលិតដោយអគ្គស្ថានីយវិទ្យុ និង ទូរទស្សន៍មជ្ឈិមចិន នឹងចាប់ផ្តើមចាក់ផ្សាយចាប់ពីថ្ងៃទី ១៧ ខែមេសា តាមម៉ោងក្នុងស្រុក នៅលើកញ្ចក់ទូរទស្សន៍ជាតិកម្ពុជា ទូរទស្សន៍អប្សរា ទូរទស្សន៍ហង្សមាស គេហទំព័រសារព័ត៌មាន Fresh News និងបណ្តាញផ្សព្វផ្សាយជាច្រើនទៀត។ ប្រព័ន្ធផ្សព្វផ្សាយធំៗក្នុងស្រុកជាច្រើនបានធ្វើការផ្សព្វផ្សាយជាមុនអំពីការចាក់ផ្សាយកម្មវិធីនេះ ដែលបានបង្កឱ្យមានការរំពឹងទុកជាទូទៅ និងការចាប់អារម្មណ៍យ៉ាងទូលំទូលាយពីគ្រប់មជ្ឈដ្ឋាននៅកម្ពុជា។ កម្មវិធី “ប្រយោគ​បុរាណ​ចិន​ដែល​លោក Xi Jinping ចូលចិត្ត​​” (ភាសាខ្មែរ) យកសម្រង់កំណាព្យ និងសុភាសិតបុរាណចិនដែលដកស្រង់ចេញពីសុន្ទរកថា អត្ថបទ និងកិច្ចសន្ទនាសំខាន់ៗរបស់លោក Xi Jinping ប្រធានរដ្ឋចិនជាចំណុចចាប់ផ្តើម ដោយផ្តោតលើប្រធានបទដូចជាសហគមន៍ជោគវាសនារួមនៃមនុស្សជាតិ ការការពារបរិស្ថាន ការបន្តស្នង និងការច្នៃប្រឌិតវប្បធម៌ ការផ្លាស់ប្តូរ និងការរៀនសូត្រពីគ្នាទៅវិញទៅមករវាងអរិយធម៌នានា បកស្រាយ និងលើកឡើងនូវអត្ថន័យ និង គុណតម្លៃសកលភាវូបនីយកម្មក្នុងយុគសម័យថ្មី ដែលបង្កប់នៅក្នុងវប្បធម៌ប្រពៃណីចិនដ៏ស៊ីជម្រៅ បង្ហាញពីមូលដ្ឋានគ្រឹះវប្បធម៌នៃទំនើបកម្មតាមបែបផែនចិន និងបង្ហាញយ៉ាងរស់រវើកនូវប្រាជ្ញាខាងនយោបាយដ៏ឧត្តុង្គឧត្តម ទឹកចិត្តមនុស្សធម៌ដ៏ជ្រាលជ្រៅ ព្រមទាំងទស្សនវិស័យប្រវត្តិសាស្ត្រ…

សៀមរាប​៖នៅសាលសន្និសីទ សុខាសៀមរាប កាលពីព្រឹកថ្ងៃទី១២ ខែមេសា ឆ្នាំ២០២៥ សម្តេចពិជ័យសេនា ទៀ បាញ់ នាយឧត្តមសេនីយ៍ផុតលេខ ផ្កាយមាស ៥ និងជាឧត្តមក្រុមប្រឹក្សាផ្ទាល់ព្រះមហាក្សត្រ បានអញ្ជើញជាអធិបតី​ក្នុងពិធី​បិទ​បញ្ចប់ការងារវាស់វែងក្បាលដី និងចុះបញ្ជីដីធ្លីមានលក្ខណៈជាប្រព័ន្ធ រួមទាំងចែកបណ្ណកម្មសិទ្ធិចំនួនប្រមាណ ៤ម៉ឺនបណ្ណ ដល់ប្រជាពលរដ្ឋនៅ ៦ក្រុង-ស្រុក ក្នុងខេត្តសៀមរាប។អញ្ជើញចូលរួមមាន ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ និងឯកឧត្តម ទៀ សីហា ឧបនាយករដ្ឋមន្ត្រី ក្រសួងការពារជាតិ ព្រមទាំងថ្នាក់ដឹកនាំអាជ្ញាធរ ក្រុមការងារ និងប្រជាពលរដ្ឋជាង ៣ពាន់នាក់។ ពិធីនេះរៀបចំឡើងរដ្ឋបាលខេត្តសៀមរាប និងមន្ទីរដែនដីនគរូបនីយកម្ម សំណង់និងសុរិយោដីខេត្ត ។ឯកឧត្តម ប្រាក់ សោភ័ណ អភិបាលខេត្តសៀមរាប បានថ្លែងថា ការចុះបញ្ជីដីធ្លីជាសមាសធាតុសំខាន់ក្នុង​ការធានា​សន្តិសុខ​សង្គម និងបង្កើតមូលដ្ឋាននៃការអភិវឌ្ឍជាតិ ដូចដែលបានរៀបរាប់នៅក្នុងយុទ្ធសាស្ត្របញ្ចកោណ ដំណាក់កាលទី១ នៃរាជរដ្ឋាភិបាល នីតិកាលទី៧។ ថ្លែងក្នុងឱកាសនេះដែរ សម្តេចពិជ័យសេនា ទៀ បាញ់ បានហៅការបញ្ចប់ការងារចុះបញ្ជីដីធ្លីជាជោគជ័យដ៏ល្អឥតខ្ចោះ និងមានអត្ថន័យជាប្រវត្តិសាស្ត្រសម្រាប់ខេត្តសៀមរាប។សម្តេចសង្ឃឹមថាបណ្ណកម្មសិទ្ធិទាំងនេះនឹងជួយដល់ការរស់នៅ​មាន​សុវត្ថិភាព…

(ត្បូងឃ្មុំ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ដ្រី នៃព្រះរាជាណាចក្រកម្ពុជា និងឯកឧត្តម វ៉ាង វិនពីន (Wang Wenbin) ឯកអគ្គរដ្ឋទូត នៃសាធារណរដ្ឋប្រជាមានិតចិន ប្រចាំកម្ពុជា អញ្ជើញជាអធិបតី ពិធីសម្ពោធដាក់ឱ្យប្រើប្រាស់ជាផ្លូវការផ្លូវជាតិលេខ៧១សេ តភ្ជាប់ស្រុកត្បូងឃ្មុំ ខេត្តត្បូងឃ្មុំ ទៅស្រុកចំការលើ ខេត្តកំពង់ចាម ដោយចំណាយថវិកាសាងសង់អស់ប្រមាណ ១៣៣លានដុល្លារអាម៉េរិក ជាឥណទានសម្បទានពីរដ្ឋាភិបាលចិន និងថវិកាបដិភាគរបស់រាជរដ្ឋាភិបាលកម្ពុជា នាព្រឹកថ្ងៃទី១២ ខែមេសា ឆ្នាំ២០២៥ នៅខេត្តត្បូងឃ្មុំ ។ ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន បានថ្លែងថា “គម្រោងសាងសង់ផ្លូវជាតិលេខ៧១សេ បានប្រកាសបើកការដ្ឋានរួមគ្នានៅក្នុងឱកាសនៃពិធី សម្ពោធបើកឱ្យប្រើប្រាស់ជាផ្លូវការស្ពានមិត្តភាពកម្ពុជា-ចិន (ស្ទឹងត្រង់-ក្រូចឆ្មារ) កាលពីថ្ងៃទី២៣ ខែវិច្ឆិកា ឆ្នាំ២០២១ កន្លងទៅ ក្រោមអធិបតីភាពដ៏ខ្ពង់ខ្ពស់ សម្តេចតេជោ ហ៊ុន សែន អតីត នាយករដ្ឋមន្ត្រីនៃព្រះរាជាណាចក្រកម្ពុជា និងបច្ចុប្បន្នជាប្រធានព្រឹទ្ធសភា”។ ឯកឧត្តមរដ្ឋមន្ត្រីក្រសួងសាធារណការ និងដឹកជញ្ជូន បានបន្តថា “ខ្សែផ្លូវនេះ មានប្រវែងសរុបជិត…

(បាត់ដំបង)៖ ក្រសួងរៀបចំដែនដី នគរូបនីយកម្ម និងសំណង់ ក្រសួងយុត្តិធម៌ គណៈកម្មាធិការសិទ្ធិមនុស្សកម្ពុជា អាជ្ញាធរ ជាតិដោះស្រាយវិវាទក្រៅប្រព័ន្ធតុលាការ គណៈកម្មការសុរិយោដីថ្នាក់ជាតិ អាជ្ញាធរជាតិដោះស្រាយទំនាស់ដីធ្លី ក្រុមការងាររាជរដ្ឋាភិបាលចុះមូលដ្ឋានខេត្តបាត់ដំបង និងរដ្ឋបាលខេត្តបាត់ដំបង បានរៀបចំកិច្ចប្រជុំពិភាក្សា ការងារដោះស្រាយបញ្ចប់វិវាទដីធ្លី ក្នុងភូមិសាស្ត្រខេត្តបាត់ដំបង នៅថ្ងៃព្រហស្បតិ៍ ទី ១០ ខែ មេសា ឆ្នាំ២០២៥ វេលាម៉ោង ៨:០០នាទីព្រឹក នៅសាលាខេត្តបាត់ដំបង។ កិច្ចប្រជុំដឹកនាំដោយ ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ និង ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ និងជាប្រធានក្រុមការងារ រាជរដ្ឋាភិបាលចុះមូលដ្ឋានខេត្តបាត់ដំបង ដោយមានការចូលរួមពីឯកឧត្តម សក់ សេដ្ឋា ទេសរដ្ឋមន្ត្រីទទួលបន្ទុក ជាអនុប្រធានអចិន្ត្រៃយ៍ គ.ជ.អ.ប. និងជាអនុប្រធានក្រុមការងាររាជរដ្ឋាភិបាលចុះមូលដ្ឋានខេត្តបាត់ដំបង, ឯកឧត្តម កែវ រ៉េមី ទេសរដ្ឋមន្ត្រី និងជាប្រធានគណៈកម្មាធិការសិទ្ធិមនុស្សកម្ពុជា និងជាអនុប្រធានក្រុមការងារ រាជរដ្ឋាភិបាលចុះមូលដ្ឋានខេត្តបាត់ដំបង, ឯកឧត្តម…

(ភ្នំពេញ)៖ រដ្ឋមន្រ្តីក្រសួងការងារកម្ពុជា និងឯកឧត្តមឯកអគ្គរាជទូតថៃថ្មីប្រចាំនៅកម្ពុជា បានសម្ដែងនូវការពេញចិត្តលើចំណងមិត្តភាព និងរំពឹងយ៉ាងមុតមាំថាទំនាក់ទំនងទ្វេភាគីរវាងកម្ពុជា និងថៃនឹងកាន់តែត្រូវបានពង្រឹង និងពង្រីកលើគ្រប់វិស័យ ជាពិសេសវិស័យការងារ សន្ដិសុខសង្គម និងបណ្ដុះបណ្ដាលវិជ្ជាជីវៈ ឱ្យកាន់តែរីកចម្រើនថែមទៀត ទាំងក្នុងក្របខ័ណ្ឌរាជរដ្ឋាភិបាល និងរាជរដ្ឋាភិបាល វិស័យឯកជន និងវិស័យឯកជន ក៏ដូចជាការផ្សារភ្ជាប់រវាងប្រជាជន និងប្រជាជនផងដែរ។ ប្រសាសន៍នេះលើកឡើងនៅក្នុងឱកាសដែល ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានទទួលជួបសម្តែងការគួរសម និងពិភាក្សាការងារជាមួយ ឯកឧត្តម Tull TRAISORAT ឯកអគ្គរាជទូតនៃព្រះរាជាណាចក្រថៃ តែងតាំងថ្មីប្រចាំព្រះរាជាណាចក្រកម្ពុជា។ ជំនួបនេះធ្វើឡើងនៅទីស្តីការក្រសួងការងារ និងបណ្តុះបណ្តាលវិជ្ជាជីវៈ នារសៀលថ្ងៃសុក្រ ទី១១ ខែមីនា ឆ្នាំ២០២៥នេះ ក្នុងគោលបំណងពង្រឹងទំនាក់ទំនងការទូតរវាងប្រទេសកម្ពុជា និងប្រទេសថៃ ដែលឆ្នាំ២០២៥នេះ គឺជាខួបលើកទី៧៥ នៃទំនាក់ទំនងការទូតរវាងប្រទេសទាំងពីរ។ ទន្ទឹមនេះ ឯកឧត្តម ហេង សួរ ក៏បានសម្តែងការអបអរសាទរចំពោះ ឯកឧត្តម ទុល ត្រៃស៊ូរ៉ាត់ (Tull TRAISORAT)ដែលត្រូវបានតែងតាំងជាឯកអគ្គរាជទូតនៃព្រះរាជាណាចក្រថៃឡង់ដ៏ ប្រចាំនៅព្រះរាជាណាចក្រកម្ពុជា។ ឯកឧត្តមរដ្ឋមន្រ្តី ក្នុងនាមរាជរដ្ឋាភិបាលកម្ពុជា ក៏បានថ្លែងអំណរគុណដល់រាជរដ្ឋាភិបាលថៃ…

(ភ្នំពេញ)៖ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ កាលពីថ្ងៃទី ០៩ ខែមេសា ឆ្នាំ២០២៥ បានអនុញ្ញាតជូន លោក លឹម ឃុនស្រ៊ុន អគ្គនាយកប្រតិបត្តិក្រុមហ៊ុន អប្សរា មេឌា សឺវីស ឯ.ក (AMS) និងសហការី ចូលជួបសម្តែងការគួរសម និងពិភាក្សាការងារ ដើម្បីផ្តល់កិច្ចសហប្រតិបត្តិការក្នុងការផ្សព្វផ្សាយ និងផលិតមាតិកាល្អៗសម្រាប់លើកកម្ពស់វិស័យទេសចរណ៍នៅកម្ពុជា និងបានឯកភាពក្នុងការចុះអនុស្សរណៈនៃការយោគយល់រវាងក្រុមហ៊ុន (AMS) និងក្រសួងទេសចរណ៍ ក្នុងគោលបំណងរឹតចំណងមិត្តភាពរវាងវិស័យឯកជន និងស្ថាប័នរដ្ឋក្នុងការសហការផលិត និងផ្សព្វផ្សាយសក្តានុពលទេសចរណ៍ប្លែកៗ ប្រកបដោយគុណភាព និងភាពទាក់ទាញ ទន្ទឹមនឹងនោះក៏ដើម្បីឱ្យស្របតាមអភិក្រម «ជវភាពនៃប្រព័ន្ធតួអង្គតែមួយ» ដែល ឯកឧត្តមរដ្ឋមន្ត្រី បានដាក់ចេញនូវសសរស្តម្ភនៃកិច្ចសហប្រតិបត្តិការចំនួន៦ ក្នុងនោះ ក៏មានវិស័យឯកជនផងដែរ។ ក្នុងកិច្ចជំនួបដ៏មានសារៈសំខាន់នាពេលនេះ ឯកឧត្តមរដ្ឋមន្ត្រី បានស្នើសុំឱ្យបន្ត ជួយផ្សព្វផ្សាយតំបន់សក្តានុពលទេសចរណ៍កម្ពុជាទៅកាន់ពិភពលោក ជាពិសេសការជួយផ្សព្វផ្សាយនូវព័ត៌មានមិនពិតពីកម្ពុជា ដែលកម្ពុជាពោរពេញទៅដោយកត្តាសុខសន្តិភាព ស្ថិរភាពនយោបាយ សណ្តាប់ធ្នាប់សាធារណៈ ដែលបង្កើតបាននូវបរិយាកាសអំណោយផលក្នុងការអភិវឌ្ឍវិស័យទេសចរណ៍ ឦ ជាពិសេស ឯកឧត្តមរដ្ឋមន្ត្រី បានស្នើឱ្យជួយចូលរួមក្នុងយុទ្ធនាការ ក្រោមទិសស្លោកចំនួន ៣ គឺ៖ទិសស្លោករបស់សម្តេចអគ្គមហាសេនាបតីតេជោ…