(ភ្នំពេញ)៖ ឯកឧត្តមឧបនាយករដ្ឋមន្ត្រី សាយ សំអាល់ រដ្ឋមន្រ្តី​ក្រសួង​រៀបចំដែនដី នគរូបនីយកម្ម និងសំណង់ មានប្រ​សាស​ន៍​បញ្ជាក់ថា នឹងចុះបញ្ជីដីធ្លី ជូនកងទ័ពដើម្បីផ្ដល់សុវត្ថិភាពក្នុង​ការកាន់កាប់ដីធ្លីស្របច្បាប់ និងជំរុញការបង្កើតប្រព័ន្ធផលិតកម្ម​ស្បៀងសម្រាប់កងទ័ព ដោយបានស្នើសុំអោយអង្គភាពកង​ទ័ពបន្ថែមនូវការចិញ្ចឹមសត្វគោ ជ្រូក មាន់ ទា ត្រីនិងដាំបន្លែ ដំណាំសម្រាប់ទុកជាស្បៀងអាហារផ្គត់ផ្គង់ដល់កងទ័ពផងដែរ ។ នេះជាការបញ្ជាក់របស់ ឯកឧត្តមឧបនាយករដ្ឋមន្ត្រី សាយ សំអាល់ ថ្លែងក្នុងជំនួបពិភាក្សាការងារជាមួយ ឯកឧត្តម នាយ​ឧត្តម​សេនីយ៍ វង្ស ពិសេន អគ្គមេបញ្ជាការនៃអគ្គបញ្ជាការដ្ឋាន កងយោធពលខេមរភូមិន្ទ នាថ្ងៃទី ១២ ខែមីនា ឆ្នាំ២០២៥ ។ ឯកឧត្តមឧបនាយករដ្ឋមន្ត្រី សាយ សំអាល់ បានគូសបញ្ជាក់ពី​ការ​ងារអាទិភាពដែលក្រសួងកំពុងអនុវត្តស្របតាម​ចក្ខុវិស័យ​របស់រាជរដ្ឋាភិបាល ក្នុងនោះមានការចុះបញ្ជីដីធ្លីបង្ហើយ បង្កើត​បរិយាកាសគ្មានវិវាទ ការរៀបចំសម្បទានដីសង្គមកិច្ច ការរៀប​ចំ​ដែនដី នគរូបនីយកម្ម និងលំនៅឋានជាដើម ។ ការចុះបញ្ជី​ដីធ្លី​បង្ហើយនេះគឺដើម្បីផ្ដល់សុវត្ថិភាពក្នុងការកាន់​កាប់ដីធ្លី​ស្រប​ច្បាប់ជូនប្រជាពលរដ្ឋ លុបបំបាត់ទំនាស់ដីធ្លី និងជំរុញកំណើន​សេដ្ឋកិច្ចជាតិ រីឯការរៀបចំសម្បទានដីសង្គមកិច្ចប្រៀបបីដូច​ជាការចាប់ទាញប្រជាជនប្រមាណ ៥០ម៉ឺនគ្រួសារឱ្យចាកចេញ​ពីភាពក្រីក្រដូច្នោះដែរ ។ ឯកឧត្តមនាយ​ឧត្តម​សេនីយ៍ វង្ស ពិសេន អគ្គមេបញ្ជាការនៃ​អគ្គ​បញ្ជា​ការដ្ឋានកងយោធពលខេមរភូមិន្ទ…

(កំពង់ឆ្នាំង)៖ ថ្លែងនៅក្នុងពិធីបើកការដ្ឋានសាងសង់ផ្លូវកៅស៊ូ dbst ចំនួន១ខ្សែប្រវែងជិត ៦គីឡូម៉ែត្រ នៅឃុំថ្មឥដ្ឋ និង ឃុំ​​ឈូក ស ស្រុកកំពង់ត្រឡាច កាលពីព្រឹកថ្ងៃទី ១២ខែមីនា ឆ្នាំ​២០២៥នេះ ឯកឧត្តម ស៊ុន សុវណ្ណារិទ្ធិ បានបញ្ជាក់ថា ក្រោម​ម្លប់នៃសុខសន្តិភាពដ៏ពេញលេញ កម្ពុជាបានធ្វើការ​អភិវឌ្ឍ​រីក​ចម្រើនលើគ្រប់វិស័យបានយ៉ាងឆាប់រហ័ស ហើយការ​អភិវឌ្ឍ​ហេដ្ឋារចនាសម្ព័ន្ធផ្លូវ ស្ពាន ក៏ត្រូវបានចាត់ទុកជាវិស័យអទិភាព​មួយយ៉ាងសំខាន់របស់ជាតិ ដែលជានិច្ចកាល តែងតែបាន​ទទួល​ការគាំទ្រនិងយកចិត្តទុកដាក់យ៉ាងខ្លាំង ពីរាជរដ្ឋាភិបាល​កម្ពុជានីតិកាលទី ៧ នៃរដ្ឋសភា ក្រោមការដឹកនាំដ៏ឈ្លាស​វៃ និងប៉ិនប្រសប់របស់ សម្ដេចមហាបវរធបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។ ពិធីខាងលើនេះក៏មានការអញ្ជើញចូលរួមពី​លោកជំទាវ កែ ច័ន្ទមុនី អ្នកតំណាងរាស្ត្រមណ្ឌលកំពង់ឆ្នាំង ឯកឧត្តម ស៊ីវ រុន ប្រធានក្រុមប្រឹក្សាខេត្ត មន្ត្រីរាជការ កងកម្លាំងប្រដាប់​អាវុធ លោកគ្រូ.អ្នកគ្រូសិស្សានុសិស្សនិងប្រជាពលរដ្ឋជាច្រើនរូបទៀត។ ឯកឧត្តមអភិបាលខេត្ត បានបន្តថា យុទ្ធសាស្ត្រដឹកនាំរបស់​រាជរដ្ឋា​ភិបាល កម្ពុជាគឺទទួលបានភាពជោគជ័យយ៉ាងត្រចះ​ត្រចង់ ទាំងទិដ្ឋភាពនយោបាយការទូត សេដ្ឋកិច្ចមសង្គមកិច្ច ព្រមទាំងកិច្ចសហប្រតិបត្តិការ ដែលបានបង្ហាញឲ្យឃើញ​កាន់​តែ​ច្បាស់ អំពីតម្លៃដ៏មហាសាល នៃសន្តិភាព ព្រមទាំង​ដាក់​ចេញ​នូវគោលនយោបាយយុទ្ធសាស្ត្របច្ចុកោណ …

(បន្ទាយមានជ័យ)៖ រាជរដ្ឋាភិបាល បន្តលើក កម្ពស់សមភាព​យេន​ឌ័រ តាមរយៈការបង្កើនការវិនិយោគលើសមភាពយេនឌ័រ និងបង្កើនភាពអង់អាចដល់ស្ត្រី និងក្មេងស្រីនៅក្នុងវិស័យសេដ្ឋ​កិច្ច អប់រំសុខភាព និងការដឹកនាំសាធារណៈ ដើម្បីទាញយក​អត្ថ​ប្រយោជន៍ពីភាគលាភយេនឌ័រ បង្កលក្ខណៈអំណោយ​ផល​ដល់ស្ត្រី ក្នុងការប្រើប្រាស់សិទ្ធិលើការសម្រេចចិត្តអំពីផែនការ គ្រួសារ កាត់បន្ថយភាពងាយរងគ្រោះដោយអំពើហិង្សា​ទាក់​ទង​នឹងយេនឌ័រលើស្ត្រី និងក្មេងស្រី និងការលើកកម្ពស់ទំនាក់ទំនង​អន្តរជំនាន់ ។ នេះគឺជាការលើកឡើងរបស់ ឯកឧត្តម អ៊ុ រាត្រី អភិបាល នៃ​គណៈអភិបាលខេត្តបន្ទាយមានជ័យ ក្នុងទិវាអន្តរជាតិនារី ៨មីនា ខួបលើកទី១១៤ ឆ្នាំ២០២៥ ក្រោមប្រធានបទ “សិទ្ធិ សមភាព និងភាពអង់អាចចំពោះស្ត្រីនិងក្មេងស្រីគ្រប់រូប” ដែល​រៀបចំឡើងក្រោមអធិបតីភាពឯកឧត្តម ប្លែក វ៉ារី ប្រធាន​ក្រុម​ប្រឹក្សា​ខេត្ត នារសៀលថ្ងៃទី១១ ខែមិនា ឆ្នាំ២០២៥ នៅសាល​ប្រជុំសាលាខេត្តមន្ទាយមានជ័យ ។ ឯកឧត្ដម បន្តថា រាជរដ្ឋាភិបាល នីតិកាលទី៧ នៃរដ្ឋសភា ក្រោមការដឹកនាំប្រកបដោយភាពឈ្លាសវៃ ស្វាហាប់ និង​មានចក្ខុវិស័យច្បាស់លាស់ស៊ីជម្រៅរបស់ សម្តេចមហាបវរធិប​តី ហ៊ុន ម៉ាណែត នាយករដ្ឋមន្ត្រី កម្ពុជា បានបន្តកំណត់ការ​លើក​កម្ពស់សមភាពយេនឌ័រ និងការបង្កើនភាពអង់…

(ខេត្តបាត់ដំបង)៖ ខេត្តបាត់ដំបងមានច្រកព្រំដែនអន្តរជាតិ​ចំនួន ២ និង ច្រកតំបន់ចំនួន ៣ មានព្រំប្រទល់ជាប់ទៅនឹង​ខេត្តចំនួន៣ របស់ប្រទេសថៃ រួមមាន ៖ ខេត្តត្រាត ខេត្តច័ន្ទបុរី និងខេត្តស្រះកែវ និងមានព្រំដែនជាប់ជាមួយប្រទេស​ថៃប្រវែង​ជាង ១៤០គីឡូម៉ែត្រ។ នេះជាប្រសាសន៍លើកឡើងរបស់ ឯកឧត្តម សុខ លូ អភិបាល​ខេត្តបាត់ដំបង ក្នុងឱកាសទទួលជួបពិភាក្សាការងារ ជាមួយ ឯកឧត្តម ណារុត សូន្ថរោត្តម (Narut Soontarodom) អគ្គកុង​ស៊ុល ថៃ ប្រចាំខេត្តសៀមរាប ដើម្បីបង្ហាញពីការ​បង្កើនការរឹតចំណងមិត្តភាពសាមគ្គីភាពដ៏ជិតស្និទ និងពង្រឹងនូវកិច្ចសហប្រតិបត្តិការរវាងប្រទេសនិង ប្រជាជនទាំងពីរ ឱ្យកាន់តែជិតស្និទ្ធថែមទៀត ។ ឯកឧត្តម សុខ លូ បានថ្លែងអំណរគុណ ដល់រាជរដ្ឋាភិបាលថៃ ដែលកន្លងមក បានជួយបង្កលក្ខណៈងាយស្រួល ដល់បងប្អូន​ពលករ​ខ្មែរ ដែលបានវិលត្រឡប់មកលេងស្រុកកំណើត​ក្នុង​ឱកាសបុណ្យចូលឆ្នាំថ្មីប្រពៃណីជាតិខ្មែរកន្លងមក ។ ហើយ​បានស្នើដល់ភាគីថៃ ឲ្យបន្តជួយបង្កលក្ខណៈងាយស្រួល ដល់ពលករខ្មែរ ក្នុងការវិលត្រឡប់មកលេងស្រុកកំណើតវិញ ក្នុងឱកាសពិធីបុណ្យចូលឆ្នាំថ្មីប្រពៃណីជាតិខ្មែរ ដែលកាន់​តែខិតជិតមកដល់ នាពេលខាងមុខ ឆាប់ៗនេះ។ ឯកឧត្តម ណារុត…

(ខេត្តព្រះវិហារ)៖ ឯកឧត្តម គីម រិទ្ធី អភិបាល នៃគណៈអភិ​បា​ល ខេត្តព្រះវិហារ ថ្លែងថា កងកម្លាំងប្រដាប់អាវុធមិនត្រឹមតែ​ជាកម្លាំងស្នូល ក្នុងការទទួលរ៉ាប់រងលើកិច្ច ការពារបូរណភាព​ទឹកដី អធិបតេយ្យភាពជាតិ រក្សាសន្តិសុខ សណ្តាប់ធ្នាប់ ទប់​ស្កាត់​បង្ក្រាបបទល្មើសនោះទេ កងកម្លាំងប្រដាប់អាវុធទាំងអស់ គឺជាកម្លាំងដ៏រឹងមាំក្នុងការជួយសង្គ្រោះពេលមានគ្រោះមហន្តរាយ និងគ្រោះអាសន្នផ្សេងៗ ប្រកបដោយភាពកក់ក្តៅ និងមាន​ទំនុកចិត្តពីប្រជាពលរដ្ឋផងដែរ។ ឯកឧត្តម គីម រិទ្ធី ថ្លែងបែបនេះ ក្នុងពិធីបើកវគ្គហ្វឹកហ្វឺនបំប៉ន​សណ្តាប់​ធ្នាប់ជួរទ័ព ប្រចាំឆមាសទី១ ឆ្នាំ២០២៥ កងរាជអាវុធ​ហត្ថខេត្តព្រះវិហារ និងខេត្តស្ទឹងត្រែង នាថ្ងៃទី១១ ខែមីនា ឆ្នាំ២០២៥ ក្រោមវត្តមានអញ្ជើញចូលរួម ពីឯកឧត្តម អស់​លោក លោកស្រី ប្រធានស្ថាប័ន អង្គភាពជុំវិញខេត្ត ព្រមទាំង​នាយទាហាន នាយទាហានរង នៃកងរាជអាវុធហត្ថខេត្ត​ព្រះវិ​ហារ និងខេត្តស្ទឹងត្រែង ដែលរៀបចំឡើងនៅទីបញ្ជាការដ្ឋាន​កងរាជអាវុធហត្ថខេត្តព្រះវិហារ ស្ថិតក្នុងភូមិហ្មសែត សង្កាត់​ប៉ាលហាល ក្រុងព្រះវិហារ។ ឯកឧត្តម គីម រិទ្ធី បានបន្តថា ៖ បច្ចុប្បន្ន ថ្វីត្បិតតែប្រទេសយើង​មានសុខសន្តិភាពពេញលេញ និងមានការអភិវឌ្ឍរីកចម្រើន​លើ​គ្រប់វិស័យ ប៉ុន្តែការអភិវឌ្ឍសមត្ថភាព…

(ភ្នំពេញ)៖ តាមរយៈបណ្តាញទំនាក់ទំនងសង្គម តេឡេក្រាមផ្លូវការ នៅព្រឹកថ្ងៃទី១២ ខែមីនា ឆ្នាំ ២០២៥ សម្តេចបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានបង្ហោះវីដេអូខ្លីមួយ រំលឹកអំពីបេសកកម្ម របស់សម្តេចដែលកាលនោះ (ឆ្នាំ២០១៧) នៅមានតួនាទីជាមេទ័ពជើងគោក ហើយបានចុះពិនិត្យ ការកសាងផ្លូវ តាមបណ្តាយបន្ទាត់ព្រំដែន ដែលជាកិច្ចការពារបូរណភាពទឹកដី និងលើកស្ទួយជីវភាព រស់របស់ប្រជាពលរដ្ឋ។ សម្តេចបានបញ្ជាក់តាមរយៈសំណេរថា ៨ឆ្នាំមុន ខុសគ្នាតែអាយុ និងតួនាទី ប៉ុន្តែកាតព្វកិច្ច និងការចូល រួមក្នុងកិច្ចការពារបូរណភាពទឹកដី មិនប្តូរទេ។ បើខ្មែរយើងមិនខិតខំរួមគ្នាពង្រឹងខ្លួនឯង គ្មានអ្នកណាផ្សេង គេធ្វើជំនួសយើងទេ ។ សម្តេចនាយករដ្ឋមន្ត្រី បានលើកឡើងថា ៖ ៨ ឆ្នាំមុន (៦ មីនា ២០១៧) និងថ្ងៃនេះ (១២ មីនា ២០២៥) ខុសគ្នាតែអាយុ និងតួនាទី ប៉ុន្តែកាតព្វកិច្ច និងការចូលរួមក្នុងកិច្ចការពារបូរណភាពទឹកដី ការពង្រឹងប្រៀបការពារជាតិ ការអភិវឌ្ឍប្រទេស រួមទាំងការលើកស្ទួយកម្រិតជីវភាពរស់នៅរបស់កង កម្លាំងប្រដាប់អាវុធ និងគ្រួសារ…