(សៀមរាប)៖ ឯកឧត្តមឧបនាយករដ្ឋមន្ត្រី សាយ សំអាល់ រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ បានលើកឡើងថា ក្នុងស្មារតីឯកភាពជាតិ យើងទាំងអស់គ្នាត្រូវរួមគ្នាគិតគូរឱ្យបានហ្មត់ចត់ ប្រកបដោយការទទួលខុសត្រូវលើអនាគតតំបន់បេតិកភណ្ឌពិភពលោកអង្គរ ដែលជាព្រលឹងជាតិខ្មែរ នោះគឺមិនត្រឹមតែយកចិត្តទុកដាក់លើការងារអភិរក្សប៉ុណ្ណោះទេ ប៉ុន្តែត្រូវគិតគូរឱ្យបានដិតដល់លើការគ្រប់គ្រងប្រជាសាស្ត្រ និងជីវភាពរស់នៅរបស់អ្នកស្រុកអង្គរ ប្រកបដោយចីរភាព ។ ឯកឧត្តមឧបនាយករដ្ឋមន្ត្រី សាយ សំអាល់ បានលើកឡើងបែបនេះ ក្នុងកិច្ចប្រជុំពិភាក្សាលើការងាររៀបចំ និងគ្រប់គ្រងតំបន់រមណីយដ្ឋានបេតិកភណ្ឌពិភពលោកអង្គរ ដោយមានការចូលរួមពីលោកជំទាវ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ និងឯកឧត្តម ប្រាក់ សោភ័ណ អភិបាលនៃគណៈអភិបាលខេត្តសៀមរាប និងភាគីពាក់ព័ន្ធជាច្រើន នាព្រឹកថ្ងៃទី២១ ខែកុម្ភៈ ឆ្នាំ២០២៥ ។ ដើម្បីឆ្លើយតបទៅនឹងទស្សនទាននេះ ក្រសួងរៀបចំដែនដី នគរូបនីយកម្ម និងសំណង់ និងក្រសួងវប្បធម៌និងវិចិត្រសិល្បៈ បានរៀបចំ“សៀវភៅ ស អង្គរ ”ដើម្បីពង្រឹងមូលដ្ឋានឯកភាពជាតិក្នុងការគិតគូរ តម្រង់ទិសកិច្ចខិតខំប្រឹងប្រែងរួម និងពង្រឹងសាមគ្គីជាធ្លុងមូយ ដើម្បីរួមគ្នាអភិរក្សរមណីយដ្ឋានបេតិកភណ្ឌពិភពលោកអង្គរ ដើម្បីឧត្តមប្រយោជន៍ជាតិខ្មែរ ។ ជាមួយគ្នានេះ ក្រសួងកំពុងរៀបចំបទប្បញ្ញតិ្តប្រើប្រាស់ដី ដែលនឹងកំណត់ប្រភេទ និងលក្ខខណ្ឌនៃការប្រើប្រាស់ដី…

(ភ្នំពេញ)៖ ឯកឧត្តម យក់ ប៊ុនណា បានរំលឹកប្រសាសន៍របស់ ឯកឧត្តមឧបនាយករដ្ឋមន្ត្រី ហ៊ុន ម៉ានី ជូនថ្នាក់ដឹកនាំ និងមន្ត្រី​ដែលបានចូលរួមក្នុងកិច្ចប្រជុំវិភាគមុខងារជាបន្តបន្ទាប់ ថា «ការ​កែ​ទម្រង់មិនមែនជាវិធានការវះកាត់នោះទេ តែជាវិធាន​ការ​កែលម្អ ហើយអនុវត្តទៀតសោត ត្រូវរក្សាស្មារតីជវភាព​នៃប្រព័ន្ធតួអង្គតែមួយ»។ ក្នុងកិច្ចប្រជុំជាមួយក្រសួង ស្ថាប័នផ្សេងៗ ដើម្បីពិនិត្យនិង​ពិភាក្សា​លើសេចក្តីព្រាងអនុក្រឹត្យស្តីពីការរៀបចំ និងការ​ប្រព្រឹត្តទៅរបស់ក្រសួង ស្ថាប័ននានា ឯកឧត្តម យក់ ប៊ុនណា រដ្ឋលេខាធិការប្រចាំការក្រសួងមុខងារសាធារណៈ តែងតែ​បានរំលឹកជារឿយៗនូវអភិក្រមក្នុងការកែទម្រង់រដ្ឋបាលសាធារណៈ របស់រាជរដ្ឋាភិបាល នីតិកាលទី៧ នៃរដ្ឋសភា។ ការរំលឹកគោលការណ៍ទាំងនេះ ជាការជម្រាបបន្ថែមដល់អង្គ​ប្រជុំ​ដែលបានចូលរួមពិភាក្សាលើការរៀបចំ និងការប្រព្រឹត្តទៅ​របស់​ក្រសួង ស្ថាប័ននានា ជាពិសេសអភិក្រម «ពង្រឹង ជាជាង​ពង្រីក» និងចំណុចដែលមានភាពប្រទាក់ប្រឡាគ្នា​រវាងក្រសួង ស្ថាប័នធ្វើយ៉ាងណា ឱ្យរក្សាស្មារតី ស្រុះស្រួលគ្នា។ ទន្ទឹមនឹងការលើកឡើងបែបនេះ ឯកឧត្តមរដ្ឋលេខាធិការ​ប្រចាំការ ក៏បានរំលេចនូវស្ថានភាពភូមិសាស្រ្តនយោបាយ ក៏ដូចជាសេដ្ឋកិច្ចសង្គម ដែលមានការវិវត្តជាប្រចាំ និង​ពិបាកក្នុងគ្រប់គ្រង ឬព្យាករណ៍ទុក ទាំងស្ថានភាពក្នុងតំបន់ និងនៅលើសកលលោក។ ដូច្នេះហើយកម្ពុជាក៏ទាមទារ​ឱ្យ​មាន​ការគិតគូរជាប្រចាំ និងជាចាំបាច់ទៅលើការងារកែទម្រង់​រដ្ឋបាលសាធារណៈ ដើម្បីកែលម្អផង សន្សំសំចៃផង និងពង្រឹងភាពធន់របស់យើងផង។ ពឹងផ្អែកទៅលើប្រសាសន៍ ឯកឧត្តមឧបនាយករដ្ឋមន្រ្តី…

(ភ្នំពេញ)៖ ឯកឧត្តមបណ្ឌិត ចន ណារិទ្ធ អនុរដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាអគ្គនាយកនៃនិយ័តករសន្តិសុខសង្គម បានលើឡើងថា និយ័តករសន្តិសុខសង្គម ហៅកាត់ថា ន.ស.ស. ត្រូវបានបង្កើតឡើងដើម្បីធ្វើនិយ័តកម្មក្នុងប្រព័ន្ធសន្ដិសុខសង្គមក្នុងគោលបំណង ធានានូវប្រតិតុល្យការ ដើម្បីបង្កើនប្រសិទ្ធភាព និងភាពច្បាស់លាស់ក្នុងការប្រើប្រាស់ថវិកាដែលបានមកពីការបង់ភាគទានពីសមាជិក ប.ស.ស. ក៏ដូចជាចូលរួមកសាងនូវភាពរឹងមាំរបស់ប្រព័ន្ធគាំពារសន្តិសុខសង្គម ដើម្បីអាចពង្រីកវិសាលភាព និងធានាបាននូវចីរភាពនៃប្រព័ន្ធនេះ សម្រាប់បច្ចុប្បន្ន និងអនាគត។ ឯកឧត្តមបណ្ឌិតបន្តថា អនុលោមតាមមាត្រា១១ នៃច្បាប់ស្តីពីរបបសន្តិសុខសង្គម, និយ័តករសន្តិសុខសង្គម ក៏មានភារកិច្ចក្នុងការបង្កើតយន្តការការពារសមាជិក និងផ្សះផ្សាវិវាទនៅពេលមានទំនាស់ ផងដែរ។ ដូចនេះ រាល់សមាជិក ប.ស.ស. ដែលជា កម្មករនិយោជិត, បុគ្គលស្វ័យនិយោជន៍ និងមន្រ្តីរាជការ មានវិវាទណាមួយហើយវិវាទនោះមិនអាចដោះស្រាយបាន ជាមួយ ប.ស.ស., ពួកគាត់អាចបន្ត ដាក់ពាក្យប្តឹងមកកាន់និយ័តករសន្តិសុខសង្គម ដើម្បីនិយ័តករសន្តិសុខសង្គម ជួយរកស្វែងរកដោះស្រាយបន្ថែម មុននឹងឈានប្ដឹងទៅសាលាដំបូងនៃរាជធានី-ខេត្ត ។ ឯកឧត្តមបណ្ឌិត បន្ថែមថា និយ័តករសន្តិសុខសង្គម ដែលជាស្ថាប័នមានតួនាទី និងភារកិច្ចក្នុង “ការបង្កើតយន្តការការពារសមាជិក និងផ្សះផ្សាវិវាទនៅពេលមានទំនាស់” ក៏ទទួលពាក្យបណ្តឹង ពី សមាជិក ប.ស.ស.…