(ភ្នំពេញ)៖ សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្ដីទីនៃកម្ពុជា បានបង្ហាញសារ ​កំពុង​មាន​ទុក្ខ​ធ្ងន់ ដោយម្ខាងភរិយា គឺសម្ដេចកិតិ្តព្រឹទ្ធបណ្ឌិត ប៊ុន រ៉ានី ហ៊ុនសែន ត្រូវវះកាត់ និងបង​ប្រុស​សន្លប់ ​មិន​ដឹងខ្លួន​ ២៤ម៉ោង​មក​ហើយ ។ សម្ដេចតេជោ បង្ហាញដូច្នេះ នៅលើបណ្ដាញសង្គមហ្វេសប៊ុក នៅព្រឹកថ្ងៃទី២៥ ខែមីនា ឆ្នាំ២០២៥ ។ សម្ដេចតេជោ បានសរសេរថា ពេលនេះ ខ្ញុំពិតជា កំពុងមានទុក្ខធ្ង ន់ម្ខាងភរិយា ត្រូវវះកាត់។ បើទោះជាឆ្លងផុតដំណាក់ការគ្រោះថ្នាក់មកដល់សុវត្តិភាពហើយក៏ដោយ តែក្នុងឋានៈជាស្វាមី នៅតែមានកង្វល់ ព្រោះមិនអាចនៅកំដរ និងមើលថែទាំភរិយាបាន។ រឿងធ្ងន់ជាងនេះ គឺបងប្រុសទី១ មិនអាចឆ្លងផុតពីការលាចាកលោក ក្នុងពេលខ្លីខាងមុខនេះបានឡើយ។ ក្នុងក្រុមគ្រួសារ បានត្រៀមទទួលការឈឺចាប់ ដែលមិនអាចជៀសវាងបាននេះរួចហើយ ។ សម្ដេចបញ្ជាក់ថា ម្ខាងភរិយា ម្ខាងបងប្រុស ក្នុងពេលតែមួយ និងនៅកន្លែងខុសគ្នា ។ ភរិយាខ្ញុំ ជំរុញឱ្យខ្ញុំប្រញាប់ទៅមើលបងប្រុស និងក្នុងករណី បងប្រុសចែកឋានក្នុងពេលឆាប់ គ្រប់កម្មវិធី…

(សៀមរាប)៖ យោង​តាម​របាយការណ៍របស់​មន្ទីរ​ទេសចរណ៍​ខេត្ត​សៀមរាប បានបង្ហាញថាអំឡុងពេល ៣ថ្ងៃនៃព្រឹត្តិការណ៍សមរាត្រី (Equinox) ថ្ងៃរះចំកណ្ដាលកំពូលប្រាសាទអង្គរវត្ត មានភ្ញៀវទេសចរ ​ចំនួន ៨០,៤៦៣ នាក់បានមកទស្សនា ដែលបានបញ្ជាក់ពីភាពទាក់ទាញ និងអស្ចារ្យ នៃឧប្បតិភាពធម្មជាតិមួយនេះ មានលក្ខណៈពិសេស និងកើតមានតែ ២ដង ក្នុង ១ឆ្នាំ ។ កំណើននៃការចូលរួមរបស់ភ្ញៀវទេសចរ ក្នុងអំឡុង ព្រឹត្តិការណ៍ពីថ្ងៃទី ២១ ដល់ ២៣ ខែមីនា មានភ្ញៀវទេសចរជាច្រើន បានមកទស្សនា រួមមាន៖ ថ្ងៃទី១ (២១ មីនា)៖ ១៦,០០០ នាក់ (ទេសចរបរទេស ៣,៥០០ នាក់), ថ្ងៃទី២ (២២ មីនា)៖ ៣៤,០០០ នាក់ (ទេសចរបរទេស ៣,៥០០ នាក់) និងថ្ងៃទី៣ (២៣ មីនា)៖ ២៣,០០០ នាក់ (ទេសចរបរទេស ២,១៣០ នាក់) ។ ​ប្រទេស​កម្ពុជា​…

(ភ្នំពេញ)៖ ក្នុងពិធីពិសាអាហារស្រាយបួសខែរ៉ាម៉ាឌន នៃសាសនាឥស្លាមកម្ពុជា លើកទី៩ ឆ្នាំ២០២៥ នាល្ងាច​ថ្ងៃចន្ទ ទី២៤ ខែមីនា ឆ្នាំ២០២៥ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី កម្ពុជា បានដាក់ចេញនូវ​អនុសាសន៍ណែនាំមួយចំនួន ដើម្បីឱ្យសហគមន៍​បងប្អូន​ខ្មែរ​ឥស្លាម ទទួលបាន នូវការីកចម្រើនបន្ថែមទៀត ។ អនុសាសន៍ណែនាំរបស់សម្តេចធិបតី ហ៊ុន ម៉ាណែត រួមមាន៖ ទី១/ ថ្នាក់ដឹកនាំខ្មែរឥស្លាម និងសាសនិកឥស្លាម​ទាំង​អស់ ត្រូវបន្តសហការ ប្រកបដោយសាមគ្គីភាព និងមិត្ត​ភាព ព្រមទាំង​មានទំនាក់ទំនងល្អជាមួយសហគម​ន៍​សាសនាដទៃទៀត, ទាំងក្នុងថ្នាក់ជាតិ-អន្តរជាតិ, ដោយ​ឈរ​លើគោលការណ៍សុខដុមនីយកម្មជាតិសាសន៍ និង​សាសនា ។ ទី២/ សូមបន្តរៀបចំដឹកនាំ​កិច្ចការ​សាសនា ក្នុង​សហ​គម​ន៍​​ខ្មែរឥស្លាម តាមរយៈ កិច្ចសហការ​យ៉ាង​ជិតស្និទ្ធជាមួយ​ក្រសួងធម្មការ និងសាសនា និងអាជ្ញាធរមានសមត្ថកិច្ច​តាមលំដាប់ថ្នាក់ ។ ទី៣/ អាជ្ញាធរមានសមត្ថកិច្ច ត្រូវជួយសម្រួល លើការ​សាង​សង់សាលារៀន វិហារឥស្លាម (ម៉ាស្ជិទ-ស៊ូរ៉ាវ) ជូន​បងប្អូនខ្មែរឥស្លាម ដោយត្រូវអនុវត្តឱ្យបានខ្ជាប់ខ្ជួន នូវ​សេចក្តីជូនដំណឹង ស្តីអំពីការកំណត់ និងការកសាងទី​កន្លែង​ប្រតិបត្តិសាសនា ទៅតាមបណ្តាភូមិ និងមានសាស​និក​ខ្មែរ​ឥស្លាមរស់នៅ​ឱ្យស្របតាមក្រឹត្យក្រមច្បាប់​សាស​នា​ឥស្លាម…

(ភ្នំពេញ)៖ តបតាមការអញ្ជើញរបស់ឯកឧត្តម នាយឧត្តមសេនីយ៍ វិល័យ ឡាខាំហ្វង ឧបនាយករដ្ឋមន្ត្រី រដ្ឋមន្ត្រីក្រសួងសន្តិសុខសាធារណៈ នៃសាធារណរដ្ឋប្រជាធិបតេយ្យប្រជាមានិតឡាវ និងដោយទទួលបានការអនុញ្ញាតដ៏ខ្ពង់ខ្ពស់ពីសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នារសៀលថ្ងៃទី២៤ ខែមីនា ឆ្នាំ២០២៥ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញដឹកនាំគណៈប្រតិភូជាន់ខ្ពស់កម្ពុជា ទៅបំពេញទស្សនកិច្ចការងារ នៅរដ្ឋធានីវៀងចន្ទន៍ នៃសាធារណរដ្ឋប្រជាធិបតេយ្យប្រជាមានិតឡាវ ចាប់ពីថ្ងៃទី២៤ ដល់ ២៦ ខែមីនា ឆ្នាំ២០២៥ ។ ក្នុងដំណើរទស្សនកិច្ចនេះ ក៏មានវត្តមានអភិបាលខេត្ត​រតនគិរី ព្រះវិហារ ស្ទឹងត្រែង និងលោក ការនគរបាល​ខេត្តទាំង៣ ដែលជាការបញ្ជាក់ច្បាស់នូវឆន្ទៈ​រាជរដ្ឋា​ភិបាលកម្ពុជា ក្រោមការដឹកនាំរបស់ សម្តេចមហាបរធិបតី ហ៊ុន ម៉ាណែត នាយករដ្ឋមន្រ្តី និងដោយឡែក ក្រសួង​មហា​ផ្ទៃក្នុងនាមជាសេនាធិការ ក្រោមការដឹកនាំរបស់ ឯកឧត្តមអភិសន្តិបណ្ឌិត ស សុខា ក្នុងការជំរុញកិច្ច​សហការ​វាងរដ្ឋបាលខេត្តដាប់ព្រំដែនប្រទេសទាំងពីរ​ឱ្យកាន់តែសកម្ម និងប្រកបដោយប្រសិទ្ធភាព ទាំងការ​ថែរក្សាសន្តិសុខតាមខ្សែបន្ទាត់ព្រំដែន ជំរុញការផ្លាស់​ប្តូរជាងប្រជាជន និងប្រជាជន រួមទាំងប្រជាជនចេញ​ចូលជា…

(ភ្នំពេញ)៖ ក្នុងកិច្ចពិភាក្សាការងាររវាងឯកឧត្តមឧបនាយករដ្ឋ​មន្ត្រី សាយ សំអាល់ រដ្ឋមន្ត្រីក្រសួងរៀបចំដែនដីនគរូបនីយ​កម្ម​និងសំណង់ និងលោកជំទាវ ជា សិរី អគ្គទេសាភិបាលធ​នា​គារជាតិនៃកម្ពុជា នាព្រឹកថ្ងៃទី២៤ ខែមីនា ឆ្នាំ២០២៥ ថ្នាក់​ដឹកនាំនៃស្ថាប័នទាំង២បានឯកភាពក្នុងការធ្វើកិច្ច​សហ​ការជាមួយគ្នា ក្នុងកម្រិតសមស្របណាមួយដើម្បីជំរុញ​ឱ្យ​សេដ្ឋ​កិច្ចជាតិដំណើរការល្អ ។ ក្នុងកិច្ចប្រជុំនោះ ឯកឧត្តមឧបនាយករដ្ឋមន្ត្រី សាយ សំអាល់ បានបញ្ជាក់ថា សម្ដេចមហាបវរធិបតី ហ៊ុន ម៉ាណែត នាយក​រដ្ឋ​មន្ត្រី​តែងតែបានលើកឡើងថា យើងទាំងអស់គ្នាត្រូវរៀបចំ​ផ្ទះ​សម្បែងរបស់យើងឱ្យបានរៀបរយ ហើយមិនមានពេល​វេលា​ណា​ដែលអំណោយផលដូចពេលនេះទេ ក្នុងការរៀប​ចំផ្ទះ​សម្បែងរបស់យើងឱ្យបានត្រឹមត្រូវ និងមានរបៀបរៀប​រយ ។ ឯកឧត្តមឧបនាយករដ្ឋមន្ត្រី បានកត់សម្គាល់ថា ជាទូទៅប្រាក់​ដុល្លារ និងប្រាក់រៀល អាចដំណើរការនៅក្នុងលំហូរ​សេដ្ឋកិច្ច​កម្ពុជា​នាពេលបច្ចុប្បន្ន ដែលនេះគឺជារឿងដ៏ល្អមួយសម្រាប់​កម្ពុជា ដែលបានដើរលើផ្លូវដ៏ត្រឹមត្រូវតាំងពីឆ្នាំ១៩៧៩មក ។ ឯកឧត្តមបានបន្ថែមថា ការសម្រួលអត្រាការប្រាក់នឹងជួយ​បន្ធូ​រដល់បំណុលឯកជន ដែលអាចឈានទៅបន្ធូរដល់​បំ​ណុល​សាធារណៈផងដែរ ។ ឯកឧត្តមឧបនាយករដ្ឋមន្ត្រី សាយ សំអាល់ បានលើកសំណើ​ដល់​ធនាគារជាតិនៃកម្ពុជា ថាតើអាចមានការឯកភាពសហ​ការ​ជាមួយក្រសួងរៀបចំដែនដី នគរូបនីយកម្ម និងសំណង់ កម្រិតណាក្នុងវិស័យដីធ្លី ដើម្បីប្រែក្លាយដីឱ្យទៅជាធនាគារដី ដែលអាចជួយជំរុញកំណើនសេដ្ឋកិច្ចជាតិបានយ៉ាងល្អ ។ ជាការឆ្លើយតប លោកជំទាវ ជា…