(ភ្នំពេញ)៖ បច្ចុប្បន្ន សេដ្ឋកិច្ចអាស៊ាន ឈរនៅលំដាប់ទី៥ ខណៈឆ្នាំ២០៣០ សេដ្ឋកិច្ចអាស៊ាន នឹងឡើងមកឈរលេខ៤ នៃសេដ្ឋកិច្ចពិភពលោក ។ នេះជាការគូសបញ្ជាក់របស់ឯកឧត្តមបណ្ឌិត កៅ គឹមហួន អគ្គលេខាធិការអាស៊ាន ក្នុងឱកាសអញ្ជើញជាវាគ្មិនកិត្តិយស នៃវេទិកាសារព័ត៌មាន ស្តីពី ទស្សនាទានរបស់អគ្គលេខាធិការអាស៊ាន លើចក្ខុវិស័យអាស៊ាន ឆ្នាំ២០៤៥ រៀបចំដោយក្លិបអ្នកកាសែតកម្ពុជា សម្របសម្រួលដោយលោក ពុយ គា ប្រធានក្លិបអ្នកកាសែតកម្ពុជា នៅសណ្ឋាគារសាន់វ៉េ នារសៀលថ្ងៃទី០៧ ខែមីនា ឆ្នាំ២០២៥ ដោយមានអ្នកសារព័ត៌មានជាតិ និងអន្តរជាតិ ចូលរួម ៥៦នាក់ មកពី ៣៨ស្ថាប័ន ។ ថ្លែងនៅក្នុងវេទិកាពិភាក្សាសារព័ត៌មាននេះ ឯកឧត្តមបណ្ឌិត កៅ គឹមហួន បានចោទជាសំណួរថា តើអាស៊ាន នឹងដើរតាមផ្លូវណា ហើយមានឥទ្ធិពលខ្លាំងយ៉ាងណាដែរ ក្នុងពេលដែលបច្ចុប្បន្នអាស៊ាន មានប្រជាជនជាង ៦៧០លាននាក់ ហើយបាននឹងកំពុងពង្រីកសមាជិកជាបន្តបន្ទាប់ ។ ឯកឧត្តមបណ្ឌិត បានឱ្យដឹងថា បច្ចុប្បន្ននេះ សេដ្ឋកិច្ចអាស៊ាន ស្ថិតនៅក្នុងលំដាប់ទី៤ នៃសេដ្ឋកិច្ចពិភពលោក ខណៈនៅឆ្នាំ២០៣០…

កំពង់ធំ៖ លោក ងួន រាសី អភិបាលរងខេត្តកំពង់ធំបានដឹកនាំក្នុង​កិច្ចប្រជុំ​ត្រួតពិនិត្យការងារគ្រប់គ្រងអាជីវកម្ម ហាងបញ្ចាំ និងទទួល​ប្រាតិភោគដោយអនុប្បទានក្នុងភូមិសាស្ត្រខេត្តកំពង់ធំ។កិច្ចប្រជុំ​បានប្រព្រឹត្តទៅកាលព្រឹកថ្ងៃទី៧ ខែមីនា ឆ្នាំ២០២៥ នៅសាលប្រជុំ​សាលាខេត្តកំពង់ធំ។ នៅក្នុងឱកាសនេះលោក ងួន រាសី បានរំលឹកថា ដើម្បីធានាដល់​ការអនុវត្តការងារគ្រប់គ្រងហាងបញ្ចាំ និងទទួល​ប្រាតិភោគ ដោយអនុប្បទាន ទទួលបានលទ្ធផលល្អប្រសើរនោះ នៅក្នុងឆ្នាំ​២០២៣ រដ្ឋបាលខេត្តកំពង់ធំ បានចេញ​សេចក្តីសម្រេចលេខ​១៦៩/២៣ សសរ ចុះថ្ងៃទី២០ ខែកញ្ញា ឆ្នាំ២០២៣ ស្តីពីការបង្កើត​ក្រុម ការងារចុះពិនិត្យទីតាំង​អាជីវកម្មទទួលបញ្ចាំ និងទទួលប្រាតិ​ភោគ ដោយអនុប្បទាន ក្នុងភូមិសាស្ត្រ ខេត្តកំពង់ធំ។ ក្រុមការងារទាំង​អស់​មាន​តួនាទីចុះត្រួតពិនិត្យ អាជ្ញាប័ណ្ណ លិខិតអនុញ្ញាតប្រកប អាជីវកម្មទទួលបញ្ចាំ និងទទួលប្រាតិភោគដោយអនុប្បទាន និង​អនុវត្ត​ទៅតាមភារកិច្ចផ្សេងៗដែល បានកំណត់ក្នុងសេចក្តីសម្រេច។ កិច្ចប្រជុំបាន​ដាក់ទិសដៅបន្តក្នុងនោះ គួរផ្សព្វផ្សាយដល់អាជ្ញាធ​រពាក់ព័ន្ធ និងអាជីវករឱ្យបានយល់ដឹងអំពីនីតិវិធីផ្សេងៗ ពាក់ព័ន្ធ ហាងបញ្ចាំ និងប្រាតិភោគដោយអនុប្បទាន។ ក្រុង/ស្រុក និងសមត្ថ​កិច្ចពាក់ព័ន្ធត្រូវធ្វើទិន្នន័យហាង​បញ្ចាំ​ឱ្យបានច្បាស់លាស់ ដើម្បីងាយ​ស្រួល ក្នុងការគ្រប់គ្រង។គួរមានកិច្ចប្រជុំក្រុមការងារគ្រប់គ្រងហាង​បញ្ចាំរៀងរាល់ ៣​ខែម្តង ដើម្បីតាមដាន និងត្រួតពិនិត្យ ការងារហាង​បញ្ចាំ និងប្រាតិភោគដោយអនុប្បទាន។ ករណីចាំបាច់គួរចុះ​ពិនិត្យ​ហាងបញ្ចាំគ្រប់ក្រុង/ស្រុក ក្នុងភូមិសាស្ត្រខេត្តកំពង់ធំ…

កំពង់ធំ៖ឯកឧត្តមទេសរដ្ឋមន្ត្រីនាយឧត្តមសេនីយ៍កិត្តិសង្គហបណ្ឌិត គន់ គីម អនុប្រធានទី១ នៃគណៈកម្មាធិការជាតិ​គ្រប់គ្រងគ្រោះ​មហន្ត​រាយ អនុប្រធាននិងជាអគ្គលេខាធិការសមាគមអតីតយុទ្ធជនកម្ពុជា បានអញ្ជើញជាអធិបតី​ក្នុង​កិច្ចប្រជុំបូកសរុបលទ្ធផលការងារគ្រប់​គ្រងគ្រោះមហន្តរាយ និងការងារសមាគមអតីតយុទ្ធជនកម្ពុជា ខេត្តកំពង់ធំ នៅទីបញ្ជាការតំបន់ប្រតិបត្តិការសឹករងកំពង់ធំ យោធ​ភូមិភាគទី៤ កាលពីព្រឹកថ្ងៃទី៧ ខែមីនា ឆ្នាំ២០២៥។ យោងតាមរបាយការណ៍ស្ដីពីការងារសមាគមអតីតយុទ្ធជនកម្ពុជាខេត្តកំពង់ធំ ប្រចាំឆ្នាំ២០២៤ និងទិសដៅ ដែល​ត្រូវអនុវត្តបន្តនៅ​ឆ្នាំ​២០២៥ ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការ​សឹករង ប្រធានសមាគមអតីត​យុទ្ធជនកម្ពុជាខេត្តកំពង់ធំ បានរំលេច​អំពីរចនាសម្ព័ន្ធចាត់តាំងនៃការគ្រប់គ្រងអតីតយុទ្ធជនក្នុងខេត្តកំពង់ធំ និងការដោះ​ស្រាយការលំបាកនានា ជូនបងប្អូនអតីតយុទ្ធជនបាន​ល្អប្រសើរ ក្នុងការងារផ្ដល់ដីសម្បទានសង្គមកិច្ច និងការសាងសង់​ផ្ទះថ្មី ដោយបានរៀបចំភូមិសហគមន៍អតីតយុទ្ធជននៅក្នុង​ខេត្តកំពង់ធំ។ ចំណែកលោក ញឹក បានខេង អភិបាលរងខេត្តបានឱ្យដឹងអំពី​ស្ថានភាព​គ្រប់គ្រងគ្រោះមហន្តរាយខេត្តកំពង់ធំ នាពេល​កន្លងមក ដែលបានជួបនូវគ្រោះរាំងស្ងួតផង និងគ្រោះទឹកជំនន់ផង បណ្ដាល​ឱ្យប៉ះពាល់ខូចខាតដល់​ដំណាំ​ស្រូវរបស់​ប្រជាជនមួយចំនួន ។ ក្នុងឱកាសនេះឯកឧត្តមទេសរដ្ឋមន្ត្រីនាយឧត្តមសេនីយ៍ គន់ គីម បានកោតសរសើរថ្នាក់ដឹកនាំគ្រប់លំដាប់ថ្នាក់​របស់​ខេត្តកំពង់ធំ រួមជាមួយកងកម្លាំងប្រដាប់អាវុធគ្រប់ប្រភេទ ដែលបានខិតខំគ្រប់​គ្រងដោះស្រាយបញ្ហគ្រោះមហន្តរាយ ដែលកើតមានឡើង​នៅខេត្តកំពង់ធំ បានទាន់ពេលវេលា និងបានជួយដោះស្រាយ​ការលំបាកជូនប្រជាជន ដែលរងប៉ះ​ពាល់ដោយគ្រោះមហន្តរាយនេះ។ ឯកឧត្តម បានកោតសរសើរដល់ឧត្តមសេនីយ៍ទោ សោម ស៊ុន ប្រធានសមាគមអតីតយុទ្ធជនកម្ពុជាខេត្តកំពង់ធំ រួមជាមួយថ្នាក់ដឹកនាំ​គ្រប់លំដាប់ថ្នាក់នៃសមាគមអតីតយុទ្ធជនកម្ពុជាខេត្តកំពង់ធំ ដែល​បាន​ខិតខំបំពេញភារកិច្ច​បម្រើ​បងប្អូនអតីតយុទ្ធជនបានល្អប្រសើរ…

ឧត្ដរមានជ័យ ៖វត្តមានលើទឹកដីខេត្តឧត្តរមានជ័យ ជាខេត្តភាគខាង​ជើងប្រទេស នៅថ្ងៃទី៦ ខែមីនា ឆ្នាំ២០២៥ សម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានបន្តអញ្ជើញ​សំណេះ​​សំណាល​សួរសុខទុក្ខ និងចែកអំណោយមនុស្សធម៌សម្រាល​ការលំបាករបស់ប្រជាជនងាយរងគ្រោះបំផុតចំនួន ២ ០២៥គ្រួសារមកពី​ស្រុក​ចំនួន២ បន្ថែមទៀត គឺស្រុកអន្លង់វែង និងស្រុកត្រពាំង​ប្រាសាទ ។ ក្នុងឱកាសដ៏ស្និទ្ធស្នាល និងកក់ក្តៅ នៃជំនួបបន្តជាមួយប្រជាជនងាយ​រងគ្រោះ​បំផុតនៅខេត្តឧត្តរមានជ័យ សម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុនសែន បាននាំយកនូវព្រះរាជសវនីយ៍របស់ ព្រះមហាក្សត្រី នរោត្ដម មុនិនាថ សីហនុ ព្រះវររាជមាតាជាតិខ្មែរ ព្រះប្រធានកិត្ដិយស​កាកបាទក្រហមកម្ពុជា និងបង្ហាញ​នូវអារម្មណ៍​នឹករលឹកដល់បបងប្អូន​ប្រជាពលរដ្ឋ ជាមួយការអំពាវនាវដល់លោកតា លោកយាយ ពូ មីង បង-ប្អូន រួមជាតិ​ទាំងអស់ សូមថែរក្សាសុខភាព បរិភោគទឹកឆ្អិន រក្សាអនាម័យខ្លួនប្រាណ សម្អាតបរិស្ថានជុំវិញផ្ទះ កុំឱ្យមានជម្រកមូស​ខ្លា​នាំកើតគ្រុនឈាមជាដើម ។ លើសពីនោះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានអំពាវនាវ​ដល់​អាជ្ញាធរគ្រប់លំដាប់ថ្នាក់មានវិធានការលុប​បំបាត់ បញ្ហាគ្រឿង​ញៀន, ល្បែងស៊ីសង, ក្មេងទំនើង,…