(ភ្នំពេញ)៖ តាមរយៈបណ្ដាញសង្គមហ្វេសប៊ុកផ្លូវការនាព្រឹកថ្ងៃទី២០ ខែមិថុនា ឆ្នាំ២០២៥ សម្ដេចតេជោ ហ៊ុន សែន ប្រធានព្រឹទ្ធសភា បានលើកឡើងថា ទោះពេលវេលាបានកន្លងហួសរយៈពេល៤៨ឆ្នាំទៅហើយក្តី តែនៅពេលដែលខ្ញុំ នឹកឃើញដល់រឿងរ៉ាវ ដែលបានជួបប្រទះកាលពីថ្ងៃ២០ មិថុនា ១៩៧៧ ទឹកភ្នែកខ្ញុំ តែងស្រក់ចុះមកជាប់មិនដាច់ ។ ពិតជាខ្លោចផ្សា និងឈឺចាប់រកពាក្យនិយាយមិនបាន ។ សម្ដេចតេជោ បានបន្តថា យើងមានតែជីវិតប៉ុណ្ណោះ ធ្វើជាដើមទុន ដើម្បីរំដោះជាតិ និងប្រជាជន ចេញពីរបបប្រល័យពូជសាសន៍ ប៉ុល ពត ។ សម្ដេចថា ប្រសិនខ្ញុំ ស្លាប់នាពេលនោះ តើនឹងមានអ្វីកើតឡើងនាពេល៤៥ឆ្នាំកន្លងមកនេះ?។ យកជីវិតទៅប្តូរយកការរស់រានមានជីវិតរបស់ប្រជាជន។ យកជីវិតទៅប្តូរយកសន្តិភាពជូនប្រជាជនតាមរយៈនយោបាយ ឈ្នះ ឈ្នះ។ សម្ដេចតេជោ បាបន្ថែមថា យកអំណាចទៅប្តូរជាមួយសន្តិភាព និងការអភិវឌ្ឍរយៈពេលវែង តាមរយៈផ្ទេរការដឹកនាំពីជំនាន់ចាស់ទៅកាន់ជំនាន់ថ្មី។ សម្ដេចតេជោ ហ៊ុន សែន បានរំលឹកថា ចូលចងចាំថា គ្មានជោគជ័យ ឬលទ្ធផលណាមួយ ដោយគ្មានការបង់ថ្លៃ ឬការលះបង់នោះឡើយ ។ សូមរំលឹកថា…

(ខេត្តសៀមរាប)៖ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ បានលើកឡើងថា គោលនយោបាយក្នុងវិស័យកសិកម្ម ដែលផ្តោតអាទិភាពលើការធានាសន្តិសុខស្បៀង ការលើកកម្ពស់ជីវភាពកសិករ និងការរួមចំណែកទ្រទ្រង់សេដ្ឋកិច្ចជាតិ និងទស្សនាទាន “មានហូប មានប្រើ មានបាន និងមានរហូត” ដែលក្រសួងកំពុងជំរុញអនុវត្តយ៉ាងសកម្ម។ ឯកឧត្តមបានសង្កត់ធ្ងន់ថា សន្តិសុខស្បៀង ទាំងសម្រាប់កសិករ ទាំងសម្រាប់ប្រជាពលរដ្ឋអ្នកទទួលទានក្នុងស្រុក មិនថាក្នុងកាល:ទេស:ណា ឬសេដ្ឋកិច្ចកម្ពុជារីកចម្រេីនយ៉ាងណា គឺជាអាទិភាពខ្ពស់បំផុតនៃវិស័យកសិកម្មកម្ពុជា។ ឯកឧត្តមរដ្ឋមន្ត្រី ក៏បានលើកឡើងពីកម្មវិធីគោលនយោបាយអាទិភាពទី៥ និងទី៦ របស់រាជរដ្ឋាភិបាលនីតិកាលទី៧ ដែលកំពុងជួយដល់បងប្អូនកសិករនៅទូទាំងប្រទេសលើបច្ចេកទេសផលិតកម្ម ការសម្របសម្រួលទីផ្សារ ការរក្សាលំនឹងថ្លៃកសិផលសំខាន់ៗក្នុងកម្រិតសមរម្យ និងការប្រមូលផ្តុំជាសហគមន៍កសិកម្មទំនើប ដោយសម្រេចបានលទ្ធផលល្អប្រសេីរជាបន្តបន្ទាប់ក្នុងការលើកស្ទួយជីវភាពប្រជាកសិករ។ ការថ្លែងរបស់ឯកឧត្តមធ្វើឡើងខណៈដឹកនាំក្រុមការងារ អញ្ជើញជួបសំណេះសំណាលជាមួយមន្រ្តីកសិកម្មឃុំ-សង្កាត់ នៅក្រុងសៀមរាប ខេត្តសៀមរាប កាលពីថ្ងៃទី១៩ ខែមិថុនា ឆ្នាំ២០២៥ ។ ជាមួយគ្នានេះ ឯកឧត្តមបានលើកទឹកចិត្តឱ្យប្អូនៗមន្ត្រីកសិកម្មឃុំចេះសម្របសម្រួលជាមួយរដ្ឋបាលឃុំ-ស្រុក មន្ទីរកសិកម្ម និងអង្គភាពពាក់ព័ន្ធ ដើម្បីប្រសិទ្ធភាពការងារ និងបន្តយកចិត្តទុកដាក់ជួយប្រជាពលរដ្ឋតាមតួនាទីភារកិច្ច ដើម្បីទទួលបានការគាំទ្រ និងទំនុកចិត្តកាន់តែច្រេីនថែមទៀតដែលអាចបេីកឱកាសឱ្យប្អូនៗចាប់យកតួនាទីក្នុងក្រុមប្រឹក្សាឃុំ-ស្រុក-ខេត្ត នាពេលអនាគត ៕ ប្រភព ៖ ក្រសួងកសិកម្ម

(កំពត)៖ ក្រុមការងារសុក្រិតកម្មបរិស្ថានកិច្ច ភាពស្អាត ដោយមានការចូលរួម សហការពីមន្ទីរបរិស្ថាន មន្ទីឧស្សាហកម្ម វិទ្យាសាស្រ្តនិងនវានុវត្តន៍ខេត្តកំពត និងលោកមេឃុំកូនសត្វ បានរកឃើញនិងអនុវត្តច្បាប់លើករណីមានការបំពុលទឹកអូរធំ បណ្តាលឱ្យមានត្រីងាប់ ដែលបង្កពីសំណល់រាវរបស់កសិដ្ឋានចិញ្ចឹមជ្រូក សូ សាវឿន មានទីតាំងស្ថិននៅភូមិកូនសត្វ ឃុំកូនសត្វ ស្រុកទឹកឈូ ខេត្តកំពត ។ ក្រោយចុះពិនិត្យដល់ទីតាំងជាលទ្ធផលនៃការត្រួតពិនិត្យឃើញាថា៖ ការពិនិត្យខាងក្រៅទីតាំងកសិដ្ឋាន៖ ត្រង់ព្រំប្រទល់កសិដ្ឋានចិញ្ចឹមជ្រូក និងដីឯកជន ឃើញមានទឹកមានសភាពពណ៌ខៀវក្រម៉ៅ មានក្លិនស្អុយតិចៗ ចំណុចទំនប់បង្ហៀរក្នុងដីឯកជន ឃើញមានត្រីងាប់ ទឹកមានពណ៌ក្រម៉ៅ មានក្លិនស្អុយ។ ប្រជាពលរដ្ឋដែលរស់នៅក្នុងតំបន់នោះបានផ្តល់ព័តមានថាកន្លងមកទឹកដៃអូធំនេះបានប៉ះពាល់ពីការបង្ហូសំណល់រាវពីកសិដ្ឋានចិញ្ចឹមជ្រូកកក្បែនេះធ្វើឲ្យទឹកឡើងពណ៌ខ្មៅ និងមានខ្លិនស្អុយស្អុយ ខ្លាំងនៅពេលភ្លៀង និងពេលខ្លះមានត្រីងាប់ផងដែរ។ ជាមួយគ្នានេះការពិនិត្យក្នុងទីតាំងកសិដ្ឋានចិញ្ចឹមជ្រូកតំណាងម្ចាស់កសិដ្ឋាននេះ កាលពីថ្ងៃទី១៧ ខែមិថុនា ឆ្នាំ២០២៥បានឱ្យដឹងថាមិនមានដាក់ជ្រូកចិញ្ចឹមទេ ដោយបានផ្អាកចិញ្ចឹមរយៈពេលពីរខែមកហើយ។ ក្រុមការងារពិនិត្យឃើញថាកសិដ្ឋានមានអាងស្តុកសំណល់រាវ ដែលរៀបចំមិនបានត្រឹមត្រូវតាមលក្ខណៈបច្ចេកទេស ហើយកសិដ្ឋានបានបូមសំណល់រាវយកទៅដាក់តាមរងចំការដូងក្នុងកសិដ្ឋានដែលជាហេតុធ្វើឱ្យសំណល់រាវទាំងនោះហូរចូលទៅក្នុងដៃអូរធំ ដែលបង្កការមានការបំពុលបរិស្ថាន ធ្វើឱ្យមានត្រីងាប់ និងមានក្លិនស្អុយ។ ក្រុមការងារដាក់ចេញនូវវិធានការចំពោះមុខ ដល់កសិដ្ឋានដូចខាងក្រោម៖១-កសិដ្ឋានត្រូវបញ្ឈប់ជាជាបន្ទាន់ការបង្ហូរសំណល់រាវទៅក្រៅកសិដ្ឋាន កុំឱ្យមានការហូរចូលក្នុងអូរធំ ដែលជាអូរសាធារណៈ២-ត្រូវទទួលរងពិន័យ ចំពោះការប្រព្រឹត្តល្មើសច្បាប់បង្កឲ្យមានការបំពុលបរិស្ថាន៣-កសិដ្ឋានត្រូវផ្តល់សំណងផលប៉ះពាល់ចំពោះការខូចខាតបរិស្ថាន និងស្តាសម្អាតឡើងឡើវិញ៤-កសិដ្ឋានត្រូវរៀបចំអាងប្រព្រឹត្តិកម្មសំណល់រាវឱ្យបានត្រឹមត្រូវតាមលក្ខណៈបច្ចេកទេស៥-កសិដ្ឋានត្រូវរៀបចំរបាយការណ៍អង្កេតតាមដានបរិស្ថាន ដាក់ជូនមន្ទីរបរិស្ថានពិនិត្យនិងវាយតម្លៃ៦-កសិដ្ឋានត្រូវជូនដំណឹងដល់មន្ទីរករណីមានការផ្លាស់ប្តូរទីតាំង ឬផ្អាកសកម្មភាពចិញ្ចឹមជ្រូក។ក្រុមកាេងារនិបន្តនីតិវិធីច្បាប់ចំពោះករណីនេះស្របតាមក្រមបរិស្ថាននិងធនធានធម្មជាតិ៕ អត្ថបទ ៖ ង៉ាន់ ទិត្យរូបភាព…

(កំពង់ចាម)៖ លោក ស្រី ហេង ដាវី ប្រធានក្រុមហ៊ុនឡុងស្រេង ដែលកំពុងវិនិយោគលើដំណាំចេកអំបូរលឿង នៅក្នុងស្រុកស្ទឹងត្រង់ ខេត្ត កំពង់ចាម បានអះអាងថា បច្ចុប្បន្នក្រុមហ៊ុនឡុងស្រេង បានដាំចេកអំបូរលឿងសម្រាប់នាំចេញទៅកាន់ទីផ្សារអន្តរជាតិ និងទីផ្សារធំជាងគេគឺប្រទេសចិន។ លោក ស្រីថា បច្ចុប្បន្ននេះ ក្រុមហ៊ុនបានពង្រីកផ្ទៃដីនៃការដាំដុះបានប្រមាណជាជាង២០០០ហិចតាហើយ ដោយទិន្នផលទទួលបានសម្រាប់នាំចេញប្រមាណជាជិត១០ម៉ឺនតោនក្នុងមួយឆ្នាំទៅកាន់ទីផ្សារអន្តរជាតិមានដូចជាជប៉ុនប្រមាណជាង១០%និងទីផ្សារចិនដែលជាទីផ្សារធំជាងគេប្រមាណជាជាង៨០% ។ លោក ហេង ដាវី អះអាងទៀតថា ទិន្និផលដែលទទួលបានក្នុងមួយឆ្នាំជិត១០ម៉ឺនតោននេះ មិនទាន់គ្រប់គ្រាន់សម្រាប់ផ្គត់ផ្គង់លើទីផ្សារចិននៅឡើយ។ ពោលក្រុមហ៊ុនកំពុងតែពង្រីកផ្ទៃដីដាំបន្ថែមជាច្រើនបន្ថែមទៀត ដោយត្រូវការកម្លាំងពលកម្មបន្ថែមទៀតប្រមាណជា៤០%ខណៈដែលបច្ចុប្បន្នលោកស្រីបានប្រើប្រាស់កម្លាំងពលកម្មប្រមាណជាជាង៥០០០នាក់។ ហើយ កម្មករម្នាក់អាស្រាយលើទំហំការងារក្នុងមួយខែទទួលបានប្រាក់កម្រៃចាប់ពី១លានរៀលដល់១លាន៨០ម៉ឺនរៀល។ ក្រុមហ៊ុនក៏មានផ្តល់ជូនបន្ថែមផ្ទះស្នាក់មិនគិតលុយ និងការមើលថែសុខភាពពីពេទ្យរបស់ក្រុមហ៊ុនផងដែរ។ស្របពេលមានជម្លោះបញ្ហាព្រមដែនកម្ពុជាថៃ លោកស្រី ក៏ផ្តល់ឱកាសការងារជូនពលករដែលត្រឡប់មកពីធ្វើការនៅប្រទេសថៃផងដែរ។ប៉ុន្តែត្រូវដាក់ពាក្យតាមមន្ទីរការងារនិងបណ្តុះបណ្តាលវិជ្ជាជីវៈខេត្តកំពង់ចាម ។ សូមបញ្ជាក់ថា ដំណាំចេកអំបូរលឿងដែលវិនិយោគដាំដុះដោយក្រុមហ៊ុនឡុងស្រេង បច្ចុប្បន្ននេះមានជាង២០០០ហិចតា ទទួលបានទិន្និផលប្រមាណជាជិត១០ម៉ឺនតោនក្នុងមួយឆ្នាំៗ នាំចេញទៅកាន់ទីផ្សារធំប្រទេសចិនជាង៨០%ជប៉ុនជាង១០% ខណៈដែលទីផ្សារប្រទេសកូរ៉េកំពុងធ្វើការចចារ្យនៅឡើយ៕ រូបភាព ៖ ជីម ភារ៉ាអត្ថបទ ៖ ជាវ ចន្ធូ

(ភ្នំពេញ)៖ រដ្ឋមន្ត្រីក្រសួងព័ត៌មានឯកឧត្តម នេត្រ ភក្ត្រា បានថ្លែងអំណរគុណ ក្រុមហ៊ុន យូណាយធីត ហ្វាម៉ា ( ខេមបូឌា ) United Pharma (Cambodia) ដែលបានផ្តល់ថ្នាំពេទ្យ និងសម្ភារៈថែទាំសុខភាព យ៉ាងច្រើនមកដល់ក្រសួងព័ត៌មាន ដើម្បីទុកយកទៅចែកជូនដល់ កងទ័ពនៅជួរមុខ និងបងប្អូនប្រជាពលរដ្ឋដែលបានជម្លៀសខ្លួនពីតំបន់ប្រឈមនៅតាមបន្ទាត់ព្រំដែនក្នុងខេត្តព្រះវិហារ ដែលការចែកជូននេះគ្រោងធ្វើឡើងនៅថ្ងៃទី២៤ ខែមិថុនា ឆ្នាំ២០២៥ ខាងមុខនេះ ។ ការថ្លែងអំណរគុណនេះធ្វើឡើងក្នុងឱកាស ឯកឧត្តម នេត្រ ភក្ត្រា ទទួលជួប និងទទួលអំណោយថ្នាំពេទ្យ ពី លោក Michael Reyes អគ្គនាយកក្រុមហ៊ុន United Pharma (Cambodia ) លោក ជីវ ដេវីត ប្រធានផ្នែកទីផ្សារ និងលោក ទី សុភាព ប្រធានផ្នែកបញ្ជិការឱសថ និងគុណភាពឱសថ,នៅរសៀលថ្ងៃទី១៩ ខែមិថុនា ឆ្នាំ២០២៥ នាទីស្តីការក្រសួង។ អំណោយថ្នាំពេទ្យរបស់ក្រុមហ៊ុន United Pharma…

(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតឱ្យ ឯកឧត្តម Dato’ Sri Tiong King Sing រដ្ឋមន្ត្រីក្រសួងទេសចរណ៍ សិល្បៈ និងវប្បធម៌ម៉ាឡេស៊ី ចូលជួបសម្ដែងការគួរសម និងពិភាក្សាការងារ នៅវិមានសន្ដិភាព នារសៀលថ្ងៃទី១៩ ខែមករា ឆ្នាំ២០២៥ ។ ឯកឧត្តមរដ្ឋមន្ត្រី បានបង្ហាញការពេញចិត្តចំពោះទំនាក់ទំនង និងកិច្ចសហប្រតិបត្តិការដ៏ល្អរវាងម៉ាឡេស៊ី និងកម្ពុជា ជាពិសេសកិច្ចសហប្រតិបត្តិការរវាងក្រសួងទេសចរណ៍នៃប្រទេសទាំងពីរ។ ឯកឧត្តម បានលើកឡើងពីសារៈសំខាន់នៃវិស័យទេសចរណ៍ដែលជាវិស័យមួយចូលរួមចំណែកដល់ការធានានូវកំណើនសេដ្ឋកិច្ចជាតិ, ការបង្កើតការងារ, និងការលើកកម្ពស់វប្បធម៌ជាតិ។ ដើម្បីជំរុញវិស័យនេះ ឯកឧត្តម បានបញ្ជាក់ពីការប្ដេជ្ញាចិត្តរបស់ក្រសួងទេសចរណ៍ម៉ាឡេស៊ី ក្នុងការបន្តពង្រឹងនិងពង្រីកការតភ្ជាប់ផ្នែកទេសចរណ៍ជាមួយកម្ពុជា និងការផ្លាស់ប្ដូររវាងប្រជាជននិងប្រជាជន។ ក្រសួងទេសចរណ៍នៃប្រទេសទាំងពីរនឹងបន្តសហការគ្នា ដើម្បីជំរុញវិស័យទេសចរណ៍ រួមទាំងទេសចរណ៍បែបវប្បធម៌ និងសិល្ប: រវាងប្រទេសទាំងពីរ។ ជាការឆ្លើយតប, សម្ដេចបវរធិបតី បានចូលរួមអបអរសាទរ ម៉ាឡេស៊ី ចំពោះជោគជ័យក្នុងការរៀបចំកិច្ចប្រជុំកំពូលអាស៊ានលេីកទី៤៦ និងកិច្ចប្រជុំពាក់ព័ន្ធ នាពេលកន្លងមក។ សម្ដេចបវរធិបតីក៏បានឯកភាពចំពោះការលើកឡើងរបស់ឯកឧត្តមរដ្ឋមន្ត្រី ចំពោះសារៈសំខាន់របស់វិស័យទេសចរណ៍ ក្នុងការជំរុញកំណើនសេដ្ឋកិច្ច និងការតភ្ជាប់រវាងប្រជាជននិងប្រជាជន។ សម្ដេចបវរធិបតី បានរំលឹកអំពីជំនួបទ្វេភាគីរវាងសម្ដេច និង…