(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី កម្ពុជា បានអញ្ជើញជាអធិបតី កាត់ខ្សែបូ សម្ពោធទារកដា្ឋន ព្រមទាំងសំណេះសំណាលជាមួយ កម្មការិនីរោងចក្រ ម៉ាវ៉ល ហ្គាមិន ឯ.ក (Marvel Garment) ស្ថិតនៅតំបន់​សេដ្ឋកិច្ច​ពិសេស រ៉ូយ៉ាល់ គ្រុប ភ្នំពេញ នាព្រឹកថ្ងៃទី១០ ខែមីនា ឆ្នាំ២០២៥ ។ សម្តេចធិបតី ហ៊ុន ម៉ាណែត បានសម្ដែងក្តីរីករាយ ដោយបាន​ជួបសំណេះសំណាល ជាមួយបងប្អូនក្មួយៗកម្មករ កម្មការិនី នាឱកាសសម្ពោធដាក់ឱ្យប្រើប្រាស់ ទារកដ្ឋាន រោងចក្រ​កាត់​ដេរម៉ាវ៉ល នៅពេលនេះ ។ សម្តេចធិបតី ហ៊ុន ម៉ាណែត បានថ្លែងថា មានទារកដ្ឋាន​នេះ​នៅរោងចក្រ បានជួយច្រើន ដល់បងប្អូនកម្មការិនី ទាំងការ​ថែទាំ និងកាត់បន្ថយ ការចំណាយរបស់បងប្អូនកម្មការិនី ។ សម្ដេចបវរធិបតី បានបន្តថា គោលការណ៍បង្កើតទារកដ្ឋាននេះ ជាគោលការណ៍មួយក្នុងចំណោម១០ ដែលរាជរដ្ឋាភិបាល​បាន​ដាក់ចុះតាំពីដើមអាណត្តិ តាមរយៈក្រសួងការងារ ដែលជា​សេ​នា​ធិការដឹកនាំរៀបចំ ។…

(ភ្នំពេញ)៖ សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា និងលោកជំទាវ អាន្នី សុខអាន អនុប្រធានកាកបាទក្រហមកម្ពុជា បានអញ្ជើញចូលរួម ក្នុងពិធីបុណ្យផ្កាមហាសាមគ្គី នៅវត្តសារាវ័ន្តតេជោ ស្ថិតក្នុងសង្កាត់ជ័យជំនះ ខណ្ឌដូនពេញ រាជធានីភ្នំពេញ ដើម្បីប្រមូលបច្ច័យជួសជុលព្រះវិហារដែលមានអាយុកាលជាង ១០០ឆ្នាំ និងអគារបណ្ណាល័យមួយខ្នង ដែលជាអតីតអគារពុទ្ធិកសិក្សា បច្ចុប្បន្នមានសភាពចាស់ទ្រុឌទ្រោមមិនអាចប្រើប្រាស់បាន ព្រមទាំងកសាងនូវទីសេនាសនៈនានា ដើម្បីជាប្រយោជន៍ដល់ ព្រះសង្ឃ និងពុទ្ធបរិស័ទជិតឆ្ងាយ នារសៀល ថ្ងៃអាទិត្យទី៩ ខែមីនា ឆ្នាំ២០២៥។ ប្រទេសកម្ពុជាយើង សម័យបុរាណ ពុទ្ធបរិស័ទទាំងព្រះរាជា ទាំងប្រជារាស្ត្រ តែងតែប្រារព្ធធ្វើបុណ្យរុក្ខជាតិ និងផ្កាវារីជាតិដោយយកផ្កាចងក្រងហើយ ហែយកទៅថ្វាយព្រះពុទ្ធនៅព្រះវិហារវត្តណាមួយដែលនៅជិត។ ព្រះរាជាតែងទ្រង់ធ្វើនៅខែវស្សា គឺនៅថ្ងៃ១៥កើតខែស្រាពណ៍ដោយទ្រង់ស្ដេចយាងទៅក្រសាលតាមបឹងតាមព្រះទីន័ង នាវា ទ្រង់ព្រះរាជបញ្ជាឲ្យបេះផ្កាឈូក ស ឈូកក្រហម ព្រលិត លំចង់ ស្បង្ក័ជ(ស្បង់កាច់) យកមកថ្វាយព្រះក្នុងព្រះរាជមន្ទីរហើយទ្រង់ចាត់ឲ្យហែហមដោយក្បួនហែដ៏មហោឡារិក យកទៅថ្វាយព្រះពុទ្ធរូបគ្រប់វត្តអារាម ដែលនៅជិតព្រះបរមរាជវាំង ។ តែសព្វថ្ងៃដោយគេយល់ថា វត្តអារាមនីមួយៗតែងកសាងទីសេនាសនៈ ដូច្នេះទើបនិយមយកលុយមកចងក្រងជាផ្កា…

(តាកែវ)៖ ឯកឧត្តមបណ្ឌិត ជា វ៉ាន់ដេត សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាប្រធានក្រុមការងារគណបក្សចុះមូលដ្ឋានខេត្តតាកែវ កាលពី ទី៩ ខែមីនា ឆ្នាំ២០២៥ បានអញ្ជើញចូលរួមក្នុងពិធីក្រុងពាលីបើកការដ្ឋានសាងសង់អគារថ្មី សាលប្រជុំមន្ទីរគណៈកម្មាធិការគណបក្សខេត្តតាកែវ ដោយមានការអញ្ជើញចូលរួមពី ឯកឧត្តម លោកជំទាវ អ្នកតំណាងរាស្ត្រមណ្ឌលខេត្តតាកែវ ឯកឧត្តម លោកជំទាវ ប្រធាន អនុប្រធាន ក្រុមការងារគណបក្សចុះមូលដ្ឋាន ក្រុង/ស្រុក សរុបប្រមាណ ១២០នាក់។ ឯកឧត្តម សូមថ្លែងអំណរគុណសម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា ដែលបានអនុញ្ញាតឱ្យគណបក្សខេត្តតាកែវ សាងសង់សាលប្រជុំមន្ទីរគណៈកម្មាធិការគណបក្សខេត្តតាកែវថ្មីនេះ ដែលមានផ្ទៃក្រឡាសាងសង់ សរុបប្រមាណ ១.៦៨២ ម៉ែត្រការ៉េ ដើម្បីប្រើប្រាស់ជាផលប្រយោជន៍រួមរបស់គណបក្ស និងសមាជិក សមាជិកាទាំងអស់ ហើយសាលគណបក្សនេះនឹងប្រើប្រាស់សម្រាប់សកម្មភាព ពហុបំណង។ ទន្ទឹមនឹងនេះខ្ញុំក៏បានផ្តល់គោលការណ៍ដើម្បីធ្វើការជួសជុលកែលម្អអគារមន្ទីរគណបក្សបច្ចុប្បន្នផងដែរ។ វត្តមាននៃអគារថ្មីនាពេលខាងមុខនេះ នឹងក្លាយជាកន្លែងប្រតិបត្តិការងារដ៏សំខាន់របស់គណបក្សប្រជាជនកម្ពុជាខេត្តតាកែវ ដេីម្បីចូលរួមចំណែកការងារនៅមូលដ្ឋាននៃគណបក្សដ៏ធំបំផុត ដែលកំពុងដឹកនាំរាជរដ្ឋាភិបាល និងទទួលខុសត្រូវខ្ពស់បំផុតចំពោះជោគវាសនាអនាគតប្រទេសជាតិ និងប្រជាពលរដ្ឋកម្ពុជា៕ ដោយ ៖ ង៉ាន់ ទិត្យ

(ភ្នំពេញ)៖ តាមរយៈបណ្ដាញសង្គមនាព្រឹកថ្ងៃទី១០ ខែមីនា ឆ្នាំ២០២៥ សម្ដេចមហាបវរធិបតី ហ៊ុន ម៉ាណែត នាយករដ្ឋ​មន្ត្រីកម្ពុជា បានលើកឡើងថា មុននឹងចាកចេញពីតំបន់​ទេសចរណ៍ខ្នងផ្សារ កាលពីថ្ងៃសៅរ៍ទី៨ មីនា កន្លងទៅនេះ ខ្ញុំបានជួបជជែកលេងជាមួយប្អូនប្រុស ដែលជាប្រធាន​សហគមន៍ទេសចរណ៍ធម្មជាតិតាំងបំពង់ និងអនុប្រ​ធាន​របស់គាត់ ដើម្បីស្តាប់ពីស្ថានភាពជីវភាព របស់ប្រជាជននៅ​ក្នុងសហគមន៍ ក៏ដូចជាសំណូមពរជាក់ស្តែង ដើម្បីជួយដល់​ប្រជាពលរដ្ឋនៅក្នុងសហគមន៍។ ក្រោយពីពិនិត្យនូវទិដ្ឋភាពជាក់ស្តែង និងស្តាប់តំណាងសហគមន៍ ខ្ញុំបានសម្រេច ៖ ១. ប្រគល់ភារកិច្ចជូន ឯកឧត្តមរដ្ឋមន្ត្រីក្រសួងបរិស្ថាន និង ឯកឧត្តម អភិបាលខេត្តកំពង់ស្ពឺ ៖ ២. ប្រគល់ភារកិច្ចជូនឯកឧត្តម រដ្ឋមន្ត្រីក្រសួងទេសចរណ៍ សហការណ៍ សម្របសម្រួល ជាមួយក្រសួងបរិស្ថាន គណៈ​អភិបាលខេត្ត ប្រតិបត្តិករទេសចរណ៍និងសហគមន៍ ដើម្បីជំរុញ​ទេសចរណ៍ធម្មជាតិនៅតំបន់នោះឱ្យកាន់តែប្រសើរឡើង ក៏ដូចជាការជួយបង្កើនសមត្ថភាពរបស់សហគមន៍ក្នុងការផ្ដល់សេវាទេសចរណ៍ផងដែរ។ ទាំងនេះនឹងអាចចូលរួមចំណែកក្នុង​ការលើកកម្ពស់ជីវភាពរស់នៅរបស់ប្រជាពលរដ្ឋនៅក្នុងតំបន់នោះ ៕ ដោយ ៖ វណ្ណលុក

ព្រះវិហារ៖ ឯកឧត្តមនាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិបានបញ្ជាក់ថា ស្ត្រី កំពុងដើរតួនាទីយ៉ាង​សំខាន់។យើងពិតជាមានមោទនភាពណាស់ដែលក្រោមការដឹកនាំ​សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណា​ចក្រកម្ពុជា មានថ្នាក់ដឹកនាំច្រើនជានារីនៅនីតិកាលទី៧នេះ ។ ឯកឧត្តមនាយឧត្តមសេនីយ៍ ទៀ សីហា ថ្លែងបែបនេះ ក្នុងឱកាស​អញ្ជើញជាអធិបតីភាពពិធីអបអរសាទរ​ទិវាអន្តរជាតិ​នារី ៨មីនា ខួបលើកទី១១៤ ឆ្នាំ២០២៥ក្រោមប្រធានបទ “សិទ្ធិ សមភាព និង ភាពអង់អាចចំពោះស្ត្រីនិងក្មេង​ស្រីគ្រប់​រូប” នាចុងសប្ដាហ៍នេះក្នុង​បរិវេណតំបន់ប្រវត្តិសាស្រ្តយោធាប្រាំមករា ស្ថិតនៅភូមិធម្មជាតិ​សម្តេចតេជោ ឃុំស្រអែម ស្រុក​ជាំក្សាន្ត ខេត្តព្រះវិហារ ។ ឯកឧត្តមនាយឧត្តមសេនីយ៍ ទៀ សីហា បានគូសរំលេចថា បើគិតពីក្របខ័ណ្ឌកងកម្លាំង​រក្សាសន្តិភាព​ក្រោមឆ័ត្រអង្គការ​សហប្រជាជាតិ យោធិននារី នៃកងយោធពលខេមរភូមិន្ទ ជាប់ចំណាត់ថ្នាក់លេខ ១៣ ក្នុងចំណោម ១២០ ប្រទេស ។​ក្នុងនាមក្រសួងការពារជាតិ ពិតជាគំាទ្រចំពោះវីរភាពដ៏អង់អាច​ក្លាហាន​របស់បងប្អូនយោធិននារី ដែលបានលះ​បង់​កំលាំង​កាយចិត្តក្នុងការបំពេញភារកិច្ចស្នូលជូនជាតិ និងភាពសុខសាន្ត​របស់ប្រជាពលរដ្ឋ ។ សូមជម្រាបថា ក្នុងទិវាអន្តរជាតិនារី៨មីនា ឆ្នាំ២០២៥ ក្រសួង​ការពារជាតិបានរៀបចំ​ដំណើរទស្សនកិច្ចរបស់យោធិននារី នៃកងយោធពលខេមរភូមិន្ទប្រមាណ៥០០ នាក់មកកាន់តំបន់​ប្រវត្តិសាស្រ្តយោធា៥មករា (ជើងភ្នំប្រាសាទព្រះវិហារ)…

ភ្នំពេញ៖អគារសាលាពុទ្ធិកបឋមសិក្សាចំនួនមួយខ្នងកម្ពស់ពីរជាន់ និងបណ្ណាល័យចំនួនមួយ ព្រមទាំងសមិទ្ធ​ផលជាច្រើនទៀត​ស្ថិត​នៅ​វត្តគងជ័យបារមីមានឫទ្ធិ នៃភូមិគងជ័យ ឃុំគងជ័យ ស្រុកអូររាំងឪ ខេត្តត្បូងឃ្មុំ ត្រូវបានដាក់សម្ពោធ​កាល​ពីព្រឹកថ្ងៃទី៩ ខែមីនា ឆ្នាំ២០២៥ ក្រោមអធិបតីភាពឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួង​បរិស្ថាន និងជា​ប្រធាន​ក្រុមការងារ រាជរដ្ឋាភិបាលចុះ​មូលដ្ឋានខេត្តត្ពូងឃ្មុំ ព្រមទាំងថ្នាក់ដឹកនាំក្រសួងបរិស្ថាន ក្រុម​ការងារថ្នាក់ជាតិ ក្រុមការងារគណបក្សប្រជាជនកម្ពុជា ចុះមូលដ្ឋាន​ក្រុង ស្រុក ខេត្តត្បូងឃ្មុំទាំងមូល ថ្នាក់ដឹកនាំខេត្ត មន្ទីរ-អង្គភាព យាយជីតាជី សិស្សានុសិស្ស យុវជននិងប្រជាពលរដ្ឋ​យ៉ាងច្រើន​កុះករ។ មានប្រសាសន៍នាឱកាសនោះ ឯកឧត្តមរដ្ឋមន្រ្តី បាននាំនូវប្រសាសន៍​ផ្តាំផ្ញើសួរសុខទុក្ខពីសំណាក់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ដែលសម្ដេចតែងតែមានការ​គិតគូរអំពីសុខទុក្ខរបស់​ប្រជាពល​រដ្ឋ​គ្រប់ទីកន្លែងជានិច្ច។ ឯកឧត្តមគូសរំលេចថា ក្រោមម្លប់សន្តិភាពដែលកម្ពុជាកំពុងទទួល​បានពី​នយោបាយឈ្នះឈ្នះរបស់​សម្តេចតេជោ ហ៊ុនសែន បានធ្វើឱ្យ​ប្រជាពលរដ្ឋមានជីវភាពរីកចម្រើន និងមានសមិទ្ធផលកើតឡើងជា​ច្រើន ដូចក្នុងពេល​នេះ​ជាឧទាហរណ៍ស្រាប់ ។ ឯកឧត្តមបណ្ឌិត អ៊ាង សុផល្លែត បានផ្តល់តម្លៃលើកម្លាំងសាមគ្គីរួមគ្នា​កសាង។ឯកឧត្តមលើកឡើងថា សមិទ្ធផលនៅថ្ងៃ​នេះឆ្លុះបញ្ចាំង​ពីការរួមសាមគ្គីគ្នាកសាងឡើងនិងបានដាក់ឱ្យប្រើប្រាស់តាមសេចក្តីត្រូវការរបស់ប្រជាពលរដ្ឋ។ សូមបន្តរួម​គ្នាលើកស្ទួយ និងបន្តកសាង​សមិទ្ធផលនានាថ្មីៗបន្ថែមទៀត ។បន្តអនុវត្តយុទ្ធនាការ«ថ្ងៃនេះ ខ្ញុំមិនប្រើថង់ប្លាស្ទិកទេ» និងយុទ្ធនាការ«កម្ពុជាស្អាត ខ្មែរធ្វើបាន» ដែលកំពុងជំរុញឱ្យមូលដ្ឋានមានភាពស្អាត។ ស្របពេលដែលប្រទេសជាតិយើងមានសុខសន្តិភាព…