(ភ្នំពេញ)៖ រដ្ឋ នឹងបើកប្រាក់ខែឌុប និងប្រាក់ឧបត្ថម ៥ម៉ឺនរៀលជូនមន្រ្តីរាជការ មុនបុណ្យចូលឆ្នាំ ដោយមិនឱ្យក្រោយថ្ងៃ១១ ខែមេសា ឡើយ ។ សម្ដេច ក៏បានច្រានចោលការចោទប្រកាន់ ពីមជ្ឈដ្ឋានមួយចំនួនថា រាជរដ្ឋាភិបាល អស់លុយបើកប្រាក់ខែឱ្យមន្ត្រីរាជការហើយ ទើបបោះពុម្ពក្រដាសប្រាក់ ២០ម៉ឺនរៀល ។ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានថែ្លងដូច្នេះ ក្នុងឱកាសអញ្ជើញសម្ពោធ ដាក់ឱ្យប្រើប្រាស់អគារសិក្សា ខ្លោងទ្វារ និងសមិទ្ធផលដទៃទៀតនៅវិទ្យាល័យ ហ៊ុន សែន សេរីភាពក្រុងតាខ្មៅ ខេត្តកណ្តាល នៅព្រឹកថ្ងៃទី២១ ខែមីនា ឆ្នាំ២០២៥ ។ សម្ដេចធិបតី បានថ្លែងថា រាជរដ្ឋាភិបាល បានគ្រប់គ្រងថវិកាបានត្រឹមត្រូវ និងមិនខ្វះថវិកា សម្រាប់បើកជូនមន្ត្រីរាជការឡើយ ។ សម្ដេច បញ្ជាក់ថា ខែ៤នេះ គឺយើងបើកប្រាក់ខែឌុបតែម្ដង ជូនលោកគ្រួអ្នក គ្រូមន្ត្រីរាជការទាំងអស់ បូកទាំងប្រាក់ ៥ម៉ឺនរៀលថែមទៀត មិនឱ្យយឺតជាងថ្ងៃទី១១ ខែមេសា ទេ បើកទាំងពីរ…

(ភ្នំពេញ)៖ សម្ដេចតេជោ ហ៊ុន សែន ប្រមុខរដ្ឋស្ដីទី លើកមូល​ហេតុ​តបនឹងសំណួរថា ហេតុអ្វីមិនផ្តល់ ផ្កាយមាស៥ ជូន​សម្តេច​ក្រឡាហោម​ ស ខេង គឺដោយសារតែសម្តេច​ក្រឡាហោម ជាស៊ីវិល ដូច្នេះមិនពាក់ឋានន្តរស័ក្តិ ដូចជាយោធានោះទេ ។ សម្ដេចអគ្គមហាសេនាបតីតេជោ នាយឧត្តមសេនីយ៍ ផុតលេខផ្កាយមាស៥ ហ៊ុន សែន ថ្លែងបែបនេះ ក្នុងឱកាសអញ្ជើញជាអធិបតី ក្នុងពិធីបំពាក់ឋានន្តរសក្តិ ថ្នាក់នាយឧត្តមសេនីយ៍ផុតលេខផ្កាយមាស៥ នៃកងយោធពលខេមរភូមិន្ទ ជូនសម្ដេចពិជ័យសេនា ទៀ បាញ់ និងសម្ដេចកិត្តិសង្គហបណ្ឌិត ម៉ែន សំអន នៅទីស្ដីការគណៈរដ្ឋមន្រ្តី នាព្រឹកថ្ងៃទី២១ ខែមីនា ឆ្នាំ២០២៥ ។ សម្ដេចតេជោ ហ៊ុន សែន ​បា​នបញ្ជាក់ថា មានសារមួយ ចូលមកបញ្ចេញមតិថា បាត់សម្ដេច ស ខេង ហើយសម្ដេច ក៏បានចូលទៅឆ្លើយតបថា សម្ដេច ស ខេង ជាស៊ីវិល គាត់មិនពាក់ឋានន្តរស័ក្តិ ដូចជាទាហាននោះទេ ។…

(កំពង់ធំ)៖ ក្រុមការងារកសាងសមាជិក គណបក្សប្រជាជនកម្ពុជា ខេត្តកំពង់ធំ ដឹកនាំដោយ ឯកឧត្តម អុី សៀងហុង  ទីប្រឹក្សារាជារដ្ឋាភិបាល និងជាប្រធានក្រុមការងារ បានដឹកនាំអនុប្រធាន និងសមាជិក ប្រកាសទទួលស្គាល់សមាជិក សមាជិកា ដែលមកពីគណបក្សផ្សេងចំនួន ១១៨នាក់ ក្រោមអធិបតីភាព ឯកឧត្តម នួន ផារ័ត្ន ប្រធានគណបក្សខេត្តកំពង់ធំ ព្រមទាំងអនុប្រធាន និងគណៈអចិន្ត្រៃយ៍ ខេត្តកំពង់ធំ នាថ្ងៃទី១៩ ខែមីនា ឆ្នាំ២០២៥ នៅស្នាក់ការគណបក្សខេត្តកំពង់ធំ ។ ឯកឧត្តម អុី សៀងហុង គោរពតាមអនុសាសន៍ សម្តេចតេជោ បានប្រកាសថា «យុទ្ធសាស្រ្តងើបមួយវាយមួយ» នៅតែបន្ត ដោយមិនរាថយ ។ ឯកឧត្តម បញ្ជាក់ថា  កម្លាំងចលករ ក្នុងការអូសទាញដ៏ខ្លាំង សម្រាប់ទិសដៅ និងបានបង្ហាញឆន្ទ:មុតស្រួច ក្នុងការជួបក្បាលម៉ាស៊ីនភ្លើងទៀន និងគណបក្សកម្លាំងជាតិ និងបក្សផ្សេងៗទៀត ទទួលបានបីស្រុក ក្នុងខេត្តកំពង់ធំ ១ស្រុកប្រាសាទសំបូរ, ២  ស្រុកកំពង់ស្វាយ និង៣ ស្រុកប្រាសាទបល្ល័ង្ក…

(ភ្នំពេញ)៖ ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និង ឯកឧត្តម UENO Atsushi ឯ​កអគ្គរាជទូតជប៉ុនប្រចាំប្រទេសកម្ពុជា នាព្រឹកថ្ងៃទី​២១ ខែមីនា ឆ្នាំ២០២៥ បានអញ្ជើញទស្សនកិច្ចការដ្ឋាន​ស្ថានីយបូមទឹកឆៅថ្មីកោះនរា និងបើកការដ្ឋានគម្រោងភ្ជាប់​បំពង់មេនាំទឹកឆៅដោយពុំផ្តាច់ការផ្គត់ផ្គង់ទឹកស្អាត ក្រោម​គម្រោងអភិវឌ្ឍន៍ប្រព័ន្ធ គ្រប់គ្រងការផ្គត់ផ្គង់ទឹកស្អាត​បែប​ឌីជីថលក្នុងតំបន់ទីប្រជុំជន ។ គម្រោងសាងសង់សង់ស្ថានីយបូមទឹកឆៅថ្មី កោះនរា គឺជា​ស្ថានីយ​បូម​ទឹកឆៅថ្មី ដើម្បីជំនួសស្ថានីយបូមទឹកឆៅក្តីតាកុយ ដែលទទួលផលប៉ះពាល់ពីគម្រោងអភិវឌ្ឍន៍កោះនរាថ្មី របស់​ក្រុមហ៊ុនអូរវើស៊ី ខេមបូឌាន ស៊ិនវេសមេន ខបភើរេសិ។ ក្រោយ​ពីទទួលបានការគាំទ្រពេញទំហឹងពីសំណាក់រាជ​រដ្ឋា​ភិបាល ជាមួយនិងកិច្ចសហការណ៍ ពីក្រសួងស្ថាប័នពាក់ព័ន្ធ និងក្រោមស្មារតីទទួលខុសត្រូវខ្ពស់របស់ ក្រុមហ៊ុនអភិវឌ្ឍន៍​គម្រោងកោះនរា រដ្ឋាករទឹកស្វយ័តក្រុងភ្នំពេញ និងក្រុមហ៊ុន OCIC បានចុះហត្ថលេខាលើកិច្ចសន្យា «ស្តីពី ការស្តារឡើងវិញ​នូវផលប៉ះពាល់របស់គម្រោងអភិវឌ្ឍន៍កោះនរាថ្មី មកលើប្រព័ន្ធ​ផលិតកម្មទឹកស្អាតនិរោធរបស់ រដ្ឋាករទឹកស្វយ័ត ក្រុងភ្នំពេញ » ដោយមានទំហំទឹកប្រាក់សរុបប្រមាណ ២៦,៦លានដុល្លារ​អាមេរិក។ យោងទៅតាមការសិក្សានាពេលកន្លងមក ការតភ្ជាប់បំពង់មេនាំ​ទឹកឆៅចេញពីស្ថានីយបូមទឹកឆៅថ្មីកោះនរា មកកាន់ បំពង់​មេ​នាំទឹកឆៅដែលមានស្រាប់ទំហំមុខកាត់ ១.៦០០មម ស្ថិត​នៅលើបណ្តោយផ្លូវជាតិលេខ ១ នេះ…

(ភ្នំពេញ)៖ ក្រុមប្រឹក្សាយុវជនគ្រឹះស្ថានឧត្តមសិក្សា ហៅកាត់ថា ក.យ .គ. នៃសហភាពសហព័ន្ធយុវជនកម្ពុជា បាន បើកសន្និបាតបូកសរុបលទ្ធផលការងារឆ្នាំ២០២៤ និងលើកទិសដៅការងារឆ្នាំ២០២៥ ក្រោមអធិបតីភាព ឯកឧត្តម ស សុខា អនុប្រធានសហភាពសហព័ន្ធយុវជនកម្ពុជា និងជាប្រធាន ក.យ.គ. តំណាងដ៏ខ្ពង់ខ្ពស់ ឯកឧត្តម ហ៊ុន ម៉ានី ប្រធាន ស.ស.យ.ក. នៅសណ្ឋាគារហ្គាដិនស៊ីធីភ្នំពេញ  នាព្រឹកថ្ងៃទី២១ ខែមីនា ឆ្នាំ២០២៥ ។ មានប្រសាសន៍បើកសន្និបាតនាឱកាសនោះ ឯកឧត្តម ស សុខា បានថ្លែងអំណរគុណ ឯកឧត្តមប្រធាន ហ៊ុន ម៉ានី ដែលបានណែនាំតម្រង់ទិស និងដាក់ចេញនូវផែនការជាបន្តបន្ទាប់ សម្រាប់ជាមូលដ្ឋានឱ្យ ក.យ.គ. យកមកអនុវត្តដើម្បីសម្រេចបានតាមចក្ខុវិស័យ និងគោលបំណងរបស់ ស.ស.យ.ក. ព្រមទាំងបានកោតសរសើរ និងវាយតម្លៃប្រកបដោយការលើកទឹកចិត្តខ្ពស់ ចំពោះ ថ្នាក់ដឹកនាំ និងសមាជិក ក.យ.គ. គណៈដឹកនាំចលនាយុវជនស្ម័គ្រចិត្ត គណៈគ្រប់គ្រងគ្រឹះស្ថានឧត្តមសិក្សា និងក្រុមការងារយុវជន ស.ស.យ.ក. ប្រចាំគ្រឹះស្ថានឧត្តមសិក្សារដ្ឋ និងឯកជនទាំងអស់ ដែលបានសហការគ្នាយ៉ាងល្អ…

(ភ្នំពេញ)៖ សម្ដេចអគ្គមហាសេនាបតីតេជោ នាយឧត្តមសេនីយ៍ផុតលេខ ផ្កាយមាស៥ ហ៊ុន សែន ប្រមុខរដ្ឋស្ដីទី បានអញ្ជើញជាអធិបតី បំពាក់ឋានន្តរសក្តិ ថ្នាក់នាយឧត្តមសេនីយ៍ផុតលេខផ្កាយមាស៥ នៃកងយោធពលខេមរភូមិន្ទ ជូនសម្ដេចពិជ័យសេនា ទៀ បាញ់ និងសម្ដេចកិត្តិសង្គហបណ្ឌិត ម៉ែន សំអន នាព្រឹកថ្ងៃទី២១ ខែមីនា ឆ្នាំ២០២៥ នៅទីស្ដីការគណៈរដ្ឋមន្រ្តី ។ ពិធីនេះ បានធ្វើឡើងក្រោយពីសម្ដេចទាំង ២រូប បានទទួលនូវការសព្វព្រះទ័យប្រោសប្រទាន ពីព្រះករុណា ព្រះបាទសម្តេចព្រះ បរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ត្រាស់បង្គាប់ ដំឡើងឋានន្តរស័ក្តិថ្នាក់ «នាយឧត្តមសេនីយ៍ផុតលេខ ផ្កាយមាស៥ នៃកងយោធពលខេមរភូមិន្ទ» កាលពីថ្ងៃទី១៦ ខែមីនា ឆ្នាំ២០២៥កន្លងទៅ ។ សូមជម្រាបថា សម្តេចពិជ័យសេនា ទៀ បាញ់ និងសម្តេចកិត្តិសង្គហបណ្ឌិត ម៉ែន សំអន បច្ចុប្បន្ន គឺជា ឧត្តមប្រឹក្សាផ្ទាល់ព្រះមហាក្សត្រ ដូចគ្នា ។ សម្ដេចទាំង…