-
អ្នកសារព័ត៌មានជាង ៥០នាក់មកពីជាង២០ស្ថាប័នចេញដំណើរទៅកាន់ខេត្តមណ្ឌលគីរី និងខេត្តក្រចេះ
ភ្នំពេញ៖អ្នកសារព័ត៌មានជាង៥០នាក់មកពីជាង២០ស្ថាប័នបានចេញដំណើរតាំងពីព្រលឹមថ្ងៃទី១៣ ខែកុម្ភៈ ឆ្នាំ២០២៥ ក្នុងដំណើរទៅកាន់ខេត្តមណ្ឌលគីរី និងខេត្តក្រចេះដែលរៀបចំឡើងដោយក្លិបអ្នកកាសែតកម្ពុជា ក្នុងគោលបំណង ដើម្បីផ្សព្វផ្សាយព័ត៌មានទ្រង់ទ្រាយធំពីឧស្សាហកម្មរ៉ែ និងកសិ-ឧស្សាហ កម្មទេសចរណ៍នៅខេត្តភាគឦសាននៃប្រទេសកម្ពុជា។ ក្លិបអ្នកកាសែតកម្ពុជាបានបញ្ជាក់ថា បេសកកម្មលើកនេះមានរយៈ ពេល៤ ថ្ងៃចាប់ពីថ្ងៃទី១៣ ដល់១៦ ខែកុម្ភៈ ។ក្លិបអ្នកកាសែតកម្ពុជារំពឹងថា អត្ថបទសារព័ត៌មានរាប់រយចេញជា៥ភាសា៖ ខ្មែរ, បារាំង, វៀតណាម, ចិន និងអង់គ្លេស នឹងត្រូវបានផ្សព្វផ្សាយទាំងក្នុងនិងក្រៅប្រទេស ដែលជាការរួម ចំណែកដល់ការស្រូបយកអ្នកវិនិយោគជាតិនិងអន្តរជាតិនិងភ្ញៀវទេសចរ បន្ថែមទៀតមកកាន់ខេត្តទាំងពីរនេះ។ លោក ពុយ គា ប្រធានក្លិបអ្នកកាសែតកម្ពុជាបានឱ្យថា “បេសកកម្មលើកនេះ ប្លែកបន្តិចពីបេសកកម្មកន្លងមកដោយយើងផ្តោតទៅលើវិស័យឧស្សាហកម្ម រ៉ែនិងកសិឧស្សាហកម្មទេសចរណ៍ដែលជាវិស័យដ៏មានសក្តានុពលក្នុងខេត្តមណ្ឌលគីរីនិងខេត្តក្រចេះ ខណៈការផ្សព្វផ្សាយពីសក្តានុពលនៃខេត្តភូមិភាគ ឦសានទាំងពីរនេះហាក់ដូចជាមិនទាន់ទូលំទូលាយនៅទ្បើយ”។ នេះជាបេសកកម្មលើកទី៧របស់ ក.អ.ក បន្ទាប់ពីបេសកកម្មដ៏មានសារសំខាន់បែបនេះត្រូវបានធ្វើទ្បើងជាបន្តបន្ទាប់ទៅតាមខេត្តនានារួមមាន ខេត្ក ព្រះសីហនុ កែប សៀមរាប ខេត្តពោធិ៍សាត់ និងរមណីយដ្ឋានឋានសួគ៌ បូកគោ។នេះបើតាមការបញ្ជាក់របស់ប្រធានក្លិបអ្នកកាសែតកម្ពុជា៕ដោយ៖មុនី
-
ពិព័រណ៍ពាណិជ្ជកម្ម ជីអេស១ ៨៨៤ ចាប់បើកដំណើរការតាំងបង្ហាញផលិតផលមកពី ២៥ខេត្ត-ក្រុងរយៈពេល ៣ថ្ងៃ
ភ្នំពេញ ៖ ស្ថាប័នជីអេស១កម្ពុជា នៃសភាពាណិជ្ជកម្មកម្ពុជា បានរៀបចំសិក្ខាសាលា អមដោយពិព័រណ៍ពាណិជ្ជកម្ម ជីអេស១ ៨៨៤ (GS1 884 EXPO) ក្នុងគោលបំណងបង្ហាញពីផលិតផលខ្មែរសម្រាប់ទីផ្សារក្នុងស្រុក និងការនាំចេញទៅទីផ្សារអន្តរជាតិ ពិសេសបច្ចេកវិទ្យា ដើម្បីជំរុញអោយផលិតកម្ម និងការដឹកជញ្ជូនឈានទៅរកប្រសិទ្ធិភាពខ្ពស់ ក្នុងការអភិវឌ្ឍន៍ផលិតផលកម្ពុជាអោយកាន់តែមានគុណភាព សុវត្ថិភាព តម្លៃល្អ និងស្តង់ដារ ជំរុញទីផ្សារផលិតខ្មែរ ទៅលើទីផ្សារ តាមរយៈម៉ាកយីហោ និងភាពត្រឹមត្រូវនៃស្តង់ដារបារកូដ។ ឯកឧត្តមឧកញ៉ា ងួន ម៉េងតិច អគ្គនាយកសភាពាណិជ្ជកម្មកម្ពុជា បានមានប្រសាសន៍ថា អត្ថប្រយោជន៍នៃការប្រើប្រាស់បារកូដ (Bar Code) គឺមានប្រសិទ្ធភាព ក្នុងការបង្ហាញពីប្រភពដើមនៃផលិតផល និងកាត់បន្ថយកំហុសឆ្គង ហានិភ័យ អាចចំណេញពេលវេលា ក្នុងសង្វាក់ផលិតកម្ម និងលើកកម្ពស់ផលិតផលឲ្យមានការទទួលស្គាល់ជាលក្ខណៈស្តង់ដារ ជាពិសេសងាយស្រួលក្នុងការគ្រប់គ្រងស្តុក ព្រមទាំងងាយស្រួលចរាចរ និងចែកចាយផលិតផល នៅលើផ្សារទំនើប និងទីផ្សារនាំចេញទៅទីផ្សារអន្តរជាតិ និងអាចបង្កើនទំនាក់ទំនងរវាងក្រុមហ៊ុន និងក្រុមហ៊ុន និងបទដា្ឋនតែមួយចំពោះដៃគូរពាណិជ្ជកម្មទាំងអស់ក្នុងសកលលោក។ ឯកឧត្តមឧកញ៉ាបន្តថា តាមរយៈសិក្ខាសាលានេះ បានលើឡើងប្រធានបទសំខាន់ៗ ដើម្បីចែករំលែកដោយឥតគិតថ្លៃ ក៏ដូចជាជំរុញ និងផ្សព្វផ្សាយផលិតផលសក្ដានុពលកម្ពុជា និងបង្កើនចំណេះដឹង អំពីការប្រើប្រាស់ស្លាកសញ្ញាស្តង់ដារលើផលិតផល…
-
រដ្ឋមន្រ្តីការងារគាំទ្រគម្រោងរបស់ ចៃកា និងអាយឡូ ក្នុងការបង្កើតឱ្យមានយន្តការគាំពារ និងដោះស្រាយបញ្ហាប្រឈមរបស់ពលករទេសន្តរប្រវេសន៍នៅប្រទេសជប៉ុន
ភ្នំពេញ៖ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានបញ្ជាក់ពីការគាំទ្រលើគម្រោងរបស់ទីស្នាក់ការកណ្តាលទីភ្នាក់ងារសហប្រតិបត្តិការអន្តរជាតិនៃប្រទេសជប៉ុន(JICA) និងការិយាល័យប្រចាំតំបន់អាស៊ី ប៉ាស៊ីហ្វិក នៃអង្គការអន្តរជាតិខាងការងារ (ROAP, ILO) ក្នុងការបង្កើតឱ្យមានយន្តការគាំពារ និងដោះស្រាយបញ្ហា និងការប្រឈមរបស់ពលករទេសន្តរប្រវេសន៍ នៅក្នុងប្រទេសជប៉ុន។ ការគាំទ្របានបង្ហាញឡើងក្នុងឱកាសដែលឯកឧត្តមរដ្ឋមន្ត្រី បានទទួលជួបសម្តែងការគួរសម និងពិភាក្សាការងារជាមួយគណៈប្រតិភូនៃទីភ្នាក់ងារសហប្រតិបត្តិការអន្តរជាតិនៃប្រទេសជប៉ុនឬចៃកា(JICA) និងមន្រ្តីការិយាល័យប្រចាំតំបន់អាស៊ី ប៉ាស៊ីហ្វិក នៃអង្គការអន្តរជាតិខាងការងារ (ROAP, ILO) ដឹកនាំដោយលោក កេនីជី ស៊ីស៊ីដូ (Kenichi SHISHIDO) ជំនួយការពិសេសរបស់ប្រធានទីស្នាក់ការកណ្តាលចៃកាកាលពីថ្ងៃទី១២ ខែកុម្ភៈ ឆ្នាំ២០២៥នាទីស្តីការក្រសួង ។ ឯកឧត្តមរដ្ឋមន្រ្តីក្រសួងការងារបានចាត់ទុកគម្រោងក្នុងការបង្កើតឱ្យមានយន្តការគាំពារ និងដោះស្រាយបញ្ហា និងការប្រឈមរបស់ពលករទេសន្តរប្រវេសន៍នៅក្នុងប្រទេសជប៉ុន ពិតជាមានសារៈសំខាន់ដើម្បីជំរុញឱ្យកាន់តែប្រសើរឡើងថែមទៀតនៃកិច្ចសហប្រតិបត្តិការរវាងប្រទេសបញ្ជូនពលករ និងប្រទេសទទួលពលករ។ បើតាមឯកឧត្តមរដ្ឋមន្ត្រី ហេង សួរ ប្រទេសជប៉ុននៅតែជាទិសដៅមួយ ដែលពលករកម្ពុជាចង់ទៅធ្វើការ ពីព្រោះបានទទួលបានប្រាក់អត្ថប្រយោជន៍ខ្ពស់ រួមនិងទទួលបានជំនាញ និងបច្ចេកទេសការងារខ្ពស់ផងដែរ។ឯកឧត្តម សង្ឃឹមថាតាមរយៈគម្រោងនេះ នឹងជំរុញឱ្យមានការផ្សព្វផ្សាយ និងស្វែងយល់ពីគ្នាកាន់តែប្រសើរ ជាពិសេសអំពីច្បាប់ការងារ និងអត្ថប្រយោជន៍ផ្សេងៗនៅក្នុងប្រទេសជប៉ុន សម្រាប់ភ្នាក់ងារជ្រើសរើសកម្មសិក្សាការី និងពលករជំនាញកម្ពុជា និងភាគីជប៉ុនដែលត្រូវការកម្លាំងពលកម្ម។ លោក…
-
ឯកឧត្តម ហេង សួរ៖ គម្រោងរបស់ទីស្នាក់ការកណ្តាល JICA និងអង្គការ ILO នឹងបង្កើតឱ្យមានយន្តការគាំពារ និងដោះស្រាយបញ្ហាប្រឈមរបស់ពលករទេសន្តរប្រវេសន៍ នៅក្នុងប្រទេសជប៉ុន កាន់តែប្រសើរ
(ភ្នំពេញ)៖ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានបញ្ជាក់ការគាំទ្រលើគម្រោងរបស់ទីស្នាក់ការកណ្តាល JICA និងការិយាល័យប្រចាំតំបន់អាស៊ី ប៉ាស៊ីហ្វិក នៃអង្គការអន្តរជាតិខាងការងារ (ROAP, ILO) ក្នុងការបង្កើតឱ្យមានយន្តការគាំពារ និងដោះស្រាយបញ្ហា និងការប្រឈមរបស់ពលករទេសន្តរប្រវេសន៍ នៅក្នុងប្រទេសជប៉ុន។ ការបង្ហាញការគាំទ្រដូចនេះ ក្នុងឱកាសដែលឯកឧត្តមរដ្ឋមន្ត្រី បានទទួលជួបសម្តែងការគួរសម និងពិភាក្សាការងារជាមួយគណៈប្រតិភូនៃទីភ្នាក់ងារសហប្រតិបត្តិការអន្តរជាតិនៃប្រទេសជប៉ុន(JICA) និងការិយាល័យប្រចាំតំបន់អាស៊ី ប៉ាស៊ីហ្វិក នៃអង្គការអន្តរជាតិខាងការងារ (ROAP, ILO) ដែលដឹកនាំគណៈប្រតិភូដោយលោក កេនីឆី ស៊ីស៊ីដូ (Kenichi SHISHIDO) ជំនួយការពិសេសរបស់ប្រធានទីស្នាក់ការកណ្តាល JICA។ ក្នុងជំនួបធ្វើឡើងនៅទីស្តីការក្រសួងការងារ និងបណ្តុះបណ្តាលវិជ្ជាជីវៈ នៅថ្ងៃពុធ ទី១២ ខែកុម្ភៈ ឆ្នាំ២០២៥នេះ ឯកឧត្តម ហេង សួរ បានគូសបញ្ជាក់ថា គម្រោងក្នុងការបង្កើតឱ្យមានយន្តការគាំពារ និងដោះស្រាយបញ្ហា និងការប្រឈមរបស់ពលករទេសន្តរប្រវេសន៍នៅក្នុងប្រទេសជប៉ុននេះ ពិតជាមានសារៈសំខាន់ដើម្បីជំរុញឱ្យកាន់តែប្រសើរឡើងថែមទៀតនៃកិច្ចសហប្រតិបត្តិការរវាងប្រទេសបញ្ជូនពលករ និងប្រទេសទទួលពលករទៅធ្វើការនៅក្នុងប្រទេសជប៉ុន។ ឯកឧត្តមរដ្ឋមន្ត្រី បានលើកឡើងថា ប្រទេសជប៉ុននៅតែជាទិសដៅមួយ ដែលពលករកម្ពុជាចង់ទៅធ្វើការ ខណៈដែលទទួលបានប្រាក់អត្ថប្រយោជន៍ខ្ពស់ រួមនិងទទួលបានជំនាញ និងបច្ចេកទេសការងារខ្ពស់ផងដែរ។…
-
អ.វ.ត.ក. ពិភាក្សាជាមួយផលិតករភាពយន្ដ មកពីប្រទេសបារាំង ផ្ដោតសំខាន់លើគម្រោងការផលិតភាពយន្ដ ឯកសារនៃអំពើព្រៃផ្សៃដែលបានកើតឡើងនៅក្នុងសម័យខ្មែរក្រហម
(ភ្នំពេញ)៖ ឯកឧត្តម ក្រាញ់ តូនី រដ្ឋលេខាទីស្ដីការគណៈរដ្ឋមន្ដ្រី និងជាប្រធានរដ្ឋបាលស្ដីទីនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក.)កាលពីថ្ងៃទី១២ ខែកុម្ភៈ ឆ្នាំ២០២៥ បានទទួលជួបពិភាក្សាការងារជាមួយលោកស្រី Roshane SAIDNATTAR ផលិតករភាពយន្ដ សញ្ជាតិ ខ្មែរ-បារាំង នៅមជ្ឈមណ្ឌលធនធាន អ.វ.ត.ក. ។ កិច្ចពិភាក្សាបានផ្ដោតសំខាន់លើគម្រោងការផលិតភាពយន្ដតាមបែបស្ដង់ដាដោយប្រើប្រាស់ធនធាន មានស្រាប់ដ៏សំបូរបែបរបស់ អ.វ.ត.ក. ឯកសារនៃអំពើព្រៃផ្សៃដែលបានកើតឡើងនៅក្នុងសម័យខ្មែរក្រហម ដើម្បីចងក្រងជាខ្សែភាពយន្ដសម្រាប់អប់រំយុវជនជំនាន់ក្រោយ ក្នុងគោលបំណងជំរុញពួកគេឱ្យចូលរួមការពារប្រឆាំងនឹងការកើតឡើងវិញនៃអំពើឃោរឃៅបែបនោះ។ លោកស្រី Roshane SAIDNATTAR បានលើកឡើងថា ភាពយន្តជាមធ្យោបាយដ៏មានអានុភាពដើម្បីនាំយករឿងរ៉ាវអ្វីមួយទៅប្រាប់មនុស្សទៅ ជាពិសេសយុវជនតាមរយៈ ការរួមបញ្ចូលប្រវត្តិសាស្រ្តជាមួយនឹងសិល្បៈនៃការនិទានរឿង យើងអាចបង្កើតភាពយន្តដែលមិនត្រឹមតែអប់រំប៉ុណ្ណោះទេ ប៉ុន្តែថែមទាំងជំរុញទឹកចិត្តមនុស្សជំនាន់ក្រោយឱ្យចូលរួមក្នុងការទប់ស្កាត់ការការកើតឡើងវិញនូវអំពើឃោរឃៅទាំងឡាយបានដែរ។ ឯកឧត្តម ក្រាញ់ តូនី បានថ្លែងស្វាគមន៍ចំពោះបំណង នៃកិច្ចសហការនេះ ហើយ ឯកឧត្តមបន្តថា ការផ្សព្វផ្សាយទៅតាមរូបភាពផ្សេងៗ ជាពិសេសតាមរយៈខ្សែភាពយន្តដែលគ្រោងនឹងផលិតនៅពេលនេះពិតជាមានសារៈសំខាន់ណាស់សម្រាប់យុវជនកម្ពុជាជំនាន់ក្នុងការសិក្សាស្វែងយល់ពីជម្រៅនៃការឈឺចាប់របស់ពលរដ្ឋកម្ពុជាក្នុងរបបខ្មែរក្រហម។ សូមបញ្ជាក់ថា គម្រោងនៃការផលិតភាពយន្ដអប់រំនេះ ជាការបោះជំហ៊ានថ្មីមួយទៀតរបស់ អ.វ.ត.ក. ក្នុងការខិតខំស្វែងរកវិធីសាស្ដ្រអប់រំអំពីប្រវត្តិសាស្ដ្ររបស់កម្ពុជាដល់យុវជនជំនាន់ក្រោយបន្ថែមពីលើអ្វី ដែល អ.វ.ត.ក. បាននឹងកំពុងអនុវត្តរួមមាន មជ្ឈមណ្ឌលធនធាន អ.វ.ត.ក. កម្មវិធីទស្សនកិច្ចសិក្សាប្រចាំសប្ដាហ៍សម្រាប់យុវជនមកពីបណ្ដាខេត្ត កម្មវិធីផ្សព្វផ្សាយតាមរថយន្ដក្រុង អ.វ.ត.ក.…
-
ឯកឧត្ដមរដ្ឋមន្ត្រី ជា វ៉ាន់ដេត អញ្ជើញ ចូលរួម “កិច្ចប្រជុំកំពូលស្ដីពីបញ្ញាសិប្បនិម្មិត” នៅសាធារណរដ្ឋបារាំង
(ប៉ារីស)៖ តបតាមការអញ្ជើញរបស់ឯកឧត្តម អេម៉ានុយអែល ម៉ាក្រុង ប្រធានាធិបតីនៃសាធារណរដ្ឋបារាំង ឯកឧត្ដម ជា វ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍ តំណាងដ៏ខ្ពង់ខ្ពស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី កម្ពុជា បានអញ្ជើញចូលរួម “កិច្ចប្រជុំកំពូលស្ដីពីបញ្ញាសិប្បនិម្មិត” នៅក្រុងប៉ារីស សាធារណរដ្ឋបារាំង នៅថ្ងៃទី១០-១១ ខែកុម្ភៈ ឆ្នាំ២០២៥ ដោយមានការអញ្ជើញចូលរួមពីប្រមុខរដ្ឋ ប្រមុខរដ្ឋាភិបាល រដ្ឋមន្ត្រីទទួលបន្ទុកវិស័យឌីជីថល និងឥស្សរជនតំណាងប្រទេសចំនួន ១០០ប្រទេស ព្រមទាំងក្រុមហ៊ុនបច្ចេកវិទ្យាធំៗ មជ្ឈដ្ឋានសិក្សានិងស្រាវជ្រាវ និងអង្គការអន្តរជាតិជាច្រើន ដែលមានអ្នកចូលរួមសរុបប្រមាណ ១,៥០០នាក់។ កិច្ចប្រជុំកំពូលនេះ មានគោលបំណងជំរុញកិច្ចពិភាក្សារវាងភាគីពាក់ព័ន្ធទាំងអស់លើកាលានុវត្តភាពនិងបញ្ហាប្រឈមកើតចេញពីបច្ចេកវិទ្យាបញ្ញាសិប្បនិម្មិត ដោយផ្ដោតលើមូលបទចំនួន ៥ គឺ (១) នវានុវត្តន៍និងវប្បធម៌ (២) អនាគតនៃវិស័យការងារ (៣) បញ្ញាសិប្បនិម្មិតដែលគួរឱ្យទុកចិត្ត (៤) បញ្ញាសិប្បនិម្មិតបម្រើប្រយោជន៍សាធារណៈ និង (៥) អភិបាលកិច្ចកម្រិតសាកលលើបញ្ញាសិប្បនិម្មិត។ តាមរយៈកិច្ចប្រជុំកំពូលនេះ ភាគីពាក់ព័ន្ធទាំងអស់បានពិភាក្សានិងផ្លាស់ប្ដូរយោបល់គ្នាលើកបញ្ហាសំខាន់ៗមួយចំនួន ដូចជា ទី១. ការធ្វើនិយ័តកម្មនិងអភិបាលកិច្ចបញ្ញាសិប្បនិម្មិតដើម្បីបញ្ចៀសភាពអវិជ្ជមាន ទី២. ការចាប់យកបញ្ញាសិប្បនិម្មិតសម្រាប់ទាំងអស់គ្នា…
-
គណៈកម្មការទី១ រដ្ឋសភាអញ្ជើញទស្សនកិច្ចនៅខេត្តភាគពាយ័ព្យប្រទេស
បន្ទាយមានជ័យ៖ គណៈកម្មការសិទ្ធិមនុស្ស ទទួលពាក្យបណ្តឹង និងអង្កេត និងអធិការកិច្ច នៃរដ្ឋសភា (គណៈកម្មការទី១) ដឹកនាំដោយឯកឧត្ដម សរ ចំរុង ប្រធានគណៈកម្មការ និងព្រមទាំងតំណាងរាស្ត្រនៃមណ្ឌលខេត្តនានា បានចំណាយពេលចំនួនបីថ្ងៃចាប់ពីថ្ងៃទី១០-១២ ខែកុម្ភៈ ឆ្នាំ២០២៥ អញ្ជើញមកកាន់ខេត្តចំនួនបួន នៅពាយ័ព្យប្រទេសមានខេត្តពោធិសាត់ បាត់ដំបង បន្ទាយមានជ័យ និងខេត្តប៉ៃលិន ។ គោលបំណងនៃការធ្វើដំណើរមកកាន់ទាំង៤ខេត្ត គឺគណៈកម្មការជំនាញរដ្ឋសភា ដើម្បីស្វែងយល់ពីវឌ្ឍនភាពការងារ ក្នុងនោះ លើការងារសន្តិសុខ ការងារទប់ស្កាត់បង្ក្រាបក្មេងទំនើង ការបន្សាបបគ្រឿងញៀន ស្ថានភាពទឹកសម្រាប់ប្រើប្រាស់ និងស្រោចស្រពបង្កបង្កើនផល ស្ថានភាពទំនាស់ដីធ្លីនិងយន្តការសម្របសម្រួល ការចុះវាស់វែងធ្វើបណ្ណកម្មសិទ្ធដីធ្លីជូនប្រជាពលរដ្ឋជាដើម។ នៅខេត្តបន្ទាយមានជ័យឯកឧត្ដម សរ ចំរុង កោតសរសើរចំពោះរដ្ឋបាលខេត្តនានានិយាយជារួម និងខេត្តបន្ទាយមានជ័យនិយាយដោយឡែក ដែលបានយកចិត្តទុកដាក់ ក្នុងការបម្រើសេវា និងខិតខំដោះស្រាយរាល់ការលំបាកជូនប្រជាពលរដ្ឋ ដោយឈរលើគោលការណ៍ច្បាប់ជាធំ និងភាពសុខដុមរមនា។ គណៈកម្មការក៏បានកត់សម្គាល់ លើបញ្ហាប្រឈមរបស់ខេត្ត និងទទួលសំណើដែលខេត្តបានលើកឡើង យកទៅជម្រាបជូនសម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា ដើម្បីជួយធ្វើអន្តរាគមន៍ដោះស្រាយតាមនីតិវិធីរបស់រដ្ឋសភា៕ នៅខេត្តបន្ទាយមានជ័យប្រតិភូបានទស្សនកិច្ចនៅច្រកព្រំដែនអន្តរជាតិស្ទឹងបត់ ,ច្រកព្រំដែនអន្តរជាតិប៉ោយប៉ែត ប្រជុំជាមួយខេត្តរដ្ឋបាលខេត្តដែលរៀបចំនៅសាលាក្រុងប៉ោយប៉ែត រួចទៅទស្សនាច្រកព្រំដែនតំបន់ម៉ាឡៃ ៕ដោយ៖ឃិន គន្ធា
-
ក្រសួងប្រៃសណីយ៍ ៖ ការកាត់ផ្ដាច់សេវាទូរគមនាគមន៍ពីខាងប្រទេសថៃមិនពាក់ព័ន្ធនឹងកម្ពុជា ហើយក៏មិនបានបង្កផលប៉ះពាល់ដល់ប្រជាពលរដ្ឋនៅក្រុងប៉ោយប៉ែតទេ
(ភ្នំពេញ)៖ ក្រសួងប្រៃសណីយ៍និងទូរគមនាគមន៍ (ក.ប.ទ.) បានបញ្ជាក់នៅក្នុងសេចក្តីជូនដំណឹង ឱ្យដឹងដា កាលពីថ្ងៃទី១០ ខែកុម្ភៈ ឆ្នាំ២០២៥ គណៈកម្មការជាតិសោតទស្សន៍ និងទូរគមនាគមន៍ (NBTC) នៃប្រទេសថៃ និងអាជ្ញាធរមូលដ្ឋានថៃបានចាត់វិធានការកាត់ផ្តាច់បណ្តាញខ្សែកាបអុបទិក និងរុះរើបង្គោលអង់តែនរបស់ប្រតិបត្តិករទូរគមនាគមន៍ថៃក្នុងខេត្តស្រះកែវ នៃប្រទេសថៃ ដែលសង្ស័យថា ត្រូវបានប្រើប្រាស់ដោយក្រុមឆបោកអនឡាញនៅតាមតំបន់ព្រំដែន។ ករណីនេះ ក.ប.ទ. សូមបញ្ជាក់ជូនថា ការកាត់ផ្ដាច់សេវាទូរគមនាគមន៍ពីខាងប្រទេសថៃមិនពាក់ព័ន្ធនឹងកម្ពុជា ហើយក៏មិនបានបង្កផលប៉ះពាល់ដល់ប្រជាពលរដ្ឋនៅក្រុងប៉ោយប៉ែតទេ ពីព្រោះប្រជាពលរដ្ឋនៅទីនោះប្រើប្រាស់សេវាអ៊ីនធឺណិតនិងសេវាទូរសព្ទរបស់ប្រតិបត្តិករក្នុងស្រុក ដែលមានអាជ្ញាបណ្ណស្របច្បាប់។ កន្លងមក ក.ប.ទ. និងនិយ័តករទូរគមនាគមន៍កម្ពុជា (ន.ទ.ក.) ក៏បានសហការជាមួយអាជ្ញាធរមានសមត្ថកិច្ចចាត់វិធានការច្បាប់ចំពោះការលួចដំឡើងបណ្តាញទូរគមនាគមន៍ខុសច្បាប់នៅតាមខេត្តក្រុង និងតំបន់ជាប់ព្រំដែនផងដែរ ជាអាទិ៍ ការស្ថាបនាបណ្តាញខ្សែកាបអុបទិកក្នុងប្រទេសនិងឆ្លងដែនដោយគ្មានអាជ្ញាបណ្ណ ការលួចបំពាក់ឧបករណ៍ចាប់យកសេវាទូរគមនាគមន៍ខុសច្បាប់ ស្ថានីយអង់តែន Fake BTS និងការលួចប្រើប្រាស់សេវាអ៊ីនធឺណិតតាមផ្កាយរណបជាដើម ដែលបម្រើឱ្យសកម្មភាពរបស់កាស៊ីណូ ល្បែងអនឡាញ និងការឆបោកអនឡាញខុសច្បាប់ផងដែរ។ ឆ្លៀតក្នុងឱកាសនេះ ក.ប.ទ. ក៏សូមគូសបញ្ជាក់ជូនថា ដើម្បីធានាបាននូវសេវាទូរគមនាគមន៍ដែលមានគុណភាពខ្ពស់ និងការប្រើប្រាស់ប្រកបដោយសុវត្ថិភាព ក.ប.ទ. បានចាត់ឱ្យ ន.ទ.ក. សហការជាមួយប្រតិបត្តិករទូរគមនាគមន៍ ធ្វើការស្ថាបនានិងបំពាក់ស្ថានីយអង់តែនទូរសព្ទជាង ៥០០០ បន្ថែមនៅទូទាំងប្រទេសចាប់ពីឆ្នាំ២០២៥ ដល់ឆ្នាំ២០២៧៕ ដោយ ៖…
-
រដ្ឋមន្ត្រីក្រសួងបរិស្ថាន ផ្តួចផ្តើមឱ្យមានការរៀបចំពិធីបុណ្យកោងកាងក្នុងខេត្តកោះកុង នៅចុងខែកុម្ភៈ
(ភ្នំពេញ)៖ ក្រសួងបរិស្ថាន ដើម្បីការពង្រីកវិសាលភាពបៃតងឈានឆ្ពោះទៅជាប្រទេស អព្យាក្រឹតកាបូននៅឆ្នាំ២០៥០ បានផ្តួចផ្តើមឱ្យមានការរៀបចំពិធីបុណ្យកោងកាង នៅខេត្តកោះកុង នៅចុងខែកុម្ភៈ ឆ្នាំ២០២៥នេះ ។ ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន បានថ្លែងថា ការផ្តួចផ្តើមឱ្យមានការរៀបចំពិធីបុណ្យកោងកាងនេះឡើង គឺជាផ្នែកមួយនៃយុទ្ធនាការ «ពន្លកបៃតង» ក្រោមការចង្អុលបង្ហាញពីសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីកម្ពុជា ក្នុងគោលបំណងថែរក្សាប្រព័ន្ធអេកូឡូស៊ីឆ្នេរ និងជីវៈចម្រុះ តាមរយៈការដាំស្តារព្រៃកោងកាង ។ នេះជាការលើកឡើងរបស់ អ៊ាង សុផល្លែត ក្នុងជំនួបពិភាក្សាការងារ និងផ្តល់អនុសាសន៍ណែនាំដល់ក្រុមការងាររៀបចំ ដែលដឹកនាំដោយ លោក ម៉េង ហេង ប្រធានអង្គការមេត្តាធម្មជាតិ នៅរសៀលថ្ងៃទី១១ ខែកុម្ភៈ ឆ្នាំ២០២៥ នាទីស្តីការក្រសួងបរិស្ថាន។ ប្រធានអង្គការមេត្តាធម្មជាតិ និងក្រុមការងារ បានប្តេជ្ញាចិត្តខ្ពស់ក្នុងការរួមចំណែកជាមួយយុទ្ធនាការ «ពន្លកបៃតង» របស់ក្រសួងបរិស្ថាន នឹងបន្តការដាំដុះកូនកោងកាងជាមួយប្រជាសហគមន៍ក្នុងដែនសមុទ្រឱ្យបានកាន់តែច្រើន ស្របតាមយុទ្ធសាស្រ្តចក្រាវិស័យបរិស្ថានដែលបានដាក់ចេញ គឺការបណ្តុះកូនឈើ ចែកកូនឈើ និងដាំកូនឈើច្រើនជាង ១លានដើមក្នុង ១ឆ្នាំ ។ ឯកឧត្តមបណ្ឌិត អ៊ាង សុផល្លែត…
-
ទូតវៀតណាម លើកទិសដៅការងារចំនួន៤ ក្នុងការបំពេញបេសកកម្មនៅកម្ពុជា
(ភ្នំពេញ)៖ ឯកឧត្តម ង្វៀន មីញវូ (NGUYEN Minh Vu) ឯកអគ្គរដ្ឋទូតវៀតណាមប្រចាំកម្ពុជា បានលើកទិសដៅការងារចំនួន៤ ក្នុងការបំពេញបេសកកម្មនៅកម្ពុជា ។ ឯកឧត្តម ឯកអគ្គរដ្ឋទូតវៀតណាមប្រចាំកម្ពុជា លើកឡើងដូច្នេះ ក្នុងឱកាសសម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា បានអនុញ្ញាតឱ្យចូលជួបសម្ដែងការគួរសម នៅវិមានព្រឹទ្ធសភា រាជធានីភ្នំពេញ នៅព្រឹកថ្ងៃពុធ ទី១២ ខែកុម្ភៈ ឆ្នាំ២០២៥ ។ ឯកឧត្តម ង្វៀន មីញវូ ជឿជាក់ថា នឹងអាចបំពេញបេសកកម្មប្រកបដោយជោគជ័យនៅកម្ពុជា និង បានសម្តែងនូវការកោតសរសើរ និងការវាយតម្លៃខ្ពស់ចំពោះការអភិវឌ្ឍដ៏ខ្លាំងក្លារបស់កម្ពុជា ជាពិសេសក្រោមការដឹកនាំរបស់ សម្តេចតេជោ ដែលបានស្តារកម្ពុជាតាំងពីគំនរផេះផង់ និងការផ្ទេរអំណាចជូនថ្នាក់ដឹកនាំបន្តវេនប្រកបដោយភាពជោគជ័យ ដើម្បីបន្តដឹកនាំប្រទេសឆ្ពោះទៅរកការអភិវឌ្ឍបន្ថែមទៀត។ ឯកឧត្តមឯកអគ្គរដ្ឋទូត បានជម្រាបជូនសម្តេចតេជោ អំពីទិសដៅការងារក្នុងការបំពេញបេសកកម្មរបស់ឯកឧត្តមនៅកម្ពុជា រួមមាន .បន្តលើកកម្ពស់ កិច្ចសហប្រតិបតិ្តការនយោបាយ និងការទូត តាមរយៈការជំរុញការផ្លាស់ប្តូរទស្សនកិច្ចនៅគ្រប់កម្រិតជាន់ថ្នាក់ និងក្រោមក្របខណ្ឌសភា, កិច្ចសហប្រតិបត្តិការការពារជាតិ និងសន្តិសុខ ដើម្បីរក្សាសន្តិសុខ សណ្តាប់ធ្នាប់ និងការបង្រ្កាបបទល្មើសឆ្លងដែន, ទំនាក់ទំនងរវាងប្រជាជននិងប្រជាជន ក៏ដូចជាយុវជន…