(ភ្នំពេញ)៖ ឆ្នាំ២០២៤ សេដ្ឋកិច្ចកម្ពុជា បន្តងើបឡើងក្នុងអត្រា ៦% ដែលកម្រិតកំណើននេះ គាំទ្រជាចម្បងដោយកំណើនខ្ពស់នៃការនាំចេញ ជាពិសេស ផលិតផលកាត់ដេរ និងការបន្តងើបឡើងជាលំដាប់នៃវិស័យទេសចរណ៍ ទោះបីវិស័យសំណង់ និងអចលនទ្រព្យ និងកសិកម្ម បន្តមានកំណើនទាបក៏ដោយ ខណៈសេដ្ឋកិច្ចពិភពលោក ត្រូវបានវាយតម្លៃថាមានភាពធន់ដោយសម្រេច បានអត្រាកំណើនទាបជាងឆ្នាំ២០២៣បន្តិច បើទោះបីជាប្រឈមនឹងឧបសគ្គជាច្រើនក៏ដោយ ។ នេះជាការលើកឡើងរបស់លោកជំទាវបណ្ឌិត ជា សិរី ទេសាភិបាលធនាគារជាតិនៃកម្ពុជា ក្នុងសន្និបាតបូកសរុបលទ្ធផលការងារប្រចាំ ឆ្នាំ២០២៤ និងទិសដៅការងារឆ្នាំ២០២៥ របស់ធនាគារជាតិនៃកម្ពុជា នៅរសៀលថ្ងៃទី៨ ខែកុម្ភៈ ឆ្នាំ២០២៥ ។ លោកជំទាវបណ្ឌិត បានបន្តថា អតិផរណាជាមធ្យមមានកម្រិតត្រឹម ០,៨% នាឆ្នាំ២០២៤ ដោយសារការធ្លាក់ថ្លៃប្រេងឥន្ធនៈ ម្ហូបអាហារ ស្របពេលដែលទំនិញនិងសេវាផ្សេងៗទៀតឡើងថ្លៃយឺត។ លើសពីនេះ ការរក្សាបានស្ថិរភាពតម្លៃប្រាក់រៀល ក៏បានរួមចំណែកក្នុងការរក្សាស្ថិរភាព ថ្លៃទំនិញ និងសេវាទូទៅលើទីផ្សារផងដែរ។ អត្រាប្តូរប្រាក់មានកម្រិតជាមធ្យម ៤.០៧១ រៀល ក្នុងមួយដុល្លារអាមេរិក ដោយបានឡើងថ្លៃប្រមាណ ០,៩% ធៀបនឹងឆ្នាំ២០២៣ ដែលធ្វើឱ្យ អត្រាប្តូរប្រាក់វិលទៅរកកម្រិតមុនវិបត្តិកូវីដ-១៩ វិញ។ អត្រាអតិផរណាទាបនេះ…

(ភ្នំពេញ)៖ សិទ្ធិមនុស្សត្រូវបានសម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា ផ្តល់ជូនប្រជាជន​កម្ពុជា​តាំងពីឆ្នាំ១៩៧៩មកម្លេះ នោះគឺការផ្តល់សិទ្ធិរស់រាន​មានជីវិត ជាមួយនិងការស្វះស្វែងរកស្បៀងអាហារ​ជូនប្រជា​ពលរដ្ឋបានហូបចុកគ្រប់គ្រាន់ បើទោះបី កាលណោះ បរទេស​គេបានហ៊ុមព័ទ្ធសេដ្ឋកិច្ចយ៉ាងណាក៏ដោយ ។ នេះបើតាមការបញ្ជាក់ឱ្យដឹងពី ឯកឧត្ដម ឃួង ស្រេង សមាជិក​គណៈ​កម្មា​ធិការកណ្តាល គណបក្សប្រជាជនកម្ពុជានិងជាប្រធាន​គណៈកម្មាធិការគណបក្ស រាជធានីភ្នំពេញ ក្នុងពិធីប្រកាស​បញ្ចូល​សមាជិកគណបក្សប្រជាជនកម្ពុជាចំនួន ៣៣នាក់ នាព្រឹកថ្ងៃទី០៨ ខែកុម្ភៈ ឆ្នាំ២០២៥នេះ នៅមន្ទីរគណបក្សប្រជាជនកម្ពុជារាជធានីភ្នំពេញ។ ឯកឧត្ដម ឃួង ស្រេង បន្តថា៖ គណបក្សប្រឆាំង​កន្លងមកតែងលើកយកចំណុច ការរំលោភសិទ្ធិមនុស្ស មកធ្វើជាគោល ក្នុងការវាយប្រហាររាជរដ្ឋាភិបាល។ តែពួកគេបានភ្លេចខ្លួន ថា ខ្លួនបានរស់រានមានជីវិតដោយ​សារសម្តេចអគ្គមហាសេនាបតីតេជោ ហ៊ុន សែន ដោយសម្តេចបានផ្តល់សិទ្ធិជូនតាំងពីឆ្នាំ១៩៧៩មកម្លេះ។ ឯកឧត្ដម ឃួង ស្រេង បន្តទៀតថា៖ សិទ្ធិសេរីភាពរបស់​មនុស្ស​មានដែនកំណត់និងគ្រប់គ្រងទៅដោយច្បាប់ តែបក្សប្រឆាំង​លើក​ឡើងតែពីសិទ្ធិរបស់ខ្លួន ភ្លេចគិតពីសិទ្ធិអ្នកដទៃ ដោយកន្លង​មក​បានដើរធ្វើបាតុកម្មពេញផ្លូវ បង្កប៉ះពាល់ដ៏សណ្តាប់ធ្នាប់​សាធា​រណៈ និងសិទ្ធិសេរីភាពដល់អ្នកដំណើរថែមទៀត។ សម្តេចអគ្គមហាសេនាបតីតេជោ ហ៊ុន សែន បានប្រកាស​រួចហើយ គណបក្សប្រជាជនកម្ពុជាលើកលែងទោសជានិច្ច ចំពោះសមាជិកសមាជិការគណបក្សប្រឆាំងដែលដឹងកំហុស…

(ភ្នំពេញ)៖ ឯកឧត្តម ហ៊ុន ម៉ានី លើកឡើងថា «វត្តមានរបស់ប្រតិភូសិល្បៈកម្ពុជា នៅក្នុងព្រឹត្តិការណ៍ក្បួនដង្ហែឈីងហ្គេ មិនត្រឹមតែជាឱកាសនៃការបង្ហាញភាពរស់រវើកនៃវប្បធម៌ខ្មែរតែប៉ុណ្ណោះទេ តែជាឱកាសនៃការផ្សារភ្ជាប់ទំនាក់ទំនងជាមួយបណ្តាប្រទេសជាមិត្ត» តាមរយៈព្រឹត្តិការណ៍ក្បួនដង្ហែ ឈីងហ្គេឆ្នាំ២០២៥ ។ «តាមរយៈព្រឹត្តិការណ៍ក្បួនដង្ហែ ឈីងហ្គេឆ្នាំ២០២៥ ស.ស.យ.ក. សូមនាំយកចំណែកមួយនៃមោទនភាពរបស់អ្នកទាំងអស់គ្នា និងប្រជាជនកម្ពុជា មកបង្ហាញលើវេទិកាអន្តរជាតិដ៏ស្រស់ស្អាត» «លើសពីការថែរក្សា និងការពារ គឺការបន្តចូលរួមលើកស្ទួយសិល្បៈ វប្បធម៌ ដ៏អស្ចារ្យរបស់ខ្មែរគ្រប់ទម្រង់ ហើយប្រើប្រាស់សិល្បៈ វប្បធម៌ខ្មែរ ឱ្យក្លាយជាអ្នកនាំសារក្នុងគោលដៅលើកកម្ពស់កិត្យានុភាពជាតិនៅគ្រប់វេទិកាទាំងអស់»ក្នុងនាមយុវជនជំនាន់ក្រោយ» សូមបញ្ជាក់ថា ព្រឹត្តិការណ៍ក្បួនដង្ហែឈីងហ្គេ បានធ្វើឡើងនៅប្រទេសសិង្ហបុរី ចាប់ពីថ្ងៃទី07-08 ខែ កុម្ភៈ ឆ្នាំ2025 មាន៧ប្រទេសចូលរួម ។ សម្រាប់ក្រុមសិល្បៈកម្ពុជា ដឹកនាំ ដោយ ឯក ឧត្តម ហ៊ុន ម៉ានី ឧបនាយករដ្ឋមន្រ្តី រដ្ឋមន្រ្តី ក្រសួងមុខងារសាធារណៈ និងជាប្រធាន ស.ស.យ.ក ៕ ដោយ ៖ ជាវ ចន្ធូ

(ត្បូងឃ្មុំ)៖ ឯកឧត្តម វង សូត ព្រមទាំងសមាជិក សមាជិការដ្ឋសភាមណ្ឌលត្បូងឃ្មុំ ចុះធ្វើការពិនិត្យ និងសិក្សាអំពីការបង្កបង្កើនផលដំណាំ នៅសហគមន៍កសិកម្មបៃតងគោកស្រុក ដែលស្ថិតនៅក្នុងភូមិគោកស្រុក ឃុំគោកស្រុក ស្រុកតំបែរ ខេត្តត្បូងឃ្មុំ នាព្រឹកថ្ងៃសុក្រ ទី៧ ខែកុម្ភៈ ឆ្នាំ២០២៥ ។ ក្រោយពីបានពិនិត្យកសិដ្ឋាន និងរបៀបបង្កបង្កើនផលរបស់ប្រជាកសិកររួចមក ឯកឧត្តម វង សូត បានជួបសំណេះសំណាលជាមួយសមាជិកសហគមន៍ទាំង ៦៥គ្រួសារ។ ឯកឧត្តម បានស្វែងយល់ពីបញ្ហាប្រឈមនានាចំពោះការដាំដុះ ដែលមានដូចជាកង្វះខាតទឹកក្នុងរដូវប្រាំង និងបញ្ហាសត្វល្អិតខ្លះៗផងដែរ ។ សហគមន៍មានស្ថានីយបូមទឹកប្រើប្រាស់ប្រព័ន្ធសូឡា និងប្រព័ន្ធស្រោចស្រព្វចំនួន ៣កន្លែង ប៉ុន្តែមិនអាចផ្គត់ផ្គង់ទឹកបានគ្រប់គ្រាន់នៅក្នុងរដូវប្រាំង ។ ឯកឧត្តមអនុប្រធានទី២រដ្ឋសភា បានជំរុញប្រធានសហគមន៍ និងមន្ទីកសិកម្ម ព្រមទាំងអង្គភាពដែលពាក់ព័ន្ធទាំងអស់ខិតខំធ្វើយ៉ាងណា ជួយពង្រីកប្រព័ន្ធស្រោចស្រពបន្ថែមទៀត ដើម្បីបំពេញតម្រូវការទឹកនៅក្នុងរដូវប្រាំង និងបានណែនាំមន្ត្រីកសិកម្មឃុំ ត្រូវជួយគាំទ្របច្ចេកទេសដាំដុះដល់កសិករ ។ ឯកឧត្តម ក៏បានលើកទឹកចិត្តដល់ប្រធានសហគមន៍ និងក្រុមប្រឹក្សាសហគមន៍ ឱ្យខិតខំស្វែងរកទីផ្សារសម្រាប់កសិផល និងធ្វើផែនការផលិតឱ្យបានច្បាស់លាស់ ដោយនាំយកកសិផលរបស់កសិករ ទៅដល់ទីផ្សារគោលដៅចុងក្រោយ ដើម្បីបង្កើនប្រាក់ចំនេញ និងរក្សាបាននិរន្តរភាពទីផ្សារ ស្របពេលនោះក៏ត្រូវពង្រីកការដាំដុះដំណាំសក្តានុពលផ្សេងៗទៀតដើម្បីផ្គត់ផ្គង់ទីផ្សារផងដែរ ។…

បាត់ដំបង៖ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្ដីរដ្ឋមន្រ្ដី​ក្រសួងមហាផ្ទៃ បានកោតសរសើរនិងវាយតម្លៃខ្ពស់ ចំពោះថ្នាក់ដឹកនាំ មន្ត្រីរាជការ គ្រប់លំដាប់ថ្នាក់ និងគ្រប់កងកម្លាំងមានសមត្ថកិច្ចនិង​ក្រុម​ការងាររាជរដ្ឋាភិបាលចុះមូលដ្ឋានខេត្តបាត់ដំបង ដែលបាន​រួមគ្នា​បំពេញ​តួនាទីភារកិច្ចរបស់ខ្លួន ប្រកបដោយ​ស្មារតី​ទទួលខុសត្រូវរហូត​សម្រេច​បាននូវសមិទ្ធផលសំខាន់ៗជាច្រើនក្នុងឆ្នាំ២០២៤កន្លងទៅ ។ ក្នុងឱកាសអញ្ជើញចូលរួមជាអធិបតីដ៏ខ្ពង់ខ្ពស់ក្នុងពិធីបិទសន្និបាតបូកសរុបលទ្ធផលការងារប្រចាំឆ្នាំ២០២៤និងលើក​ទិសដៅការងារឆ្នាំ២០២៥ របស់រដ្ឋបាលខេត្តបាត់ដំបងកាលពីរសៀលថ្ងៃទី៧ ខែកុម្ភៈ ឆ្នាំ២០២៥ ដោយមានវត្តមាន​ឯកឧត្តម​ឧបនាយករដ្ឋមន្រ្តី កើត រិទ្ធ រដ្ឋមន្រ្តីក្រសួង​យុត្តិធម៌ផង ,ឯកឧត្តមអភិសន្តិ​បណ្ឌិត ស សុខា ឧបនាយករដ្ឋមន្រ្ដី រដ្ឋមន្រ្ដីក្រសួងមហាផ្ទៃ បានមានប្រសាសន៍កោតសរសើរនិងវាយតម្លៃ​ខ្ពស់ចំពោះថ្នាក់ដឹកនាំរដ្ឋបាលខេត្ត​បាត់ដំបង​គ្រប់​ជាន់ថ្នាក់ មន្រ្តីរាជការ កងកម្លាំងប្រដាប់ងាវុធគ្រប់ប្រភេទ និងប្រជាពលរដ្ឋទូទាំងខេត្តបាត់ដំបង ដែលបានចូលរួមអនុវត្ត​កម្មវិធី​នយោបាយរបស់រាជរដ្ឋាភិបាលនីតិកាល​ទី៧​នៃរដ្ឋសភារហូតសម្រេចបានសមិទ្ធផលធំៗជាច្រើន។ចូលរួមក្នុងការ​ធានាបាននូវការថែរក្សាសុខសន្តិភាព ស្ថិរភាពនយោបាយ និងការរក្សា​សន្តិសុខ សណ្តាប់ធ្នាប់សាធារណៈ ។ការលើក​កម្ពស់នូវលទ្ធិប្រជាធិបតេយ្យ និងចូលរួមដោះស្រាយនូវបញ្ហាកង្វល់ សំណើ សំណូមពរនិងបញ្ហា​ប្រឈមនានា​នៅតាម​មូលដ្ឋាន ។ សន្និបាតបូកសរុបការងារប្រចាំឆ្នាំ២០២៤ និងលើកទិសដៅឆ្នាំ២០២៥ ដែលប្រព្រឹត្តទៅរយៈពេលពីរថ្ងៃបានរំលេចឡើងនូវប្រធានបទ​​ចំនួន៧ ។​ឯកឧត្តម សុខ លូ អភិបាលខេត្តបាត់ដំបងបានបញ្ជាក់ថា ប្រធានបទទាំង៧​រួមមាន៖១.ការអនុវត្ត​គោលនយោបាយភូមិ ឃុំសង្កាត់មានសុវត្ថិភាព។២.ការដោះស្រាយទំនាស់ក្រៅប្រព័ន្ធតុលាការ។៣. ការគ្រប់គ្រងដីចំណីផ្លូវ សំណង់មិនរៀបរយតាមទីប្រជុំជន និងដីចំណីប្រឡាយអូរ ស្ទឹង អាងទំនប់។៤. ការគ្រប់គ្រងសំរាម(សំណល់រឹង-រាវ)។៥. ការផ្តល់សេវាតាមរយៈ​ច្រកចេញ​ចូលតែមួយ។៦. វឌ្ឍនភាពនិងបញ្ហាប្រឈមលើវិស័យអប់រំនិងទី៧.…

(បាត់ដំបង)៖ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្ដី រដ្ឋមន្រ្ដីក្រសួងមហាផ្ទៃ បានថ្លែងនូវការកោតសរសើរ និងវាយតម្លៃខ្ពស់ចំពោះថ្នាក់ដឹកនាំ មន្ត្រីរាជការ កងកម្លាំងមានសមត្ថកិច្ចនានា និងក្រុមការងាររាជរដ្ឋាភិបាលចុះមូលដ្ឋានគ្រប់លំដាប់ថ្នាក់នៃខេត្តបាត់ដំបង ដែលបានខិតខំប្រឹងប្រែងរួមគ្នាយ៉ាងសកម្មក្នុងការបំពេញតួនាទីភារកិច្ចប្រកបដោយស្មារតីទទួលខុសត្រូវខ្ពស់ ដើម្បីសម្រេចបាននូវសមិទ្ធផលក្នុងការធានាថែរក្សាសុខសន្តិភាព ស្ថិរភាព នយោបាយ ការរក្សាសន្តិសុខ សណ្តាប់ធ្នាប់សាធារណៈ ការលើកកម្ពស់លទ្ធិប្រជាធិបតេយ្យ និងជំរុញការអភិវឌ្ឍសេដ្ឋកិច្ច-សង្គម ស្របតាមគោលនយោបាយរបស់រាជរដ្ឋាភិបាលកម្ពុជា សំដៅ លើកកម្ពស់ជីវភាពរស់នៅ និងបន្តកាត់បន្ថយភាពក្រីក្ររបស់ប្រជាពលរដ្ឋ ក្នុងនោះបានខិតខំ ចូលរួមក្នុងការដោះស្រាយជីវភាពរបស់ប្រជាពលរដ្ឋ ការដោះស្រាយក្តីកង្វល់ សំណើ សំណូមពរ និងបញ្ហាប្រឈមនានានៅមូលដ្ឋាន បានជាបន្តបន្ទាប់ ។ ការលើកឡើងរបស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្ដី ក្នុងពិធីបិទសន្និបាតបូកសរុបលទ្ធផលការងារប្រចាំឆ្នាំ២០២៤ និងលើកទិសដៅការងារឆ្នាំ២០២៥ របស់រដ្ឋបាលខេត្តបាត់ដំបង នៅរសៀលថ្ងៃសុក្រ ទី៧ ខែកុម្ភៈ ឆ្នាំ២០២៥ ។ ក្នុងនាមរាជរដ្ឋាភិបាលកម្ពុជា និងក្រសួងមហាផ្ទៃ ឯកឧត្តម អភិសន្តិបណ្ឌិត បានផ្ដល់ការណែនាំនូវកិច្ចការសំខាន់ៗដែលរដ្ឋបាលខេត្ត និងក្រុមការងាររាជរដ្ឋាភិបាលចុះមូលដ្ឋានខេត្តបាត់ដំបង ត្រូវខិតខំ រួមគ្នា សម្រេចឲ្យបានក្នុងឆ្នាំ២០២៥ រួមមាន ការរក្សាសន្តិសុខ…

(ត្បូងឃ្មុំ)៖ ឯកឧត្តម វង សូត អនុប្រធានទី២រដ្ឋសភា បានវាយតម្លៃខ្ពស់ចំពោះការខិតខំប្រឹងប្រែងរបស់អាជ្ញាធរស្រុក ឃុំ និងភូមិ ក្នុងការបម្រើសេវាជូនប្រជាពលរដ្ឋបានល្អប្រសើរ និងជំរុញឱ្យខិតខំបន្តទៀតក្នុងការរក្សាសន្តិសុខសណ្តាប់ធ្នាប់ក្នុងមូលដ្ឋាន បន្តផ្សព្វផ្សាយគោលនយោបាយភូមិ-ឃុំមានសុវត្ថិភាព ផ្ដល់សេវាសាធារណៈប្រកបដោយសីលធម៌ខ្ពស់ សមជាមន្ត្រីបម្រើរាស្ត្រ ប្រាស្រ័យទាក់ទងដោយផ្ទាល់ជាមួយពលរដ្ឋដើម្បីដឹងពីសុខទុក្ខ និងតម្រូវការរបស់ពួកគាត់ និងដោះស្រាយបញ្ហាផ្សេងៗឱ្យបានទាន់ពេលវេលា ។ ការជំរុញបែបនេះរបស់ ឯកឧត្តម វង សូត ធ្វើឡើងក្នុងឱកាដអញ្ជើញជួបសំណេះសំណាលសួរសុខទុក្ខអាជ្ញាធរភូមិ ឃុំ ទូទាំងស្រុកតំបែរ ក្នុងខេត្តត្បូងឃ្មុំ នាថ្ងៃទី០៧ ខែកុម្ភៈ ឆ្នាំ២០២៥ ។ ឯកឧត្តម វង សូត បានជម្រាបជូនអង្គពិធីអំពីការងាររបស់រដ្ឋសភា និងរាជរដ្ឋាភិបាលនីតិកាលទី៧ដឹកនាំដោយអ្នកបន្តវេន ដែលបានដំណើរការជាប្រក្រតី ដោយពុំមានឧបសគ្គអ្វីឡើយ ព្រមទាំងសម្រេចបានលទ្ធផលយ៉ាងល្អប្រសើរ បន្ទាប់ពីបានដាក់ចេញនូវយុទ្ធសាស្រ្តបញ្ចកោណ ដំណាក់កាលទី១ ដើម្បីកំណើន ការងារ សមធម៌ ប្រសិទ្ធភាព និង ចីរភាព ។ ឯកឧត្តម បានកត់សម្គាល់ពីការដាក់ចេញនូវគោលនយោបាយជាច្រើនរបស់រាជរដ្ឋាភិបាល ជាពិសេសគឺគោលនយោបាយអភិវឌ្ឍវិស័យកសិកម្ម តាមរយៈការបង្កើតសហគមន៍កសិកម្មទំនើប ដែលផ្តល់ប្រយោជន៍ដោយផ្ទាល់ដល់ប្រជាពលរដ្ឋតាមមូលដ្ឋាន ដែលភាគច្រើនជាកសិករ ។ ឯកឧត្តមសង្ឃឹមថា រាជរដ្ឋាភិបាល…

(ភ្នំពេញ)៖ សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ ព្រះមហាក្សត្រនៃកម្ពុជា បានអញ្ជើញក្នុងពិធីសំណេះសំណាលជាមួយក្រុមគ្រូពេទ្យស្ម័គ្រចិត្តរបស់សមាគមសុខាភិបាលខ្មែរនៅអាមេរិក (CHPAA) នៅសណ្ឋាគារ SUN & MOON ស្ថិតក្នុងខណ្ឌច្បារអំពៅ រាជធានីភ្នំពេញ នារាត្រីថ្ងៃសុក្រ ១០កើត ខែមាឃ ឆ្នាំរោង ឆស័ក ព.ស. ២៥៦៨ ត្រូវនឹង ថ្ងៃទី៧ ខែកុម្ភៈ ឆ្នាំ២០២៥។ លោកវេជ្ជបណ្ឌិត សុង តាន់ ប្រធានសមាគមសុខាភិបាលខ្មែរនៅអាមេរិក (CHPAA) បានឲ្យដឹងថា ៖ គិតត្រឹមថ្ងៃនេះ ក្រុមការងាររបស់លោកបានព្យាបាលជំងឺដោយឥតគិតថ្លៃជូនប្រជាពលរដ្ឋខ្មែបានចំនួន ១២រាជធានី-ខេត្ត ស្មើនឹងចំនួន ៥ម៉ឺន៥ពាន់នាក់ ព្រមទាំងបានផ្តល់សម្ភារៈមួយចំនួនទៀតដល់អ្នកជំងឺផដែរ។ ចំណែកឯបេសកកម្មលើកទី ១៣នេះ ត្រូវបានធ្វើឡើងក្នុងទឹកដីខេត្តក្រចេះ ដែលគិតចាប់ពីថ្ងៃទី ១០-១៥ ខែកុម្ភៈ ឆ្នាំ២០២៥។ ចំណែកឯឆ្នាំខាងមុខទៀតលោកនឹងបន្តព្យាបាល ដល់ពលរដ្ឋខ្មែរនៅតាមបណ្តាខេត្តនៃព្រះរាជាណាចក្រកម្ពុជាតាមផែនការសមាគមដែលបានកំណត់។ សម្តេចកិត្តិសង្គហបណ្ឌិតបានលើកឡើងថា ៖ ការព្យាបាលដោយឥតគិតថ្លៃនេះ បានជួយសម្រាលបន្ទុករបស់ប្រជាពលរដ្ឋ និងបានចូលរួមចំណែកកាត់បន្ថយភាពក្រីក្រជាមួយរាជរដ្ឋាភិបាល ក្រោមការដឹកនាំដ៏ប៉ិនប្រសបរបស់ សម្តេចមហាបវរធិបតី ហ៊ុន…