កំពង់ចាម៖ ឯកឧត្តម អ៊ុន ចាន់ដា អភិបាលខេត្តកំពង់ចាម​កាលពី​រសៀលថ្ងៃទី១០ ខែមីនា បានទទួលជួបឯកឧត្តម SANTO DARMOSUMARTO ឯកអគ្គរដ្ឋទូតនៃ​សាធារណ​រដ្ឋឥណ្ឌូនេស៊ីប្រចាំនៅព្រះរាជាណាចក្រកម្ពុជានៅសាលាខេត្ត។ ជំនួបសម្ដែងការគួរសម និងពិភាក្សាការងារនេះឯកឧត្តម​អភិបាលខេត្តកំពង់ចាមបានជម្រាបជូនឯកឧត្តមឯកអគ្គរដ្ឋទូត ឥណ្ឌូនេស៊ីពីសក្តានុពល ភូមិសាស្ត្រ សេដ្ឋកិច្ច និងវឌ្ឍនភាព​របស់រដ្ឋបាលខេត្ត។ឯកឧត្តមអភិបាលខេត្តបាន​ស្នើដល់ឯកអគ្គ រដ្ឋទូតសូមជំរុញវិនិយោគិន មកវិនិយោគនៅខេត្តកំពង់ចាម ។ឯកឧត្តមក៏ចង់សម្ព័ន្ធមេត្រីភាពរវាងខេត្ត កំពង់ចាម ជាមួយ​បណ្តា​ខេត្តនៃប្រទេសឥណ្ឌូនេស៊ី ដើម្បីផ្លាស់ប្តូរការវិនិយោគ ផលិតផល គ្នាទៅវិញទៅមក។ ជាការតបវិញឯកឧត្តមឯកអគ្គរដ្ឋទូត បញ្ជាក់ថា ឯកឧត្តមនឹង​កៀរគរអ្នកវិនិយោគមកវិនិយោគនៅខេត្តកំង់ចាម ៕ដោយ៖លីពៅ

ផ្សាយបន្ដផ្ទាល់ ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា អញ្ជើញចែកសញ្ញាបត្រដល់និសិ្សតនៃវិទ្យាស្ថានវ៉ាន់ដា នៅកោះពេជ្រ នាព្រឹកថ្ងៃទី១១ ខែមីនា ឆ្នាំ២០២៥។ Watch Video

(ភ្នំពេញ)៖ ក្រសួងទេសចរណ៍ និងវិទ្យុមិត្តភាព កម្ពុជា-ចិន នៃអគ្គស្ថានីយវិទ្យុ និងទូរទស្សន៍មជ្ឈិមចិន បានសហការ​ចាប់ដៃគ្នាជំរុញការផ្សព្វផ្សាយទេសចរណ៍តាមទម្រង់ “ប្រព័ន្ធ​ផ្សព្វផ្សាយបូកទេសចរណ៍” និងពិភាក្សាការងារស្តីពីការផ្លាស់ប្តូរ​ទស្សនស៊ីជម្រៅលើការផ្សព្វផ្សាយពីសភាពការណ៍នយោបាយ សង្គម សន្តិសុខដែលមានសុខសន្តិភាពពេញបរិបូណ៍ និងល្អ​ប្រ​សើរ ឱកាសវិនិយោគដ៏ល្អប្រពៃ និងគោលដៅទេសចរណ៍​ដ៏សំបូរ​បែបនៅកម្ពុជាឱ្យបានទូលំទូលាយ ជូនដល់ប្រជាជន និងធុរជនចិន ដើម្បីទាក់ទាញឱ្យមានការធ្វើដំណើរកម្សាន្ត និងមកបណ្តាក់ទុនក្នុងវិស័យទេសចរណ៍ឱ្យកាន់តែច្រើនឡើងក្នុងឆ្នាំថ្មីនេះ។ ក្នុងឱកាសអនុញ្ញាតជូនលោកស្រី Xu Xiaoxia អគ្គនាយិកា​វិទ្យុ​មិត្ត​ភាព កម្ពុជា-ចិន នៃអគ្គស្ថានីយវិទ្យុ និងទូរទស្សន៍មជ្ឈិមចិន និងសហការី ចូលជួបសម្តែងការគួរសម និងពិភាក្សាការងារ នារសៀលថ្ងៃទី៩ ខែមីនា ឆ្នាំ២០២៥ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ បាន បានកោតសរសើរ និង​វាយ​តម្លៃខ្ពស់ ព្រមទាំងថ្លែងអំណរគុណចំពោះការជួយផ្សព្វផ្សាយ និងកិច្ចសហប្រតិបត្តិផ្សព្វផ្សាយពីទេសចរណ៍កម្ពុជាកន្លងមក ។ ជាលទ្ធផលនៃកិច្ចជំនួបដ៏មានសារៈសំខាន់នាពេលនេះ ឯកឧត្តមរដ្ឋមន្ត្រី បានឯកភាពចំពោះការស្នើចុះអនុស្សារណៈ នៃការយោគយល់គ្នារវាងអគ្គស្ថានីយវិទ្យុ និងទូរទស្សន៍​មជ្ឈិម​ចិន និងក្រសួងទេសចរណ៍ និងបានឯកភាពចំពោះសំណើ​ពង្រីក​កិច្ចសហប្រតិបត្តិការរវាងភាគីទាំងពីរក្នុងវិស័យ New media ជាពិសេស ស្នើ លោកស្រី ជួយចូលរួមសហការទប់​ស្កាត់​ការផ្សព្វផ្សាយព័ត៌មានមិនពិតពីប្រទេសកម្ពុជា ពិសេស​វិស័យទេសចរណ៍…

(ភ្នំពេញ)៖ ក្នុងឱកាសសំណេះសំណាលជាមួយកម្មករ​និយោ​ជិត និងសម្ពោធទារកដ្ឋាន នៅរោងចក្រម៉ាវ៉ល ហ្កាមិន នាព្រឹក​ថ្ងៃទី១០ ខែមីនា ឆ្នាំ២០២៥ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី កម្ពុជា បានមានប្រសាសន៍ថា គោល​នយោបាយជួយឧបត្ថម្ភដល់ស្រ្តីមានផ្ទៃពោះ រហូតដល់កូន​មាន​អាយុ ២ឆ្នាំ គឺជានយោបាយរបស់សម្តេចតេជោ ហើយបន្តរហូត​ដល់រាជរដ្ឋាភិបាល នីតិកាលទី៧ នៃរដ្ឋសភា គឺជានយោបាយ​ដ៏ល្អ​​ដើម្បីជួយដល់ស្រ្តី ដោយក្នុងនោះ ស្ត្រីមានផ្ទៃពោះ នៅ​ពេល​​ពិនិត្យសុខភាព នឹងទទួលបានប្រាក់ឧបត្ថម្ភ ៨ម៉ឺនរៀល​ក្នុង១លើក ហើយត្រូវពិនិត្យផ្ទៃពោះចំនួន ៤លើក មុន​ពេល​សម្រាល, ពេលឆ្លងទន្លេ កូន១ ទទួលបានថវិកាឧបត្ថម្ភចំនួន ៨០ម៉ឺន កូនភ្លោះ២ ទទួលបាន ១ លាន ២ សែន រៀល កូន​ភ្លោះ​៣ ទទួលបាន ១ លាន ៦ សែន រៀល និងការឧបត្ថម្ភពី​សម្ដេចតេជោ និងសម្ដេចកិត្តិព្រឹទ្ធបណ្ឌិត ចំនួន៥លានរៀល ថែមទៀត ។ សម្ដេចបវរធិបតី បានគូសរំលេច…

បាត់ដំបង៖ ខណៈនៅសល់រយៈពេលតែជាង១ខែទៀតប៉ុណ្ណោះ បុណ្យ​ចូលឆ្នាំថ្មីប្រពៃណីជាតិនឹងចូលមកដល់ ឯកឧត្តម​នាយ​ឧត្តមសេនីយ ទៀ សីហា ឧបនាយករដ្ឋមន្ត្រីរដ្ឋមន្ត្រីក្រសួងការពារជាតិ និងអមដំណើរដោយ​ឯកឧត្តម សុខ លូ អភិបាល​​ខេត្តបាត់ដំបង បាន​អញ្ជើញសាកសួរសុខទុក្ខ កងកម្លាំងប្រដាប់អាវុធឈរជើង​នៅតាម​បន្ទាត់​ព្រំដែន​គោកកម្ពុជា-ថៃ ទិសយោធភូមិភាគទី៥ ក្នុងភូមិសាស្ត្រ​ខេត្តបាត់ដំបង ។ ក្នុងជំនួបផ្ទាល់ដោយភាពស្និទ្ធស្នាល និងកក់ក្តៅក្នុងសប្ដាហ៍កន្លងទៅ​នៅទីបញ្ជាការកងការពារព្រំ​ដែនលេខ​​៥០២ នៃស្រុកសំឡូត ខេត្ត​បាត់ដំបង ​នាយទាហាន នាយទាហានរង និងពលទាហានទិសយោធ​ភូមិភាគទី៥បា​នបង្ហាញនូវអារម្មណ៍សប្បាយរីករាយចំពោះការ​យក​ចិត្ត​ទុក​ដាក់ពីប្រមុខក្រសួងការពារជាតិ ពីរដ្ឋបាលខេត្តបាត់ដំបង ។ពិសេសបញ្ជាក់ពីការប្តេជ្ញាចិត្តការពាររាជរដ្ឋាភិបាល ការពារព្រះ​មហាក្សត្រ និងការពារបូរណភាពទឹកដី ។ ក្នុងពិធីសំណេះសំណាលឯកឧត្តមនាយឧត្តមសេនីយ៍ ទៀ សីហា បានពាំនាំនូវការផ្តាំផ្ញើសាកសួរសុខទុក្ខពី​សម្តេច​តេជោ ហ៊ុន សែន ប្រធានព្រឹទ្ធសភា និងសម្តេចកិត្តិព្រឺទ្ធបណ្ឌិត ,សម្តេចធិបតី ហ៊ុន ម៉ាណែត នាយករដ្ឋមន្ត្រីនិងលោកជំទាវ​បណ្ឌិត​ សម្តេចពិជ័យសេនា ទៀ បាញ់ ព្រមទាំងថ្នាក់ដឹកនាំកំពូល ផ្ញើជូនគ្រប់អគ្គបញ្ជាការ មេបញ្ជាការ នាយទាហាន នាយទាហានរងនិងពលទាហានទាំងអស់ និងគ្រប់កងកម្លាំងការពារព្រំដែនគោកទិសយោធភូមិភាគទី៥ ដែលឈរជើង​ការពារនៅបន្ទាត់ព្រំដែននាពេលនេះ។ នាយឧត្តមសេនីយ៍ ទៀ សីហា បានកោតសរសើរដល់កង​កម្លាំង​ការពារព្រំដែន ដែលបានអនុវត្តតួនាទីភារកិច្ច​បានល្អ​ប្រសើរ ក្នុងការការពារ…

(ស្វាយរៀង)៖ សម្តេចកិត្តិសង្គហបណ្ឌិត ម៉ែន សំអន ឧត្តម​ប្រឹក្សា​ផ្ទាល់​ព្រះមហាក្សត្រ និងជាប្រធានសមាគមនារីកម្ពុជា ដើម្បីសន្តិភាព និងអភិវឌ្ឍន៍ បានថ្លែងថាទិវាអន្តរជាតិ ៨មីនា ឆ្នាំនេះ បង្ហាញពីការទទួលបាននិងអនុវត្តសិទ្ធិការលើក កម្ពស់​សមភាពយេនឌ័រ និងការបង្កើនភាពអង់អាចដល់ស្ត្រី និងក្មេង​ស្រី​គ្រប់រូប​នៅកម្ពុជា។ ការ​​ថ្លែងបែបនេះរបស់ សម្ដេច ម៉ែន សំអន បាននៅក្នុង​ពិធី​អបអរសាទរ ទិវាអន្តរជាតិនារី ៨មិនា ខួបលើកទី ១១៤ ក្រោមប្រធានបទ សិទ្ធ សមភាព និងភាពអង់អាចចំពោះស្ត្រី និងក្មេងស្រីគ្រប់រូប នៅវិទ្យាល័យហ៊ុនសែនស្វាយរំពារ ស្ថិតក្នុងឃុំស្វាយរំពារ ស្រុកស្វាយទាប ខេត្តស្វាយរៀង នាព្រឹក ថ្ងៃទី១០ ខែមីនា ឆ្នាំ២០២៥ ។ ក្នុងឱកាសនោះ សម្តេចកិត្តិសង្គហបណ្ឌិត បាននាំយកការផ្តាំផ្ញើ​សាកសួរ សុខទុក្ខ និងការនឹករលឹកពីសំណាក់ សម្តេចកិត្តិព្រឹទ្ធ​បណ្ឌិត ប៊ុន រ៉ានី ហ៊ុន សែន ប្រធានកិត្តិយសសមាគមនារីកម្ពុជា ដើម្បីសន្តិភាព និងអភិវឌ្ឍន៍ ជូនដល់សមាជិកសមាជិកា​ទាំង​អស់ ដែលបានចូលរួមនាថ្ងៃនេះ។ សម្តេចកិត្តិសង្គហបណ្ឌិត បានថ្លែងកោតសរសើរចំពោះ…

(ភ្នំពេញ)៖ ដោយទទួលបានគោលការណ៍ដ៏ខ្ពង់ខ្ពស់អំពីសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី កម្ពុជា និងការអនុញ្ញាតពី ឯកឧត្តមឧបនាយករដ្ឋមន្រ្តី រដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិ នាថ្ងៃទី៩ ខែមីនា ឆ្នាំ២០២៥ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ បានទទួលជួប ឯកឧត្តម លោកជំទាវ ឯកអគ្គរាជទូតវិសាមញ្ញ និងពេញសមត្ថភាព តំណាងស្ថានបេសកកម្មអចិន្រ្តៃយ៍ លោក លោកស្រីអគ្គកុងស៊ុលកម្ពុជាប្រចាំនៅបរទេសចំនួន ១៩រូប ពិភាក្សាការងារស្តីពីកិច្ចសហប្រតិបត្តិការលើវិស័យទេសចរណ៍ ក្នុងគោលដៅផ្សព្វផ្សាយកិត្តិនាមនិងទេសចរណ៍កម្ពុជាទៅកាន់ពិភពលោក ពិសេសជាងនេះទៀត ការជំរុញភ្ញៀវទេសចរអន្តរជាតិ តាមរយៈការពង្រីកការផ្សព្វផ្សាយអំពីសក្តានុពលទេសចរណ៍កម្ពុជា (ទេសចរណ៍វប្បធម៌ប្រវតិ្តសាស្ត្រ, ទេសចរណ៍ធម្មជាតិ, ទេសចរណ៍នៅតាមតំបន់ឆ្នេរ), វប្បធម៌ប្រពៃណី,សាសនា, ម្ហូបអាហារ, ស្នាមញញឹមកម្ពុជា, ភាពជាខ្មែរ សុទ្ធសឹងជាអត្តសញ្ញាណរបស់កម្ពុជា ។ ក្នុងកិច្ចប្រជុំដ៏មានដ៏មានសារៈសំខាន់នោះ ឯកឧត្តមរដ្ឋមន្ត្រី បានថ្លែងពាក់ព័ន្ធនឹងកិត្តិនាមកម្ពុជា ដោយស្នើឱ្យជួយផ្សព្វផ្សាយបន្ថែមទៀតអំពីព័ត៌មានវិជ្ជមាន និងប្រតិកម្មតបចំពោះព័ត៌មានក្លែងក្លាយ និងអវិជ្ជមាន (បុរេសកម្ម, សកម្ម, អន្តរសកម្ម, ប្រតិកម្ម) និងជំរុញការទាក់ទាញការវិនិយោគក្នុងវិស័យទេសចរណ៍ និងទាក់ទាញភ្ញៀវទេសចរអន្តរជាតិបន្ថែមទៀតមកកាន់កម្ពុជា ព្រមទាំងបង្ហាញសក្តានុពលទេសចរណ៍នៅតាមភោជនីយដ្ឋានខ្មែរ និងតាមបណ្តាញសង្គមដែលនិយមប្រើប្រាស់នៅទីនោះ ជាពិសេសការសម្របសម្រួល…