(កំពង់ធំ)៖ ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បាន​អញ្ជើញចុះពិនិត្យ ការសាងសង់ផ្លូវ និងអណ្ដូងទឹក ជូនអតីតយុទ្ធជន នៅលើ​ដីសម្បទានសង្គមកិុច្ច ទើបមករស់នៅថ្មី ដែលអំណោយដ៏ថ្លៃថ្លា​របស់សម្ដេច​ធិបតី ហ៊ុន ម៉ាណែត នាយករដ្ឋមន្ត្រី និងលោកជំទាវបណ្ឌិត ពេជ ចន្ទមុន្នី តាមរយៈឯកឧត្តម ទេសរដ្ឋមន្ត្រី នាយឧត្តមសេនីយ៍ គន់ គីម អនុប្រធាន និងជាអគ្គលេខាធិការ សមាគមអតីតយុទ្ធជនកម្ពុជា នៅឃុំក្រយា ស្រុក​សន្ទុក ខេត្តកំពង់ធំ នៅថ្ងៃទី១៥ ខែមករា ឆ្នាំ២០២៥ ។ ឧត្តមសេនីយ៍ទោ សោម ស៊ុន ប្រធានសមាគម អតីតយុទ្ធជនកម្ពុជា​ខេត្តកំពង់ធំ បានឲ្យដឹងថា ផ្ទះថ្មី៦៥ខ្នង សាងសង់កាលពីខែវិច្ឆិកា ឆ្នាំ២០២៤ និងចាប់ឆ្នោតប្រគល់ជូនក្រុមគ្រួសារអតីតយុទ្ធជននៅថ្ងៃទី៧ ខែវិច្ឆិកា ឆ្នាំ២០២៤ ក្រោមវត្តឯកឧត្តម នួន ផារ័ត្ន អភិបាលខេត្ត និងជា​ប្រធានកិត្តិយសសមាគម អតីតយុទ្ធជនកម្ពុជាខេត្តកំពង់ធំ ដោយបច្ចុប្បន្ន ផ្ទះ សាងសង់បាន ៩៥%…

(ភ្នំពេញ)៖ ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល កាលពីថ្ងៃទី១៥ ខែមករា ឆ្នាំ២០២៥ បានទទួលជួបពិភាក្សាការងារជាមួយ លោកស្រី Tania Meyer នាយកគ្រប់គ្រងនៃធនាគារពិភពលោក ប្រចាំកម្ពុជា នាទីស្តីការក្រសួងសុខាភិបាល ។ ឯកឧត្តមសាស្ត្រាចារ្យរដ្ឋមន្រ្តី បានស្វាគមន៍ និងថ្លែងអំណរគុណដល់ ធនាគារពិភពលោក ដែលបានសហការចូលរួមចំណែកគាំទ្រក្រសួងសុខាភិបាល ក្នុងការងារលើកកម្ពស់សុខភាពប្រជាជនកម្ពុជា តាមរយៈកិច្ចសហប្រតិបត្តិការអនុវត្តលើគម្រោងសុខាភិបាលនានា ។ លោកស្រី Tania Meyer នាយកគ្រប់គ្រងនៃធនាគារពិភពលោក ប្រចាំកម្ពុជា បានថ្លែងអបអរសាទរ ឯកឧត្តមសាស្ត្រាចារ្យរដ្ឋមន្ត្រី ដឹកនាំក្រសួងសុខាភិបាល ប្រកបដោយទស្សនៈវិស័យវែងឆ្ងាយដែលនាំឱ្យវិស័យសុខាភិបាល បានទទួលនូវសមិទ្ធិផលជាច្រើនគួរជាទីមោទនៈ ក្នុងរយៈពេលជាង១ឆ្នាំកន្លងមក ។ លោកស្រី បានជម្រាបជូន ឯកឧត្តមសាស្ត្រាចារ្យរដ្ឋមន្រ្តី អំពីលទ្ធផលការងារជាមួយ ក្រសួងសុខាភិបាល និងបញ្ហាប្រឈមដែលកំពុងកើតមានក្នុងការអនុវត្តគម្រោងនានា នាពេលបច្ចុប្បន្ន និងអនាគត ។ ឯកឧត្តមសាស្ត្រាចារ្យរដ្ឋមន្រ្តី បានសង្កត់ធ្ងន់ថា សមិទ្ធិផលទាំងឡាយក្នុងវិស័យសុខាភិបាល គឺជាការខិតខំប្រឹងប្រែងរបស់រាជរដ្ឋាភិបាល ក្រោមការដឹកនាំដ៏ឈ្លាសវៃ និងប៉ិនប្រសប់ប្រកបដោយគតិបណ្ឌិតរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី…

(ភ្នំពេញ)៖ ឯកឧត្តមឧបនាយករដ្ឋមន្ត្រី ហ៊ុន ម៉ានី បានប្រាប់ដល់សិស្សមន្ត្រី នៃសាលាភូមិន្ទរដ្ឋបាលថា “មន្ត្រីរាជការ ត្រូវអនុវត្តតាមគោលនយោបាយ របស់រាជរដ្ឋាភិបាល ហើយប្រជាជន ជាគោលដៅដែលយើងត្រូវ​តែនឹកឃើញ​ជាប្រចាំ។ “វិជ្ជាជីវៈ បេសកកម្ម របស់យើងធំជាងគេក្នុងនាមជាមន្ត្រីរាជការ គឺការផ្តល់សេវា និងការបម្រើប្រជាជន។” ឯកឧត្តម ឧបនាយករដ្ឋមន្ត្រី ហ៊ុន ម៉ានី រដ្ឋមន្ត្រីក្រសួងមុខងារសាធារណៈ បានលើក​ឡើងបែបនេះ កាលពីថ្ងៃទី១៥ ខែមករា ឆ្នាំ២០២៥ ខណៈអញ្ជើញ​ស្តាប់ការចូលរួមមតិយោបល់ និងបទពិសោធរបស់ សិស្សមន្ត្រី នៃសាលា​ភូមិន្ទរដ្ឋបាល ដែលបានឆ្លងកាត់ការប្រឡងប្រជែង និងជាប់ជាជ័យលាភី។ ក្រោយការសិក្សានៅសាលាភូមិន្ទរដ្ឋបាល សិស្សមន្ត្រីទាំង ២៣០រូប នឹងត្រូវ​ទៅចេញទៅបំពេញការងារតាមមូលដ្ឋានគោលដៅរាជធានី ខេត្ត ដែលខ្លួន​បានជ្រើសរើសរៀងៗខ្លួនក្នុងអំឡុងពេលដាក់ពាក្យចូលរួមប្រឡង ។ បន្ទាប់ពីបានស្តាប់មតិយោបល់ និងការចែករំលែកបទពិសោធ​របស់​សិស្ស​មន្ត្រី​រួចមក ឯកឧត្តមឧបនាយករដ្ឋមន្ត្រី បានលើកឡើងថា “បេក្ខជនគ្រប់ៗរូប ហាក់ដូចជាបានកំពុងចែករំលែកនូវមេរៀនជីវិត ដែលឆ្លងកាត់ការតស៊ូ ពុះពារ ខិតខំប្រឹងប្រែង រហូតសម្រេចបាននូវលទ្ធផលដ៏មានតម្លៃ ហើយក្លាយខ្លួន​ទៅ​ជា​សិស្សមន្ត្រីនៃសាលាភូមិន្ទរដ្ឋបាលមួយរូប ពោរពេញដោយសក្តានុពល និងជាមន្ត្រីរាជការប្រកបដោយគុណភាព។” ឯកឧត្តមឧបនាយករដ្ឋមន្ត្រី លើកឡើងបែបនេះ ដោយបានរម្លឹកដល់មេរៀន​ជីវិតដ៏មានគុណតម្លៃ របស់សម្តេចអគ្គមហាសេនាបតីតេជោ…

ព្រៃវែង៖លោកជំទាវបណ្ឌិតសភាចារ្យ ខ្លូត ធីតា ទីប្រឹក្សាផ្ទាល់សម្តេចធិបតី​នាយករដ្ឋមន្ត្រី បានអញ្ជើញ​បំពេញទស្សនកិច្ច​ជាលើកទី២ទៅកាន់​បណ្ណាល័យ​មេគង្គ-ឡានឆាង (ទី១) ដែលមានទីតាំងនៅសាលាបឋមសិក្សា​ព្រហារ នៃ​ភូមិ​ទ័ពស្តេច ឃុំច្រេស ស្រុកមេសាង ខេត្តព្រៃវែង។ ក្នុងដំណើរទស្សនកិច្ចកាលពីរសៀលថ្ងៃទី១៤ ខែមករា ឆ្នាំ២០២៥ លោកជំទាវ​បណ្ឌិតសភាចារ្យ ខ្លូត ធីតា បានបង្ហាញពី​គោលបំណងសំខាន់ចំនួន៤។ក្នុងនេះ ១.បង្កើនមិត្តភាពរវាងប្រជាជននិងប្រជាជនទាំងពីរ កម្ពុជានិងចិន ,ទី២.ពាំនាំ​នូវការ​នឹក​​រលឹកពីមជ្ឈមណ្ឌលប្រទេសចិនសម្រាប់បោះពុម្ព និងចែកផ្សាយ​សៀវភៅទៅកាន់បរទេស និង មូលនិធិសប្បុរសធម៌​សុខភាពសាធារណៈប៉េកាំង ដែលជាម្ចាស់ជំនួយក្នុងការកែលម្អបណ្ណាល័យនេះដល់សាលាបឋមសិក្សាព្រហារ ,ទី៣.​ចូលរួមលើកកម្ពស់អំណានរបស់សិស្សានុសិស្ស និងមហាជនទូទៅ​តាមរយៈការផ្តល់បន្ថែមនូវបរិមាណសៀវភៅអាន និងទី៤.ពិនិត្យឡើងវិញពី​លទ្ធភាពជួយបន្ថែមទៀតដល់ការអភិវឌ្ឍពុទ្ធិរបស់សិស្សានុសិស្សដូចជាការផ្តល់កាតាប និងសម្ភារៈកីឡា។ ទាក់ទងនឹងបណ្ណាល័យជនបទមួយនេះ លោក បឿក ធាង នាយកសាលា​បឋម​សិក្សាព្រហារ បានបញ្ជាក់​ថា បន្ថែមពីលើ​សិស្សដែលមានភារកិច្ចត្រូវចូល​អានសៀវភៅតាមការចាត់តាំងរបស់គ្រូបន្ទុកថ្នាក់ ក៏មានមហាជនជាពិសេស​អាណាព្យាបាល​ដែលជូនកូនរបស់ខ្លួនមកសាលារៀនប្រមាណ​ជាង១០០​នាក់ជារៀងរាល់ថ្ងៃឱ្យចូលមកអានសៀវភៅក្នុងបណ្ណាល័យនេះ។ ចំណែកមេឃុំច្រេស បានធ្វើការកត់សម្គាល់ថា ចាប់តាំងពីមានបណ្ណាល័យ​មេគង្គ-ឡានឆាង កុមារក្នុងឃុំច្រេសកាន់តែ​ច្រើន​បានក្លាយជាអ្នកអាន ហើយការសិក្សារបស់សិស្សកាន់តែល្អប្រសើរ រហូតទទួលបានការវាយតម្លៃខ្ពស់​ពីមន្ទីរអប់រំ យុវជន និងកីឡា​ខេត្តព្រៃវែងពីការ​សិក្សាល្អរបស់សិស្សានុសិស្សក្នុង​សាលាបឋមសិក្សាព្រហារថែមទៀត។ ឆ្លើយតបនឹងកំណើនការអានលោកជំទាវបណ្ឌិតសភាចារ្យបានបន្ថែមសៀវភៅសិក្សាចំនួន៣០០ក្បាលទៀតដល់បណ្ណាល័យ។បរិមាណសៀវភៅនេះ អាច​អនុញ្ញាតឱ្យសិស្សអាចខ្ចីយកទៅអានបន្ថែមទៀតនៅផ្ទះ។ ចំណែកលោក Liu Wenzhi តំណាងមូលនិធិPeace land ប្រចាំកម្ពុជា​បានសាទរពីចំណង​មិត្តភាពរវាងប្រជាជនកម្ពុជា​និងចិនតាម រយៈការបង្កើត​បណ្ណាល័យមេគង្គឡានឆាងចំនួន២កន្លែងនៅក្នុងប្រទេសកម្ពុជា​ដែលជាជំនួយ​របស់​មជ្ឈមណ្ឌលប្រទេសចិនសម្រាប់បោះពុម្ពនិងចែក​ផ្សាយសៀវភៅ​ទៅកាន់បរទេស និង…