កំពង់ធំ៖ពីទីរួមស្រុកសណ្ដាន់ ទៅឃុំដងកាំបិត នៃខេត្តកំពង់ធំការដ្ឋាន​ស្ថាបនា​ផ្លូវក្រាលក្រួសក្រហមមួយខ្សែប្រវែងជាង២១គីឡូម៉ែត្រ​កំពុង​ដំណើរការយ៉ាងមមាញឹកដោយក្រុមការងាររបស់លោក សំ លាងទ្រី ប្រធាន​ក្រុមវិស្វកម្ម ។ កាលពីថ្ងៃទី១៩ ខែកុម្ភៈ នាយឧត្តមសេនីយ៍ ម៉ៅ សុផាន់ អគ្គ​មេបញ្ជាការរងនៃកងយោធពលខេមរភូមិន្ទ និងមេបញ្ជាការ​កងទ័ពជើងគោក ឧត្តមសេនីយ៍ទោ សោម ស៊ុន មេបញ្ជាការតំបន់​ប្រតិបត្តិការសឹករងកំពង់ធំបានអញ្ជើញ​ត្រួតពិនិត្យ​ការស្ថាបនាផ្លូវដែល​ជាអំណោយដ៏ថ្លៃថ្លារបស់សម្ដេចបវរធិបតី ហ៊ុន ម៉ាណែត នាយករដ្ឋមន្ត្រី​កម្ពុជា ។ លោក សំ លាងទ្រី ប្រធានក្រុមវិស្វកម្មបានជម្រាបប្រតិភូថា កំណាត់​ផ្លូវនេះបានបើកការដ្ឋាននៅថ្ងៃទី១៦ ខែធ្នូ ឆ្នាំ ២០២៤ ។មកដល់​បច្ចប្បន្ន​ការដ្ឋានសម្រេចបានប្រមាណ ៥០ភាគរយ ហើយរំពឹងថានឹងបញ្ចប់នៅ​ពេល​ឆាប់ៗខាងមុខ។ បន្ទាប់ពីការសាងសង់ផ្លូវប្រវែងជាង២១គីឡូម៉ែត្របញ្ចប់ នឹងរួមចំណែក​ដល់ការរស់នៅ ការធ្វើដំណើរ និងការដឹកជញ្ជូន​ផលិតផ​លពីជនបទ​មក​កាន់​ទីផ្សារ របស់ប្រជាជនខេត្តកំពង់ធំនិយាយជារួម និងឃុំដងកាំបិត ស្រុកសណ្ដាន់និយាយ​ដោយឡែក៕ដោយ​៖ប៊ុន​រដ្ឋា

កំពង់ឆ្នាំង៖ លោក ជា សុខរិទ្ធិ នាយករងរដ្ឋបាលសាលាខេត្ត​កំពង់ឆ្នាំង​កាលពីថ្ងៃទី១៩ ខែកុម្ភៈ ឆ្នាំ២០២៥ ត្រូវបាន​ប្រកាស​ចូលកាន់តំណែង​ជាអភិបាលរងខេត្តក្រោមអធិបតីភាពឯកឧត្តមសន្តិបណ្ឌិត ចាន់ អ៊ាន រដ្ឋលេខាធិការក្រសួង​មហាផ្ទៃ​ ឯកឧត្តម ស៊ីវ រុន ប្រធានក្រុមប្រឹក្សាខេត្ត ឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំង ។ ជាមួយនឹងការអបអរសាទរ ឯកឧត្តមសន្តិបណ្ឌិត ចាន់ អ៊ាន រដ្ឋលេខា​ធិការ​ក្រសួងមហាផ្ទៃបាន​សូមចូលរួមអបអរសាទរ​រដ្ឋបាល​ខេត្តកំពង់ឆ្នាំង​ដែលបានជាប់ចំណាត់ថ្នាក់លើការពង្រឹងគោលនយោបាយ ភូមិ ឃុំ មានសុវត្ថិភាព ដែលជាគោល​បំណងដ៏​សំខាន់របស់រាជរដ្ឋាភិបាល ។ឯកឧត្តមបានផ្ដាំផ្ញើឱ្យបន្តនូវស្មារតីខិតខំនិងទទួលខុសត្រូវនេះបន្ថែមទៀត។ តាមការបញ្ជាក់របស់ឯកឧត្តម ស៊ុន សុវណ្ណារិទ្ធិ អភិបាលអភិបាល​ខេត្តកំពង់ឆ្នាំង ក្នុងឆ្នាំ ២០២៤ កន្លងទៅខេត្តកំពង់ឆ្នាំង​ប្រជាពលរដ្ឋ​រស់នៅដោយសុខសុវត្ថិភាព មានជីវភាពសមរម្យ ទទួលបានកំណើន​សេដ្ឋកិច្ចគ្រួសារជាមធ្យម ដែលធ្វើឱ្យ​ខេត្តកំពង់ឆ្នាំងទទួលបានចំណាត់​ថ្នាក់លេខ១ក្នុងការអនុវត្តគោលនយោបាយភូមិឃុំមានសុវត្ថិភាពរបស់រាជរដ្ឋាភិបាល ៕ដោយ៖សុខ គឹមសៀន

(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយក​រដ្ឋ​មន្ត្រី នៃព្រះរាជាណាចក្រកម្ពុជា បានអញ្ជើញជាអធិបតី​ដ៏ខ្ពង់ខ្ពស់ក្នុងពិធី “បើកសប្តាហ៍គាំពារសង្គមកម្ពុជា ឆ្នាំ ២០២៥ និង ប្រកាសដាក់ឱ្យអនុវត្តជាផ្លូវការក្របខណ្ឌ​គោលនយោបាយជាតិគាំពារសង្គម ឆ្នាំ ២០២៤-២០៣៥” នៅព្រឹកថ្ងៃទី២០ ខែកុម្ភៈ ឆ្នាំ២០២៥ នៅសណ្ឋាគាររ៉េស៊ី​ដង់សុខា ភ្នំពេញ។ សប្តាហ៍គាំពារសង្គមកម្ពុជា ឆ្នាំ ២០២៥ ដែលមានរយៈ​ពេល​ពីរថ្ងៃនេះ ត្រូវបានរៀបចំឡើង ក្រោមមូលបទ អភិវឌ្ឍប្រព័ន្ធ​គាំពារ​សង្គមកម្ពុជា ដើម្បីការគ្របដណ្តប់កាន់តែប្រសើរ ទៅ​តាម ហានិភ័យនៃវដ្តជីវិត និង អមដោយការធ្វើបទបង្ហាញ​គន្លឹះ, កិច្ចពិភាក្សាពេញអង្គ, កិច្ចពិភាក្សា តាមក្រុម, និង ការ​ប្រកួតតស៊ូមតិរបស់យុវជន លើប្រធានបទពាក់ព័ន្ធ ដោយ​មានការចូលរួមពី គណៈអធិបតី, ភ្ញៀវកិត្តិយស ជាថ្នាក់​ដឹក​នាំ​ក្រសួង-ស្ថាប័នពាក់ព័ន្ធ, អភិបាលនៃគណៈអភិបាលរាជធានី-ខេត្ត ឯកអគ្គរាជទូត-ឯកអគ្គរដ្ឋទូត, តំណាងដៃគូអភិវឌ្ឍន៍​ពាក់ព័ន្ធ, តំណាងស្ថាប័ន ស្រាវជ្រាវ, សិស្ស-និស្សិត និង អ្នកទទួលផលសរុបចំនួនប្រមាណ ១ ០០០ នាក់ ទាំងអ្នក​ចូលរួម ដោយផ្ទាល់នៅទីនេះ និង…

កំពង់ឆ្នាំង៖ឯកឧត្តមបណ្ឌិតសភាចារ្យ អ៊ុក រ៉ាប៊ុន ទេសរដ្ឋមន្ត្រី ទទួល​បន្ទុកបេសកកម្មពិសេស និងជាប្រធានក្រុមប្រឹក្សាស្តារអភិវឌ្ឍន៍ វិស័យកសិកម្ម និងជនបទ ព្រមទាំងមន្រ្តីក្រុមការងារនៃមន្ទីរពាក់ព័ន្ធ កាលពីថ្ងៃទី១៩ ខែកុម្ភៈ ឆ្នាំ២០២៥បានអញ្ជើញពិនិត្យស្ថានភាពការ​បង្ក​បង្កើនផលស្រូវប្រាំងនិងជួបសំណេះសំណាលជាមួយប្រជាកសិករ និងអាជ្ញាធរ​ឃុំគោកបន្ទាយ ស្រុករលាប្អៀរ ខេត្តកំពង់ឆ្នាំង។ បើតាមសេចក្តីរាយការណ៍របស់លោក ងិន ហ៊ុន ប្រធានមន្ទីរកសិកម្ម រុក្ខាប្រមាញ់ និងនេសាទខេត្តកំពង់ឆ្នាំងបានឱ្យដឹងថា ការដាំដុះស្រូវប្រាំង​ក្នុងខេត្តកំពង់ឆ្នាំងអនុវត្តបានចំនួនជាង៥៩ ០០០ហិកតា លើផែនការ​៣៧ ០០០ហិកតា។មកដល់ពេលនេះប្រមូលផលលើ​ផ្ទៃ​ដីជិត៨ ០០០​ហិកតា ប្រហែល១២ភាគរយ។ចំពោះទិន្នផលស្រូវឆ្នាំ​នេះគិតជាមធ្យម​ជិត៥តោន ក្នុងមួយហិកតា ហើយតម្លៃជាមធ្យមពី៧៦០-៧៦០រៀលក្នុង​មួយគីឡូក្រាម ។ ដោយការសង្កេតជាក់ស្តែងជាភព្វសំណាងដំណាំស្រូវប្រាំងនៅឃុំគោកបន្ទាយពុំមានការប្រឈមធ្ងន់ធ្ងរនឹងកង្វះទឹកឡើយ។ឯកឧត្តមបណ្ឌិតសភា​ចារ្យ អ៊ុក រ៉ាប៊ុន ទេសរដ្ឋមន្ត្រីបានកោតសរសើរចំពោះភាព​ឧស្សាហ៍​ព្យាយាម​​របស់ប្រជាកសិករ​និងបានជំរុញអាជ្ញាធរ មន្រ្តីជំនាញពាក់ព័ន្ធ​បន្ត​យកចិត្តទុកដាក់ដោះស្រាយបញ្ហាប្រឈមផ្សេងៗ ឱ្យបានទាន់ពេល​វេលា៕ដោយ៖សុខ គឹមសៀន

(ភ្នំពេញ)៖ ប្រធានគណៈកម្មាធិការត្រួតពិនិត្យផលិតផល ថ្នាំជក់ ឯកឧត្តមសាស្រ្តាចារ្យ ឈាង រ៉ា រដ្ឋមន្រ្តីក្រសួងសុខា ភិបាល នៅក្នុងកិច្ចប្រជុំលើកទី១ នៃគណៈកម្មាធិការត្រួត​ពិនិត្យ​ផលិតផលថ្នាំជក់ នាព្រឹក ថ្ងៃទី១៩ ខែកុម្ភៈ ឆ្នាំ២០២៥ បានអំពាវនាវ ដល់គណៈកម្មាធិការត្រួតពិនិត្យ​ផលិតផលថ្នាំជក់ និងស្ថាប័នពាក់ព័ន្ធទាំងអស់ រួមគ្នាជំរុញការអនុវត្តកម្មវិធីត្រួតពិនិត្យផលិតផលថ្នាំជក់ និងការពារប្រជាជនពីបារីអេឡិចត្រូនិកឱ្យមានប្រសិទ្ធភាព ដោយ ៖ . រាជធានី ខេត្ត ជំរុញការហាមឃាត់ការជក់ ឬបង្ហុយផ្សែងផលិតផលថ្នាំជក់នៅកន្លែងធ្វើការ និងកន្លែងសាធារណៈ បង្កើតទីក្រុង ស្រុក ឃុំ គ្មានផ្សែងផលិតផលថ្នាំជក់ ទេសចរណ៍គ្មានផ្សែងផលិតផលថ្នាំជក់ឱ្យកាន់តែទូលំទូលាយ ដោយបិទស្លាកហាមជក់បារីនៅតាមទីកន្លែងធ្វើការ និងទីកន្លែងសាធារណៈ និងអប់រំណែនាំអ្នកប្រើប្រាស់ បង្កើតជាបរិបទសង្គម ដែលគ្មានផ្សែងផលិតផលថ្នាំជក់។ . ជំរុញការទប់ស្កាត់ និងហាមឃាត់ការផ្សាយពាណិជ្ជកម្ម ការផ្សព្វផ្សាយលក់ និងការឧបត្ថម្ភកម្មវិធីដោយឧស្សាហករថ្នាំជក់គ្រប់ប្រភេទ ។ . តាមដានការអនុវត្តច្បាប់ និងពង្រឹងសមត្ថភាព ដំណើរការរបស់មន្ត្រីអធិការកិច្ចផលិតផលថ្នាំជក់ជាពិសេសក្នុងរាជធានីខេត្ត និងអប់រំអ្នកលក់ដូរចែកចាយ និងអនុវត្តវិធានការច្បាប់ ។ . តាមដាន ទប់ស្កាត់ការលក់ ចែកចាយ និងប្រើប្រាស់បារីអេឡិចត្រូនិក…